Lajmet

​Mirëpritet marrëveshja për targa, kërkohet dinamizmi i procesit të dialogut

Pala kosovare dhe ajo serbe dje në Bruksel arritën marrëveshje për targa.

Published

on

Marrëveshja për targa e arritur mbrëmë po mirëpritet nga njohësit e dialogut Kosovë-Serbi, megjithatë kërkojnë që të dinamizohet procesi i dialogut për arritjen e marrëveshjes finale.

Hulumtuesi në Grupin për Studime Juridike dhe Politike(GLPS), Arbër Fetahu, thotë se dakordimi për targa vjen në moment të rëndësishëm, pasi në tavolinën e diskutimit është plani franko-gjerman, ku ekziston barazia apo njohja de-fakto ndërmjet shteteve.

“Marrëveshja që u arrit mbrëmë për targa, ky lloj dakordimi që po quhet për targa vjen në një moment të rëndësishëm për dialogun. Kemi në tavolinë publikisht një propozim nga Bashkimi Evropian, i mbështetur nga Franca dhe Gjermania që mëton të zgjidhë problemin mes Kosovës dhe Serbisë në një marrëveshje për normalizim, i cili ka disa pika dhe njëra ndër to është edhe një lloj barazie ndërmjet shteteve, apo njohje de-fakto për aq sa është parë në publik. Në këtë drejtim konsideroj se dakordimi i arritur mbrëmë është në funksion të dinamizimit të procesit, apo vazhdimit të negociatave bazuar në këtë propozim të BE-së dhe mbështetur nga ShBA-ja”, thotë ai.

Megjithëse e mirëpret arritjen e marrëveshjes, analisti politik Artan Muhaxhiri thotë se nuk ka qenë i nevojshëm “spektakli politik” i kryeministrit Albin Kurti gjatë kësaj jave. Sipas tij, marrëveshja e arritur mbrëmë nuk është që dallon nga ajo e së hënës, ku Kurti ishte në takim me presidentit serb, Aleksandër Vuçiq në Bruksel.

“E gjithë kjo performancë politike, ky spektakël nuk ishte aq i nevojshëm, pasi në fund arritëm në një pikë e cila nuk është larg fillimit. Nuk ishte ndonjë ndryshim shumë të madh në deklaratën përmbyllëse në marrëveshje. Duket se përfitimet nuk janë aq të mëdha nga eskalimi i situatës, acarimi i raporteve dhe nga një leksion i cili nuk do të mund të përsëritet më. Ai i krijimit të problemeve, aty ku realisht është një situatë e cila nuk do të duhej të ishte e tillë”, thekson Muhaxhiri.

Në anën tjetër, Fetahu nga GLPS thotë se në bazë të analizës që ia kanë bërë marrëveshjes, Kosova do të heqë dorë nga gjobitja për targat ilegale, kurse Serbia është pajtuar të mos lëshojë më targa KM.

Sipas tij, në ujdi përmendet edhe angazhimi i palëve për planin franko-gjerman për dialogun, si dhe implementimin e marrëveshjeve nga e kaluara, rrjedhimisht edhe formimit të asociacionit të komunave me shumicë serbe në Kosovë.

“Nga ajo çka analizuam dhe u diskutua edhe sot është se çështja qëndron se normalizimi i marrëdhënieve apo marrëveshja e madhe për normalizim dhe plani franko-gjerman do të jetë pjesë substanciale e diskutimeve në muajt të vijim… Kosova hoqi dorë nga një qëndrim i saj që ishte gjobitja apo largimi i të gjitha targave ilegale dhe vendosja në RKS. Po ashtu, edhe Serbia bëri një lloj koncesioni për të mos lëshuar targa me KM. Në këtë drejtim një lloj shtensionimi në terren ka ndodhur me dakordimin e mbrëmshëm”, shton ai.

Pala kosovare dhe ajo serbe dje në Bruksel arritën marrëveshje për targa. Kryenegociatorët e dy shteteve, Besnik Bislimi dhe Petar Petkoviq pas disa orë negociata në Bruksel arritën ujdinë, në ditën e fundit të afatit shtesë për marrëveshjen mbi targat, para se Kosova të fillonte dënimin e shoferëve me targa ilegale në veri.

Kryeministri i Kosovës, Albin Kurti, tha sot në Kuvend se me dakordimin për targa nuk është cenuar kurrfarë substance e shtetit të Kosovës.

Lajmet

MPJD thotë se e përmbylli me sukses evakuimin e disa shtetasve kosovarë nga Izraeli

Published

on

By

Ministria e Punëve të Jashtme dhe Diasporës e Kosovës (MPJD) njoftoi të mërkurën se e ka përmbyllur me sukses evakuimin e disa shtetasve të Kosovës nga Izraeli gjatë luftës 12-ditore mes Irani dhe Izraelit.

Ajo tha se ata u larguan në javën e parë të luftës përmes Jordanisë dhe Egjiptit, por nuk tregoi se sa ishte numri i kosovarëve të evakuuar nga Izraeli.

Procesi është realizuar në koordinim të afërt me autoritetet izraelite dhe ambasadat e Shqipërisë, Bullgarisë, Greqisë dhe Egjiptit në Izrael”, thuhet në njoftim.

Pas 12 ditëve bombardimesh të ndërsjella, Irani dhe Izraeli u pajtuan të hënën për një armëpushim të ndërmjetësuar nga presidenti i Shteteve të Bashkuara, Donald Trump.

Armëpushimi po zbatohet të mërkurën, një ditë pasi të dyja palët shpallën fitoren të martën pas 12 ditëve luftë, në të cilën SHBA-ja ndërhyri duke kryer bombardime në mbështetje të Izraelit për t’i shkatërruar objektet e Iranit për pasurimin e uraniumit.

MPJD-ja tha se po ndjek nga afër rastin e një shtetaseje të Kosovës që ndodhet në trajtim mjekësor në spitalin Soroka Medical Center në qytetin Beersheva, i cili ishte cak i një sulmi gjatë luftës së shkurtër.

Fatmirësisht, ajo nuk ka qenë e pranishme gjatë sulmit dhe ndodhet në gjendje të mirë shëndetësore. Ambasada e Kosovës në Izrael është në kontakt të vazhdueshëm me familjen e saj dhe po punon për realizimin e evakuimit të tyre sapo të krijohen kushtet përkatëse”, thuhet në njoftim.

Dhjetëra njerëz u plagosën nga sulmi në spitalin e Beershevës, i cili pësoi dëme materiale gjithashtu.

Ministria theksoi se një qytetar tjetër i Kosovës është tani në proces të largimit nga Izraeli përmes Egjiptit, me mbështetjen e Ambasadës kosovare.

Ajo tha se, sipas të dhënave të fundit të Ambasadës së Kosovës në Izrael, në territorin izraelit ndodhen edhe 13 qytetarë të tjerë të Kosovës, të cilët deri më tani nuk kanë shprehur dëshirë për t’u larguar.

Ministria tha se, duke qenë se “situata e sigurisë në Izrael vijon të përkeqësohet bën thirrje të gjithë qytetarëve të Kosovës që ndodhen në këtë territor të tregojnë kujdes maksimal dhe të qëndrojnë vetëm në zona të sigurta”.

Continue Reading

Lajmet

Bizneset në Ferizaj protestojnë për shkak të punimeve në zgjerimin e rrugës hyrëse

Published

on

By

Bizneset që operojnë në Komunën e Ferizajt kanë mbajtur sot një protestë për të shprehur pakënaqësitë e tyre në lidhje me mënyrën si po zhvillohet projekti “Zgjerimi i Rrugës në hyrje të Ferizajt”, i cili implementohet nga Ministria e Mjedisit, Planifikimit Hapësinor dhe Infrastrukturës (MMPHI).

Ata thanë se rreth këtij projekti, jo vetëm se bizneset nuk kanë informacione, por as komuna e Ferizajt nga MMPHI-ja.

Përfaqësuesi i bizneseve, Muharrem Mehmeti, u shpreh se mos qasja në autostradë e kësaj pjese të bizneseve ka dëmtuar në zhvillim ekonomik këtë pjesë.

Tutje, ai shtoi se kanë kontaktuar me kompaninë që ka kryer projektin, po nga ta është thënë se projekti nuk është i tyre pasi që nuk ka vulën dhe nënshkrimin e tyre dhe kjo ka ngrehur shqetësimet e tyre.

Ndërsa, drejtori ekzekutiv në AVONET, Kenan Gashi tha se kanë kërkuar në MMPHI që të kenë qasje në këtë projekt, por deri tani nuk kanë marrë ndonjë përgjigje.

Gashi, shtoi se kanë dyshime edhe për formën që është duke u realizuar, pasi që komuna nuk është e kyçur fare dhe nuk është e njoftuar për këtë projekt.

E avokati që po merret me këtë rast, Leutrim Himaj shtoi se kanë paraqitur kërkesë që të mos zhvillohen punimet, për shkak se së fundi ka një vendim të ri preliminar në lidhje me shpronësimin e kësaj zone, i cili është i paqartë për bizneset.

Bizneset deri më tani kanë dërguar dy padi, një në Gjykatën Themelore në Prishtinë, ne departamentin e çështjeve administrative dhe një në Gjykatën Supreme.

Continue Reading

Lajmet

Çeku flet për kandidaturën për kryetar të Prishtinës: Ende në fazën fillestare

Published

on

By

Ministri në detyrë i Kulturës, Hajrulla Çeku, flet për herë të parë për kandidimin e tij për kryetar të Komunës së Prishtinës nga partia e tij, Lëvizja Vetëvendosje.

Ai tha se aktualisht është i përqendruar në detyrat e tij si ministër dhe se procesi i kandidimit është ende në fazën fillestare.

Detyra ime primare është që të shërbejë si ministër në detyrë. Ne jemi në fazën krejt fillestare te shpalljes së kandidaturës për Komunën e Prishtinës. Zgjedhjet janë më 12 tetor. Fushata fillon një muaj para. Jemi vetëm në fazën fillestare. Unë vazhdojë të kryej detyrat e mia të përditshme në Ministrinë e Kulturës”, tha Çeku.

Continue Reading

Lajmet

Statovci: Të mos u bëjnë presion deputetëve, kanë pasiguri

Published

on

By

Deputetja nga radhët e partisë “Guxo”, e cila ka garuar në listën e Lëvizjes Vetëvendosje, Jeta Statovci tha se egoja e opozitës së deritanishme është më e lartë sesa interesi i Kosovës dhe konstituimi i Kuvendit. Sipas saj, po përdoret strategji sabotuese dhe bllokuese duke mos marrë pjesë në procesin e votimit në seancat konstituive që po mbahen çdo 48 orë.

Pas dëshmimit të seancës konstituive për herë të tridhjetë e shtatë, Statovci tha se mosvotimit i partive që deri tani ishin në opozitë është në kundërshtim me aktgjykimin e Gjykatës Kushtetuese.

Ne po e shohim që egoja e opozitës është më e lartë sesa interesi i Kosovës dhe konstituimi i Kuvendit. Andaj përmes një strategjie sabotuese dhe bllokuese nuk kemi pjesëmarrje të procesit të votimit. Ne kemi qenë vazhdimisht thirrës në sensin që të kemi pjesëmarrje të votimit qoftë përmes votës për, kundër, apo abstenimeve. Mirëpo, bie në kundërshtim edhe me aktgjykimin e Gjykatës Kushtetuese nëse vazhdohet në një proces tutje të mospjesëmarrjes nga akterët tjerë të opozitës në këtë proces të votimit”, tha Statovci.

Statovci para gazetarëve potencoi se janë në pritje të vendimit nga Gjykata Kushtetuese sa i përket procesit të seancës konstituive.

Siç tha ajo, partitë politike nuk duhet bërë presion ndaj deputetëve për të mos votuar. Sipas saj, tendenca për të bllokuar procesin, vjen pasi të njëjtat kanë pasiguri tek deputetët e tyre.

Ne jemi në pritje të vendimit nga ana e Gjykatës Kushtetuese e cila fillimisht duhet të deklarohet nëse e pranon këtë lëndë për trajtim dhe cili do të jetë epilogu tutje. Në mënyrë që të dalim nga një situatë e tillë dhe spektri politik i cili prehet nga partitë tjera opozitare…Unë besoj që duhet të mos imponojnë dhe të mos bëjnë presion ndaj deputetëve tyre, mirëpo të respektojnë gjykimin dhe integritetin e cilido deputetë. Tendenca e tyre për të bllokuar këta hapa nënkupton se kanë pasiguri në deputetë e tyre”, potencoi Statovci.

Sot, ka dështuar për të tridhjeteshtatën (37) herë konstituimi i Kuvendit të Kosovës. Seanca e radhës është caktuar të premten (më 27 qershor) në ora 11:00.

Continue Reading

Të kërkuara