Lajmet

​Kurti: Do t’i kemi rreth 60 deputetë, nuk do të ketë nevojë për kompromise me regjimin e vjetër

Published

4 years ago

on

Kryetari i Lëvizjes Vetëvendosje Albin Kurti, partia e të cilit ka dalë fituese nga zgjedhjet e 14 shkurtit, ka thënë se nuk do të kenë nevojë për kompromise me ata që ai i quajti regjim i vjetër, për të formuar qeverinë e re.

Sipas Kurtit, Lëvizja Vetëvendosje bashkë me iniciativën e Vjosa Osmanit do të kenë afër 60 deputetë dhe me përkrahjen e disa deputetëve egjiptian dhe boshnjakë do të kalojnë numrin 61. Kurti ka folur para gazetarëve në Tiranë, në kuadër të vizitës së tij treditore të cilën po e realizon në mbështetje të kandidatëve që i përkrah për zgjedhjet e 25 prillit në Shqipëri.

Kurti është shprehur i bindur se do të arrijë formimin e institucioneve pa pasur nevojë për koalicione me partitë që ishin më herët në pushtet.

“Do të jemi aty rrotull 60 deputetëve, me siguri do të kemi deputetin e komunitetit egjiptian Elbert Krasniqi, me siguri do ta kemi deputeten e komunitetit boshnjak Emilia Rexhepi, do t’i kemi edhe disa të tjera, na nevojiten 61, do ta kalojmë numrin 61, nuk do të kemi nevojë për kompromise me eksponentët e regjimit të vjetër sepse populli e do të renë, populli e ka bërë prerjen, nuk e kemi ndërmend të ja shkelim vullneti ne të ja devijojmë dëshirën”, tha ai.

Kur u pyet për çështjen e presidentit, Kurti tha se nuk ka pasur ndonjë takim me Vjosa Osmanin e Murat Jasharit dhe as ndonjë kompromis në këtë çështje.

“Sa i përket çështjes së një kompromisi të aluduar me zonjën Osmani dhe zotëri Muratin, nuk ka pasur një takim të tillë, ne e kemi bërë koalicionin parazgjedhor prandaj zgjedhjet ishin referendum i cili u fitua sepse populli nuk bën kompromise por dëshiron ndryshim që do të sjellë në Kosovë daljen nga pandemia Covid-19, daljen nga varfëria, sidomos ekstreme dhe zbutjen e papunësisë enorme e cila është e strukturore edhe ciklike”, tha ai.

Në Tiranë Kurti ka thënë se menjëherë pas formimit të qeverisë do të fillojnë bashkëpunimin me kryeministrin e Shqipërisë, Edi Rama dhe se do t’i trajnojnë me prioritet marrëveshjet e bashkëpunimit Kosovë-Shqipëri, për çka tha se duhet të ketë zbatim real të tyre.

“Do të kem marrëdhëniet më të mira që i ka pasur ndonjë kryeministër me Tiranën zyrtare në Kosovën e pasluftës por mbase jo vetëm aq, andaj do të zhvilloj kontakte e takime, do të takoj edhe këtu në tiranë drejtues shtetëror”, tha Kurti.

Gjatë vizitës së tij tre ditore në Shqipëri, në mbështetje të tre kandidatëve për deputetë në zgjedhjet e Shqipërisë, Kurti tha se Kosova dhe Shqipëria kanë nevojë për përparim sepse kanë ngelur vendet më të prapambetura në Evropë.

Sipas tij, shqiptarët kanë nevojë për ndryshime dhe përfaqësues të popullit të përgjegjshëm, që sipas tij të tillë janë tre kandidatët që Lëvizja Vetëvendosje po i mbështet për zgjedhjet në Shqipëri.

“Ne mbështesim kandidatët e pavarur sepse ka nevojë prej një fushe të qytetarit të pavarur të dikujt i cili nuk është ndikuar dhe nuk është kushtëzuar t’i ipet mundësia qytetarit të Republikës në Shqipëri për të zgjedhur përfaqësues të rijnë. Andaj ne nuk jemi të preokupuar me aleanca e partneritete në këtë fazë. Qarku i Tiranës duhet të votojë Boiken Abazin, Qarku i Lezhës duhet të votojë Ilaz Shehun e Qarku i Gjirokastrës duhet të votojë Kreshnik Merxhanin, e unë do të vijë të votojë më 25 prill”, tha Kurti.

Lideri i Lëvizjes Vetëvendosje dje ka qëndruar në Lezhë, ndërsa pas Tiranës që vizitoi sot, do të qëndrojë nesër në Gjirokastër.

Related Topics:
Continue Reading

Bota

​Zelensky dhe Macron bien dakord të takohen pas samitit Trump-Putin

Published

18 minutes ago

on

August 15, 2025

By

Presidenti ukrainas Volodymyr Zelensky dhe presidenti francez Emmanuel Macron folën sot, sipas Pallatit Élysée.

Të dy udhëheqësit ranë dakord të takohen “në momentin kur do të jetë më i dobishëm dhe efektiv” pas takimit të presidentit të SHBA-së Donald Trump dhe presidentit rus Vladimir Putin, thuhet në deklaratë.

Zelensky u takua këtë javë në Berlin me kancelarin gjerman Friedrich Merz dhe në Londër me kryeministrin britanik Keir Starmer.

Continue Reading

Bota

Trump para se të nisej për në Alaska: Rreziqet janë të larta

Published

52 minutes ago

on

August 15, 2025

By

“Rrezik i lartë!!!”: shkroi presidenti i Shteteve të Bashkuara të Amerikës, Donald Trump në platformën e tij të mediave sociale, Truth, pak para se të nisej nga Uashingtoni për në Alaska, ku do të takohet me Vladimir Putinin.

Numërimi mbrapsht për takimin historik midis Donald Trump dhe Vladimir Putin po i afrohet fundit. Samiti i mesit të gushtit në Alaska përqendrohet në Ukrainë, por udhëheqësi i Kremlinit dëshiron ta përdorë atë si një mundësi për të rigjallëruar marrëdhëniet me Shtetet e Bashkuara. Axhenda e Rusisë, e cila përfshin bashkëpunimin dhe armët, është shumë më e gjerë se ajo “e zhveshur” amerikane, e cila ka një pikë të vetme në agjendë: fundin e konfliktit në Ukrainë.

Takimi midis Donald Trump dhe Vladimir Putin në Anchorage, në bazën ushtarake Elmendorf-Richardson, do të fillojë në orën 21:30 sipas kohës italiane. Vlerësohet – nëse gjithçka shkon mirë – se i gjithë takimi mund të zgjasë të paktën tre deri në katër orë, shkruan ANSA.

Putini do të shoqërohet nga tre ministra dhe disa zyrtarë besnikë: këshilltari i Kremlinit Yuri Ushakov, këshilltari për investimet e huaja Kirill Dmitriev, ministri i jashtëm Sergei Lavrov, ministri i mbrojtjes Andrei Belousov dhe ministri i financave Anton Siluanov. Delegacioni i Trump do të përfshijë gjithashtu Sekretarin e Shtetit Marco Rubio dhe të Dërguarin Special Steve Witkoff.

Samiti do të hapet me një takim ballë për ballë midis dy udhëheqësve pas dyerve të mbyllura: vetëm në një dhomë përveç përkthyesve, siç ndodhi në Helsinki. Takimi dypalësh do të pasohet nga një drekë pune dhe diskutime midis dy delegacioneve. Ai do të përfundojë me një konferencë për shtyp, e cila pritet të jetë e përbashkët, përveç nëse dialogu ndërlikohet.

Continue Reading

Lajmet

Sunderlandi e zyrtarizon kapitenin e ri Granit Xhaka

Published

1 hour ago

on

August 15, 2025

By

Ylli kosovar Granit Xhaka i cili u transferua pak javë më parë në ekipin e Sunderlandit, po konsiderohet si një lider i lindur, pasi që përfaqësuesit zviceran iu besua edhe shiriti i kapitenit, duke e pasur parasysh lidershipin e tij dhe përvojën e madhe.

Madje klubi anglez përmes rrjeteve sociale e zyrtarizoi vendimin që mesfushorit me tipare defanzive t’ia besojë shiritin e kapitenit.

“Granit Xhaka, kapiten i ri i Sunderland AFC”, shkroi klubi anglez.

E ish-futbollisti i Baselit, Borussia Monchengladbachut, Arsenalit dhe Bayer Leverkusenit, tha se ndihet krenar që iu besua kjo përgjegjësi dhe privilegj.

“Më bën jashtëzakonisht krenar që jam kapiten i këtij klubi dhe i kësaj skuadre. Shpresoj të tregoj lidershipin tim brenda dhe jashtë fushës, duke ndihmuar shokët e mi të skuadrës në qendrën stërvitore dhe në të gjithë klubin”, u shpreh 32 vjeçari.

Continue Reading

Lajmet

Edhe dy javë për regjistrimin e votuesve jashtë Kosovës, deri tani janë regjistruar 5 mijë e 445 votues

Published

1 hour ago

on

August 15, 2025

By

Vetëm edhe dy javë, deri më 29 gusht 2025, kanë mbetur për regjistrimin e votuesve jashtë Kosovës.

Deri më tani, ky proces, i cili ka filluar më 23 korrik, ka ngjallur pak interesim, pasi vetëm rreth 5,500 shtetas të Kosovës nga diaspora janë regjistruar për votim me postë në zgjedhjet lokale të 12 tetorit.

Zëdhënësi i KQZ-së, Valmir Elezi, ka treguar për Ekonomia Online të dhënat e fundit nga procesi i regjistrimit të votuesve jashtë Kosovës.

“Deri më sot (e premte, 15 gusht, ora 12:00) përmes platformës elektronike https://diaspora.kqz-ks.org janë pranuar 7,026 aplikime për regjistrim për votim me postë, prej të cilave janë aprovuar 5,445, ndërkaq janë refuzuar 1,581”, tregoi Elezi.

Sipas tij, “në shumicën e rasteve të refuzuara, aplikuesit nuk kanë paraqitur njërin nga dokumentet që dëshmon adresën e tij jashtë Kosovës (dokument identifikues në të cilin është e shënuar adresa e banimit, vërtetim i adresës nga autoriteti lokal, kontratë të qirasë, faturë shërbimesh, dokument i lëshuar nga banka apo kompania e sigurimit, dokument që dëshmon adresën e personit tek i cili qëndrojnë përkohësisht, dëshmi tjetër banimi për rastet specifike (rezervim hoteli, konvikti etj.))”.

Po sipas të dhënave nga KQZ, komuna me më së shumti votues të regjistruar jashtë Kosovës është Suhareka me 526, Deçani me 442, Dragashi 440 dhe Istogu, Gjakova e Klina me mbi 300 votues të regjistruar.

Numri më i madh i votuesve të regjistruar është nga shteti i Gjermanisë (2,767), i pasuar nga ai i Zvicrës (1,121), e të tjera.

Continue Reading

Të kërkuara