Lajmet

​Kurti: Ishte formacion terrorist i përkrahur nga Beogradi zyrtar

Ai tha se kjo paraqet një strukturë mercenare e cila është e organizuar nga Beogradi.

Published

2 years ago

on

Janë ndezur qirinjtë për nder të policit të vrarë në krye të detyrës sot në Banjskë të Zveçanit. Të pranishëm në ndezjen e qirinjve ishte kryeministri Albin Kurti, përfaqësues të institucioneve të Kosovës, ambasadori amerikan dhe shumë policë e qytetarë të tjerë.

Kryeministri Albin Kurti tha se situata me Serbinë është një formacion terrorist i planifikuar. Ai tha se kjo paraqet një strukturë mercenare e cila është e organizuar nga Beogradi.

“Policia e Kosovës është ajo që informon për të dhënat nga tereni por ajo që duhet tashmë që kemi dhe pjesëtarë të atij formacioni profesionit, ushtarak policor të huaj që kreu sulmin terrorist dhe vra mizorisht Afrimin i kemi edhe të plagosur dhe tre të vrarë prej tyre dhe gjithashtu të arrestuar besoj që procesi në vijim do të na jap më shumë të dhëna mbi atë se kush janë këta dhe kush saktësisht janë këta si hynë në Kosovë kur dhe kush janë urdhër dhënësit e dirigjuesit e kësaj përpjekje të dështuar për ta destabilizuar Republikën e Kosovës, nga ajo çfarë kemi mësuar janë ato çfarë i kemi menduar edhe më herët që bëhet fjalë për një formacion terrorist e kriminal profesionist i cili i ka planifikuar gjatë këtë çfarë kanë kryer sot dhe që nuk paraqesin një bandë të kontrabandës por një strukturë mercenare, e cila është e përkrahur politikisht, financiarisht dhe logjisitikisht nga Beogradi zyrtar”, tha Kurti.

Kurti shtoi se polici i vdekur Afrim Bunjaku me trimërinë e tij ka ndriçuar rrugën e shtetit të Kosovës. Ai tha se do të ndjekim rrugën ligjore të gjithë së bashku deri në fund.

“Këtu me ndezjen e qiririt ne secili prej neve e shtojmë një dritë të vogël për shpirtin e madh të Afrim Bunjakut i cili me trimërinë dhe sakrificën e tij ndriçoi rrugën e shtetit të Kosovës që nuk zbrapset para asnjë krimineli e terroristi. Takuam gruan e tij Lumnijen dhe tre fëmijët e tij, takuam axhallarët hallën, farefisin e gjerë miqtë dhe dashamirët të cilët bashkërisht me neve ………. ndamë dhembjen dhe pikëllimin për këtë polic që e humbi sot Kosova teksa ajo fiton më shumë ligj, më shumë kushtuteshëmri më shumë siguri pikërisht për shkak të kontributit dhe flijimit të Afrim Bunjakut. Falënderoj të gjithë qytetarët të cilët kanë ardhur sonte këtu për të bërë nderime dhe për të treguar se Afrimin e kemi afër në zemrat tona dhe se rruga e shtetit ligjor rruga e kushtetutshmërisë dhe e ballafaqimit me kriminelët e me terroristët është rrugë e cila do të ndjeket nga secili prej nesh dhe të gjithë bashkë deri në ngadhënjimin përfundimtar të shtetit të Kosovës, të republikës sonë të pavarur”, tha Kurti.

Po ashtu, edhe kryetari i Prishtinës, Përparim Rama tha se vrasja e policit është një akt terrorist i organizuar nga Serbia. Ai falënderoi institucionet ndërkombëtare që po përkrahin mbrojtjen e shtetit të Kosovës

“Është një akt barbar, një akt terrorist që ka ndodhur sot në Kosovë, uroj që forcat e sigurisë së Kosovës të jenë të sigurt gjatë mbrojtjes të sovranitetit të shtetit tonë që po ndodhë në këto momente falënderoj edhe një herë edhe ndërkombëtarëve që janë me neve në mbrojtjen e sovranitetit po ashtu them që ne tash në këto moment të jemi unik të jemi së bashku. Edhe të gjithë qytetarët e kryeqytetit të gjithë qytetarët e Kosovës të gjitha institucionet tona këtu në Kosovë e po ashtu edhe institucionet në ndërkombëtare që po e shohin hapur sulmet terroriste të organizuara nga Serbia. Po them edhe një herë ngushëllime familjes të policisë dhe shërim të shpejt policëve tjerë që kanë marrë plagë nga këto duke e mbrojtur shtetin, lirinë tonë pra të qëndrojmë në këto momente të cilat patjetër se do ti tejkalojmë vetëm së bashku, ne si qytetarë të Kosovës së bashku me komunitetin evropian kundër akteve terroriste barbare nga këta pjesëtarë që shihet qartazi të organizuar nga Serbia”, tha Rama.  

Related Topics:
Continue Reading

Aktualitet

Arti dhe Media Digjitale në fokus – UBT mbledh studiues e profesionistë nga mbarë bota

Published

4 hours ago

on

September 20, 2025

By

UBT ka kënaqësinë të ftojë studiues, profesionistë dhe krijues nga fusha të ndryshme për të marrë pjesë në Konferencën e 14-të Ndërkombëtare për Artin dhe Median Digjitale, e cila këtë vit zhvillohet në kuadër të Konferencës Ndërkombëtare të UBT-së për Biznes, Teknologji dhe Inovacion. Ky edicion vjen me fokus të veçantë mbi “Qëndrueshmërinë dhe Reziliencën”, si dy shtylla kryesore të zhvillimit në epokën digjitale.

Konferenca do të jetë një platformë e rëndësishme për shkëmbimin e dijeve dhe përvojave mes akademikëve, studentëve të programeve pasuniversitare, kandidatëve të doktoraturës, studiuesve të rinj dhe ekspertëve të industrisë. Synimi është të krijohet një hapësirë bashkëpunimi ku diskutohen tendencat më të reja dhe sfidat që lidhen me ndërthurjen e artit dhe teknologjisë.

Fushat që do të trajtohen:

  • Konferenca mbulon një spektër të gjerë temash, përfshirë:
  • Sfidat e artit dhe medias digjitale në epokën moderne;
  • Përdorimi i teknologjisë kreative në art dhe media digjitale;
  • Teknologjitë e reja që po transformojnë artin;
  • Performanca artistike në kohën e artit digjital;
  • Ndikimi i artit digjital në kulturën bashkëkohore;
  • E ardhmja e galerive dhe muzeve;
  • Ndikimi i teknologjisë në art dhe edukim;
  • Shprehjet kreative dhe interaktive;
  • Ndërveprimi njeri-kompjuter.

Datat kryesore të konferencës:

Dorëzimi i abstrakteve: 10 tetor 2025

Njoftimi për pranimin: 17 tetor 2025

Rishikimi shkencor (peer review): 17 tetor 2025

Regjistrimi i hershëm: 17 tetor 2025

Regjistrimi i vonuar: 20 tetor 2025

Dorëzimi i punimeve të plota: 14 nëntor 2025

Udhëzime për aplikim:

Punimet e paraqitura duhet të jenë origjinale, të papublikuara më parë dhe jo në proces shqyrtimi në konferenca apo revista të tjera. Tekstet duhet të jenë deri në 6 faqe dhe të përmbushin standardet e pranuara të konferencës. Punimet që nuk përmbushin kriteret e formatimit nuk do të merren në shqyrtim.

Për më shumë informacion mbi kriteret e aplikimit dhe procesin e regjistrimit, pjesëmarrësit ftohen të vizitojnë faqen zyrtare të konferencës në webfaqen e UBT-së: Konferenca e UBT-së

Kjo konferencë pritet të shndërrohet në një ngjarje unike ku arti, teknologjia dhe inovacioni takohen për të ndërtuar një të ardhme më kreative, më të qëndrueshme dhe më gjithëpërfshirëse.

Continue Reading

Aktualitet

UBT hap thirrjen për pjesëmarrje në Konferencën Ndërkombëtare mbi Artet Performuese 2025

Published

1 day ago

on

September 19, 2025

By

UBT ka hapur thirrjen për pjesëmarrje në Konferencën e 14-të Ndërkombëtare për Arte Performuese, e cila organizohet në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion, me fokus të veçantë këtë vit tek Qëndrueshmëria dhe Rezilienca.

Ky aktivitet shkencor ndërkombëtar është i rishikuar nga ekspertë akademikë (peer reviewed) dhe ka për synim të sjellë së bashku studiues, praktikues, doktorantë, studentë pasuniversitarë, si dhe profesionistë të industrisë për të shkëmbyer njohuri, përvoja dhe qasje të reja në fushën e artit performues.

Datat e rëndësishme:

  • Dorëzimi i abstrakteve: 10 tetor 2025
  • Njoftimi i pranimit: 17 tetor 2025
  • Rishikimi nga ekspertët: 17 tetor 2025
  • Afati i hershëm i regjistrimit: 17 tetor 2025
  • Afati i vonshëm i regjistrimit: 20 tetor 2025
  • Dorëzimi i punimeve të plota: 14 nëntor 2025

Fushat që mbulon konferenca përfshijnë, por nuk kufizohen vetëm tek:

  • Zhvillimi i teatrit pas luftës në Kosovë
  • Roli i muzikës në ndërtimin e karakterit skenik
  • Përgatitja psikologjike e aktorit në interpretimin e roleve
  • Përgatitja fizike dhe rëndësia e saj për zhvillimin e aktorit
  • Kinematografia para dhe pas luftës në Kosovë dhe trajtimi i temave të luftës
  • Ndikimi i maskave greke në krijimin e maskave të teatrit modern
  • Audicionet, monologët dhe përzgjedhja e tyre
  • Teatri për fëmijë dhe të rinj
  • Teatri si terapi për fëmijë dhe të rritur
  • Inteligjenca Artificiale (AI) në aktrim

Konferenca synon të nxisë dialogun ndërdisiplinar dhe të krijojë një platformë unike për të diskutuar sfidat dhe prirjet e reja në artet performuese, duke i lidhur ato me zhvillimet globale në teknologji dhe shoqëri.

Punimet e paraqitura duhet të jenë origjinale, të papublikuara më parë dhe jo në proces shqyrtimi në ndonjë konferencë tjetër. Gjatësia maksimale e punimit është 6 faqe, sipas standardeve të specifikuara në faqen zyrtare të konferencës.

Për më shumë detaje dhe aplikim, vizitoni: KONFERENCA E UBT-së

Continue Reading

Aktualitet

Von Der Leyen: Rusia e ka treguar plotësisht përbuzjen ndaj diplomacisë dhe ligjit

Published

1 day ago

on

September 19, 2025

By

Presidentja e Komisionit Evropian, Ursula von der Leyen, në deklaratën e saj tha se Rusia e ka treguar plotësisht përbuzjen ndaj diplomacisë dhe ligjit ndërkombëtar gjatë muajit të fundit, duke kritikuar sulmet më të mëdha me dronë dhe raketa ndaj Ukrainës.

Ajo veçoi sulmet ruse në Kiev që goditën zyrën e BE-së në kryeqytet, si dhe shkeljet me dronë rusë në Poloni dhe Rumani.

“Këto nuk janë veprimet e dikujt që dëshiron paqe”.

Paketa e 19-të e sanksioneve vjen si përgjigje ndaj kësaj përshkallëzimi nga Putini, shpjegoi Von Der Leyen duke paraqitur elementët kryesorë të asaj që propozohet.

Ajo tha se BE-ja do të kërkojë të shkurtojë të ardhurat e Rusisë nga lëndët djegëse fosile, duke ndaluar importin e LNG-së ruse në tregjet evropiane.

118 anije shtesë nga “flota hije” ruse do të shtohen në listën e sanksioneve, që tani arrin në 560 anije.

Ajo shtoi se kompanitë kryesore të tregtimit të energjisë Rosneft dhe Gazpromneft tani do të jenë nën ndalim të plotë transaksionesh, dhe kompani të tjera do t’i nënshtrohen ngrirjes së aseteve.

“Në tre vjet, të ardhurat e Rusisë nga nafta në Evropë kanë rënë me 90%. Ne tani po e mbyllim këtë kapitull përgjithmonë. Ne po forcojmë luftën tonë kundër shmangies së sanksioneve. Ndërsa taktikat e shmangies bëhen më të sofistikuara, sanksionet tona do të përshtaten për të qëndruar përpara. Për herë të parë, masat tona kufizuese do të godasin platformat e kriptovalutave dhe do të ndalojnë transaksionet në kriptovaluta. Ne po listojmë banka të huaja të lidhura me sistemet alternative të pagesave të Rusisë. Dhe po kufizojmë transaksionet me entitete në zonat ekonomike speciale”, tha Von Der Leyen.

Paketa do të shtojë kufizime të reja direkte të eksportit për artikujt dhe teknologjitë e përdorura në fushëbetejë, duke ndikuar në 45 kompani në Rusi dhe në vende të treta./S.K/KP/

Continue Reading

Aktualitet

​Komanda e Forcave Tokësore realizoi garën “Ujku Garues 2025”

Published

1 day ago

on

September 19, 2025

By

Gara tradicionale “Ujku Garues 2025”, është përmbyllur me sukses, aktivitet ky i cili realizohet nga Komanda e Forcave Tokësore ku marrin pjesë ekipe nga njësitë e Forcës së Sigurisë së Kosovës.

Këtë vit, pjesëmarrës ishin 21 ekipe dhe aktiviteti u mbajt në kazermën “Ushtarët e NATO-s” në Istog.

“Garën e ka fituar, Policia Ushtarake e FSK-së, dhe është shpërblyer me vendin e parë. Vendi i dytë i takoi Kompanisë B nga Regjimenti i Parë i Këmbësorisë dhe vendi i tretë shkoi për Kompaninë MB nga Regjimenti i Parë i Këmbësorisë”, njoftoi Forca e Sigurisë së Kosovës.

Gara “Ujku Garues” për herë të parë është mbajtur në vitin 2015 si rezultat i shkëmbimit të përvojave mes nënoficerëve të FSK-së dhe atyre të kontigjentit slloven.

Garën e karakterizon aspekti organizativ, vlerësues, shpirti garues, profesionalizmi dhe angazhimi maksimal i ekipeve./S.K/KP/

Continue Reading

Të kërkuara