Sport

Ja kur hidhet shorit për EURO 2024

Gjermania, si skuadër nikoqire kualifikohet automatikisht për fazën finale dhe për këtë arsye nuk merr pjesë në short.

Published

4 years ago

September 28, 2022

UBT.News

Shorti i kualifikimeve për në Kampionatin Evropian EURO 2024 do të zhvillohet të dielën e 9 tetorit 2022 në ora 12:00 në Frankfurt.

Gjermania, si skuadër nikoqire kualifikohet automatikisht për fazën finale dhe për këtë arsye nuk merr pjesë në short.

Rusia nuk përfshihet në shortin për në Kampionatin Evropian pasi është përjashtuar nga të gjitha kompeticionet evropiane për shkak të invazionit në Ukrainë.

Në shortin kualifikues marrin pjesë 53 shoqata kombëtare, të cilat do të ndahen në dhjetë grupe. Shtatë grupe përbëhen nga pesë ekipe, me tre grupet e mbetura të përbëra nga gjashtë ekipet.

Dhjetë fituesit e grupeve dhe dhjetë nënkampionët e grupeve kualifikohen për fazën finale. Tri vendet e mbetura do të vendosen përmes play-off-it, i cili do të mbahet në mars të vitit 2024.

53 skuadrat pjesëmarrëse janë renditur sipas renditjes së përgjithshme të Ligës së Kombeve 2022/23 dhe janë ndarë në shtatë vazo.

53 skuadrat e përfshira në short janë klasifikuar në bazë të renditjes së përgjithshme të Ligës së Kombeve të UEFA-s 2022/23 të lëshuar pas përfundimit të fazës së grupeve të Ligës së Kombeve. Bazuar në këtë renditje, skuadrat ndahen në shtatë vazo: vazoja ‘UNL’, e cila përmban katër finalistët e Ligës së Kombeve, e ndjekur nga vazoja 1 deri në vazon 6. Vazoja ‘UNL’ përmban katër skuadra, vazoja 1 përmban gjashtë skuadra, Vazot 2 deri në 5 përmbajnë secila nga dhjetë ekipe dhe vazoja 6 përmban tre skuadrat e mbetura.

Katër finalistët e Ligës së Kombeve do të luajnë ndeshjet finale të këtij kompeticioni në qershor të vitit 2023. Si pasojë, këto skuadra kanë vetëm tetë ditë në dispozicion për fazën e grupeve të Kualifikimeve Evropiane dhe duhet të ndahen në grupe me pesë skuadra.

Shorti fillon me vazon “UNL” dhe vazon 1 përpara se të vazhdohet nga vazoja 2 deri në vazon 6.

Do të ketë dhjetë grupe: shtatë grupe me pesë skuadra (Grupet A-G) dhe tre grupe me nga gjashtë ekipe (Grupet H-J). Ekipet luajnë me njëri-tjetrin në shtëpi dhe udhëtim në një sistem raund-robin. Ndeshjet në grup luhen sipas kalendarit të ndeshjeve të Kualifikimeve Evropiane nga marsi deri në nëntor 2023.

Dhjetë fituesit e grupeve dhe dhjetë nënkampionët e grupeve kualifikohen drejtpërdrejt në fazën finale. Tri vendet e mbetura do të plotësohen me skuadrat që kualifikohen në play-off në mars 2024.

Sport

Anglia triumfon ndaj Kroacisë dhe mban hapin me Spanjën

Published

2 hours ago

November 13, 2026

UBTNews

Anglia ka regjistruar një fitore të rëndësishme me rezultat 2-1 kundër Kroacisë, në një ndeshje të mbushur me emocione dhe ndërhyrje të sistemit VAR.

Anglezët kaluan të parët në epërsi në minutën e 24-të me anë të Morgan Rogers.

Kroacia u kundërpërgjigj në pjesën e dytë, duke barazuar shifrat në 1-1 në minutën e 59-të përmes Petar Sucic.

