Lajmet

​Kurti: Në Kosovë respektohen liritë fetare

Sipas tij, ndryshimi i ligjit për Liritë Fetare ka për qëllim të ruajë dhe promovojë pluralizimin fetar.

Published

on

Kryeministri i Kosovës, Albin Kurti gjatë dëgjimit publik të projektligjit për Liritë Fetare tha se në Kosovë respektohen liritë fetare.

Sipas tij, ndryshimi i ligjit për Liritë Fetare ka për qëllim të ruajë dhe promovojë pluralizimin fetar dhe t’u ofroj bashkësive fetare mundësinë për t’u regjistruar zyrtarisht edhe nëse ato bashkësi janë të vogla të gëzojnë të drejta të plota. Këto ndryshime sipas Kurtit dëshmojnë seriozitetin e qeverisë për aspektin e respektimit të bashkësive fetare.

Kryetari i Kuvendit të Kosovës, Glauk Konjufca u shpreh se Kosova respekton liritë fetare dhe kjo është e koduar përmes kushtetutës sonë dhe ligjit që ka qenë tash për lirit fetare qe po ndryshohet. Konjufca tha po ashtu se ndryshimet e propozuara nga Qeveria e Kosovës në këtë projektligj parashohin përmbushen e asaj qe ka munguar gjithmonë qe ka të bëjë me statusin juridik të bashkësive fetare, si dhe përcakton kriteret për regjistrim të bashkësive.

E ambasadori i Shteteve të Bashkuara të Amerikës, Jeff Hovenier kërkoi që përfaqësuesit e bashkësive fetare qe po marrin pjesë në këtë takim të kërkojnë të drejtat e tyre. Ai nuk u pajtua me vendosjen e kriterit për tu regjistruar si bashkësi për çka tha se duhet të hiqet numri i madhësisë. Ndërsa theksoi se në Kosovë ka munguar edhe aspekti i statusit juridik të bashkësive fetare.

Në këtë takim ishte paraparë të merrte pjesë edhe presidentja e Kosovës, Vjosa Osmani, por që nuk ishte e pranishme.

Lajmet

Nait Hasani njofton se nuk do të marrë pjesë në seancën konstituive të Kuvendit

Published

on

By

Deputeti i Partisë Demokratike të Kosovës, Nait Hasani, ka bërë të ditur se nuk do të jetë prezent në seancën konstituive të Kuvendit të Kosovës. Ai tha se është i angazhuar në përgatitjet për Konventën e PDK-së dhe nuk parashikon ndonjë zhvillim të ri në procesin parlamentar.

“Rutinë është e njëjtë, seriali është i njëjtë, vetëm episodet po ndryshohen, nuk ka ndryshime. Në dorë të Zotit dhe Gjykatës Kushtetuese,” tha Hasani.

Continue Reading

Lajmet

Haxhiu: Nuk pres zhvillime të reja në seancën e radhës të Kuvendit

Published

on

By

Deputetja e Lëvizjes Vetëvendosje, Albulena Haxhiu, ka thënë se nuk pret ndonjë ndryshim apo zhbllokim të situatës në seancën e ardhshme të Kuvendit të Kosovës. Sipas saj, opozita nuk ka shfaqur asnjë qëndrim të ri që do të mundësonte përparim në procesin parlamentar.

“Nuk kam parë ndonjë qëndrim ndryshe nga opozita, prandaj edhe sot do të jetë situata e njëjtë, fatkeqësisht,” tha Haxhiu.

Continue Reading

Lajmet

Qalaj: Zgjidhja e ngërçit në Kuvend varet nga propozimi i një kandidati të pranueshëm

Published

on

By

Deputeti i PDK-së, Rashit Qalaj, deklaroi se ngërçi institucional në Kuvendin e Kosovës mund të tejkalohet nëse partia me më së shumti ulëse propozon një kandidat tjetër që të jetë i pranuar nga spektri politik.

“Problemi në Kuvend mund të zgjidhet në momentin që partia fituese propozon dikë tjetër, që të jetë i pranueshëm për partitë e tjera. PDK-ja ka dhënë propozimet e veta dhe po punon që të evitojë një situatë ku kandidati i propozuar nuk do të përfaqësonte unitetin e nevojshëm dhe nuk do të ishte i pranueshëm si kryetar i parlamentit,” tha Qalaj pak para vazhdimit të seancës së 34-të konstituive.

Continue Reading

Lajmet

Gjeneral Bashkim Jashari viziton trupat e FSK-së në SHBA

Published

on

By

Komandanti i Forcës së Sigurisë së Kosovës, gjeneral-lejtnant Bashkim Jashari, ka zhvilluar një vizitë në zonën e trajnimit të Joint Readiness Training Center (JRTC) në Shtetet e Bashkuara të Amerikës, ku po trajnohen pjesëtarë të FSK-së.

Vizita u zhvillua me rastin e Ditës së Vizitorëve të Shquar (DVDay), gjatë së cilës gjenerali Jashari u takua me personelin ushtarak të FSK-së që po marrin pjesë në trajnimin për gatishmëri dhe dislokim në kuadër të programeve shumëkombëshe.

Në adresimin e tij para trupave, komandanti i FSK-së theksoi se partneriteti me Gardën Kombëtare të Iowas është ndërtuar ndër vite dhe ka avancuar drejt trajnimeve të përbashkëta, duke kulmuar me përgatitjet për një zbarkim të përbashkët në Lindjen e Mesme.

“Sot ky synim është bërë realitet, falë përkushtimit të pjesëtarëve tanë dhe mbështetjes së palëkundur nga Garda Kombëtare e Iowas, e udhëhequr nga gjeneralmajor Stephen Osborn,” u shpreh gjenerali Jashari.

Ai nënvizoi rëndësinë e ngritjes së një force profesionale, të ndërveprueshme me aleatët dhe partnerët ndërkombëtarë, si dhe të gatshme për të kontribuar në misione paqeruajtëse.

Gjenerali Jashari falënderoi gjithashtu personelin e JRTC-së për mbështetjen dhe përkushtimin në realizimin e këtij procesi, duke shprehur mirënjohje të veçantë për pjesëtarët e FSK-së që, sipas tij, kanë treguar disiplinë dhe profesionalizëm, duke përfaqësuar me dinjitet Forcën e Sigurisë së Kosovës në një ambient operacional shumëkombësh.

Kjo është hera e parë që FSK-ja merr pjesë në një qendër trajnuese të këtij niveli në SHBA.

Continue Reading

Të kërkuara