

Lajmet
IML synon shërbime mjeko-ligjore sipas standardeve ndërkombëtare
Haxhiu tha se fuqizimi i kapaciteteve të IML-së do të arrihet me akreditimin e laboratorit të toksikologjisë ligjore.
Published
3 years agoon
By
UBT.NewsInstituti i Mjekësisë Ligjore (IML) synon të ofroj shërbime mjeko-ligjore në përputhje me praktikat më të mira ndërkombëtare, të cilat do të arrihet me akreditimin sipas ISO standardeve dhe digjitalizimit.
Kështu u tha në tryezën e diskutimit të organizuar nga Zyra e Bashkimit Evropian në Kosovë dhe EULEX-it, ku u prezantuan edhe arritjet kryesore të IML-së, funksionimi dhe rezultatet e deritanishme nga ky Institut në kuadër të projektit “Përkrahje e mëtejshme për mjekësinë ligjore në Kosovë“.
Ky projekt i cili është i financuar nga Bashkimi Evropian synon që të mbështesë autoritetet e Kosovës në fuqizimin e sundimit të ligjor me fokus tek shërbimet e mjekësisë ligjore.
E me këtë rast, ministrja e Drejtësisë, Albulena Haxhiu tha se si ministri do të bëjnë të gjitha përpjekjet për zhvillimin e fushës së Institutit të Mjekësisë Ligjore.
Haxhiu tha se fuqizimi i kapaciteteve të IML-së do të arrihet me akreditimin e laboratorit të toksikologjisë ligjore që do të mundësoj besueshmërinë e rezultateve.
“Unë pres që realizimi me sukses i projektit ‘Mbështetja e mëtejshme për mjekësin ligjore në Kosovë‘ të cilin sot solemnisht po e promovojnë të ndihmoj në krijimin e një shërbimi të pavarur, efikas dhe efektiv të Institutit të Mjekësisë Ligjore, si dhe të mbështes autoritetet e Kosovës në fuqizimin e sundimit të ligjit përmes mbështetjes së mëtejshme të zbatimit të ligjit në përgjithësi. Fuqizimi i kapaciteteve të IML-së do të arrihet me akreditimin e laboratorit të toksikologjisë ligjore sipas standardeve gjë që do të mundësoj besueshmërinë e të gjitha rezultateve analitike në këtë kontekst akreditimi do të ndihmoj në sigurimin e përputhshmërisë së vazhdueshme me standardet e industrisë si dhe me përmirësimin e vazhdueshëm të operacioneve të laboratorit toksikologjik. Strategjia zhvillimore e IML-së në periudhën 2021-2025 është një nga dokumentet kyçe të përgatitura në kuadër të projektit për ngritjen institucionale të mjekësisë ligjore dhe është dokument afatgjatë, zhvillimor fokus i të cilit është implementimi praktika dhe arritje rezultateve optimale. Ky dokument strategjik identifikon nevojat potenciale si dhe përcakton prioritet zhvillimore të IML-së për periudhën 3-5 vite”, tha ajo.
Kurse, shefi i Zyrës së Bashkimit Evropian në Kosovës, Tomash Szunyog u shpreh se puna e Institutit të Mjekësisë Ligjore është e rëndësishme për sundimin e ligjit në Kosovës.
Sipas tij BE ka mbështetur IML-në me 3 milionë euro, ndërsa theksoi se tashmë ky institucion ka strategjinë afatgjate për zhvillim.
“Këto përmirësime do të rrisin kapacitetin e shërbimeve të mjekësisë ligjore dhe ruajtjen e të dhënave dhe themelimi I bazës ligjore për analizat kryesore. Në mënyrë që Instituti të përfitoj nga këto përfitime sa më shpejt që të jetë e mundur inkurajoj ministrinë që të finalizojmë prokurimin për pajisjet e nevojshme dhe për pastrimin e zyrës apo dhomës së dëshmive. Gjatë dy viteve të mija në Kosovë kam folur për rëndësinë e sundimit të ligjit ku Instituti I Mjekësisë Ligjore është njëri prej kontribuesve kryesor juridik që mund tu ndihmoj standardeve të sundimit të ligjit në këtë drejtim dhe të ndihmoj Kosovën që të përmirësoj rrugën e tyre drejt BE-së“, theksoi ai.
