Lajmet

​LVV kundër rezolutës së PDK-së për mbështetjen e Policisë së Kosovës

Ndërsa dy parti të tjera opozitare e mbështetën.

Published

3 years ago

on

Kuvendi i Kosovës nuk e ka përfshirë në rend të ditës rezolutën e Partisë Demokratike të Kosovës për mbështetjen e Policisë së Kosovës, e cila synonte që brenda dy javësh të prezantonte para Kuvendit projektligjin për pensionimin e parakohshëm, sigurimin shëndetësor dhe shtesat e rrezikshmërisë për policët. Të njëjtën nuk e përkrahi Lëvizja Vetëvendosje, ndërsa e mbështetën dy parti të tjera opozitare, LDK dhe AAK.

Shefi i Grupit Parlamentar të PDK-së, Abelard Tahiri tha se Kuvendi duhet të jetë unik në mbështetje të Policisë së Kosovës.

“Në emër të Grupit Parlamentar të PDK-së, ju propozoj që ta plotësojmë ndryshojmë rendin e ditës së kësaj seance. Ashtu siç ishim unikë para një jave, sot është e rëndësishme të jemi unik që pjesë e rendit të ditës së kësaj seance të jetë një rezolutë me të cilën do ta mbështesim Policinë e Republikës së Kosovës. Kjo Rezolutë përmban tri pika jashtëzakonisht të rëndësishme përmes të cilave Kuvendi i Kosovës dhe Qeveria hyjnë në një agjendë mbështetëse për Policinë e Kosovës. Me anë të kësaj rezolute, ne synojmë që ne si GP i PDK-së në një afat prej dy jave t’ia prezantojmë Kuvendit ligjin për pensionim të parakohshëm për Policinë e Kosovës, po ashtu do të kërkojmë që nga 1 janari i vitit 2024 të buxhetohen mjetet për sigurimin shëndetësor për policinë dhe e treta që është e rëndësishme të përmbushet obligimi sa i përket shtesave për rrezikshmërinë për policët e Kosovës”, tha ai.

Kërkesës së PDK-së nuk iu përgjigj pozitivisht shefja e Grupit Parlamentar të LVV-së, Mimoza Kusar-Lila e cila tha se kërkesat kanë implikime buxhetore dhe duhet një koordinim dhe diskutime të mëtutjeshme për të parë formën e mbështetjes ndaj Policisë së Kosovës.

“Kërkesat siç u prezantuan kanë implikime buxhetore edhe procedurë ligjore. Të diskutojmë që të kemi një aftëzim të mirëfilltë të kohës dhe agjendës legjislative. Ne gjithsesi qëndrojmë të gatshëm të kontribuojmë po ashtu janë edhe përfaqësuesit e qeverisë që të tregojnë për proceset që janë në vijimësi”, tha ajo.

Deputetët e PDK-së kërkuan që kjo pikë të vihet në rend dite në seancën e radhës.

Related Topics:
Continue Reading

Lajmet

Dua Lipa dhe Callum Turner në muaj mjalti në Itali pas dasmës madhështore

Published

12 minutes ago

on

June 11, 2026

By

Këngëtarja me famë botërore Dua Lipa dhe aktori Callum Turner po kalojnë muajin e mjaltit në Itali, pas një dasme luksoze që raportohet se ka kushtuar rreth 1.5 milionë paund.

Çifti është parë në hotelin e njohur “San Domenico Palace” në Taormina, pranë Catanias, si dhe duke shëtitur në qytetin piktoresk dorë për dore.

Sipas raportimeve, dasma është zhvilluar në Palermo dhe në Villa Valguarnera, me rreth 200 të ftuar, ku kanë marrë pjesë edhe emra të njohur të muzikës si Elton John, Charli XCX dhe Mark Ronson. Në ceremoni, Elton John ka interpretuar këngën “Your Song”.

Pas dasmës, çifti ka vijuar festimet dhe udhëtimet në jug të Italisë, duke shijuar ushqimin dhe kulturën lokale në disa qytete të Sicilisë./A.K/

Continue Reading

Lajmet

Rreth 23 mijë semimaturantë i nënshtrohen Testit të Arritshmërisë më 26 qershor

Published

17 minutes ago

on

June 11, 2026

By

Rreth 23 mijë nxënës të klasave të nënta do t’i nënshtrohen Testit të Arritshmërisë më 26 qershor, i cili edhe këtë vit do të organizohet në një ditë të vetme.

Nga Ministria e Arsimit është bërë e ditur se testi do të përfshijë katër grupe lëndësh, duke përfshirë gjuhën shqipe, gjuhën angleze, matematikën, informatikën, si dhe shkencat shoqërore e natyrore.

Qëllimi i testit është vlerësimi i njohurive dhe shkathtësive të nxënësve, ndërsa rezultatet do të shërbejnë për orientimin dhe regjistrimin e tyre në shkollat e mesme të larta.

Njohës të arsimit vlerësojnë se testi ka rol të rëndësishëm në orientimin e nxënësve, por theksojnë se duhet të përmirësohet mënyra e administrimit dhe analizës së rezultateve për të rritur efikasitetin e tij./A.K/

Continue Reading

Lajmet

Tri raste të dhunës në familje në Malishevë, Gjakovë dhe Graçanicë

Published

21 minutes ago

on

June 11, 2026

By

Tri raste të ndara të dhunës në familje janë raportuar në Malishevë, Gjakovë dhe Graçanicë, ku si pasojë janë arrestuar tre persona të dyshuar.

Në Malishevë, më 10.06.2026 rreth orës 16:30, është arrestuar një i dyshuar kosovar nën dyshimin se ka ushtruar dhunë psikike ndaj viktimës mashkull kosovar. Pas inicimit të rastit, me vendim të prokurorit i dyshuari është dërguar në mbajtje.

Në Gjakovë, në të njëjtën kohë, është arrestuar një i dyshuar mashkull kosovar pasi pas një mosmarrëveshjeje ka kanosur verbalisht viktimën mashkull kosovar. Pas intervistimit, me vendim të prokurorit, i dyshuari është dërguar në mbajtje.

Ndërsa në Graçanicë, më 10.06.2026 rreth orës 02:00, ankuesja kosovare ka njoftuar se i dyshuari kosovar ka ushtruar dhunë psikike ndaj saj. I dyshuari është arrestuar dhe pas inicimit të rastit, me vendim të prokurorit është dërguar në mbajtje./A.K/

Continue Reading

Lajmet

Aksident trafiku me fatalitet në Prizren, humb jetën biçiklisti

Published

25 minutes ago

on

June 11, 2026

By

Ka ndodhur një aksident trafiku mes një veture, të cilën e drejtonte një i dyshuar mashkull kosovar, dhe një biçiklete në rrugën “Faik Konica” në Prizren më 10.06.2026 rreth orës 09:58.

Si pasojë e aksidentit, drejtuesi i biçikletës, viktimë mashkull kosovar, ka pësuar lëndime të rënda trupore dhe është dërguar për trajtim mjekësor në QKUK, ku gjatë trajtimit ka ndërruar jetë.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërsa i dyshuari është arrestuar dhe dërguar në mbajtje.

Continue Reading

Të kërkuara