

Lajmet
Jasharaj: Unë jam i gatshëm që të marrë pjesë në takimin mes Flocken dhe Kurtit
Sot është dita e 28 e grevës së Bashkimit të Sindikatave të Pavarura të Kosovës.
Published
3 years agoon
By
UBT.NewsKryetari i Këshillit Grevist të BSPK-së, Rrahman Jasharaj ka shprehur gatishmërinë që të marrë pjesë në takimin mes drejtoreshës së përgjithshme të Unionit të Sindikatave të Arsimit të Evropës, Susan Flocken dhe takimit me kryeministrin e vendit, Albin Kurti. Kështu ka deklaruar Jasharaj pas daljes nga mbledhja e Komisionit për Arsim, e cila është përcjellur me shumë debate e tensione.
Jasharaj doli nga salla ku mbahej komisioni, gjatë kohës sa po deklarohej deputeti i shumicës, Dimal Basha.
Jasharaj para mediave ka thënë se nuk dihet ende se kush do të shkojë në takim me drejtoreshën e Sindikatave të Arsimit të Evropës, Susan Flocken.
“Vet fakti që drejtoresha që është njeriu i dytë në Union që përfaqëson 11 milionë anëtarë të sindikatave nga e gjithë bota, vet ardhja e saj është e saktë se do të ketë takim. Cila do të jetë rrjedha dhe përbërja e pjesëmarrësve në takim, besoj që në emër të sindikatave do të jetë zonja Flocken. Besoj shumë se do të jetë edhe kryeministri. Kush do të jetë me drejtoreshën, do të këshillohemi dhe besoj shumë se do të jetë dikush nga SBAShK-u. Do të shohim rrjedhën e këtij takimi dhe pastaj ne me qëllimin më të mirë që të informojmë drejtë e mirë opinionin e kemi ftuar konferencën në orën 19:00, ku mediave do i drejtohemi me zonjën Flocken dhe ajo do të tregojë rrjedhën e takimit me Kurtin”, ka deklaruar ai.
Jasharaj u shpreh se Flocken do të jetë zëri i tyre në takimin, që sic tha ai, shpreson se do të jetë me kryeministrin Albin Kurti. Ai theksoi se është i gatshëm që të marrë pjesë në këtë takim.
“Pasi takimin e ka caktuar Brukseli, gjegjësisht zonja Floken ajo e di më mirë se kë dëshiron ta ketë në takim. Unë jam i gatshëm dhe besoj se si kryetar i Këshillit Grevist të BSPK-së por edhe si kryetar i SBAShK-ut besoj që do të jem. Por nëse ajo e sheh të rrugës që ajo të merr nga sferat, fushat, njerëz profesional. Unë po deklaroj publikisht se ka sfera që unë nuk i njoh dhe nuk hi në to, aspekti i shifrave. Besoj që cili do nga SBAShK që do të shoqërojë sot zonjën Flocken do të shkojë për të dhënë kontribut sepse unë jam kryetar, por ka gjëra dhe sfera që nuk jam shumë i përgatitur dhe mund të gabojë në takim. Pra, do të shkojnë me zonjën Flocken njerëz të përgatitur, të fushave të caktuara”, ka shtuar ai.
Ai ka folur edhe për mbledhjen e sotme të Komisionit për Arsim, ku theksoi se pritjet kanë qenë që sot të ketë diçka pozitive. Po ashtu ka komentuar edhe debatin me deputetin Dimal Basha.
“E kam përcjellur në paraqitjet e tij, janë të vrazhda, fyese dhe ofenduese. Dhe është pikërisht ky që jep vlerësime se a i kemi 67 apo 68 për qind të njerëzve tanë analfabetë. Dhe unë e kam ditur që ai asnjë debat, as një fjalë të hajrit nuk do ta thotë sot. Debati i tij nxiti edhe tensionime. Ne nuk jemi që të tensionohet situata, ne jemi që të kemi njerëz me mesazhe pozitive. Qoftë një hoxhë i mirë, qoftë një prift i mirë, qoftë një aktor profesional, qoftë një njeri që respekton këtë vend që të thotë një mesazh pozitiv dhe në këtë mënyrë do të uleshin tensionet. Jo me debate të tilla dhe me paraqitje të tilla që shihet qartë një urrejtje ndaj njerëzve dhe një vlerësim tejet skandaloz ndaj mësimdhënësve. Nëse ka argumente dhe fakte që i kemi 67 për qind analfabetë nxënës, pse po ngulmojnë që të hapen shkolla të tilla, çfarë na duhen shkolla të tilla? “, ka deklaruar Jasharaj.
Kujtojmë se sot është dita e 28 e grevës së Bashkimit të Sindikatave të Pavarura të Kosovës.
Lajmet
Nagavci: Vendimi i Kushtetuese konfirmon se konstituimi është përgjegjësi e subjekteve fituese
Published
7 minutes agoon
June 27, 2025By
UBTNews
Ministrja në detyrë e Arsimit, Arbërie Nagavci, ka deklaruar se vendimi i Gjykatës Kushtetuese e konfirmon qartë se përgjegjësia për konstituimin e Kuvendit të Kosovës bie mbi subjektet fituese të zgjedhjeve, veçanërisht mbi tre partitë më të mëdha që duhet të kenë përfaqësuesit e tyre në Kryesi.
“Besoj ajo që është e qartë është se VV-ja është munduar që ta trajtojë vendimin e Gjykatës Kushtetuese në aspektin juridik. Vendimi e dëshmon edhe një herë atë që e kemi thënë – që konstituimi i Kuvendit është përgjegjësi e subjekteve fituese të zgjedhjeve, e veçmas tri subjekteve më të mëdha, të cilat do të kenë përfaqësuesit e tyre në Kryesi të Kuvendit,” tha Nagavci.
Ajo tha se nuk ka asnjë indikacion nga vendimi i Kushtetueses që votimi i fshehtë është në kundërshtim me Kushtetutën, duke lënë të kuptohet se ai do të përdoret sërish në përpjekjen për konstituim.
“Gjykata Kushtetuese askund nuk e ka cekur që votimi i fshehtë është kundërkushtetues. Besoj që edhe sot do të vazhdohet me të njëjtin votim,” u shpreh ajo.
Lajmet
Zemaj: Askush s’mund të udhëheqë me diktat, deputetët i përgjigjen vetëm qytetarëve dhe Kushtetutës
Published
11 minutes agoon
June 27, 2025By
UBTNews
Deputeti i Lidhjes Demokratike të Kosovës (LDK), Armend Zemaj, ka deklaruar se zgjidhja e vetme për tejkalimin e krizës institucionale është respektimi i Kushtetutës dhe i vullnetit të qytetarëve, duke theksuar se Kosova është një sistem parlamentar dhe jo autokratik.
Ai ka thënë se kjo është kërkesa e vetme e LDK-së në takimin e thirrur nga Kurti.
“Kërkesa e vetme është mbrojtja e kushtetutshmërisë dhe ligjshmërisë, edhe vullnetit të qytetarëve të Kosovës. Ne jemi sistem parlamentar, askush nuk mund të udhëheqë me autokraci ose diktat, sidomos mbi deputetët që nuk i nënshtrohen asnjë lloj detyrimi dhe i përgjigjen vetëm qytetarëve, votuesve dhe subjekteve të tyre politike,” ka thënë Zemaj.
Lajmet
Kurti: Serbia mund të shfrytëzojë elemente destruktive për të nxitur incidente në Gazimestan
Published
53 minutes agoon
June 27, 2025By
UBTnews
Kryeministri në detyrë i Kosovës, Albin Kurti, ka thënë të premten se Serbia mund të përdorë “elemente destruktive” për të nxitur incidente gjatë festës serbe Vidovdan të shtunën në Gazimestan, rreth 10 kilometra nga kryeqyteti Prishtinë.
Duke folur në një mbledhje të Qeverisë në detyrë, Kurti tha se Serbia do të përpiqet ta zhvendosë vëmendjen nga protesta antiqeveritare që pritet të zhvillohet të shtunën në Beograd, duke nxitur incidente në Kosovë.
Serbët nga Kosova, Serbia dhe rajoni tradicionalisht e shënojnë Vidovdanin më 28 qershor në Gazimestan, një monument historik pranë Prishtinës.
Kurti tha se – sipas vlerësimeve të institucioneve të sigurisë dhe inteligjencës – ka përpjekje që tubimi në Gazimestan të jetë “sa më masiv, prandaj janë organizuar grupe serbësh nga Serbia, Mali i Zi dhe Bosnjë e Hercegovina që të vijnë në Kosovë nesër”.
“Grupet e tilla kanë qenë tradicionalisht provokuese, duke bartur simbole nacionaliste serbe e ruse që janë në kundërshtim me Kushtetutën e Kosovës dhe janë gjithashtu kundër vlerave demokratike dhe evropiane”, tha Kurti.
Ai tha se festa e Vidovdanit, “megjithëse me karakter fetar, fatkeqësisht vazhdimisht është përcjell me retorikë politike, nxitëse e kërcënuese për sigurinë publike nga ana e Serbisë”.
Javë më parë, Gjykata Themelore në Prishtinë e shfuqizoi vendimin e Komunës së Graçanicës për shfaqjen e flamurit të Serbisë për nder të Vidovdanit më 2024.
Në arsyetimin e gjykatës thuhet se komuna ka tejkaluar kompetencat e saj dhe ka vepruar në kundërshtim me ligjet e Kosovës, pasi ka miratuar një vendim për shfaqjen e flamurit të Serbisë më 28 qershor – ditë që nuk është e përcaktuar si festë zyrtare në Kosovë.
Kurti tha se tubimet për Vidovdan duhet të mbahen në përputhje me ligjin, “jo të shndërrohen në mjet për instrumentalizim politik nga autoritetet në Beograd”.
Tubimi zakonisht sigurohet nga Policia e Kosovës, ndërsa gjatë viteve të fundit nuk është lejuar të futen flamuj të Serbisë apo simbole të tjera kombëtare, përveç atyre kishtare, pasi përkujtimi organizohet edhe nga Kisha Ortodokse Serbe në nderim të betejës së vitit 1389 kundër ushtrisë osmane.
Javën e kaluar, ministri në detyrë për Komunitete dhe Kthim i Kosovës, Nenad Rashiq, bëri thirrje për respektimin e të drejtave të komunitetit serb sa i përket përdorimit të simbolit të tyre.
Ai tha se përdorimi flamurit serb nga serbët “nuk përbën kërcënim ndaj identitetit të askujt, por është dëshmi e përkushtimit të Kosovës si një shoqëri demokratike e bazuar në respektimin e të drejtave të njeriut dhe të pakicave”.
Lista Serbe, partia më e madhe e serbëve në Kosovë që ka mbështetjen e Beogradit, e akuzoi Kurtin se gjatë seancave në Kuvendin e Kosovës shfaq flamurin kombëtar të Shqipërisë.
Në një deklaratë, ajo kërkoi nga gjykata që të përdorë “të njëjtat standarde dhe të zbatojë të njëjtin arsyetim edhe në rastet që lidhen me flamurin shqiptar”.
Vitin e kaluar, festimet e Vidovdanit në Gazimestan kaluan pa ndonjë incident.
Por, në vitet paraprake ka pasur edhe arrestime për nxitje të urrejtjes fetare dhe kombëtare, ndërsa më 2023, Vidovdani nuk u festua në Gazimestan – vendin ku festohet tradicionalisht – për shkak të përkeqësimit të situatës së sigurisë në veri të Kosovës.
Gazimestani në Kosovë njihet edhe për fjalimin e ish-presidentit të Serbisë, Sllobodan Millosheviq, i cili, më 28 qershor 1989, nuk i përjashtoi “betejat e armatosura”.
Ai fjalim i Millosheviqit u pa nga shumë njerëz si paralajmërim i luftërave që pasuan në vitet ‘90 në ish-Jugosllavi.
Në të njëjtën ditë në vitin 2001, Millosheviq u ekstradua në Tribunalin e Hagës, i cili e akuzoi atë për krime lufte. Ai vdiq në paraburgim në vitin 2006, para gjykimit përfundimtar./REL
Lajmet
Bajrami: LDK do të marrë pjesë në takimin e nesërm
Published
1 hour agoon
June 27, 2025By
UBTnews
Deputetja e Lidhjes Demokratike e Kosovës (LDK), Hykmete Bajrami deklaroi se do të jenë prezentë në takimin e nesërm të ftuar nga kryetari i Lëvizjes Vetëvendosje, Albin Kurti. Megjithatë, ajo tha se nuk kanë pritje nga ky takim, meqë theksoi se është më shumë për “show mediatik”.
Pas ndërprerjes së seancës, ku paraprakisht u mbajt një takim konsultativ me kryesuesin e seancës konstituive, Avni Deharin, Bajrami tha se do të shkojnë në takimin me Kurtin për të treguar se janë për konstituim të institucioneve.
“Nuk është që kemi shumë pritje duke marrë parasysh komplet të kaluarën historike të LVV-së dhe krejt sjelljet e tyre konferencën për media nuk është që mund të presim diçka nga ky takim. Është më shumë për show mediatik. Megjithatë për të treguar që jemi për konstituim të institucioneve do të jemi prezent”, u shpreh ajo.
Deputetja e LDK-së tha se LVV po bën interpretim ndryshe të aktgjykimit të Gjykatës Kushtetuese.
“Kemi parë edhe prononcimet e ndryshme nga eksponentë të Lëvizjes Vetëvendosje të cilët e kanë në plan ta vazhdojnë këtë ngërç duke e bërë një interpretim ndryshe nga krejt Kosova të aktgjykimit të Gjykatës Kushtetuese. Se sa zotëri Kurti është i gatshëm për bashkëpunim, unë po besoj që patët mundësi ta shihni vetëm para dy minutave, kur ishte këtu në sallën plenare dhe nuk ishte në gjendje që të vie në takim konsultativ me të gjithë liderët e partive politike parlamentare. Aktgjykimi është jashtëzakonisht i qartë kur është fjala tek mënyra e votimit sepse i referohet kreut të katërt të rregullores së kuvendit, pikërisht nenit 8 ku ka një agjendë të paracaktuar të seancës konstituive dhe aktgjykimi pikërisht i referohet nenit 8 të rregullores së Kuvendit të Kosovës”, deklaroi ajo.
Ajo tha se kryetari i Kuvendit duhet të votohet me marrëveshje politike dhe nuk kanë votë për asnjë kandidat të LVV-së.

Nagavci: Vendimi i Kushtetuese konfirmon se konstituimi është përgjegjësi e subjekteve fituese

Zemaj: Askush s’mund të udhëheqë me diktat, deputetët i përgjigjen vetëm qytetarëve dhe Kushtetutës

Kurti: Serbia mund të shfrytëzojë elemente destruktive për të nxitur incidente në Gazimestan

Bajrami: LDK do të marrë pjesë në takimin e nesërm

Izraeli kryen sulme ajrore në zonat pyjore dhe malore në Libanin jugor

Limaj konfirmon pjesëmarrjen në takimin me Kurtin, rithekson nevojën e arritjes së një marrëveshje politike

VV insiston në votim të fshehtë: Deputetët opozitarë shkelën Kushtetutën për tridhjetë seanca me radhë

Irani kryen një valë arrestimesh dhe ekzekutimesh pas konfliktit me Izraelin

PDK konfirmon pjesëmarrjen në takimin me Kurtin, kërkon zgjidhje përmes konsensusit
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore