

Lajmet
Kryesia procedon kërkesën e PDK-së për Trustin në Qeveri, VV kundër tërheqjes së kursimeve
Kryesia e Kuvendit të Kosovës e ka proceduar sot kërkesën në Qeverinë e Kosovës.
Published
3 years agoon
By
Betim GashiPropozimin e Partisw Demokratike të Kosovës për ndryshimet ligjore që iu mundëson qytetarëve tërheqjen e kursimeve pensionale në Trust, kryesia e Kuvendit të Kosovës e ka proceduar sot në Qeverinë e Kosovës.
Derisa pro këtij propozimi janë edhe deputetë të AAK-së, kundër tërheqjes së mjeteve nga Trusti doli sot grupi parlamentar i Vetëvendosjes.
Kryetari i grupit parlamentar të PDK-së, Abelard Tahiri tha se qeveria ka afat një muaj që ta shqyrton kërkesën e kryesisë për Trustin, por ai kërkon nga ekzekutivi që këtë çështja ta trajton që në mbledhjen e parë, që mundëson tërheqjen e mjeteve nga Trusti deri 30 përqind.
“PDK dhe grupi parlamentar i saj kanë propozuar tërheqjen edhe të një sasie të caktuar nga Trusti, pikërisht për ato familje që vërtet e kanë problem që t’ia dalin me të ardhurat e tyre më i mbuluar shpenzimet mujore. Ne e kemi nis plotësim ndryshimin e këtij projektligji. Ky projektligj sot i shkon Qeverisë së Kosovës. Qeveria i ka afat një muaj më së largu që t’i kthej përgjigje Kuvendit të Kosovës. Nëse jo, ky projektligj hyn në procedurë parlamentare. Mirëpo, ne i kërkojmë Qeverisë së Kosovës, duke pasur parasysh faktin që jemi në një situatë shumë të rëndë ekonomike dhe të papërballueshme me rritjen e kostos së madhe të jetës në Kosovë, mos ta pret qeveria të bëhet një muaj, por ta trajtojë qysh në mbledhjen e parë kur do t’i shkojë nga Kryesia e Kuvendit. Nga kryesia i shkon sot, dhe ne besojmë që në këtë javë mund ta trajtojmë çështjen e tërheqjes së Trustit nga qytetarët të cilët e kanë vështirë ta kalojnë muajin me të ardhurat që kanë si rezultat i ngritjes së çmimeve të produkteve esenciale, të naftës dhe energjisë”, tha ai.
Kryetarja e grupit parlamentar të VV-së, Mimoza Kusari Lila, tha se si grup parlamentar nuk e mbështesin tërheqjen e mjeteve të Trustit. Deputetja theksoi se ka mënyra të tjera për t’i ndihmuar qytetarët në këtë krizë me çmimet.
“Jo nuk e ka mbështetjen tonë, edhe nuk do ta ketë për arsye se vet koncepti i Trustit dhe dizajnimi i Fondit të Kursimeve pensionale ka të bëjë me ruajtjen e një mirëqenie të qytetarëve pas moshës 65-vjeçare. Ajo çka mbetet të diskutojmë bashkë me opozitën është që të diskutojmë modalitetet tjera të ndihmës. Natyrisht, ato që qeveria në vazhdimësi nuk ka hezituar që t’i prezantojë. Mos të harrojmë se kemi pasur një Pako për rimëkëmbje ekonomike nga qeveria, duke filluar nga qershori i vitit të kaluar. Natyrisht që edhe për këtë vit janë shtuar ato qoftë për rezervën shtetërore, apo për kategoritë tjera buxhetore, në veçanti për kategoritë sociale. A është e mjaftueshme, natyrisht se jo, ne jemi të vetëdijshëm se ballafaqohemi me një ekonomi e cila është shumë fraxhile ndaj rritjes së çmimeve që vijnë si rrjedhojë e importit të madh. Besoj se do të gjenden forma të tjera, nuk mund ta mohojmë krizën, kriza po ka ndikim në Kosovë dhe në rajon… Kjo formë e shpejt, ose kjo mënyrë që vazhdimisht i kthehet PDK-ja kësaj ideje, nuk tregon diçka më shumë se vetëm një koncept në të cilin hahet e ardhmja në dobi të sotmes. E kjo ka qenë edhe koncept i PDK-së për shumë vite, e tash me këto pasoja po ballafaqohemi. Prandaj, nuk dëshirojmë që pas 20 viteve, qytetarët tanë që mbushin moshën 65-vjeçare të ballafaqohen edhe me një problem tjetër që krijohet si rrjedhojë e një vendimi të pa matur sot”, theksoi ajo.
Ndërsa, kryetari i grupit parlamentar të AAK-së, Besnik Tahiri pas mbledhjes së kryesisë, theksoi se gjendja ekonomike në vend mbetet e vështirë, derisa ka kërkuar nga Qeveria miratimin e ligjit për rritjen e pagës minimale në 400 euro, miratimin e Ligjit të pagave, si dhe ndryshimi i ligjit për tërheqjen e mjeteve nga Trusti. Tahiri ka komentuar edhe punën njëvjeçare të qeverisë Kurti.
“Gjendja ekonomike në vend nuk mbahet mend që ka qenë më e vështirë dhe më keq, kjo vjen edhe për shkak të konfliktit global, por edhe për mosveprimin e qeverisë. Kërkesa jona është shumë e thjeshtë, ngriteni pagën minimale në 400 euro me një vendi, lëreni tryezat. Dy, sjelli ligjin për pagat, dhe pastaj merrni vendime të tjera të tipit të Trustit, të cilin ne e kemi mbështetur. Vlerësimi jonë për një vit qeverisjeje, është fjalë të bukura, zhurmë si me tupanë, punë ‘kërkah’ hiq. Për fjalë kush nuk ua kalon, për punë faleminderit”, tha ai.
Në anën tjetër përfaqësues të GP të LDK-së nuk janë deklaruar pas mbledhjes së Kryesisë së Kuvendit të Kosovës.
Lajmet
Sveçla: Aksioni në Kaçanik po vazhdon, ka arrestime të reja
Published
5 hours agoon
April 25, 2025By
UBTnews
Ministri në detyrë i Punëve të Brendshme, Xhelal Sveçla deklaroi se ka arrestime të reja që lidhen me vrasjen e rreshterit, Muhamed Lika.
Ai theksoi se operacioni i Policisë së Kosovës në Kaçanik po vazhdon dhe numri i të arrestuarve nuk dihet.
“Tashmë është publike që ka arrestime të reja. Numri përfundimtar ende nuk dihet, për shkak se aksioni është duke vazhduar. Gjitha institucionet ligj-zbatuese janë të vendosura që të luftohet çfarëdo lloj ekstremizmi apo dhune, e cila dëmton institucionet dhe pjesëtarët e saj por po ashtu vetë popullin e saj”, ka thënë Sveçla.
Ai tha se Inspektorati Policor i Kosovës është duke zhvilluar hetime, derisa u pyet se personat e arrestuar kanë qenë në liri ani pse me vepra penale.
“Inspektorati Policor i Kosovës është duke zhvilluar hetime sa i përket kësaj informate, kur t’i kemi të dalurat nga këto hetime pastaj do të marrim masat e nevojshme”, shtoi ai.
Sot, në orët e hershme të mëngjesit, Policia e Kosovës me njësitë e saja relevante ka filluar një operacion policor, në komunën e Kaçanikut.
Ky informacion është konfirmuar për KosovaPress nga zëdhënësi i Policisë së Kosovës, Baki Kelani.
“Edhe në këtë rast pas përfundimit të operacionit policor, i cili po realizohet në bashkëpunim dhe koordinim me organet e drejtësisë, do të bëhen publike informacione shtesë”, tha Kelani.
Më 1 prill, Muhamed Lika ishte gjetur i plagosur rëndë në hyrje të ndërtesës së tij, në rrugën ‘Idriz Seferi’, në Kaçanik rreth orës 23:00. Ai u transportua në Qendrën e Mjekësisë në Kaçanik, por nuk arriti t’u mbijetojë plagëve.
Lajmet
KEK-u njofton se ka përfunduar me sukses riparimin e njësisë B1: Gjendja është stabile
Published
5 hours agoon
April 25, 2025By
UBTnews
Korporata Energjetike e Kosovës tha se kanë përfunduar me sukses punimet për remontin e njësisë B1, të cilat kanë nisur më 23 mars dhe tha se kanë përfunduar përpara afatit të parashikuar.
“Korporata Energjetike e Kosovës njofton opinionin se, falë angazhimit të jashtëzakonshëm të stafit të TCB, punëtorëve, inxhinierëve dhe menaxhmentit, kemi përfunduar me sukses të gjitha punimet e planifikuara për remontin e njësisë B1, i cili kishte nisur më dt: 23.03.2025 dhe ka përfunduar përpara afatit të parashikuar”, njoftoi KEK.
Ai tha se gjatë kësaj periudhe, janë realizuar riparime dhe përmirësime të ndryshme, duke përfshirë ndërrimin e pjesëve të dëmtuara, rinovimin e sistemeve të ndryshme dhe realizimin e procedurave të domosdoshme për stabilitetin dhe efikasitetin e njësisë.
“Falë përgatitjes dhe kontrollit të kujdesshëm, si dhe angazhimit të palodhshëm të ekipit të ekspertëve të TC-B-së, njësia B1 është sinkronizuar me rrjetin elektrik në orën 22:32 të dt: 24.04.2025 dhe aktualisht gjendja e saj është stabile. Kjo arritje është një dëshmi e punës së shkëlqyer të të gjithë të përfshirëve dhe vlerësimit të lartë të performancës gjatë periudhës së remontit”, tha KEK.
Lajmet
Vazhdojnë regjistrimet në UBT International Smart Schools – Shkollat më inovative të mesme në vend
Published
5 hours agoon
April 25, 2025By
UBTnews
Në UBT International Smart Schools po vazhdojnë regjistrimet për vitin e ri shkollor, në institucionin që tashmë njihet si një ndër platformat më të avancuara arsimore në Kosovë dhe rajon. Këto shkolla të mesme ofrojnë një model të veçantë të arsimit, duke kombinuar pjesën teorike me atë praktike, teknologjinë me kreativitetin, dhe edukimin me zhvillimin e lidershipit.
UBT International Smart Schools janë të parat në Kosovë dhe rajon që kanë zbatuar edukimin 4.0 – një model që përfshin përdorimin e teknologjive të avancuara, si dhe metodave moderne të mësimdhënies. Kjo qasje inovative mundëson që nxënësit të përgatiten për sfidat reale të së ardhmes dhe të dalin në tregun e punës apo arsimit të lartë me njohuri të thelluara dhe përvoja konkrete.
Përmes kurrikulave të harmonizuara me ato evropiane dhe amerikane, nxënësit zhvillojnë aftësi të avancuara akademike, teknike dhe shoqërore. Mësimi zhvillohet në ambiente moderne, të pajisura me laboratorë, pajisje teknologjike dhe hapësira të dizajnuara për të nxitur të menduarit kritik dhe bashkëpunimin.
Zgjedh programin që i përshtatet pasioneve dhe ambicieve të tua:
• Gjimnazi TIK – Për të rinjtë që duan të jenë pjesë e botës së teknologjisë dhe inovacionit.
• Gjimnazi Natyror – Për ata që kanë pasion për shkencat natyrore dhe kërkimin shkencor.
• Gjimnazi Gjuhësor – Për nxënësit që duan të përparojnë në gjuhë të huaja dhe komunikim ndërkombëtar.
• Asistent Dentar
• Bashkëpunëtor Profesional i Infermierisë
• Teknik i Farmacisë
• Teknik i Laboratorit Mjekësor
• Teknik i Optikës – Opticient
Formimi i liderëve të së nesërmes nis në UBT International Smart Schools
UBT International Smart Schools janë shkollat me synimin në zhvillimin e liderëve, inovatorëve dhe profesionistëve të së ardhmes. Me mentorim nga profesorë të kualifikuar, me praktika dhe projekte reale, si dhe me mundësi të shumta për pjesëmarrje në gara, konferenca dhe bashkëpunime ndërkombëtare, këto shkolla ofrojnë më shumë se një arsim – ofrojnë një përvojë jetësore.
Regjistrohu tani dhe bëhu pjesë e një udhëtimi edukativ që formëson të ardhmen tënde!
Për më shumë informata dhe aplikim: https://ubt.school/
046 332 233
Lajmet
Duda Balje: Nuk ndryshojmë qëndrim për koalicion me Vetëvendosjen
Published
7 hours agoon
April 25, 2025By
UBTNews
Deputetja nga radhët e komunitetit boshnjak dhe kryetare e Unionit Socialdemokrat, Duda Balje, ka deklaruar se partia e saj nuk ka ndryshuar qëndrim sa i përket bashkëpunimit me Lëvizjen Vetëvendosje. Deklarata e saj erdhi si përgjigje ndaj deputetit të VV-së, Arbër Rexhaj, i cili kishte përmendur një ofertë për pozitë ministrore ndaj Unionit Socialdemokrat.
“Unë jam mbrapa qëndrimit, të cilin e kemi marrë si parti. Ne nuk e ndryshojmë qëndrimin,” u shpreh Balje.
Ajo gjithashtu reagoi ndaj komenteve të Rexhajt lidhur me deputetët me pak vota, duke rikujtuar se ajo dhe partia e saj kanë mbështetur Vetëvendosjen në të kaluarën.
“Arbër Rexhaj ka pasur një pikëpyetje se çka është duke ndodhur me deputetët që i kanë pasur 500 vota. Unë e kam një përgjigje për Arbërin se ku ishte Arbëri kur ne kemi votuar për qeverisjen lokale të VV-së dhe për kryeministrin Kurti. Unë i them se kjo nuk ka logjikë prej Arbërit,” tha Balje

UBT organizon diskutim të nivelit të lartë mbi sundimin e ligjit dhe reformat në sistemin gjyqësor shqiptar

Kina prodhon edhe “Rolls Royce-in për të varfrit”

Selena Gomez: Rrënjët e mia kanë ndikuar në gjithë jetën time

Tragjedi në pistën e skive, vdes në moshën 18-vjeçare ylli i ri francez Margot Simond

UBT nënshkruan marrëveshje bashkëpunimi me Universitetin “Abdullah Gül” nga Turqia

Witkoff dhe Putin diskutojnë një propozim për paqe

Ndikimi i luftës tregtare të SHBA-së, Xi shpall planin për ekonominë kineze

Von der Leyen mund të bisedojë me Trump në Romë

Ulen ndjeshëm pritshmëritë për eksportet mes luftës tregtare të Trump
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet2 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore