Lajmet

​Komisioni hetimor për energji i propozuar nga pozita do të dëgjojë dëshmitë nga viti 2006

Pozita kërkoi që intervistimi i dëshmitarëve të fillojë nga viti 2017-2020.

Published

3 years ago

on

Deputetët e Komisionit hetimor parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike nuk kanë rënë dakord që hetimet të nisin nga vitet e fundit. Përkundër propozimit të mazhorancës që dëshmitë të ndahen në periudha 3-vjeçare dhe prioritet t’i jepet zhvillimeve të viteve të fundit, kjo u kundërshtua nga deputetët e opozitës. U vendos që intervistimi i dëshmitarëve nga ky komision të fillojë nga viti 2006 duke ftuar ministra, kryesues e anëtarë të bordeve, drejtorët të përgjithshëm etj.

Derisa deputetët e opozitës propozuan që intervistimi të nisë nga periudha e vitit 2006, pozita kërkonte që intervistimi i dëshmitarëve të fillojë nga viti 2017-2020.

Kryetari i këtij komisioni hetimor, Hajdar Beqa kërkoi që intervistimi të nis nga viti 2006.

“Ne kemi listën e dëshmitarëve për vitin 2006 dhe shkojmë nga niveli më i lartë prej ministrit më të lartit e thërrasim prej ministrit ose kemi nivel tjetër dhe shkojmë tek kryetarët e bordeve tek drejtorët e përgjithshëm dhe deri tek zyrtarët përkatës”, tha ai.

Kategorizim në faza kërkoi deputeti i Lëvizjes Vetëvendosje, Armend Muja, dhe si propozim i tij ishte që intervistimi i dëshmitarëve të nisë nga viti 2017-2020.

“Ne ishte dashur që t’i kategorizojmë në faza, të fillohet me fazën e parë me dëshmitarë të vitit 2017-2020, pastaj në fazën e dytë 2013-2016, në fazën e tretë 2010-2013 dhe pastaj fazën e katërt 2006-2009 në mënyrë që të krijohet një perspektivë e qartë e të gjitha vendimeve… 08’17 Sa i përket gjendjes që jemi duke kaluar tash është një periudhë tash 2017-2020 është ai momenti kur në KOST dhe ZRRE janë marr vendime të rëndësishme ne dëshirojmë t’ia paraqesim komisionit dhe publikut dhe kanë relevanc edhe tani, pastaj në fazën e dytë është periudha e post-privatizimit 2013-2016 dhe ndërlidhet me investimet kapitale të KEDS-it si vendim i dytë i rëndësishëm”, tha Muja.

Pas kësaj, kryesuesi i komisionit, Beqa tha se hetimet do t’i kryejnë për të gjitha periudhat, por më e rrugës është që intervistimi të nisë nga viti 2006 ashtu siç është përcaktuar edhe faza e hetimit.

“Kronologjia thotë të fillohet në fillim e të përfundojë në fund, kjo është kërkesë krejt teknike dhe nëse duam 2006-2009 me u ndal pak ndalemi pak nëse nuk kemi ndonjë propozim por nuk e dimë se ku ka me na dal situata ne do t’i kryejmë të gjitha hetimet si në 2006 si në 2022”, tha ai.

Deputeti i LDK-së, Armend Zemaj, tha se me propozim të Lëvizjes Vetëvendosje për intervistim të dëshmitarëve nuk do të arrihet ndonjë rezultat.

“Hetimet duhet ta kenë një bazë edhe si legalist me nis prej mesit nëse keni një arsyetim të fortë, Armendi faktikisht nëse ka një argument të fortë prej 2017 e 10 vite t’i kalojë dhe 5 vite prapa me u kthye në një fazë pasi t’i kalojmë ato 10 vitet e tjera pak, mos po e humbim hapin e qëllimit tonë pozitiv. Kronologjikisht është më mirë nëse një vendim i 2009 ka arritur që të aprovohet në 2015, ‘16, ‘17 ose nëse një vendim qoftë për investime është ndërprerë në 2016 dhe në 2017 ka marr vendim tjetër po më duket se po hyjmë në diçka që nuk mund të nxjerrim ndonjë rezultat”, tha ai.

Edhe deputetja e AAK-së, Time Kadrijaj kundërshtoi propozimin e deputetëve të LVV-së, Armend Muja për intervistim në faza.

“Kërkesa juaj ka qenë që të hulumtohet nga 2006 deri në 2022 por tash një shtëpi kur fillon të ndërtohet nuk fillon prej kulmit ose muret, dhe ne duhet ta kuptojmë procesin si proces nëse se fillojmë prej 2006, prej fillimit të funksionimit e deri më lartë ne nuk do të arrijmë të prodhojmë asgjë”, theksoi Kadrijaj.

Insistues në kërkesën e tyre që intervistimi i dëshmitarëve të nisë në faza ishte edhe deputeti i LVV-së, Arbër Rexhaj i cili vazhdimisht kërkoi konsensus për propozimin e tyre.

“Ne nuk jemi duke kërkuar të heqim asnjë vit apo institucion aty ne thjesht kemi vendos prioritetet tona dhe kemi vendos si tematik dhe realisht mbi bazën e kësaj tematike ne po fillojmë intervistimin e kandidatëve. Nuk po kërkojmë të heqim asnjë vit por i kemi disa prioritete dhe meqenëse LVV është ajo që ka kërkuar themelimin e këtij komisioni natyrisht ne duhet t’i tregojmë prioritetet tona dhe duhet të jetë mirëkuptuese tek ju”, theksoi Rexhaj.

Komisioni Hetimor Parlamentar në lidhje me procesin e vendimmarrjes në sektorin e energjisë për periudhën 2006-2022, në nivelin legjislativ, ekzekutiv, rregullator dhe në ndërmarrje publike në rend dite sot ka pasur edhe shqyrtimin e CV-ve për angazhim të ekspertëve, por kjo pikë u shtye për mbledhjen e radhës pasi buxheti për këtë komision hetimor nuk ka kaluar në Kuvend të Kosovës në mungesë të kuorumit.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

2 days ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

2 days ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

2 days ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara