Sport

​Ky ishte formacioni i Interit para 10 vitesh kur mori pjesë për herë të fundit në fazën e eliminimit direkt

“Nerazzurrët” kanë pritur prej 10 vitesh që nga hera e fundit që klubi arriti të kualifikohej në fazën e dytë të Ligës së Kampionëve.

Published

on

Interi i Simone Inzaghit është kualifikuar në fazën eliminatore të Ligës së Kampionëve për herë të parë që nga edicioni 2011-12 dhe në atë kohë ndeshja e tyre e fundit ishte kundër Olympique Marseille.

“Nerazzurrët” kanë pritur prej 10 vitesh që nga hera e fundit që klubi arriti të kualifikohej në fazën e dytë të Ligës së Kampionëve.

Ishte sezoni kur klubi zikaltër ndryshoi tre trajnerë si Gian Piero Gasperini, Claudio Ranieri dhe Andrea Stramaccioni në “Giuseppe Meazza”, madje zikaltërit arritën të dilnin nga grupi ku bënin pjesë edhe LOSC Lille, Trabzonspori dhe CSKA Moska.

Por gjithçka u ndërpre në raundin e 1/16-të kundër Olympique Marseille, i mposhti ata pas dy ndeshjeve të zhvilluara.

Ndeshja e dytë dukej se do të shkonte në vazhdime, pasi Diego Milito kishte kaluar në epërsi “Nerazzurrët” pas 75 minutash.

Por Brandaa shënoi një gol të rëndësishëm si mysafir në minutën e 92-të dhe goli nga penalltia i Giampaolo Pazzinit në minutën e 96-të nuk ishte i mjaftueshëm për të parë “Nerazzurrët” të kualifikoheshin në çerekfinale.

Ranieri ishte në krye të ekipit kur “Nerazzurrët” luajtën ndeshjen e tyre të fundit me eliminim direkt në Ligën e Kampionëve dhe që nga atëherë kjo skuadër ka ndryshuar gjithçka, duke përfshirë edhe formacionin startues.

Kjo ishte përbërja e Interit për ndeshjen kundër Marselle:

Inter (4-3-1-2): Julio Cesar; Maicon, Lucio, Samuel, Nagatomo; Poli (Cambiasso 74), Stankovic, Zanetti; Sneijder (Obi 58); Milito, Forlan (Pazzini 58)

Lajmet

​Yildiz: Nuk më pëlqen të krahasohem me Del Pieron

Published

on

Sulmuesi turk, Kenan Yildiz është gati për përballjen e madhe të Ligës së Kampionëve mes Real Madridit dhe Juventusit.

Yildiz që mban fanellën me numrin 10 te bardhezinjtë, foli për emocionet e tij në një intervistë për faqen zyrtare të UEFA-s, ku pranoi se është i motivuar nga pritshmëritë që ka publiku, por shtoi se nuk i pëlqejnë krahasimet.

“Jam vetvetja. Nuk dua të krahasohem me askënd.”, tha Yildiz.

Lidhur me ndeshjen në stadiumin Santiago Bernabeu, ai u shpreh:

“Është fantastike. Çdo fëmijë ëndërron të luajë në atë stadium. Tani kjo ëndërr është bërë realitet. Shpresoj të zhvillojmë një ndeshje të madhe.”/S.K/KP/

 

Continue Reading

Lajmet

​Deco: Nuk sjellim lojtar të rinj në janar

Published

on

Shefi i Barcelonës, Deco, thotë se nuk ka gjasa të shtojë lojtarë në skuadrën e tyre në janar dhe këmbëngul se ata do ta blejnë vetëm nëse detyrohen të shesin një lojtar gjatë merkatos së dimrit.

“Nuk e shoh nevojën për afatin kalimtar të janarit për momentin. Asnjë lojtar nuk ka kërkuar të largohet.”, ka thënë Deco.

Deco komentoi gjithashtu edhe për figurën e Lamine Yamal.

“Shpesh kemi tendencë të përqendrohemi te individualizmi, por është skuadra që fiton. Po flasim për një lojtar shumë të pjekur, një lloj tjetër lojtari që mund të përcaktojë një epokë. Duhet ta lëmë të qetë”, tha ai.

“Konteksti i tij ishte i ndryshëm; ai iu bashkua një ekipi që tashmë ishte fitues, me lojtarë të moshës 25 dhe 26 vjeç, dhe rritja e tij ka qenë më normale dhe progresive”, shtoi ai./S.K/KP/

Continue Reading

Lajmet

​Ish-lojtari i Real Madridit pëson goditje në tru

Published

on

Ish-futbollisti holandez, Royston Drenthe, ka pësuar një goditje në tru dhe aktualisht ndodhet nën kujdes mjekësor në spital.

“Të premten e kaluar, Royston Drenthe pësoi një goditje në tru. Ai po trajtohet dhe është në duar të sigurta. Familja e tij kërkon paqe dhe privatësi gjatë kësaj periudhe, për t’i mundësuar shërimin e plotë,” thuhet në njoftimin e klubit në Instagram.

Drenthe, i cili u konsiderua një prej talenteve më premtues të futbollit holandez, nuk arriti të përmbushte pritshmëritë pas transferimit te Real Madridi. Gjatë karrierës së tij ai ka luajtur në Spanjë, Angli, Rusi, Turqi dhe Emiratet e Bashkuara Arabe, ndërsa futbollin aktiv e përfundoi në Holandë në vitin 2019.

Lajmi është konfirmuar edhe nga FC Der Rebellen, ekipi i ish-lojtarëve profesionistë ku bën pjesë edhe 38-vjeçari.

Pas tërheqjes nga futbolli, Drenthe iu përkushtua muzikës dhe prej vitit 2023 punon si komentator në kanalin holandez Ziggo Sports./S.K/KP/

Continue Reading

Lajmet

Kombëtarja e femrave, Kosova publikon listën për dy ndeshjet e playoff-it

Published

on

Kombëtarja e Kosovës në futboll në kategorinë e femrave, do t’i zhvillojë dy ndeshjet vendimtare kundër Turqisë, në fazën e playoff-it në kuadër të Ligës së Kombeve.

Loja e parë do të zhvillohet në Prishtinë më 24 tetor derisa e dyta më 28 tetor në Izmir.

Trajneri Sami Sermaxhaj, e ka publikuar listën e futbollisteve të ftuar për këtë ndeshje jetike.

“Dardanet” në rast të fitores do të kenë mundësi të ngjiten në Ligen B./S.K/EO/

Continue Reading

Të kërkuara