Sport

Kjo është situata momentale në grupin B të Ligës së Kampionëve

Grupin B e kryeson Liverpooli me nëntë pikë.

Published

5 years ago

October 20, 2021

Betim Gashi

Njëra nga grupet më interesante dhe më të paparashikueshme të Ligës së Kampionëve në këtë edicion padyshim se është grupi B ku bëjnë pjesë skuadra të mëdha evropiane si Liverpooli, Milani, Atletico Madridi dhe Porto.

Deri më tani janë zhvilluar tri ndeshje në këtë grup dhe është skuadra angleze Liverpool ajo e cila i ka tri fitore, kurse Milani vazhdon të bëfasojë duke mos e shijuar ende triumfin dhe rrjedhimisht ka zero pikë deri më tani.

Liverpooli se fundit e mposhti Altetico Madridin me rezultat 3-2, kurse Milani u mposht nga Porto me rezultat minimal 1-0.

Pas tri ndeshjeve të zhvilluara, grupin B e kryeson Liverpooli me nëntë pikë, i ndjekur nga Atletico Madridi me katër pikë, pastaj vjen Porto me katër pikë dhe Milani që tashmë e ka vënë në dyshim serioz kualifikimin tutje pasi vazhdon të mbetet pa pikë.

Related Topics:liga e kampioneve ndeshje

Up Next

Superliga e Kosovës, kryendeshja mes Gjilanit e Drenicës

Don't Miss

Cristiano Ronaldo e ftoi James Arthurin të performojë në ditëlindjen e tij

Sport

Schmeichel kërkon Xhakën te Manchester United, Scholes e refuzon prerë

Published

1 hour ago

May 5, 2026

UBTNews

Ish-portieri i famshëm i Manchester United, Peter Schmeichel, ka befasuar duke propozuar transferimin e Granit Xhakës në “Old Trafford”.

Gjatë një podkasti, danezi argumentoi se mesfushori shqiptar është lideri që i duhet ekipit për të udhëhequr talentet e reja si Kobbie Mainoo.

“Shikoni çfarë ka bërë te Sunderland, ai është arsyeja pse ata janë të mrekullueshëm. Ka lidership dhe pushtet, gjë që na mungon,” deklaroi Schmeichel.

Megjithatë, kjo ide është kundërshtuar menjëherë nga Paul Scholes. Legjenda e mesfushës u shpreh skeptik, duke e krahasuar transferimin e mundshëm të Xhakës me situatën e Casemiros, duke lënë të kuptohet se Unitedit nuk i duhen më lojtarë veteranë, por energji e re.

Sport

Rekord i Wembanyama-s nuk mjafton, Spurs humbin ndaj Timberwolves

Published

4 hours ago

May 5, 2026

UBTNews

Rekord historik i Victor Wembanyama nuk mjaftoi për San Antonio Spurs, të cilët u mposhtën në ndeshjen e parë gjysmëfinale të Konferencës në plejof nga Minnesota Timberwolves me rezultat të ngushtë 104:102.

Ylli i Spurs, Victor Wembanyama, zhvilloi një paraqitje të jashtëzakonshme duke vendosur rekord të ri në plejofin e NBA-së me 12 bllokada. Përveç kësaj, ai kontribuoi edhe me 11 pikë dhe 15 kërcime, duke regjistruar gjithashtu një “triple-double” të rrallë me bllokada – duke u bërë vetëm lojtari i tretë në histori që arrin këtë arritje që nga viti 1973/74, kur NBA filloi t’i regjistronte bllokimet si statistikë zyrtare.

Megjithatë, performanca e tij nuk mjaftoi për fitore, pasi Minnesota arriti ta mbyllë ndeshjen në favor të saj në fundin e një dueli shumë të fortë.

“Duhet të jemi më të mirë”, deklaroi Wembanyama pas ndeshjes, duke pranuar nevojën për përmirësim në vazhdim të serisë.

Sport

City ndalet në garën për titull pas barazimit me Evertonin

Published

5 hours ago

May 5, 2026

UBTNews

Manchester City ka humbur hapin në garën për titullin e Premier League pas një barazimi dramatik 3:3 ndaj Everton FC, në një ndeshje të xhiros së 35-të.

Skuadra e Pep Guardiolës u ndal në këtë përballje të hënën mbrëma, duke mbetur tashmë pesë pikë prapa liderit Arsenal FC, i cili ka 76 pikë, ndërsa City është në vendin e dytë me 71 pikë, por me një ndeshje më pak të zhvilluar.

City shmangu humbjen në sekondat e fundit, kur Jeremy Doku realizoi golin e barazimit 3:3 në minutën e 97-të. Ai kishte shënuar edhe golin e parë për vendasit në minutën e 43-të. Gol tjetër për Cityn realizoi Erling Haaland në minutën e 83-të.

Nga ana tjetër, Evertoni përmbysi përkohësisht rezultatin në pjesën e dytë. Fillimisht barazoi me Thierno Barryn në minutën e 68-të, më pas kaloi në epërsi me Jake O’Brien në minutën e 73-të, ndërsa Barry shënoi edhe golin e tretë në minutën e 81-të.

Me këtë barazim, Evertoni mban vendin e 10-të me 48 pikë.

Sport

Sevilla fiton 1:0 ndaj Real Sociedadit, Adnan Januzaj mbetet në bankinë

Published

5 hours ago

May 5, 2026

UBTNews

Fitore minimale, por me shumë peshë për Sevilla FC, ku aktivizohet edhe mesfushori kosovar Adnan Januzaj.

Skuadra andaluziane arriti të hënën një triumf të rëndësishëm ndaj Real Sociedad, duke fituar me rezultat 1:0. Golin vendimtar e realizoi sulmuesi me përvojë Alexis Sánchez në minutën e 50-të, duke i siguruar ekipit tri pikë jetike në garën për mbijetesë.

Januzaj nuk u aktivizua në këtë përballje, duke e ndjekur ndeshjen nga stoli.

Me këtë fitore, Sevilla ngjitet në vendin e 17-të me 37 pikë, duke bërë një hap të rëndësishëm larg zonës së rrezikut. Në anën tjetër, Real Sociedadi mbetet në pozitën e nëntë me 43 pikë.