Lajmet

​Kurti: Politikat rajonale duhet t’i heqin barrierat ekonomike, shoqërore dhe territoriale

MZHR thotë se kanë për synim rritjen e komunikimit me vendet e Ballkanit.

Published

4 years ago

on

Është mbajtur konferenca e parë vjetore me temën “Sfidat dhe perspektivat e zhvillimit rajonal në Ballkanit Perëndimor”. Derisa Ministria e Zhvillimit Rajonal (MZHR) thotë se kanë për synim rritjen e komunikimit me vendet e Ballkanit.

Në pjesëmarrjen e shumë ministrave të vendit e kryetarëve të komunave u fol për politikat e zhvillimit rajonal.

Kryeministri i Kosovës, Albin Kurti, tha se politikat e zhvillimit rajonal kanë për qëllim që të kontribuojnë në zhvillimin socio-ekonomik të vendin. Ai ka theksuar se politikat rajonale duhet të largojnë barrierat ekonomike , shoqërore por edhe ato territoriale.

“Politikat rajonale duhet t’i heqin barrierat ekonomike, shoqërore dhe territoriale. Në këtë mënyrë rajonet mund të bëhen më garuese të zhvillojnë ekonominë dhe të krijojnë vende të reja të punës. Është e vërtetë se globalizimi i ka dhënë hov të madh zhvillimit ekonomik, por edhe i ka rritur pa barazitë duke bërë që qytete dhe rajone të shumta periferike të qendrave të jenë në kërkim të kushteve më të mira të punës dhe të jetesës. Andaj në njërën anë na duhet intervenimi i shtetit me politika internuese, shpërndarëse dhe ri shpërndarëse në mënyrë që të mos kemi zhvillim të pa balancuar dhe ku të gjithë do të përfundojnë nga globalizimi dhe do të gëzojnë një standard të jetesës”, tha Kurti.

Ndërkaq, ministri i Zhvillimit Rajonal, Fitim Damka, potencoi se si ministri kanë për qellim rritjen e komunikimit me vendet anëtare, derisa shton se synim i tyre janë sfidat kyçe, koordinimi me përpjekjet e përbashkëta, dhe zgjerimi i pulsit socio ekonomik të vendeve.

“MZHR synon rritjen e komunikimit së bashkëpunimit me vendet e Ballkanit Perëndimor dhe vendet e BE-së dhe vendeve të tjera përmes ndarjes informacionit, politikave, legjislacionit, përvojave dhe praktikave në fushën e zhvillimit rajonal. Kemi për qëllim të shohim sfidat kyçe, t’i koordinojmë përpjekjet e përbashkëta, të zgjerojë pulsin socio-ekonomik të vendeve. Ministria e Zhvillimit Rajonal ka arritur të përgatisë orientime strategjike dhe të publikojë politika me ndikim me zhvillim rajonal të balancuar në Kosovë. Ka miratuar strategjinë për zhvillimin rajonal për periudhën 2020-2030 i cili synon të zvogëlojë dallimin socio-ekonomik ndërmjet ndarjes zhvillimore në Republikën e Kosovës”, tha ai.

Ndërkohë, konferenca e parë ndërkombëtare për zhvillimin rajonal do të zgjasë gjatë tërë ditës së sotme dhe gjatë ditës se nesërme.

Related Topics:
Continue Reading

Lajmet

Hamza refuzon ftesën e Kurtit: PDK rikonfirmon qëndrimin për të mbetur në opozitë

Published

9 hours ago

on

August 3, 2026

By

Kryetari i Partisë Demokratike të Kosovës, Bedri Hamza, ka refuzuar zyrtarisht ftesën për takim të dërguar nga lideri i Lëvizjes Vetëvendosje, kryeministri në detyrë Albin Kurti.

Përmes një letre kthyese drejtuar Kurtit, Hamza ka bërë të ditur se PDK-ja nuk do të jetë pjesë e takimeve konsultative, duke rikonfirmuar vendimin e partisë për të qëndruar në opozitë.

“Duke iu referuar takimit tonë të datës 10 korrik 2026 dhe qëndrimit publik të PDK-së, ju rikonfirmoj se, në rrethanat aktuale, qëndrimi ynë është që të vazhdojmë të qëndrojmë në opozitë”, thuhet në përgjigjen e Hamzës.

Përveç refuzimit të ftesës, kreu i PDK-së i ka bërë thirrje Kurtit që të kërkojë marrëveshje me subjektet e tjera politike për krijimin e institucioneve të reja. /E.A/

 

Continue Reading

Lajmet

Moska fajëson Ukrainën për shpërthimin vdekjeprurës në një restorant:

Published

9 hours ago

on

August 3, 2026

By

Rusia ka akuzuar Ukrainën për organizimin e një shpërthimi në një restorant luksoz në qendër të Moskës, nga i cili mbetën të vdekur pesë persona dhe u plagosën 19 të tjerë. Ngjarja ka nxitur dyshime të forta se shënjestra e sulmit ishte komandanti i lartë ushtarak rus, kolonel-gjenerali Aleksandr Chayko.

Ngjarja ndodhi të shtunën në mbrëmje pranë hyrjes së restorantit italian “Balzi Rossi”, i vendosur në një nga rrokaqiejt historikë të epokës së Stalinit në Sheshin Kudrinskaya. Sipas prokurorëve rusë, një grua e paidentifikuar që mbante një mjet shpërthyes të improvizuar u përpoq të hynte brenda, por u ndalua nga roja e sigurisë, çka çoi në shpërthimin e lëndës plasëse pak çaste më vonë në hyrje të objektit.

Përmes një deklarate zyrtare, Ministria e Jashtme e Rusisë e cilësoi ngjarjen si akt terrorist të udhëhequr nga Kievi, duke u shprehur se “tentakulat e përgjakshme të bandës terroriste të Zelenskyt kanë arritur deri te restoranti italian ‘Balzi Rossi’ në Moskë”.

Ndonëse autoritetet ruse nuk kanë publikuar emrat e viktimave apo shënjestrën e sulmit, blogerë ushtarakë pro-Kremlinit dhe media të pavarura raportojnë se mbledhja private organizohej për ditëlindjen e 55-të të gjeneralit Aleksandr Chayko. Pamjet e publikuara në rrjete sociale nga eventi tregonin sfondin me mbishkrimin “Aleksandr 55”.

Chayko, i cili ka udhëhequr më parë mësymjen ruse ndaj Kievit në vitin 2022 përpara se të merrte drejtimin e forcave ajrore-hapësinore, ka shpëtuar pa lëndime. Mirëpo, sipas kanalit informativ “VChK-OGPU”, nga shpërthimi në tarracën e restorantit ka mbetur i vrarë dhëndri i tij, Daniil Peredriy, ndërsa e bija, Maria, ka pësuar lëndime të rënda. /BBC/

Continue Reading

Lajmet

17-vjeçari nga Ferizaj gjen portofolin me mbi 2,600 euro e dokumente dhe e dorëzon në polici

Published

9 hours ago

on

August 3, 2026

By

Policia e Kosovës përmes një njoftimi ka bërë të ditur së një i ri 17-vjeçar me inicialet A.N nga fshati Bablak i Ferizajt është paraqitur vullnetarisht në stacionin policor pasi kishte gjetur një portofol pranë një pike karburanti në fshatin Lloshkobare.

Pas verifikimeve nga zyrtarët policorë, u bë i mundur identifikimi i pronarit, K.S., 40 vjeç nga Gjakova, të cilit iu kthyen të gjitha mjetet monetare në vlerë prej 2,435 eurosh e 270 frangash, së bashku me dokumentet e tij të identifikimit.

Drejtoria Rajonale e Policisë në Ferizaj ka shprehur falënderimin dhe vlerësimin e lartë për veprimin e A. Nuhës, duke e cilësuar ndershmërinë e tij si një shembull të shkëlqyer për të gjithë komunitetin. /E.A/

Continue Reading

Lajmet

IKShPK konfirmon 99 të prekur me fruth dhe apelon për vaksinim të menjëhershëm të fëmijëve

Published

10 hours ago

on

August 3, 2026

By

Instituti Kombëtar i Shëndetësisë Publike të Kosovës (IKShPK) ka nxjerrë një përditësim mbi situatën epidemiologjike në vend, ku njofton se nga 16 prilli deri më 3 gusht 2026 janë konfirmuar gjithsej 99 raste me fruth. Vetëm përgjatë javës së fundit janë regjistruar 21 raste të reja, duke shënuar një rritje të ndjeshme krahasuar me të njëjtën periudhë të vitit të kaluar, ku ishin raportuar 65 raste.

Sipas të dhënave të institutit, vatrat kryesore të infeksionit mbeten Prishtina me 33 raste dhe Fushë-Kosova me 25 raste, të ndjekura nga Ferizaj me 12 dhe Kaçaniku me 7 raste. Rastet e tjera janë shpërndarë në numër më të vogël në komunat si Drenas, Lipjan, Obiliq, Gjilan, Skenderaj, Shtime, Vushtrri, Deçan, Graçanicë, Podujevë, Shtërpcë dhe Viti.

Për shkak të shkallës së lartë të infektueshmërisë dhe rrezikut nga komplikimet e mundshme, IKShPK u ka bërë thirrje të gjithë prindërve dhe kujdestarëve që të verifikojnë kartelat e vaksinimit dhe të sigurojnë imunizimin e fëmijëve në Qendrat e Mjekësisë Familjare sipas kalendarit të rregullt. Po ashtu, instituti u bën apel qytetarëve që me shfaqjen e simptomave të para — si temperaturë e lartë, skuqje në lëkurë, kollë apo rrufë — të paraqiten menjëherë për kontroll në institucionet shëndetësore. /E.A/

Continue Reading

Të kërkuara