Shefi i EULEX-it, Lars-Gunnar Wigemark tha se misioni i tyre që nga fillimi ka mbështetur zhvillimin e Institutit të Mjekësisë Ligjore, me fokus kryesor identifikimin e trupave të personave të zhdukur.
Wigemark tha se aktualisht janë duke punuar në identifikimin e mbetjeve mortore që janë në morgun e Prishtinës.
“Që nga viti I kaluar ekspertët tanë janë duke punuar së bashku me IML-në dhe të tjerët duke identifikuar mbetjet mortore në Prishtinë dhe ky është i koordinuar me IML-në dhe është pjesë e grupit punues është I bazuar në strategji në planin e veprimit 2021-2025. Detyra e kësaj është që të identifikon të gjitha ato mbetjet mortore që janë në morg dhe të përcaktohet statusi i të gjitha këtyre mbetjeve. Shumica e atyre që kanë anëtar të familjes që janë të zhdukur akoma po presin dhe durimi i tyre është duke humbur, si mision unë besoj që kemi akoma arsye ta bëjmë këtë punë në fakt kemi 1621 arsye për të vazhduar këtë punë së bashku me të gjithë partnerët e rëndësishëm dhe gjithashtu puna jonë të vazhdoj me kolegët tanë ligjor, sidomos me IML për të identifikuar varrezat klandestine potenciale dhe varrezat që identifikojnë persona të zhdukur nga lufta e Kosovës”, theksoi shefi I EULEX-it.
Kurse, drejtoresha e Institutit të Mjekësisë Ligjore, Flutura Goga-Bajrami prezantoi strategjinë zhvillimore 2021-2025 dhe synimet për zhvillimin e këtij institucioni.
“Në misionin tonë IML synon të ofroj shërbime mjeko-ligjore në përputhje me praktikat më të mira evropiane duke ndjekur standardet ndërkombëtare në mënyrë që të jetë partner i njohur në evropianizimin e mëtejshëm të Kosovës. Promovimin e shërbimit mjeko-ligjor në akreditim me ISO standard do të garantoj respektimin e standardeve për praktikën më të mirë mjekësore në kryerje të autopsive dhe ekzaminimeve laboratorike. IML do të marrë pjesë në cilësinë e përgjithshme të sundimit të ligjit që për më tepër do të rris nivelin e besimit në komunitet, duke arritur një funksionim të vazhdueshëm dhe efektiv të Institutit me standardet ndërkombëtare dhe praktikat më të mira mjekësore me një strukturë të organizuar mirë e cila është krijuar sipas standardeve moderne të mjekësisë ligjore. Proceset mjeko-ligjore në Institutin tonë do të ofrojnë transparencë”, theksoi ajo.
Projektit “Përkrahje e mëtejshme për mjekësinë ligjore në Kosovë“, ka nis në shkurt të vitit 2018 kurse pritet të përfundoj në dhjetor të këtij viti.
Lajmet
Nga 1 gushti qytetarët s’mund të marrin certifikata të gjendjes civile pa adresë zyrtare
Published
8 hours agoon
July 31, 2025By
UBTnews
Nga data 1 gusht, asnjë qytetar i Kosovës nuk do të mund të pajiset me certifikata të gjendjes civile, qoftë nëpër komuna apo përmes platformës E-Kosova, nëse nuk e ka deklaruar adresën e tij zyrtare.
Sipas Agjencisë së Regjistrimit Civil (ARC), qytetarët e kanë obligim ligjor që ta deklarojnë adresën e tyre. Megjithatë, ende ka persona që nuk janë në dijeni për këtë kufizim.
Për ata që nuk kanë të caktuar numrin e adresës në objektet ku banojnë, është e nevojshme të paraqiten në Agjencinë Kadastrale të Kosovës, për të ndjekur hapat e mëtejshëm dhe opsionet alternative.
Drejtori i ARC-së, Blerim Camaj, thekson se nga nesër (1 gusht), çdo qytetar që dëshiron të pajiset me ndonjë certifikatë të gjendjes civile, duhet fillimisht të plotësojë dhe dorëzojë një formular, e më pas të marrë dokumentin përkatës. Ky proces është i njëjtë edhe për kërkesat e bëra përmes E-Kosova.
Ai tregon se ende ka shumë qytetarë që nuk e kanë deklaruar adresën e tyre zyrtare, megjithëse deri tani këtë obligim e kanë përmbushur mbi 250 mijë persona.
“Prej vitit 2024 kur ka filluar projekti së bashku me agjensionin kadastral, ARC-në dhe ASHI-në, kanë deklaruar adresën 245 mijë e 534 qytetarë. Ndërsa, që nga dita kur e mbajtëm një konferencë për media me agjencionin kadastral diku mbi 20 mijë kanë deklaruar adresën…Kanë mbetur një numër i madh i qytetarëve pa deklaruar sepse qytetarët e kanë obligim ligjor ta deklarojnë adresën sepse shteti dëshiron të dijë se ku e ka qytetarin e vet. Dhe qytetarët e kanë obligim ligjor ta deklarojnë adresën. Është e vërtetë që deri më tani nuk kemi pasur adresa zyrtare. Por, tani meqenëse agjensioni kadastral e ka bërë sistemin dhe i ka të gjitha adresat zyrtare, ne duhet ta ndërlidhim qytetarin me adresën zyrtare“, thotë Camaj.
Camaj bën të ditur se, në kuadër të projektit, në bashkëpunim me Agjencinë Kadastrale të Kosovës (AKK) dhe Agjencinë për Shoqërinë e Informacionit (ASHI), janë të obliguar të kufizojnë disa shërbime për qytetarët deri në momentin kur ata të deklarojnë adresën e tyre zyrtare.
“Ne e dimë që kushtëzimet nuk janë të mira, por është obligim ligjor që të deklarohet adresa. Andaj, ne së bashku me Agjencinë Kadastrale, ASHI-në dhe ARC-në jemi të obliguar që t’i kushtëzojmë me marrjen e disa shërbimeve qytetarët siç janë shërbimin, pajisjen e qytetarëve me certifikatat e lindjes dhe certifikatat e ndryshme të gjendjes civile… Qytetari shkon në komunë e merr formularin e adresës dhe me atë formular e deklaron në gjendje civile. Është një proces shumë i shpejtë. Por, i njoftojmë të gjithë qytetarët të cilët nuk e gjejnë adresën e tyre dhe vetëm sistemi i agjencionit kadastral e merr informacionin dhe ata i marrin veprimet e nevojshme“, potencon Camaj.
Ndërkaq, Camaj tregon se ka alternativa për qytetarët që nuk e kanë numrin e adresës në objektin ku banojnë, porse duhet të lajmërohen në AKK.
“Kemi zgjidhjet alternative për këta qytetarë që nuk e gjejnë adresën. Mirëpo, duhet patjetër që të ketë informacion sistemi i agjencionit kadastral që ky qytetar nuk e ka adresën dhe ata i marrin veprimet e nevojshme“, potencon Camaj.
Drejtori i Agjencisë së Regjistrimit Civil, Blerim Camaj thotë se qytetarët mund të bëjnë regjistrimin e lindjeve, martesave, vdekjeve e të tjera edhe pa e deklaruar adresën, porse nuk mund të pajisen me to.
“Janë disa raste të cilat ne nuk do t’i kushtëzojmë sa i përket regjistrimit e fakteve, lindjes, martesës dhe vdekjes. Regjistrimet nuk do t’i ndalojmë…Të gjitha faktet që janë të regjistruar që printohen certifikatat e lindjes, që merren për ta kryer një shërbim, ne nuk do t’ia mundësojmë qytetarëve të marrin atë certifikate pa e deklaruar adresën…Nuk do të merr shërbim certifikatën e lindjes, martesës, vdekjes, certifikatën e bashkësisë familjare, këto nuk do të kenë mundësi t’i printojnë nga E-Kosova as t’i marrin në sistemin e gjendjes civile“, tha Camaj.
