Lajmet

​Kurti përmend emrat e organizatorëve të protestave të dhunshme

Në seancën e Kuvendit, Kurti ka përmendur edhe personat e maskuar në protestën në Zveçan.

Published

on

Kryeministri i Kosovës, Albin Kurti, ka përmendur emrat e atyre që sipas tij janë organizatorët e trazirave në veri të vendit. Kurti ka thënë se rolin kryesor në organizimin e protestuesve në teren janë duke e kryer anëtarët e formacionit ilegal të së ashtuquajturës mbrojtje civile dhe ish pjesëtarë të Policisë së Kosovës.

Kurti ka thënë se protestat u kanë shërbyer institucioneve të Kosovës që të bëjnë identifikime të vlefshme.

“Millorad Jeftiq është njëri nga drejtuesit e këtij formacioni ilegal, shtëpia e tij në Zveçan është shndërruar në bazë qëndrimi të drejtuesve të kësaj strukture ilegale, gjithashtu ka prezencë të madhe të përfaqësuesve politik të Listës Serbe në atë shtëpi, ata janë duke punuar në mobilizimin e strukturave atje për prezencë sa më të madhe para objekteve komunale dhe duke orkestruar sulme të ardhshme. Miqko Jeftiq, pjesëtar i formacionit ilegal të ashtuquajtur mbrojtje civile në Zveçan, bashkë me të, Rajko Jeftiq ish këshilltar i Listës serbe në Zveçan dhe ish drejtor në Komunën e Zveçanit, babai i Miqko Jeftiq. Danillo Josifoviq, i njohur me nofkën Perki, gjithashtu pjesëtar i formacionit ilegal i mbrojtjes civile. Lilijana Aksentijoviq zëvendës e kryetarit të ashutuquajtur organ i përkohshëm në Zveçan ka urdhëruar të gjithë punëtorët e komunës ilegale të Zveçanit që në 6:30 të dalin para komunës. Personat që po i shohim të maskuar në video dhe fotografi, janë të udhëhequr nga ish kapiteni i Policisë së Kosovës Aleksander Filipoviq, që shtirej se është integruar në shtetin tonë, ky është perosni kryesor që po i drejton ata. Më 29 maj të këtij viti e ka rrahur një qytetar serb në Leposaviq, pasi që ai ka qenë duke inicuar me telefon”, ka thënë Kurti.

Në seancën e Kuvendit, Kurti ka përmendur edhe personat e maskuar në protestën në Zveçan.

“Personat e maskuar që ishin pjesë e protestës së dhunshme në Zveçan janë: Nikolla Axhiq, ka hedhur koktej molotovi në Zveçan dhe është pjesëtar i organizatës kriminale serbe Servena Brigada, Milan Zhivkoviq po ashtu pjesëtar i të nejtës organizatë, Danillo Kripokaviq, Jovica Llazoviq, Nikolla Radominoviq, vëllezërit Stefan dhe Dejan Medelkoviq. Kjo organizatë kriminale në rrjetet sociale ka postuar lajm që pjesëtarë të grupit mercenar rus Ëagner kanë arritur në Kosovë. Po ashtu i njohur për lidhjet e tij me këtë grup paramilitar rus është edhe Damjan Knezhviq i cili e drejton organizatën djathtiste Patrollat e Popullit, edhe ky ka paralajmëruar ardhjen e një grupi prej 50 personave nga Serbia në Kosovë”, ka thënë ai.

Shefi i ekzekutivit ka përmendur edhe personat që sipas tij janë të përfshirë në sulm ndaj KFOR-it.

“Personat e tjerë të përfshirë në sulm ndaj KFOR-it, sepse është mirë që edhe vendorët edhe ndërkombëtarët t’i dinë këta emra, se nuk i ka sulmuar populli serb, i kanë sulmuar milicia fshiste, Vladimir Radivojeviq, i cili ka njohje të drejtpërdrejt me presidentit Vuciq, Danil Gjukiq, bashkë me një grup personash jkanë gjuajtur shok bomba, këta janë pjesë e grupit të Milan Radojiqiqit, të nohur për ndikim dhe veprimtari kriminale, Millosh Gjykiq, vëllai i Danelit, këta dy vëllezër kanë raporte shoqërore me djalin e presidentit Vuciq, Milan Jugosllav Tomiq, i lindur në Obliqi e me banim në komunën veriore të Mitrovicës ka marrë pjesë në shpimin e gomave të autoblindave të Policisë së Kosovës, Milan Joviq, pjesëtar i formacionit ilegal të quajtur mbrojtja civile më 31 mars bashkë me një grup ka shkuar për trajnim në përdorimin e armës në Rashkë të Serbisë, më tej Peter Millosheviqi, Dejan Jeftiq, Niklolla Baldini, Milan Zhvikoviq, Vuk Brankoviq, Lluka Vlaskoviq, Bozhidar Todoroviq, dhe Radisha Denoviq”, ka thënë ai.

Kurti gjithashtu ka përmendur personin që sipas tij ka shërbyer truprojë e nënkryetarit të Listës Serbe, Igor Simiq.

Fotografia që mori vëmendjen e rrjeteve sociale ishte ajo e Daniel Shmigiqit, i cili ka qenë me basë edhe tash është shofer dhe truprojë i nënkryetarit të Listës Sebre, Igoq Simiq. Daniel Shmigiq, ka ushtruar sulmin ndaj ushtarëve të KFOR-it. A e kuptoni se me çfarë kemi të bëjmë, me milici fashiste dhe për këtë përballje Policisë së Kosovës i duhet Qeveria e Republikës së Kosovës, e ka. Policisë së Kosovës i duhet Kuvendi i republikës ju tregoni a e ka, Policisë së Kosovës i nevojitet populli i Kosovës, e ka, pra është në dorën tonë kjo fitore e radhës për sundim të ligjit dhe kushtetueshmëri, polica jonë ka nevojë për mbështetje, jepjani këtë mbështetje. Jepjani këtë mbështetje policisë së republikës e cila është në vijë froni me milicinë fashistë, nuk jemi kundër serbëve, i kemi ftuar të kthehen në institucione, u kemi thënë merrni pjesë në proces demokratik. Mirëpo gabimi kardinal të Listës Serbe që i bojkotoi zgjedhjet, nuk duhet ta paguajë republika jonë por Lista Serbe”, ka theksuar ai.

Lajmet

Kusari-Lila: Të dielën seanca e jashtëzakonshme për Qeverinë, ftesa është dërguar tashmë tek të gjithë deputetët

Published

on

By

Në Kuvendin e Kosovës të dielën, më 26 tetor, do të mbahet seanca për votimin e Qeverisë së re të Kosovës.

Shefja e Grupit Parlamentar të Lëvizjes Vetëvendosje, Mimoza Kusari – Lila, konfirmoi për Telegrafin se ftesa tashmë është dërguar tek të gjithë deputetët për seancë të jashtëzakonshme.

Po, kemi bërë kërkesë dhe tashmë është dërguar ftesa tek të gjithë deputetët për seancë të jashtëzakonshme për të dielën, ora 10:00, me një pikë të rendit të ditës: Zgjedhja e Qeverisë së Republikës së Kosovës”, tha ajo.

Më 11 tetor, presidentja e Kosovës, Vjosa Osmani, e ka mandatuar liderin e Lëvizjes Vetëvendosje (LVV), Albin Kurti, që të formojë Qeverinë e re të vendit, tetë muaj pas mbajtjes së zgjedhjeve të përgjithshme.

Derisa kanë mbetur edhe dy ditë afat për ta paraqitur përbërjen e re të Qeverisë, deri më tani nga LVV nuk është ndërmarrë asnjë hap konkret.

Nuk është raportuar për ndonjë takim apo negociatë me subjektet e tjera politike që do të mundësonte ndërtimin e një koalicioni qeverisës.

Kjo, pasi LVV-së i nevojiten të paktën 61 vota në Kuvend për të formuar Qeverinë, ndërsa në zgjedhjet e 9 shkurtit, kjo parti ka siguruar 48 ulëse./EO

Continue Reading

Lajmet

Në Kroaci po futet shërbimi i detyrueshëm ushtarak, parlamenti voton pro

Published

on

By

Parlamenti kroat sot, me 84 vota pro, 30 abstenime dhe 11 kundër, ndryshoi Aktin e Mbrojtjes, duke konfirmuar kështu rikthimin e trajnimit bazë ushtarak të detyrueshëm.

Stërvitja bazë ushtarake (TVO) do të zgjasë dy muaj, thirrjet e para do të fillojnë deri në fund të vitit, dhe rekrutët e parë në kazermat në Knin, Slunj dhe Pozhega priten në fillim të vitit të ardhshëm. Siç është njoftuar nga Ministria e Mbrojtjes, është planifikuar të thirren rreth 4,000 rekrutë çdo vit, të ndarë në pesë breza.

Të gjithë të rinjtë 18-vjeçarë janë të regjistruar në regjistrin ushtarak dhe do të dërgohen në stërvitje ushtarake në vitin kalendarik kur të mbushin 19 vjeç. Rekrutët do t’i nënshtrohen një kontrolli mjekësor para stërvitjes për të përcaktuar nëse janë të aftë për stërvitje ushtarake dhe Ministria e Mbrojtjes deklaron se kjo do të organizohet sa më afër vendbanimit të rekrutëve për ta bërë më të lehtë aksesin për pjesëmarrësit.

Ekzaminimi përcakton aftësinë mjekësore të një rekruti potencial, njoftoi Ministria e Mbrojtjes, duke shtuar se ata që i nënshtrohen shërbimit ushtarak mund të dërgohen për stërvitje ose të marrin një shtyrje të përcaktuar me ligj deri në fund të vitit të 29-të të jetës, ose të përjashtohen nga detyrimi sipas kushteve dhe mënyrës së përcaktuar me ligj.

Përjashtimisht, rekrutët mbi moshën 19 vjeç dhe deri në moshën 30 vjeç mund të dërgohen edhe në stërvitje ushtarake, pasi shërbimi mund të shtyhet në rastin e studimit dhe për atletët që të marrin pjesë në kampionatet botërore dhe evropiane./EO

Continue Reading

Lajmet

​Trump thotë se tregjet e aksioneve amerikane janë ‘më të forta se kurrë më parë’ falë tarifave

Published

on

By

Presidenti i SHBA-së, Donald Trump, tha të premten se tregjet e aksioneve amerikane janë “më të forta se kurrë” falë tarifave që ai ka vendosur që kur u kthye në Shtëpinë e Bardhë në fillim të këtij viti.

Bursa e Nju Jorkut ka pasur një periudhë të vështirë me ulje-ngritje në gjashtë muajt që nga njoftimi i tarifave të Trump në prill.

Pavarësisht disa pengesave, tre indekset kryesore fituan në periudhën gjashtëmujore, duke arritur gjithashtu nivele rekord. Indeksi Doë Jones u rrit me më shumë se 17%, indeksi i përbërë Nasdaq u rrit me 34% dhe S&P 500 u rrit me 23%.

Në një postim të veçantë, presidenti theksoi se vendi “Është përsëri i pasur, i fuqishëm dhe i sigurtë kombëtarisht, të gjitha fal tarifave”.

Shumë ekonomistë argumentuan se tarifat janë të dëmshme, joproduktive dhe kanë rritur çmimet, duke dëmtuar konsumatorin amerikan, si dhe bizneset.

– Gjykata Supreme e SHBA-së do të shqyrtojë çështjen e tarifave

Trump u ndal edhe te çështja e tarifave para Gjykatës Supreme të SHBA-së, duke e quajtur atë “çështja më e rëndësishme që ka arritur në gjykatë ndonjëherë”, shkruan AA.

Gjykata Supreme ka caktuar datën 5 nëntor për të dëgjuar argumentet nëse Trump i përdori ligjërisht fuqitë e emergjencës për të vendosur tarifa gjithëpërfshirëse në të gjithë botën.

Në gusht, një gjykatë federale e apelit vendosi 7-4 se Trump tejkaloi autoritetin e tij sipas Aktit Ndërkombëtar të Fuqive Ekonomike të Emergjencës, një ligj i vitit 1977 që lejon sanksione ekonomike kundër kërcënimeve “të pazakonta dhe të jashtëzakonshme”.

Disa vendime të gjykatave më të ulëta, përfshirë një të 29 gushtit nga Gjykata e Apelit e SHBA-së për Qarkun Federal, arritën në përfundimin se Trump tejkaloi në mënyrë të paligjshme autoritetin e Kongresit për të vendosur tarifa të larta mbi importet nga shumë vende./KP

Continue Reading

Lajmet

​Trump përqesh kundërshtimin e Putinit ndaj sanksioneve të reja të SHBA-së ndaj Rusisë

Published

on

By

Presidenti i SHBA-së, Donald Trump, e kritikoi ashpër vendimin e Vladimir Putin për mospranimin e sanksioneve të reja të SHBA-së ndaj dy kompanive më të mëdha të naftës në Rusi, duke sugjeruar se presidenti rus së shpejti do ta ndiejë dhimbjen ekonomike.

Jam i lumtur që ai ndihet kështu“, u tha Trump gazetarëve të enjten në Shtëpinë e Bardhë. “Kjo është mirë. Do t’ju njoftoj pas gjashtë muajsh. Në rregull, le të shohim. Le të shohim se si do të shkojë gjithçka”.

Më herët të enjten, Putin i përshkroi sanksionet ndaj Rosneft dhe Lukoil si një “akt jo miqësor”, por minimizoi ndikimin që do të kishte ky veprim në ekonominë ruse.

Ato janë serioze në natyrë dhe do të kenë pasoja të caktuara, por nuk do të kenë një ndikim të rëndësishëm në shëndetin e ekonomisë sonë“, tha ai, transmeton AA.

SHBA-të i vendosën sanksionet të mërkurën për shkak të asaj që e quajti “mungesë të angazhimit serioz” të Moskës ndaj një procesi paqeje për t’i dhënë fund luftës në Ukrainë.

Departamenti i Thesarit tha në një deklaratë se masat synojnë sektorin e energjisë të Rusisë për të “degraduar aftësinë e Kremlinit për të mbledhur të ardhura për makinën e saj të luftës” dhe për të “mbështetur ekonominë e saj të dobësuar”.

Tani është koha për të ndaluar vrasjet dhe për një armëpushim të menjëhershëm”, tha Sekretari i Thesarit Scott Bessent në deklaratë.

Duke pasur parasysh refuzimin e Presidentit Putin për t’i dhënë fund kësaj lufte të pakuptimtë, Thesari po vendos sanksione ndaj dy kompanive më të mëdha të naftës në Rusi që financojnë makinën e luftës së Kremlinit. Thesari është i përgatitur të ndërmarrë veprime të mëtejshme nëse është e nevojshme për të mbështetur përpjekjet e Presidentit Trump për t’i dhënë fund një lufte tjetër”, tha Bessent.

Njoftimi erdhi vetëm një ditë pasi një zyrtar i Shtëpisë së Bardhë konfirmoi se një takim i dytë i planifikuar midis Trump dhe Putin ishte pezulluar.

Trump tha më 16 tetor se takimi do të zhvillohej brenda dy javësh, dhe ndërsa shkaku i ndryshimit të qëndrimit nuk dihej menjëherë, ai erdhi pas refuzimit të Kremlinit për një armëpushim të menjëhershëm në Ukrainë të kërkuar nga presidenti i SHBA-së./KP

Continue Reading

Të kërkuara