Lajmet

​Java e sigurisë në komunitet, Policia e Kosovës fton qytetarët për bashkëpunim

Përmes këtij aktiviteti po synohet edhe promovimi i partneritetit polici-qytetarë.

Published

on

Policia e Kosovës po shpërndan fletushka informuese dhe po kërkon bashkëpunimin e qytetarëve për të siguruar një ambient të sigurt për të gjithë. Në këtë mënyrë po shënohet Java e sigurisë në komunitet, me moton “Policia Popull dhe Populli Polici”. Përmes këtij aktiviteti po synohet edhe promovimi i partneritetit polici-qytetarë.

Shefja e sektorit për bashkëpunim me forumet e sigurisë, kapitene Begishe Krasniqi thotë se qytetarët mund të kontribuojnë për siguri dhe mirëqenie për të gjithë.

“Në kuadër të këtij partneriteti nëpër zona sektoriale të qyteteve të ndryshme e kemi edhe komunitetet lokale për siguri publike apo forumet e sigurisë që janë deri tani të formuara në nivel vendi. Aktiviteti i sotëm që tregon se ka filluar java e sigurisë në komunitet do të vazhdojë edhe në qytete tjera të Kosovës, që ka qëllim promovimin dhe bashkëpunimin polici-qytetar. Duhet të punojmë në vazhdimësi që të gjithë qytetarët të kenë parasysh, dhe të marrin një pjesë të përgjegjësisë edhe ata për sigurinë në komunitet, sepse jo vetëm policia mundet me zgjidh sigurinë, të gjithë së bashku të kontribojmë për një siguri dhe një mirëqenie… Pra, motoja e këtij aktiviteti është Policia Popull dhe Populli Polici, pra të gjithë bashkë për një siguri dhe një ambient të sigurt”, tha Krasniqi.

Gjatë këtij aktiviteti, pjesëtar të Policisë, po shpërndajnë për qytetarët edhe fletushka vetëdijësuese dhe parandaluese që lidhen me trafikun, dhunën në familje e me fatkeqësitë natyrore.

Aktiviteti që po mbahet në sheshin “Zahir Pajaziti” në Prishtinë do të zgjasë deri në orën 15:00.

I njëjti aktivitet gjatë javës do të vazhdojë edhe në qytete tjera të vendit, si në Gjilan, Ferizaj, Prizren, Pejë, Gjakovë e Mitrovicë.

Lajmet

Vetëvendosjes në Prishtinë i largohen dy asamblistë

Published

on

By

Dy asamblistët në Kuvendin komunal të Prishtinës, Berat Lahu dhe Edmond Azemi janë tërhequr nga grupi i asamblistëve të VV-së duke u pozicionuar si të pavarur.

Emrat e tyre në sallën e Kuvendit, ku sot pritet të mbahet seanca e rregullt, janë vendosur në një vend tjetër prej atyre të Vetëvendosjes dhe te emri u shkruan “i pavarur”.

Lëvizja Vetëvendosje mbetet me 15 asamblistë në Kuvendin Komunal.

Continue Reading

Bota

Rubio: SHBA anulon më shumë se 300 viza për studentët e huaj

Published

on

Sekretari amerikan i Shtetit, Marco Rubio, ka njoftuar se Shtetet e Bashkuara kanë anuluar mbi 300 viza për studentët e huaj, si pjesë e një aksioni kundër aktivistëve pro-palestinezë. Ai theksoi se çdo herë që identifikojnë individë që shkelin kushtet e vizës duke u angazhuar në aktivitete politike, ata do të humbasin vizat e tyre.

Rubio gjithashtu konfirmoi anulimin e vizës për Rumeysa Ozturk, një studente turke, e cila u arrestua pas një artikulli kritik ndaj Izraelit. Ajo u arrestua nga agjentët e SHBA gjatë një operacioni, dhe akuzohet për mbështetje të Hamasit, një akuzë që avokatët dhe familja e saj e mohojnë./UBTNews/

 

Continue Reading

Bota

Tërmeti 7.7 balë në Mianmar, Kryeministri i Tajlandës shpall gjendjen e jashtëzakonshme

Published

on

Kryeministri i Tajlandës, Phatthongthaung Shinawatra, shpalli gjendjen e jashtëzakonshme pas tërmetit të fuqishëm me magnitudë 7.7 që goditi Mianmarin, duke marrë masa urgjente për sigurinë e qytetarëve të tij. Në një postim në platformën X, Shinawatra njoftoi se një sistem paralajmërimi për celularët do të implementohet në Tajlandë për të siguruar informacion të shpejtë dhe të saktë në rast të pasgoditjeve apo rreziqeve të tjera.

Ai theksoi se Ministria e Mbrojtjes dhe Administrata e Sigurisë së Brendshme të Tajlandës do të jenë të angazhuara për të siguruar që asnjë qytetar të mos jetë në rrezik. Po ashtu, Ministria e Mjedisit do të ndërmarrë vlerësime të kujdesshme për efektet e mundshme të tërmetit dhe çdo pasgoditje që mund të ndodhte.

Kryeministri gjithashtu udhëzoi Ministrinë e Shëndetësisë të përgatiste spitalet dhe njësitë mjekësore emergjente për të ofruar ndihmë për ata që mund të preken nga pasojat e mundshme të tërmetit.

Nga ana tjetër, pamjet që kanë mbërritur nga Mianmari tregojnë shkatërrimin e tmerrshëm që ka shkaktuar tërmeti. Grumbuj të mëdhenj mbeturinash dhe rrënoja janë shpërndarë në të gjithë Mianmarin si pasojë e ndërtesave të shembura. Në qytetin e afërt Naypyidaw, janë krijuar çarje të mëdha në rrugë, duke detyruar shoferët të ndërpresin udhëtimet për shkak të rrezikut që paraqesin këto dëmtime./UBTNews/

 

Continue Reading

Lajmet

​Gjenden tri armë të fshehura që dyshohet se u përdorën në vrasjen në Prishtinë

Published

on

By

Policia e Kosovës ka gjetur dhe sekuestruar tri armë zjarri të cilat dyshohet se janë përdorur në vrasjen e cila ndodhi në Prishtinë, ku mbeti i vrarë një person dhe një tjetër u plagos.

Sipas raportit 24 orësh të Policisë së Kosovës bëhet e ditur se armët e përdorura në kryerjen e veprës penale janë gjetur të fshehura në magjistralen Prishtinë-Mutivodë.

“Rr. ‘Bajram Kelmendi-Rrustem Hyseni’, Prishtinë / 25.03.2025 – 22:25. Lidhur me rastin e datës së lartcekur Policia e Kosovës ka siguruar informacione se armët e përdorura në kryerjen e veprës penale të lartcekur gjenden të fshehura në magjistralen Prishtinë – Mutivodë. Lidhur me rastin në lokacion kanë dalë njësitë përkatëse policore dhe në konsultim me prokurorin e rastit kanë bërë sekuestrimin e tri armëve të zjarrit: një armë zjarri AK 47, një armë zjarri e tipit TT dhe një armë zjarri COLT’, thuhet në njoftim.

Në raportin e policisë thuhet se po vazhdojnë të punojë intensivisht në hetimin dhe ndriçimin e plotë të rastit, si dhe sjelljen para organeve të drejtësisë së personave të dyshuar.

Continue Reading

Të kërkuara