Sulmuesi kosovar Fisnik Asllani dhe klubi i tij Elversberg, nuk ia kanë arritur qëllimit që të promovohen në Bundesliga. 

Sot (e hënë) Elversbergu e zhvilloi ndeshjen e kthimit ndaj Heidenheimit në përballjen e barazhit e cila do të dhuronte ekipin që do të luante në elitën e futbollit gjerman sezonin e ardhshëm. Ndeshja e parë mes këtyre dy skuadrave kishte përfunduar me rezultat të barabartë 2-2.

Në atë sfidë Asllani ishte shpallur lojtari më i mirë i ndeshjes, pasi kishte kontribuar me një gol dhe një asistim.

Ndërkaq, në sfidën e kthimit ylli dardan ishte i pafat, pasi në minutën e 49-të atij iu anulua një gol për pozicion jashtë loje.

Heidenheimi arriti të shënojë në minutën e 95-të të takimit për të marrë fitoren me rezultat 2-1, duke siguruar kështu mbetjen në elitë me rezultat të përgjithshëm 4-3.  Në nivel personal për Asllanin ky ishte një sezon i jashtëzakonshëm pasi ai kishte prodhuar shifra fantastike.

22-vjeçari pati 33 paraqitje për klubin këtë edicon, ku ka arritur të shënojë 18 gola dhe të dhurojë tetë asistime.

Kombëtarja shqiptare do të zhvillojë dy ndeshjet e radhës në kuadër të kualifikueseve për Kampionatin Botëror “FIFA World Cup 2026”, përballë Serbisë dhe Letonisë.

Trajneri i kuqezinjve, Silvinjo, ka publikuar listën me 27 futbollistët e ftuar për këto dy sfida të rëndësishme, ku nuk mungojnë emrat e njohur të përfaqësueses shqiptare.

Lista e plotë e futbollistëve të ftuar:

Portierë:
Thomas Strakosha, Elhan Kastrati, Alen Sherri, Mario Dajsinani

Mbrojtës:
Elseid Hysaj, Ivan Balliu, Mario Mitaj, Naser Aliji, Marash Kumbulla, Ardian Ismajli, Berat Gjimshiti, Arlind Ajeti, Adrian Bajrami

Mesfushorë:
Ylber Ramadani, Juljan Shehu, Kristjan Asllani, Qazim Laçi, Adrion Pajaziti, Nedim Bajrami, Medon Berisha, Arbër Hoxha

Sulmues:
Ernest Muçi, Jasir Asani, Armando Broja, Myrto Uzuni, Rey Manaj, Mirlind Daku

Ndeshja ndaj Serbisë do të zhvillohet më 7 qershor, në “Arenën Kombëtare” në Tiranë, me fillim nga ora 20:45.
Takimi i dytë, ndaj Letonisë, do të luhet më 10 qershor në stadiumin “Skonto Stadions” në Riga, po në orën 20:45.

Kanë nisur me duele të zjarrta ndeshjet gjysmëfinale të play-offit në futsallin e Kosovës.

FC Drenica ka marrë një fitore të rëndësishme në shtëpi, duke e mposhtur FC Vjosën me rezultat bindës 4-1.

Ndërkohë, FC Prishtina 01 ka dalë fituese në derbin prishtinas, ku e mposhti FC Mabetex Prishtinën me shifrat 4-2, duke hedhur një hap të madh drejt finales.

Sipas sistemit të garës, skuadra që arrin dy fitore siguron kualifikimin në finale, ndaj ndeshjet e kthimit do të jenë vendimtare.

Është mbyllur këtë të diele xhiroja e fundit e Superligës së Kosovës në futboll.

Vëmendja kryesore ishte në Podujevë, ku Llapi shënoi fitore ndaj Dukagjinit, me rezultat 3-1, për të konfirmuar vendin e tetë dhe të barazhit. Në fazën e playout-it do të përballet me skuadrën e Vushtrrisë.

Kurse është Suhareka që i është bashkuar Feronikelit 74’, duke rënë nga Superliga matematikisht, pasi gjendet nw pozitën e parafundit.

Skuadra që u inkuadrua vitin e kaluar në Superligë, edhe me barazim ndaj Ballkanit, konfirmoi rënien nga elita. Në anën tjetër, Malisheva edhe pse mbeti baras me Prishtinën, 2-2, ka blinduar vendin e tretë dhe daljen në Evropë. Kurse kampioni Drita e mbylli me poker ndaj Feronikelit 74’.

Ndërkohë fitues nuk dhuroi ndeshja mes Ferizajt dhe Gjilanit, duke u mbyllur 2-2.