Sport

Kjo është arsyeja pse Conte po largohet nga Interi

Published

5 years ago

May 26, 2021

Betim Gashi

Nuk ishte pritur pas një sezoni fantastik që u kurorëzua me titullin kampion, por duket se Antonio Conte po i numëron orët e fundit si trajner i Interit.

Janë mediat italian ato të cilat që e kanë nisur ditën e sotme me rarpotime të shumta se tekniku italian do ta shkëpus kontratën me klubin nga “Giuseppe Meazza” dhe për këtë ka arsye të fuqishme.

Conte thuhet se nuk është i bindur në lidhje me planin e Interit për të reduktuar shpenzimet në vitet 2021-22 që mund të sillnin dobësimin e fuqisë aktuale të ekipit.

“La Gazzetta dello Sport” dhe “Il Corriere dello Sport” raportojnë se trajneri është afër përfundimit të kontratës së tij me “Nerazzurrët” dhe t’u thotë lamtumirë kampionëve të Italisë.

Presidenti i Interit, Steven Zhang ka planifikuar të zvogëlojë shpenzimet në “Giuseppe Meazza” dhe “Il Corriere dello Sport” pretendon se ai dëshiron të ulë pagat deri në 15% për çdo lojtarë si dhe të bëjë shitje që sjellin deri në 90 milion euro në klub.

Këto janë arsyet kryesore pse Conte mund të mos e drejtojë Interin në sezonin e ardhshëm.

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/