Sport

Liga e Kampionëve vjen sot me përballje gjigantësh

Ndeshje interesante do të zhvillohen sot në kuadër të Ligës së Kampionëve.

Published

2 years ago

November 1, 2022

Betim Gashi

Do të zhvillohen sot tetë ndeshjet e fundit nga grupet A,B,C dhe D të Ligës së Kampionëve.

Në shumicën prej këtyre katër grupeve situata është e qartësuar sa i përket dy skuadrave që do të vazhdojnë tutje në fazën e eliminimit direkt, por jo edhe në grupin D, atu ku të gjitha skuadrat, Tottenhami, Sportingu, Eintracht Frankfurti dhe Marselle kanë mundësi të barabarta për të vazhduar tutje.

Tottenhami e kryeson grupin me tetë pikë, i ndjekur nga Sportingu dhe Frankfurti me nga shtatë kurse Marselle ka gjashtë pikë në vendin e katërt. Sonte ballafaqohen Marselle me Tottenhamin dhe Sportingi me gjermanët e Eintacht Frankfurt.

Në kuadër të grupit C do të zhvillohet derbi ndërmjet Bayernit dhe Interi, me të dy skuadrat që tashmë kanë siguruar kalimin tutje kurse një sfidë tjetër interesante do të zhvillohet në grupin A ndërmjet Liverpoolit dhe Napolit, që po ashtu kanë siguruar vazhdimin për në fazën 1/16 të kësaj gare.

Këto janë të gjitha ndeshjet e mbrëmjes së sotme:

Bayer Leverkusen Club Brugge, ora 18:45

Porto-Atletico Madrid, ora 18:45

Ndwrsa nga ora 21:00 zhvillohen kwto ndeshje:

Porto-Atletico Madrid

Bayern-Inter

Liverpool-Napoli

Marselle-Tottenham

Plzen-Barcelona

Rangers-Ajax

Sporting-Frankfurt

Sport

Zyrtare: Bylbyl Sokoli sërish kryetrajner i Drenicës

Published

50 minutes ago

April 2, 2025

Albina Zeneli

Drenica e ka rikthyer Bylbyl Sokolin si kryetrajner të skuadrës.

Kjo u bë e ditur nga vet klubi drenicas, përmes një postimi në faqen e tyre në Facebook.

Kjo vjen pas largimit të Arsim Thaqit, i cili e kishte zëvendësuar pikërisht Bylbyl Sokolin, i cili ishte larguar nga ekipi pasi i kishte hyrë garës për deputet.

Reagimi i plotë i FC Drenicës:

Pas ndryshimeve në stafin drejtues, klubi ka arritur marrëveshje me trajnerin e ri që do ta udhëheqë ekipin në pjesën e mbetur të sezonit.

Bylbyl Sokoli, trajneri me përvojë të madhe në futbollin kosovar, zyrtarisht është emëruar si kryetrajner i ri i skuadrës.

Me një histori të pasur në zhvillimin e futbollit dhe drejtimin e skuadrave të njohura, besojmë se përvoja dhe vizioni i Sokolit do të jenë vendimtare për të ndihmuar klubin të arrijë objektivat e tij.

Sport

Granit Xhaka përplaset me tifozët e Leverkusenit pas eliminimit nga skuadra e Bundesliga 3

Published

3 hours ago

April 2, 2025

UBT NEWS

Mesfushori i Bayer Leverkusenit, Granit Xhaka, ka pasur një përplasje me tifozët e ekipit të tij pas eliminimit nga gjysmëfinalja e Kupës së Gjermanisë nga klubi i Bundesliga 3, Arminia Bielefeld.

Kalimi i Arminia Bielefeldit në finale ishte një befasi e madhe, ashtu siç ishte edhe eliminimi i Leverkusenit, që shihej si favorit absolut. Ekipi i Xhakës u mposht me rezultatin 2-1 në “Schuco Arena”, duke shkaktuar një tronditje te tifozët.

Ky eliminim ka shpërthyer zemërimin e tifozëve të Leverkusenit, të cilët kishin udhëtuar deri atje për të mbështetur ekipin e tyre dhe kërkuan llogari nga lojtarët pas humbjes. Xhaka, si një nga liderët e skuadrës, ka shkuar te tribuna e tifozëve për të kërkuar falje dhe për të diskutuar me ta.

Por, situata nuk ka kaluar pa tensione. Mesfushori është filmuar duke debatuar me tone të ashpra me disa tifozë, dhe momenti ka bërë xhiron e rrjeteve sociale. Kjo përplasje mes lojtarit dhe tifozëve ka shtuar edhe më shumë tensionin pas një humbjeje të papritur dhe të rëndë për Leverkusenin./UBTNews/

Sport

Federata e Basketbollit të Kosovës njofton për selektorët e rinj te grupmoshat e reja

Published

4 hours ago

April 2, 2025

Albina Zeneli

Janë emëruar përzgjedhësit e grupmoshave të reja të Përfaqësueses së Kosovës në basketboll për meshkuj.

Bordi i FBK-së, pas shqyrtimit të propozimit të paraqitur nga Drejtori i Përfaqësueseve të Kosovës për emërimin e trajnerëve të Përfaqësueseve të Reja (Meshkujt), ka marrë vendime.

Përzgjedhës i Kosovës U20 është emëruar Andin Rashica, ndërsa ndihmës trajnerë do të jenë Endrit Elshani dhe Egzon Uka.

Dion Pllana është caktuar përzgjedhës i Kosovës U18, me Defrim Hashanin si ndihmës trajner.

Përzgjedhës i Kosovës U16 është emëruar Gyltekin Selimi, ndërsa ndihmës trajnerë do të jenë Laurant Ibrahimi dhe Vigan Radoni.

Vendimi për emërimin e përzgjedhësve të rinj do të hyjë në fuqi nga data e miratimit nga Bordi i FBK-së.

Gjithashtu, shumë shpejt, Bordi i Federatës së Basketbollit të Kosovës pritet të emërojë edhe shtabet teknike të Përfaqësueses U16 dhe U18 për femra.

Sport

Golden State ‘fluturon’ me 52 pikët e Stephen Curry

Published

5 hours ago

April 2, 2025

UBT NEWS

Golden State Warriors arritën fitoren e tretë radhazi me një paraqitje mbresëlënëse nga Stephen Curry, i cili shënoi 52 pikë dhe mori 10 rebound, duke udhëhoqur skuadrën në fitoren 134-125 ndaj Memphis Grizzlies. Ky sukses e konsolidon ekipin e Golden State në vendin e pestë në Konferencën Perëndimore, duke u afruar më shumë me pozitat më të larta të renditjes.

Në ndeshjet e tjera, Milwaukee Bucks mundën Phoenix Suns 133-123, me Giannis Antetokounmpo duke realizuar 37 pikë dhe duke dhënë 11 asistime, duke e bërë të pavlefshme performancën fantastike të Devin Booker, i cili shënoi 39 pikë për Phoenix.

Minnesota Timberwolves arritën një fitore dramatike ndaj Denver Nuggets, duke mundur 140-139 në një ndeshje të zhvilluar në kohë shtesë. Anthony Edwards udhëhoqi Minnesota me 34 pikë, ndërsa Nikola Jokić shënoi 61 pikë, 10 rebound dhe 10 asist, por kjo nuk mjaftoi për të siguruar fitoren për Denver.

Rezultatet e tjera të ndeshjeve:

Atlanta Hawks – Portland Trail Blazers: 113-127

Milwaukee Bucks – Phoenix Suns: 133-123

New York Knicks – Philadelphia 76ers: 105-91

Chicago Bulls – Toronto Raptors: 137-116

Memphis Grizzlies – Golden State Warriors: 125-134

San Antonio Spurs – Orlando Magic: 105-116

Denver Nuggets – Minnesota Timberwolves: 139-140