Lajmet

​Lutfi Haziri e humb garën për Gjilanin, i uron fitore kandidatit të Lëvizjes Vetëvendosjes

Haziri ka thënë se do të vazhdojë nga kapacitete të tjera politike të jetë i përfshirë në zhvillimin e qytetit të Gjilanit.

Published

5 years ago

on

Kandidati i Lidhjes Demokratike të Kosovës për kryetar të Gjilanit, Lutfi Haziri ka pranuar humbjen e kësaj komune duke i uruar fitore kundërkandidatit të tij, Alban Hyseni, i cili vjen nga radhët e Lëvizjes Vetëvendosje.

Pas publikimit të rezultateve preliminare nga Komisioni Qendror i Zgjedhjeve, Haziri i cili është kryetar aktual i Gjilanit, ka thënë se në kuvend komunal LDK është shumicë.

“Zgjidhën tashmë kryetarin e ri të cilin tashmë në emër të LDK dhe në emër tim e përgëzoj për rezultatin e arritur. Zotëri Alban Hysni do të jetë kryetar i zgjedhur i Gjilanit pasi që të konfirmohen rezultatet nga ana e KQZ-së dhe e ka urimin tim të parë si kryetar në detyrë. Nga nesër do të vazhdoj të ndërtoj ekipe për tranzicion sipas detyrës zyrtare duke qenë kryetar në detyrë do të përgatis të gjithë infrastrukturën dhe bartjen e detyrave sipas përgjegjësive që më takojnë”, ka thënë Haziri në një konferencë për media.

Haziri ka thënë se do të vazhdojë nga kapacitete të tjera politike të jetë i përfshirë në zhvillimin e qytetit të Gjilanit.

“Tanimë ai (qytetari) nuk e ka bërë askënd humbës në këtë qytet, LDK-së ia ka dhënë partinë e parë në Kuvend me shumicë të madh e cila do të vazhdon të punojë, të ndërtojë e të bashkëpunojë me të gjithë ata që e duan Gjilanin, ndërsa Vetëvendosjes ja ka besuar kryetari ne komunës”, ka shtuar Haziri.

Ai ka thënë se LDK është parti e parë larg Lëvizjes Vetëvendosje në kuvend komunal, duke shtuar se si parti e parë në kuvend do të bëjnë punën e tyre në të mirën e qytetit.

Haziri i LDK-së e ka humbur garën për Gjilanin me vetëm rreth 700 vota më pak se Hyseni i Lëvizjes Vetëvendosje, sipas rezultateve preliminare të KQZ-së.

Related Topics:
Continue Reading

Lajmet

Godet këmbësoren me veturë, arrestohet i dyshuari në Prishtinë

Published

10 minutes ago

on

September 23, 2026

By

Një person është arrestuar në Prishtinë pasi dyshohet se, gjatë drejtimit të veturës nga pakujdesia, ka goditur një këmbësore.

Rasti ka ndodhur më 22 shtator, rreth orës 12:50. Si pasojë e aksidentit, këmbësorja ka pësuar lëndime trupore dhe është dërguar për trajtim mjekësor në QKUK.

Në konsultim me prokurorin është iniciuar rasti, ndërsa i dyshuari është dërguar në mbajtje./A.K/

Continue Reading

Lajmet

Dy persona arrestohen në Kaçanik, dyshohet se keqpërdorën dy gra

Published

12 minutes ago

on

September 23, 2026

By

Dy persona janë arrestuar në Kaçanik, pasi dyshohet se kanë keqpërdorur dy gra.

Rasti është raportuar më 21 shtator, rreth orës 23:00. Viktimat janë intervistuar nga prokurori, i cili ka autorizuar hapjen e rastit.

Të dyshuarit janë identifikuar dhe arrestuar, ndërsa pas intervistimit, me vendim të prokurorit, janë dërguar në mbajtje./A.K/

Continue Reading

Lajmet

Shqiptarët protestojnë para OKB-së në New York kundër vendimit të Speciales

Published

15 minutes ago

on

September 23, 2026

By

Shumë shqiptarë janë mbledhur të martën para selisë së Organizatës së Kombeve të Bashkuara në New York, në protestë kundër vendimit të Gjykatës Speciale ndaj katër ish-krerëve të UÇK-së.

Protestuesit kanë mbajtur pankarta me mesazhe si “Drejtësi, jo politikë”, “Lironi heronjtë tanë” dhe “Heronj të luftës e të paqes”, duke kërkuar lirimin e Hashim Thaçit, Jakup Krasniqit, Kadri Veselit dhe Rexhep Selimit.

Protesta të ngjashme janë zhvilluar që nga 16 shtatori në Kosovë dhe në disa vende të tjera, përfshirë Kanadanë, Zvicrën, Gjermaninë dhe Austrinë.

Gjykata Speciale i dënoi Hashim Thaçin dhe Jakup Krasniqin me nga 25 vjet burgim, Kadri Veselin me 18 vjet dhe Rexhep Selimin me 13 vjet, pas shpalljes fajtorë për vepra të lidhura me krime lufte./A.K/

Continue Reading

Lajmet

OpenAI parashikon shpenzime prej 856 miliardë dollarësh deri në vitin 2030

Published

28 minutes ago

on

September 23, 2026

By

OpenAI parashikon fluks negativ të parasë së lirë prej rreth 278 miliardë dollarësh gjatë viteve 2026–2030, ndërsa përshpejton investimet në fuqinë kompjuterike dhe infrastrukturën e nevojshme për zhvillimin e inteligjencës artificiale, raporton Financial Times.

Sipas një prezantimi të kompanisë të siguruar nga Financial Times, OpenAI planifikon të shpenzojë rreth 856 miliardë dollarë për fuqi kompjuterike dhe infrastrukturë deri në fund të vitit 2030.

Në të njëjtën periudhë, kompania pret që të ardhurat vjetore të rriten nga rreth 36 miliardë dollarë në vitin 2026 në 350 miliardë dollarë në vitin 2030, ndërsa të ardhurat kumulative pritet të arrijnë rreth 840 miliardë dollarë.

OpenAI, e cila qëndron pas ChatGPT, ka siguruar 122 miliardë dollarë kapital në mars, por parashikimet e kompanisë sugjerojnë se këto fonde mund të shterojnë deri në vitin 2028, nëse vazhdon ritmi i planifikuar i shpenzimeve.

Ndërkohë, kompania është në bisedime për një raund të ri financimi që mund ta çojë vlerësimin e saj në mbi 1.2 trilionë dollarë.

Shifrat pasqyrojnë përmasat e investimeve që kërkon gara për zhvillimin e modeleve të avancuara të inteligjencës artificiale, veçanërisht për qendrat e të dhënave, çipat dhe kapacitetin kompjuterik./A.K/

Continue Reading

Të kërkuara