Lajmet
Veterani që u kanos me deputeten Pacolli, dorëzon kallëzim penal kundër saj
Published
8 hours agoon
July 31, 2025By
UBTnews
Agim Pllashniku, personi që u përfshi ditë më parë në një konfrontim verbal me deputeten e Lëvizjes Vetëvendosje, Fitore Pacolli, ka dorëzuar sot një kallëzim penal në Prokurorinë Themelore kundër saj. Ai pretendon se gjatë incidentit, që ndodhi në një lokal, Pacolli dhe asistenti i saj kanë ushtruar dhunë ndaj tij.
Pllashniku përpara se ta dorëzonte kallëzimin penal, para gazetarëve tha se Fitore Pacolli ka kërcënuar dhe ushtuar presion ndaj familjes së Pllashnikut, veçanërisht ndaj gruas dhe vajzës së tij.
Siç tha ai, gruaja e tij ka presion që të largohet nga puna.
Ish-luftëtari i Ushtrisë Çlirimtare të Kosovës, Agim Pllashnikui bëri thirrje deputetes Pacolli, që siç u shpreh ai mos të merret me familjen e tij.
“Unë dhunë s’kam përdorur ndaj Fitore Pacollit, i kam dokumentet. Por, Fitore Pacolli ka përdorur dhunë ndaj meje dhe asistenti i Fitore Pacollit. Fitore Pacolli po merret me familjen time. Me gruan time dhe me vajzën. Po bën apel që ta largojë gruan time nga puna dhe po ka presion. Edhe unë po kam presion në punë. E ka kot. Mos vepro kështu Fitore Pacolli se unë nuk po merren me familjen e Fitore Pacollit. Po të merresha unë me familjen e Fitore Pacollit, ajo e din ku i punon motra dhe e kanë kapur shtetin. Jo që e kanë kapur shtetin, por duan ta kapin edhe popullin. Kjo është shumë keq…Nuk do të merrem me familjen e Fitores. I lutem që ta ndërpresë këtë presion që po e përdor ndaj familjes sime“, tha Pllashniku.
Ndërkaq, avokati i Pllashnikut, Gent Gjini tha se kanë fakte dhe prova se deputetja Fitore Pacolli ka sulmuar palën tjetër.
Sipas Gjinit, Pacolli është dashur të ndalohet në polici për deklarim të rrejshëm se Pllashniku ka pasur revole me vete gjatë incidentit.
“Sot në Prokurorinë Themelore në Prishtinë po dorëzojmë kallëzimin penal ndaj zonjës Fitore Pacolli, deputete nga radhës së partisë Vetëvendosjes. Këtë kallëzim penal e kemi të mbuluar me fakte dhe prova sepse, është këtu pala e dëmtuar ku qytetari është parë në video sesi është sulmuar nga zonja fitore Pacolli dhe asistenti i tij…(Pacolli) ka aluduar dhe ka mbështetur se i njëjti mbanë në çantën e tij revole. Kur zonja fitore është intervistuar në polici ajo aty është dashur të ndalohet sepse ka bërë deklarim të rrejshëm, sepse është kontrolluar zotri Agim Pllashniku dhe nuk ka pasur armë. Ajo ka njollosur familjen e (Pllashniku) dhe familja ka marrë kërcënime në orët e vona“, tha Gjini.
Në videot që kanë qarkulluar në rrjetet sociale dëgjohet se Pllashniku i është drejtuar Pacollit me fjalët ‘hajneshë’, teksa tone të larta ndaj tij ka përdorur edhe Pacolli.
Ndërkaq, më 26 korrik policia në raportin 24-orësh ka bërë të ditur se ka hapur rast të kanosjes për Pllashnikun.
Ai pas intervistimit është liruar në procedurë të rregullt.
Lajmet
Rozeta Hajdari mbrohet në heshtje gjatë intervistimit në Prokurorinë Speciale për rezervat shtetërore
Published
8 hours agoon
July 31, 2025By
UBTnews
Ministrja në detyrë e Ministrisë së Industrisë Ndërrmarësisë dhe Tregtisë, Rozeta Hajdari sot është paraqitur në Prokurorinë Speciale në ora 10:00 të mëngjesit për intervistimin e çështjes së rezervave shtetërore.
Hajdari pas intervistimit nga Prokuroria Speciale konfirmoi se paraqitja e saj kishte të bënte për rastin e rezervave shtetërore, teksa hodhi akuza për mënyrën e bastisjes së ministrisë që ajo drejton për të marrë dokumentet e lëndës të klasifikuar si sekret shtetëror.
“Sot isha e ftuar nga Prokuroria Speciale për intervistë, bëhet fjalë për kontraktimin e rezervave shtetërore, proces jetik për të gjithë ne, proces i rëndësishëm për popullatën tonë ministria ka bërë blerjen e rezervave shtetërore në kohën kur ishim të pa mbrojtur, në shkurt 2022 dhe mars 2022. Për këtë proces jetik tani pyetem nga Prokuroria Speciale, por një pyetje vjen se a është ky proces i ligjshëm dhe si prokuroria hyri në MINT për të marrë dokumente të klasifikuara si sekret të rezervave shtetërore asnjë person nuk mund të ketë qasje në rezervën klasifikuar sekret pa një procedurë të qartë ligjore sipas udhëzime të AKI-së dhe agjensionit për mbrojteve të klasifikuara. Ne si MINT e kemi klasifikuar lëndën sekret sipas ligjit për mbrojtjen e informacione të klasifikuara sipas nenit të rezervave shtetërore, por në realitet Prokuroria Speciale bëri një gabim si një hap të pa menduar mirë duke dërguar dy policë hetues pa çertifikatë sigurie dhe duke marrë dokumentet brenda një orë në MINT, këtë e ka konstatuar edhe Inspektoriati Policor, me raportin informues që dy policët hetues shkuan në MINT pa çertifikatë sigurie të nivelit sekret. Ky raport nga Inspektoriati Policor, u dërgua edhe në Prokuririnë Speciale, për udhëzime dhe veprime të mëtejme ndaj këtyre dy policëve“, tha fillimisht ajo.
Tutje Hajdari thotë se mbi këtë rast nuk është raportuar në mënyrë të drejtë.
“Në realitet prokurori Gashi i cili po merret me këtë lëndë ka liruar nga përgjegjësia këta dy policë dhe vet prokuroria po shkel ligjin. Prokuori Gashi vet po autorizon dhe vet po liron nga përgjegjesia policët e pa çertifikuar me çertifikate sigurie të nivelit sekret. Për më shumë më vjen keq dhe turp se asnjëherë për këtë proces nuk është raportuar drejtë. Më vjen turp edhe për veprimet e Gashit për shkeljen e ligjit, për më shumë ne si ministri kemi inicuar një hetim të Agjensionit për Parandalimin e Korrupsionit, për të inciuar një hetim dhe për të ardhur në konstatim të kësaj shkelje të këtij konflikti të interesit sepse e kemi te dokumentiar në raportin e Inspektoriatit Policor në e-mailin të dokumentuar ku prokurori Gashi pranon konfliktin e interesit për të shqyrtuar këtë raport të IP-së, për më keq Prokuroria Speciale vet i njëjti prokuror mbyll rastin mbyllë lëndën e raportit informues të IP-së. Unë e di që pas këtij hetimi nga Agjensioni për Parandalimin e konfliktit ne do të përballemi në gjykatë“, përfundoi Hajdari.
Prokuroria Speciale për KosovaPress ka konfirmuar se ministrja në detyrë, Rozeta Hajdari është ftuar për intervistim në cilësinë e të pandehurës.
Prokuroria Speciale e Republikës së Kosovës ka thirrur znj. Rozeta Hajdari, që të paraqitet në prokurori për t’u deklaruar në cilësinë e të pandehurës, në kuadër të hetimeve për rastin “Rezervat shtetërore”, thuhet në përgjigjje.
Sipas përgjigjjes së Prokurorisë Speciale, Rozeta Hajdari ka zgjedhur që gjatë intervistimit të mbrohet në heshtje.
