Lajmet

​Kurti: I jemi përjetësisht mirënjohës Madeleine Albright-it

Albright ndërroi jetë mbrëmë në moshën 84-vjeçare.

Published

on

Kryeministri i Kosovës Albin Kurti ka organizuar sot një pritje me rastin e 23-vjetorit të nisjes së bombardimeve të NATO-s kundër Serbisë. Ai me këtë rast ka përmendur miken e madhe të shqiptarëve, ish-sekretaren amerikane të Shtetit, Madeleine Albright, e cila ndërroi jetë mbrëmë në moshën 84-vjeçare.

“Çdo 24 mars kur shënojmë ndërhyrjen e NATO-s kundër Jugosllavisë dhe Serbisë së Millosheviq-it për të ndalur gjenocidin në Kosovë kemi folur edhe për zonjën sekretare Madeleine Albright, por nuk e kemi menduar se duhet të flasim për të, pa të. Mbrëmë ajo ndërroi jetë dhe dita e nesërme nga presidentja Vjosa Osmani është shpallur ditë zie në Kosovë. Ajo në politikë ishte historiane, në histori ishte diplomate, ndërkaq në diplomaci ishte politikane, kombinim i përsosur për një grua të jashtëzakonshme… Pasi shërbeu ambasadore në OKB dhe ishte dëshmitare e gjenocidit në Ruandë dhe Bosnje, ajo e kuptoi koston e mosveprimit dhe u bë kampione e bombardimeve të NATO-s mbi ish-Jugosllavinë për të ndaluar spastrimin etnik dhe gjenocidin në Kosovë. Jemi përjetësisht mirënjohës”, tha Kurti.

Kryeministri Kurti ka shprehur mirënjohje edhe ndaj të gjitha vendeve pjesëmarrëse që ishin pjesë e operacionit të NATO-s, ku për 78 ditë bombarduan caqet ushtarake serbe.

“U shprehim mirënjohjen dhe respektin tonë të thellë të gjitha vendeve demokratike, të cilat patën vullnetin dhe kurajën për të folur e vepruar njëzëri në mbrojtje të së drejtës tonë për jetë, shtet e prosperitet. Falënderojmë gjithë ato gra e burra, djem e vajza, pjesëtarë të NATO-s që për 78 ditë me avionët e tyre luftarakë e mbajtën gjallë shpresën e shqiptarëve të mbetur në Kosovë për shpëtim e çlirim dhe shqiptarëve të dëbuar nga Kosova për kthimin e tyre në atdheun e tyre në Kosovë e në liri”, tha Kurti.

Ai në 23-vjetorin e nisjes së bombardimeve të NATO-s nuk ka lënë pa e përmendur edhe luftën në Ukrainë dhe solidarizimin e popullit të Kosovës me popullin ukrainas në luftën e tyre çlirimtare kundër agresionit ushtarak rus.

Ndryshe, në pritjen e organizuar me këtë rast morën pjesë ambasadorë të akredituar në vendin tonë, ministra, deputetë.

Aktualitet

Laura e Argjendtë – UBT dhe Kosova përfaqësohet denjësisht në lojërat universitare botërore në Gjermani

Published

on

Një tjetër sukses i jashtëzakonshëm për sportin kosovar dhe për UBT. Studentja dhe xhudistja e njohur, Laura Fazliu, ka fituar medaljen e parë në historinë e Kosovës, atë të argjendtë, në Lojërat Universitare Botërore “FISU World University Games”, të mbajtura në Rhine-Ruhr, Gjermani.

Laura tregoi performancë mbresëlënëse në kategorinë e saj, duke e nisur garën në mënyrë të fuqishme:

Xhiroja e dytë – Mposhti Sofiia Bordinskykh nga Ukraina

Çerekfinalja – Triumfoi ndaj Viktoria Folgen nga Gjermania

Gjysmëfinalja – Shënoi fitore të madhe kundër Flavia Favorini nga Italia

UBT dhe mbarë Kosova janë krenarë me Laura Fazliun. Suksesi i saj është frymëzim për të gjithë studentët dhe të rinjtë që synojnë të arrijnë majat e suksesit në sport.

Continue Reading

Lajmet

Ylli i Juventusit nuk paraqitet në stërvitje, irritohen drejtuesit e klubit

Published

on

Douglas Luiz po përballet me një situatë kritike te Juventusi, pasi mesfushori brazilian refuzoi të paraqitet në vizitat mjekësore dhe në nisjen e kampit stërvitor të skuadrës nën drejtimin e Igor Tudor. Ky veprim i papritur ka tronditur drejtuesit e klubit, të cilët kanë paralajmëruar masa të rënda disiplinore ndaj tij, duke e bërë largimin e tij gjatë këtij merkatoje edhe më të mundshëm.

I transferuar nga Aston Villa verën e kaluar për 51.5 milionë euro, një marrëveshje që përfshinte edhe kalimin e Enzo Barrenechea dhe Samuel Iling Jr, Luiz nuk arriti të përmbushë pritshmëritë.

Ai luajti vetëm 27 ndeshje dhe shpesh u pengua nga dëmtimet dhe forma e dobët, duke mos arritur të bindë as ish-trajnerin Thiago Motta, as pasuesin e tij, Tudor.

Aktualisht, mesfushori 27-vjeçar lidhet me disa klube të Premier League si Manchester United, West Ham, Everton dhe Manchester City.

Agjenti i tij ndodhet në Angli për të gjetur një zgjidhje, pasi raportet e Luiz me Juventusin janë prishur plotësisht dhe një ndarje duket e pashmangshme. Ky transferim po shihet si një nga më të dështuarit e bardhezinjve në vitet e fundit.

Continue Reading

Lajmet

Arsenali finalizon goditjen e bujshme

Published

on

Arsenali ka finalizuar njërën nga lëvizjet më të bujshme të këtij afati kalimtar veror, duke siguruar shërbimet e sulmuesit suedez Viktor Gyökeres nga Sporting Lisbonë.

Të gjitha dokumentet mes dy klubeve janë miratuar, ndërsa lojtari ka marrë edhe lejen zyrtare për të udhëtuar drejt Londrës, ku brenda 24 orëve pritet të kryejë testet mjekësore dhe të prezantohet si përforcimi më i ri i “Topçinjve”.

Marrëveshja mes Arsenalit dhe Sportingut është mbyllur për një shumë totale prej 63.5 milionë euro plus 10 milionë euro bonuse, që mund ta çojnë koston përfundimtare të transferimit në rreth 73.5 milionë euro. Pritet që kontrata e sulmuesit 26-vjeçar të firmoset brenda ditëve të ardhshme, pas kalimit me sukses të kontrolleve mjekësore.

Gyökeres, i cili sezonin e kaluar shkëlqeu në Portugali me gola dhe asistime vendimtare, shihet nga trajneri Mikel Arteta si një përforcim kyç për fazën ofensive të Arsenalit në prag të sezonit të ri të Premier Ligës dhe Ligës së Kampionëve.

Ky transferim pritet të sjellë konkurrencë të madhe në sulm, duke u shtuar emrave si Gabriel Jesus dhe Kai Havertz. Tifozët londinezë kanë pritur me entuziazëm këtë lajm, duke shpresuar se suedezi do të ndihmojë ekipin në luftën për trofe këtë sezon.

Continue Reading

Lajmet

Gjakovë: 63 shoferë kapen nën ndikimin e alkoolit

Published

on

By

Policia në rajonin e Gjakovës, në kuadër të planit operativ “Alkooli”, ka shtuar kontrollet rrugore gjatë katër ditëve të fundit, duke testuar me alkool-test gjithsej 385 drejtues automjetesh. Si rezultat i këtyre kontrolleve, 63 shoferë janë kapur duke drejtuar mjetin nën ndikimin e alkoolit, në kundërshtim me normat ligjore të lejuara.

Sipas një njoftimi zyrtar, për të gjithë shkelësit është shqiptuar gjobë si dhe masa mbrojtëse e ndalimit të drejtimit të automjetit me veprim motorik. Po ashtu, atyre u janë konfiskuar përkohësisht patentë-shoferët, për kohëzgjatjen e përcaktuar me ligj.

Krahas kontrolleve për alkoolin, Njësia Rajonale e Komunikacionit Rrugor po zbaton edhe planin operativ “Sezoni Veror”, i cili përfshin fushata vetëdijësuese dhe aktivitete preventive. Fokusi kryesor është tek shkeljet që paraqesin rrezik të shtuar për sigurinë në trafik, si ngasja me shpejtësi të lartë, tejkalimet e rrezikshme, përdorimi i telefonit gjatë vozitjes, mosvendosja e rripit të sigurisë dhe e helmetës mbrojtëse.

Drejtoria Rajonale e Policisë në Gjakovë u bën thirrje të gjithë pjesëmarrësve në trafik që të respektojnë me përpikëri rregullat e komunikacionit dhe të shmangin çdo veprim që rrezikon jetën dhe pronën e qytetarëve. Bashkëpunimi me autoritetet është thelbësor për të garantuar një ambient të sigurt rrugor për të gjithë.

Continue Reading

Të kërkuara