Lajmet

​LDK: Qytetarët asnjëherë s’kanë qenë në pozitë më të pashpresë se tani

Bajrami tha se pako 100 milionë euro e ekzekutivit nuk do të ketë ndikim në përmirësimin e jetës së qytetarëve.

Published

on

Lidhja Demokratike e Kosovës (LDK) ka adresuar sot një sërë kritikash ndaj Qeverisë së Kosovës, duke thënë se qytetarët asnjëherë nuk kanë qenë në një pozitë më të pashpresë se tani.

Në një konferencë për medie, anëtarja e Kryesisë së LDK-së, Hykmete Bajrami, tha se pako 100 milionë euro e ekzekutivit nuk do të ketë ndikim në përmirësimin e jetës së qytetarëve.

“Pavarësisht trumbetimeve të Qeverisë për rritje ekonomike, qytetarët e vendit tonë asnjëherë nuk kanë qenë në një pozitë më të pashpresë se tani. S’ka artikull nga shporta e konsumatorit çmimi i të cilëve nuk është dyfishuar, pagat kanë mbetur të njëjta, derisa nuk ka përmirësim të shërbimeve. Në fakt në shumë sektorë ka përkeqësim të gjendjes. Qytetarët ndihen të diskriminuar, mjafton të kujtojmë konkursin e KEK-ut, ku fitues dolën vetëm anëtarët e familjarëve të komisionit përzgjedhës dhe eksponentët e familjarë të Lëvizjes Vetëvendosje”, tha Bajrami.

Shtesa prej 100 eurosh, sipas deputetes Bajrami më shumë do të ndihmojë tregtarët t’i mbajnë çmimet e larta të produkteve bazike.

“Me pakon 100 milionë euro, ku qeveria tenton të gjejë një zgjidhje për krizën la jashtë të papunët. Mos të harrojmë se numri i tyre është i lartë dhe kjo kategori sociale nuk është në gjendje të mirë ekonomike… Këto 100 euro nuk do të kenë ndikim në përmirësimin e jetës së qytetarëve, por do t’i ndihmojë tregtarët t’i mbajnë çmimet e larta edhe për një kohë”, tha ajo.

Bajrami adresoi edhe disa propozime për krizën ekonomike karshi Qeverisë Kurti.

“Është e domosdoshme heqja e tatimit mbi vlerën e shtuar për gjithë artikujt bazë. Kemi propozuar të hiqet akciza për të gjitha produktet e energjisë për një periudhë të caktuar kohore derisa të kalojë kriza dhe të fillojë të stabilizohet inflacioni. Kemi propozuar gjithashtu që qeveria të harmonizojë politika të favorshme tatimore, në mënyrë që të tërheqë investime të huaja dhe të krijojë vende të reja pune”, tha Bajrami.

Deputetja opozitare u shpreh kritike edhe për bllokimin, siç tha të institucioneve të pavarura, si Organit Shqyrtues të Prokurimit, Autoritetit Kosovar të Konkurrencës dhe Komisionit për Ndihmë Shtetërore. Ndërsa përsëriti se formimi i komisionit hetimor për energjinë është e drejtë kushtetuese e opozitës.

Lajmet

Kapet një grup shtetasish serbë duke kaluar ilegalisht kufirin në Dobrosin-Stublinë

Published

on

Njësitë policore të Kosovës kanë ndaluar një automjet me targa të Serbisë në zonën kufitare Dobrosin-Stublinë, pasi katër shtetas serbë, dy meshkuj dhe dy femra, kishin kaluar ilegalisht kufirin në territorin e Kosovës. Pas ndalimit, policia ka informuar prokurorin e shtetit dhe rasti do të trajtohet në procedurë të rregullt.

Motivet e hyrjes ilegale në Kosovë ende nuk janë të qarta, dhe autoritetet po vijojnë hetimet për të zbardhur rrethanat e ngjarjes.

Continue Reading

Lajmet

Hapet thirrja për aplikim për subvencione në bujqësi

Published

on

Ministria e Bujqësisë, Pylltarisë dhe Zhvillimit Rural ka njoftuar hapjen e periudhës së aplikimit për subvencione në bujqësi, duke filluar nga 3 prilli 2025. Përmes këtij programi, që do të mbështesë mbi 30,000 fermerë, synohet zhvillimi i sektorit të bujqësisë dhe forcimi i kapaciteteve të tij.

Afati për aplikimin për pagesa direkte/subvencione është deri më 2 maj 2025, në orën 16:00. Një nga risitë e këtij viti është përdorimi i ortofotove të vitit 2024, që do të përmirësojnë procesin e digjitalizimit të parcelave dhe kontrollin në terren. Ky përmirësim do të lehtësojë aplikimin dhe do të sigurojë një vlerësim më të saktë të gjendjes aktuale në terren.

Ky program përmban mundësi të rëndësishme për fermerët që duan të përfitojnë nga mbështetja financiare për zhvillimin e bujqësisë në vend.

Continue Reading

Bota

Numri i të vdekurve nga tërmeti në Mianmar kalon 3000

Published

on

Tërmeti shkatërrues që goditi Mianmarin më 28 mars 2025 ka lënë pas një pasojë tragjike. Deri tani, numri i të vdekurve ka arritur në 3,003, ndërsa 4,515 janë të plagosur dhe 351 të tjerë janë të zhdukur. Ky tërmet me magnitudë 7.7 ishte një nga më të fortët në rajon në 100 vitet e fundit dhe ka goditur një rajon me 28 milionë banorë, duke shkaktuar shembjen e ndërtesave dhe shkatërrimin e shumë komuniteteve.

Përpjekjet e shpëtimit janë bërë edhe më të vështira për shkak të parashikimeve të shiut josezonal, që mund të përkeqësojnë kushte për ata që janë ende nën rrënoja, sidomos në zonat më të goditura si Mandalay, Sagaing dhe Naypyidaw. Shiu i mundshëm mund të rrisë rrezikun e përmbytjeve dhe mund të vështirësojë mundësitë e gjetjes së të mbijetuarve që mund të jenë ende nën rrënoja.

Krahas përpjekjeve të autoriteteve të vendit, 1,900 shpëtimtarë nga 15 vende, përfshirë fqinjët dhe shtete si Kina, India dhe Rusia, kanë mbërritur për të ofruar ndihmë. Ndërkohë, 53 dërgesa ndihmash janë dorëzuar nga ajri për të ndihmuar në përballimin e nevojave emergjente të atyre që janë prekur nga katastrofa.

Në ndërkohë, një tjetër tragjedi ka goditur Tajlandën, ku një rrokaqiell në ndërtim u shemb, duke lënë 22 persona të vdekur dhe 72 të zhdukur. Shpëtimtarët po punojnë për të gjetur të mbijetuarit nën rrënojat e betonit të shembur.

Continue Reading

Bota

Mali i Zi mohon se ka lobuar në Interpol për Milorad Dodik

Published

on

Ministri i Punëve të Jashtme të Malit të Zi, Ervin Ibrahimoviç, ka mohuar kategorikisht pretendimet e Milorad Dodik, president i entitetit të Republika Srpska në Bosnje-Hercegovinë, se Mali i Zi ka lobuar në Interpol për të penguar lëshimin e një njoftimi të kuq për të. Ibrahimoviç e hodhi poshtë këtë akuzë si të pabazuar dhe të pa verifikuar, duke theksuar se nuk ka pasur asnjë angazhim nga Ministria e Punëve të Jashtme të Malit të Zi ose diplomatët e saj për të ndaluar një veprim të tillë.

Në reagimin e tij në rrjetin social X, Ibrahimoviç theksoi se Mali i Zi mbetet i përkushtuar ndaj parimeve të sundimit të ligjit, bashkëpunimit të fqinjësisë së mirë dhe respektimit të së drejtës ndërkombëtare. Ai kritikoi ashpër deklaratat e Dodik, duke i cilësuar ato si tentativë për të fituar pikë politike pa asnjë mbështetje faktike.

Continue Reading

Të kërkuara