Megjithatë, Anglia fitoi një penallti pas rishikimit me VAR, të cilën kapiteni Harry Kane e shndërroi në gol në minutën e 64-t për 2-1. Në fund, anglezëve iu anulua edhe një gol i James Garner për pozicion jashtë loje.

Pas kësaj fitoreje, Anglia renditet në vendin e dytë të Grupit 3 me 12 pikë, duke ndjekur nga afër lideren Spanja. /E.A/

Lajmet

Spanja mposht Çekinë dhe mbetet e pamposhtur në krye të grupit

Published

2 hours ago

November 13, 2026

UBTNews

Spanja ka vazhduar rrugëtimin e shkëlqyer në Ligën e Kombeve, duke shënuar fitore minimale 1-0 ndaj Republikës së Çekisë në kuadër të Grupit 3 të Ligës A.

Kampionia e Evropës kaloi në epërsi në minutën e 39-të përmes Alex Baenës, i cili realizoi një gol të saktë. S

panja rrezikoi sërish me Fabian Ruiz, ndërsa një gol i Yeremy Pinos në fillim të pjesës së dytë u anulua nga VAR-i për pozicion jashtë loje. Çekët e patën edhe më të vështirë nga minuta e 72-të, kur Ladislav Krejci u ndëshkua me karton të kuq pas rishikimit të një ndërhyrjeje në sistemin VAR.

Me këtë triumf, Spanja forcon pozitat në vendin e parë të grupit me 15 pikë të tubuara, pa pësuar asnjë humbje deri më tani. /E.A/

Lajmet

Italia përmbys Francën 3-1 dhe merr kreun e grupit

Published

2 hours ago

November 13, 2026

UBTNews

Kombëtarja e Italisë ka regjistruar fitoren e tretë radhazi, duke mposhtur Francën me rezultat 3-1 pas një përmbysjeje dhe duke u ngjitur në vendin e parë të grupit me 10 pikë, aq sa kanë edhe “Gjelat”.

Ndeshja nisi më mirë për francezët, të cilët kaluan në epërsi në minutën e 10-të me golin e Michael Olise, i cili përfitoi nga një gabim i portierit Gianluigi Donnarumma. Megjithatë, skuadra e drejtuar nga Roberto Mancini reagoi shpejt dhe barazoi shifrat në minutën e 26-të përmes Francesco Pio Espositos, pas asistimit nga Nicolo Cambiaghi.

Në pjesën e dytë, italianët shpërdoruan një rast të artë për të kaluar në epërsi, pasi Sebastiano Esposito humbi penalltinë në minutën e 60-të. Por vetëm tri minuta më vonë, Davide Frattesi realizoi për 2-1 pas një asistimi të Federico Dimarcos.

Fitoren e Italisë e vulosi sërish Francesco Pio Esposito në minutën e 75-të, duke u treguar i saktë nga pika e bardhë pas një penalltie të shkaktuar nga Dayot Upamecano, për rezultatin përfundimtar 3-1. /E.A/

Lajmet

Shqipëria dominon dhe mposht Finlandën 2-0, një pikë larg Ligës B

Published

2 hours ago

November 13, 2026

UBTNews

Kombëtarja e Shqipërisë ka shënuar një fitore të rëndësishme në shtëpi ndaj Finlandës me rezultat 2-0, duke dominuar plotësisht takimin dhe duke arkëtuar pikët e plota.

Sipas vlerësimeve të platformës statistikore “Sofascore”, lojtari më i mirë i ndeshjes u shpall mesfushori Kristjan Asllani me notën 8.1, i ndjekur nga Ernest Muçi dhe Elseid Hysaj, të cilët u vlerësuan me nga 7.9. Në anën tjetër, te Finlanda paraqitjen më të dobët e pati Tenho, i cili u ndëshkua edhe me karton të kuq, duke marrë notën 5.9.

Pas këtij triumfi, kuqezinjtë e kanë fatin në duart e tyre: në përballjen e radhës kundër Bjellorusisë, Shqipërisë i mjafton së paku një pikë për të siguruar zyrtarisht promovimin në Ligën B. /E.A/