

Teknologji
Koreja e Veriut lëshon dy raketa
Lëshimi i këtyre raketave vjen teksa Koreja e Jugut dhe ShBA nisën përgatitjet për stërvitjet e përbashkëta ushtarake.
Published
3 years agoon
By
Betim GashiKoreja e Veriut mëngjesin e së mërkurës ka lëshuar dy raketa detare në perëndim të qytetit bregdetar Onçon, thanë zyrtarë nga ushtria e Koresë së Jugut.
“Mëngjesin e sotëm, ne kemi detektuar dy raketa lundruese të lëshuara nga Koreja e Veriut në Detin Perëndimor nga Onço, në provincën e Pionganit Jugor”, tha një zyrtar i Ministrisë së Mbrojtjes për AFP-në.
“Autoritetet ushtarake të Shteteve të Bashkuara dhe Koresë së Jugut po analizojnë specifikat, sikurse është distanca e fluturimit të këtyre raketave”, shtoi ky zyrtar.
Lëshimi i këtyre raketave vjen teksa Koreja e Jugut dhe Shtetet e Bashkuara nisën përgatitjet për stërvitjet e përbashkëta ushtarake që do të mbajnë nga 22 gushti deri më 1 shtator.
Koreja e Veriut ka pritur me zemërim njoftimin për këto stërvitje, pasi i konsideron si stërvitje për pushtim.
Koreja e Veriut nuk ka testuar raketa lundruese – që janë të ndaluara sipas sanksioneve që Kombet e Bashkuara kanë vendosur ndaj Phenjanit – që nga janari, raportoi agjencia e lajmeve Yonhap.
Herën e fundit që Koreja e Veriut kreu testime të armatimeve ishte më 10 korrik, kur testoi raketahedhës të shumëfishtë.
Koreja e Veriut ka kryer një seri testimesh që nga janari, përfshirë edhe lëshimin e një rakete balistike ndërkontinentale me rreze të gjatë veprimi. Kjo ishte hera e parë që nga viti 2017 që Veriu testoi një raketë të këtij lloji.
Zyrtarët në Uashington dhe Seul kanë paralajmëruar se Koreja e Veriut po përgatitet të kryejë atë që mund të jetë testi i shtatë bërthamor./REL/
Teknologji
Një tjetër gjigant dëshiron të blejë Google Chrome
Published
23 seconds agoon
April 29, 2025
Kompania e internetit Yahoo është e interesuar të blejë shfletuesin Google Chrome, nëse një gjykatës federal amerikan vendos që Google duhet ta shesë atë.
Google mund të detyrohet ta bëjë për të shmangur akuzat për monopol, dhe CEO i Yahoo, Brian Provost, tha në seancë gjyqësore se Yahoo është e interesuar.
Sipas tij, Yahoo vlerëson se Chrome do të shitet me një çmim prej disa dhjetëra miliardë dollarësh, raporton Bloomberg.
Yahoo ishte lojtari kryesor në tregun e kërkimit online në fillim të shekullit të 21-të, por më vonë humbi pozicionin e tij pasi Google u bë shumë i suksesshëm.
Yahoo është shitur disa herë dhe që nga viti 2021 është në pronësi të Apollo Global Management.
OpenAI është gjithashtu e interesuar për shfletuesin Chrome, tha menaxheri i produktit Nick Turley në një seancë gjyqësore javën e kaluar.
ChatGPT tashmë ka një zgjerim për Chrome të disponueshëm për shkarkim, por Tarli beson se integrimi më i thellë do të krijonte një produkt më të mirë.
Departamenti i Drejtësisë i Shteteve të Bashkuara beson se Google e ka monopolizuar tregun dhe po kërkon që kompania të shesë një pjesë të biznesit të saj, përfshirë Chrome, për të lejuar konkurrencë më të madhe.
Google argumenton se propozimi i qeverisë dëmtonn konsumatorët, do degradonte produktet e përditshme e do minonte lidershipin e SHBA në teknologji.
Teknologji
Apple planifikon ndryshime drastike për 20 vjetorin e iPhone-it
Published
8 hours agoon
April 29, 2025
Në vitin 2027, iPhone do të shënojë 20 vjetorin e tij dhe Apple duket se ka plane të mëdha.
iPhone i parë u prezantua më 9 janar 2007, në konferencën Macworld në San Francisko, e doli në shitje më 29 qershor të të njëjtit vit në Shtetet e Bashkuara.
Në vitin 2027, iPhone do të shënojë 20 vjetorin e tij dhe Apple ka plane të mëdha. Disa media të huaja theksojnë se iPhone i 20-vjetorit sjellë ridizajnimin më radikal deri tani një pajisje pjesa e përparme e së cilës do të mbulohet plotësisht nga ekrani, pa prerje të dukshme për kamerën, sensorët dhe të ngjashme.
Ky spekulim përkon me një raport të Bloomberg, Apple dyshohet se po zhvillon një model Pro me theks në një dizajn xhami për të festuar dy dekada të iPhone. Mund të shoqërohet edhe nga iPhone i palosshëm i shumëpritur, por nuk është e qartë nëse do jetë gjenerata e parë apo e dytë e një pajisjeje të tillë.
iPhone i palosshëm prezantohet që në vitin 2026. Është interesante se Apple është i vetmi prodhues i telefonave inteligjentë që nuk ka modelin e vet të palosshëm. Ky përvjetor i madh mund të ndihmojë gjithashtu në ringjalljen e interesit për iPhone, veçanërisht pasi shitjet janë ngadalësuar në muajt e fundit.
Një sfidë shtesë paraqet tarifë e re prej 125% për produktet nga Kina, ku prodhohen shumica e komponentëve të iPhone, e futur gjatë administratës së Donald Trump. Ende nuk dihet se si do ta quajë Apple modelin e përvjetorit. Sipas orarit të rregullt, iPhone 19 duhet të shfaqet në vitin 2027.
Apple ka ndryshuar emrat për momente të rëndësishme në të kaluarën, p.sh më 2017 anashkaloi iPhone 9 dhe lansoi iPhone X për 10-vjetorin.
Nuk përjashtohet mundësia që për 20-vjetorin, të prezantojë një model iPhone XX, në përputhje me numrat romakë. Deepanjan Chatterjee, nënkryetar e analist kryesor në Forrester, paralajmëroi se pritja e gjatë për një dizajn të ri të iPhone mund të jetë “shpatë me dy tehe” për Apple.
“Një ridizajnim i guximshëm për modelin e përvjetorit tingëllon shkëlqyeshëm, por duhet të mbahet mend se është ende dy vjet larg, dhe ndërkohë Apple po përpiqet të motivojë përdoruesit të blejnë modele të reja dhe kështu të ndalojë rënien e shitjeve të iPhone”, theksoi ai.
Chatterjee theksoi se funksioni i ri i Inteligjencës së Apple nuk i ka motivuar ende ndjeshëm pronarët e iPhone-ve të vjetër që të kalojnë në modele më të reja.
“Pritjet e larta për modelin e vitit 2027 mund ta ngadalësojnë edhe më shumë blerjen e pajisjeve të reja, pasi shumë do të preferojnë të presin”, theksoi ai.
Chaterzy paralajmëron gjithashtu për një problem tjetër: disa përdorues blejnë iPhone 16E më të lirë tani e të presin disa vite për të blerë më pas modelin më të shtrenjtë që dëshirojnë vërtet.
Teknologji
Meta përballet me një tjetër padi në Afrikë “për trajtimin e moderatorëve të përmbajtjes”
Published
1 day agoon
April 28, 2025
Meta, kompania mëmë e Facebook dhe Instagram, përballet me raund të dytë padish në Afrikë për shkak të dëmtimeve psikologjike që kanë përjetuar moderatorët e përmbajtjes në Gana.
Moderatorët, të punësuar nga Majorel në Accra, pretendojnë se kanë vuajtur nga depresioni, ankthi dhe abuzimi me substanca për shkak të ekspozimit ndaj përmbajtjeve të dhunshme dhe grafike.
Disa kanë raportuar kushte pune të rënda dhe mbështetje të pamjaftueshme për shëndetin mendor. Ky zhvillim vjen pas një rasti të ngjashëm në Kenia, ku dhjetëra moderatorë të punësuar nga Samasource u diagnostikuan me stres post-traumatik.
Përgatitjen e padisë në Gana po e udhëheq një organizatë britanike në bashkëpunim me një firmë lokale.
Ata pretendojnë se Meta dhe kontraktorët e saj kanë neglizhuar kushtet e sigurisë dhe mirëqenies së punëtorëve.
Meta dhe kompania mëmë e Majorel, kanë mohuar akuzat, duke theksuar se ofrojnë paga të forta dhe mbështetje për shëndetin mendor.
Teknologji
Pse Mark Zuckerberg mund të detyrohet të shesë Instagram dhe WhatsApp?
Published
3 days agoon
April 26, 2025
Kompania Meta, në pronësi të Mark Zuckerberg, është duke u përballur me një gjyq vendimtar në SHBA, që mund të çojë në ndarjen e saj nga platformat Instagram dhe WhatsApp.
Procesi gjyqësor nisi më 14 prill, pas një hetimi gjashtëvjeçar nga Komisioni Federal i Tregtisë, që pretendon se Meta ka shkelur ligjet e konkurrencës.
Sipas padisë, Meta përdori praktika antikonkurruese për të mbrojtur dominimin në tregun e rrjeteve sociale personale.
FTC pretendon se blerjet e Instagram më 2012 dhe WhatsApp më 2014 ishin mënyra për të eliminuar kërcënimet konkurruese ndaj Facebook. Në dokumente citohet një email i Zuckerberg nga viti 2008 ku thuhet: “Është më mirë të blesh sesa të konkurrosh”.
Për më tepër, Meta akuzohet se ka vendosur kushte kufizuese për zhvilluesit që përdorin platformën e saj, në mënyrë që të frenojë rritjen e konkurrentëve potencialë. FTC argumenton se kjo sjellje ka dëmtuar përdoruesit, duke kufizuar zgjedhjen, cilësinë dhe inovacionin në rrjetet sociale.
Nga ana tjetër, Meta i është përgjigjur akuzave me një deklaratë ku i konsideron pretendimet e FTC-së si të dobëta dhe të shkëputura nga realiteti.
Jennifer Newstead, drejtuese e çështjeve ligjore në Meta, theksoi se tregu i rrjeteve është kompleks përfshin konkurrentë si TikTok, YouTube, iMessage dhe X.
Sipas saj, Instagram ka përfituar nga blerja nga Meta e ofron përvojë më të mirë për përdoruesit. Megjithatë, nëse Meta humbet procesin, Zuckerberg mund të detyrohet të shesë Instagram dhe WhatsApp – një vendim që do të kishte pasoja të mëdha për të ardhmen e rrjeteve sociale globale.

Një tjetër gjigant dëshiron të blejë Google Chrome

Ushqimet e shumëpërpunuara mund të lidhen me vdekjet e hershme

Laboratori për Testimin e Performancës së Sportistëve, flet profesori Milaim Berisha

Eurovision habit me ndryshimin: Flamujt palestinezë do të lejohen në publik

Presidenti i Malit të Zi nuk e dekreton ligjin për Plazhin e Madh të Ulqinit

UBT promovon dy botime të rëndësishme shkencore në fushën e mekanikës dhe inxhinierisë së ndërtimit të autorit, Prof. Naser Morina

UBT shënon Ditën Ndërkombëtare të Sigurisë dhe Shëndetit në Punë me diskutim të thelluar për menaxhimin, shëndetin dhe mirëqenien në mjediset e punës

OKB: Mbi 72.000 migrantë të vdekur ose të zhdukur në dekadën e fundit

Parlamenti hungarez voton për t’u tërhequr nga GJPN-ja
Të kërkuara
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet3 weeks ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë1 month ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur