Lajmet

​MAShTI: Po përpiqemi të arrijmë një marrëveshje në nivel regjional për njohjen e diplomave, po pengon Serbia

Pupovci tha se Qeveria është në fazën e marrjes së një vendimi se si do të veprohet në të ardhmen.

Published

4 years ago

on

Njohja e diplomave universitare mes Kosovës dhe Serbisë ende mbetet e pazbatueshme nga të dyja palët, ndonëse Kosova për 5 vite ka njohur 1 mijë e 800 diploma të palës tjetër. Në Ministrinë e Arsimit, Shkencës, Teknologjisë dhe Inovacionit (MAShTI) thonë se janë duke përpjekje që në nivel regjional të arrijnë marrëveshje rreth njohjes së diplomave mes të gjitha shteteve të Ballkanit Perëndimor.

Por zëvendësministri i Arsimit, Dukagjin Pupovci tha se është delegacioni i Serbisë që ka insistuar që në raportin Kosovë – Serbi të zbatohet Marrëveshja e Brukselit, gjë që nuk përbën zgjidhje.

Pupovci në një konferencë për medie lidhur me aktivitetet e zhvilluara përgjatë dy javëve të fundit tha se Qeveria e Kosovës është në fazën e marrjes së një vendimi se si do të veprohet në të ardhmen.

“Për këtë ekziston një marrëveshje e vitit 2012 (nëse nuk gaboj) dhe kjo marrëveshje ka vite që nuk zbatohet sepse përfshinë në vete edhe palën e tretë, Asosiacionin e universiteteve evropiane, i cili thjesht është tërhequr nga roli i vet dhe nuk pranon më që t’i certifikojë diplomat e njërës palë për nustrifikim të palës tjetër, prandaj edhe procesi ka mbetur peng i mungesës së palës së tretë. Jemi duke bërë përpjekje që në nivel regjional të arrijmë marrëveshje rreth njohjes së diplomave mes të gjitha shteteve të Ballkanit Perëndimor, por këtu më duhet të them se delegacioni i Serbisë në këto negociata ka insistuar që në raportin Kosovë – Serbi të zbatohet marrëveshja e Brukselit, që na sjellë në situatën kur faktikisht diplomat nuk mund të njiheshin, dhe nuk kishte asnjë kuptim që të lidhej një marrëveshje e tillë, aq më tepër kur nuk kemi problem me Maqedoninë, Malin e Zi”, tha ai.

Pupopvci në këtë konferencë foli edhe për prioritetet e MAShT-it dhe planet strategjike. Sipas tij, MAShTI karakterizohet me tri fjalë kyçe mbi të cilat veprohet: cilësi, gjithëpërfshirje dhe llogaridhënie në sistemin arsimor të Kosovës.

“Kur flasim për prioritetet, kisha dashur me u fokusu e ato janë: rritja domethënëse të pjesëmarrjes në edukimin e hershëm dhe përfshirjes në arsim përmes ndërtimit të çerdheve të reja dhe adaptimit të infrastrukturës ekzistuese, licencimit të mësimdhënësve, përmirësimit të cilësisë së teksteve shkollore, digjitalizimit dhe rritjes së besueshmërisë së testeve kombëtare; përmirësimin e cilësisë së arsimit… Në fushën e arsimit profesional, prioritet është përputhja e programeve në arsim profesional dhe në arsimin e lartë me nevojat e tregut të punës dhe përmbushja e standardeve të cilësisë, duke e mbështetur punën praktike”, tha Pupovci.

Zëvendësministri ka përmendur edhe njëherë pagesën e 32 zyrtarëve të nacionalitetit serbë, për të cilët, javën që shkoi gjatë raportimit në Komisionin Parlamentar për Mbikëqyrjen e Financave ka thënë se t’iu pezullohen pagat.

Sipas tij, pagat e tyre për muajin shkurt do të pezullohen me qëllim që të njëjtit të paraqiten te punëdhënësi dhe t’i pranojnë detyrat e tyre të punës ose të deklarohen se a dëshirojnë të punojnë. 

Related Topics:
Continue Reading

Lajmet

Arrestohet në Gjakovë i dyshuari për shtatë raste të vjedhjeve

Published

35 minutes ago

on

June 16, 2026

By

Policia e Kosovës ka arrestuar një person të dyshuar për përfshirje në shtatë raste të veprave penale kundër pasurisë në komunën e Gjakovës.

Sipas policisë, i dyshuari me inicialet B.K. dyshohet se është i përfshirë në pesë raste të veprës penale “Vjedhje e rëndë” dhe dy raste të veprës penale “Vjedhje”.

Hetimet kanë siguruar prova që e lidhin të dyshuarin me rastet e raportuara, të cilat kryesisht kanë të bëjnë me thyerje dhe hyrje me forcë në lokale afariste në lokacione të ndryshme të qytetit të Gjakovës. Objekt i vjedhjeve kanë qenë kryesisht paratë e gatshme.

Pas arrestimit, i dyshuari është intervistuar në prani të avokatit mbrojtës dhe, sipas policisë, ka pranuar përgjegjësinë për disa nga veprat penale për të cilat dyshohet.

Me vendim të Prokurorit të Shtetit, ai është ndaluar për 48 orë.

Policia e Kosovës ka theksuar se do të vazhdojë angazhimin në parandalimin dhe luftimin e kriminalitetit, si dhe në zbardhjen e rasteve penale me qëllim garantimin e sigurisë publike.

/A.K/

Continue Reading

Lajmet

17 shtete mirëpresin marrëveshjen SHBA-Iran, bëjnë thirrje për zbatim të shpejtë

Published

46 minutes ago

on

June 16, 2026

By

Një grup prej 17 shtetesh ka mirëpritur memorandumin e mirëkuptimit të shpallur ndërmjet Shteteve të Bashkuara dhe Iranit, duke e cilësuar atë si një mundësi për rikthimin e stabilitetit rajonal dhe mbështetjen e ekonomisë globale.

Në një deklaratë të përbashkët, Mbretëria e Bashkuar, Franca, Gjermania dhe Italia, së bashku me 13 shtete të tjera, përgëzuan SHBA-në, Iranin dhe ndërmjetësuesit, përfshirë Pakistanin dhe Katarin, për arritjen e këtij përparimi diplomatik.

Udhëheqësit theksuan se negociatat duhet të përfundojnë sa më shpejt dhe marrëveshja të zbatohet në mënyrë gjithëpërfshirëse, duke shprehur gatishmërinë për të mbështetur procesin.

Në deklaratë u bë thirrje edhe për rihapjen urgjente të Ngushticës së Hormuzit dhe rikthimin e lirisë së plotë të lundrimit, duke e konsideruar këtë një hap të rëndësishëm për stabilitetin ekonomik dhe tregtar.

Shtetet nënshkruese ritheksuan se Irani nuk duhet të zotërojë armë bërthamore dhe shprehën gatishmërinë për të bashkëpunuar me SHBA-në, Iranin dhe Agjencinë Ndërkombëtare të Energjisë Atomike (IAEA) për garantimin e këtij objektivi.

Po ashtu, ato deklaruan se janë të gatshme të shqyrtojnë heqjen e sanksioneve përkatëse nëse Irani ndërmerr hapa të qartë dhe të verifikueshëm lidhur me programin e tij bërthamor.

Nënshkruesit u zotuan të punojnë ngushtë me partnerët ndërkombëtarë dhe rajonalë për të ruajtur vrullin diplomatik dhe për të arritur një zgjidhje afatgjatë të konfliktit.

/A.K/

Continue Reading

Lajmet

Këmbësori goditet nga vetura pranë shkollës “Ismail Qemali” në Prishtinë

Published

49 minutes ago

on

June 16, 2026

By

Një person ka pësuar lëndime trupore pasi është goditur nga një veturë të martën paradite në Prishtinë.

Sipas Policisë, aksidenti ka ndodhur rreth orës 11:30 në rrugën “Enver Maloku”, pranë shkollës “Ismail Qemali”.

Zëdhënësi i Policisë për rajonin e Prishtinës, Enis Pllana, ka bërë të ditur se në aksident janë përfshirë një veturë dhe një këmbësor.

“Rreth orës 11:30 kemi pranuar informatën për një aksident trafiku me lëndime në rrugën Enver Maloku në Prishtinë. Në aksident janë përfshirë një veturë dhe një këmbësor. Sipas informatave fillestare, lëndime ka pësuar një person, i cili ka pranuar tretman mjekësor”, ka deklaruar Pllana.

Policia ka nisur hetimet për të sqaruar rrethanat e aksidentit.

/A.K/

Continue Reading

Lajmet

Jashari pret Atasheun e ri të Mbrojtjes së Mbretërisë së Bashkuar në Kosovë

Published

55 minutes ago

on

June 16, 2026

By

Komandanti i Forcës së Sigurisë së Kosovës, Gjenerallejtënant Bashkim Jashari, ka pritur në një takim mirëseardhës Atasheun e ri të Mbrojtjes së Mbretërisë së Bashkuar në Kosovë, Nënkolonel Denise McMahon.

Gjatë takimit, Jashari e uroi McMahon për detyrën e re dhe shprehu gatishmërinë për vazhdimin e bashkëpunimit të ngushtë ndërmjet Forcës së Sigurisë së Kosovës dhe Mbretërisë së Bashkuar.

Komandanti i FSK-së prezantoi të arriturat e deritanishme të forcës dhe planet për zhvillimin e mëtejmë, me theks të veçantë në trajnimet, stërvitjet, pajisjet dhe aktivitetet e përbashkëta bilaterale.

Nga ana tjetër, Nënkolonel McMahon vlerësoi progresin e FSK-së dhe profesionalizmin e personelit të saj, duke shprehur përkushtimin për vazhdimin dhe avancimin e bashkëpunimit ndërmjet Ushtrisë së Mbretërisë së Bashkuar dhe FSK-së.

Në përfundim të takimit, të dyja palët u pajtuan për thellimin e mëtejshëm të marrëdhënieve bilaterale, me fokus në zhvillimin e kapaciteteve ushtarake të Forcës së Sigurisë së Kosovës.

/A.K/

Continue Reading

Të kërkuara