“Znj.Hajdari është ftuar me qëllim të konstatimit të plotë dhe të drejtë të gjendjes faktike, për të gjitha dyshimet që janë pjesë e hetimit të këtij rasti penal. Megjithatë, znj.Hajdari e ka shfrytëzuar të drejtën për t’u mbrojtur në heshtje, sikurse herën e parë kur ishte ftuar në prokurori për këtë çështje. Rasti është duke u trajtuar në përputhje me rregullat dhe standardet e përcaktuara në Kodin e Procedurës Penale“, thuhet në përgjigjjen e Prokurorisë Speciale për KosovaPress.
Kujtojmë se në vitin 2023 ishin arrestuar tre persona për rastin e rezervave shtetërore. Në mesin e të arrestuarve ishte Lipovica dhe zyrtari tjetër i MINT, Hafiz Gara.
Në Ministrinë e Industrisë Ndërrmarrësisë dhe Tregtisë të udhëhequr nga Rozeta Hajdari në vitin 2023 u kryen bastisje për keqpërdorimet me rezervat shtetërore të vajit dhe grurit.
Lidhur me këtë rast ftesë për intervistim ka pranuar kohë më parë edhe kryeministri në detyrë, Albin Kurti, megjithatë Kurti nuk është paraqitur në Prokurorinë Speciale për intervistim.
Lajmet
Prokuroria mirëpret aktgjykimin dënues ndaj Millosh Pleskoviqit
Published
8 hours agoon
July 31, 2025By
UBTnews
Prokuroria Speciale e Republikës së Kosovës e ka mirëpritur aktgjykimin dënues ndaj Millosh Pleskoviqit, të cilin Gjykata Themelore në Prishtinë e dënoi më 15 vjet burgim. Aktgjykimi fajësues për krime lufte ndaj popullatës civile në Prizren, u shpall sot, më 31 korrik.
“Ky vendim përfaqëson një hap të rëndësishëm drejt vendosjes së drejtësisë për viktimat dhe familjarët e tyre”, tha Prokuroria Speciale.
Në njoftim u tha gjithashtu se ky aktgjykim fuqizon përpjekjet dhe angazhimin e Prokurorisë Speciale për të hetuar dhe ndjekur penalisht krimet e kryera gjatë luftës, si dhe për të siguruar që autorët të përballen me drejtësinë.
Pleskoviq akuzohet se gjatë vitit 1998-1999 në Prizren, në bashkëkryerje me një grup serbësh të armatosur kishin vrarë tre civilë shqiptarë dhe plagosur disa të tjerë.
Sipas aktakuzës së Prokurorisë Speciale e ngritur më 7 qershor 2024, Millosh Pleskoviq gjatë vitit 1998-1999 në Prizren, në bashkëkryerje me persona të tjerë, ka shkelur rregullat e së drejtës ndërkombëtare kundër personave civilë, duke kryer vrasjen e viktimave.
Pas shpalljes së aktgjykimit, nëna dhe motra e viktimave thanë se dënimi prej 15 vjetësh është i ulët. Sipas tyre, i akuzuari Pleskoviq duhej të dënohej me burgim të përjetshëm.
Po ashtu, edhe avokati i rastit, Gent Gjini, tha se do të bëjnë ankesë ndaj vendimit të gjykatës.

Si të largoni celulitin me disa hapa të lehtë?

Mbape merr fanellën e Modriqit, ndryshimi i numrit që fsheh shumë më shumë

UBT sërish i pari në rangimin e Webometrics – Lider në arsimin e lartë privat në Kosovë

Nga 1 gushti qytetarët s’mund të marrin certifikata të gjendjes civile pa adresë zyrtare

Veterani që u kanos me deputeten Pacolli, dorëzon kallëzim penal kundër saj

Trump po shqyrton një vendim drastik në prag të Botërorit 2026

30 thënie që janë të mbushura me urtësi

Rozeta Hajdari mbrohet në heshtje gjatë intervistimit në Prokurorinë Speciale për rezervat shtetërore

Gjashtë të vdekur nga sulmet ruse në Kiev
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit