Lajmet

​Hungaria dhe Sllovakia do të ndalojnë importet e grurit ukrainas

Qeveria hungareze njoftoi në Facebook se ka ndaluar importin e 24 produkteve nga Ukraina.

Published

on

Hungaria dhe Sllovakia njoftuan të dielën se do të zbatojnë ndalesat e tyre pasi Komisioni Evropian vendosi të mos zgjasë periudhën e masave kufizuese të vendosura ndaj eksporteve të drithërave dhe produkteve të tjera ushqimore të Ukrainës në Bashkimin Evropian.

“Është koha për t’i marrë gjërat në duart tona!”, ka shkruar kryeministri hungarez, Viktor Orban të shtunën në X, duke iu referuar vendimit të komisionit.

“Produktet bujqësore ukrainase të destinuara për në Afrikë po vërshojnë tregjet e Evropës Qendrore”, tha ai.

“Burokratët në Bruksel po mbyllin sërish një sy ndaj problemeve të fermerëve evropianë, kështu që Hungaria, Polonia dhe Sllovakia po zgjerojnë ndalimin e importeve ukrainase në baza kombëtare”.

Qeveria hungareze njoftoi në Facebook se ka ndaluar importin e 24 produkteve nga Ukraina, si drithërat, duke përfshirë grurin dhe misrin, si dhe farat e rapit dhe luledielli, disa produkte mishi, mjaltë dhe vezë.

Kryeministri sllovak, Ludovit Odor njoftoi përmes Facebook-ut se vendimi është marrë për të qenë i drejtë ndaj fermerëve dhe për të parandaluar presionin në tregun sllovak.

Vendimi i Komisionit Evropian

Komisioni Evropian në një deklaratë të lëshuar javën e kaluar, vuri në dukje se masat kufizuese të vendosura ndaj eksporteve të grurit dhe produkteve të tjera ushqimore të Ukrainës në BE do të skadojnë të premten.

“Komisioni Evropian do të përmbahet nga vendosja e ndonjë kufizimi për sa kohë që masat efektive nga Ukraina janë në fuqi dhe funksionojnë plotësisht”, theksohet në deklaratë.

Si rezultat, vendimi i BE-së për të mos importuar grurë ukrainas në Poloni, Hungari, Rumani, Sllovaki dhe Bullgari kishte marrë fund.

Në veçanti, Polonia dhe Hungaria donin që kufizimi për grurin ukrainas të zgjerohej për të mbrojtur fermerët e tyre.

Polonia, Hungaria, Sllovakia dhe Rumania kishin njoftuar se mund të zgjasin kufizimet në mënyrë të njëanshme nëse BE-ja nuk merr ndonjë vendim.

Pas shpalljes së vendimit të Komisionit Evropian të premten, ministri polak i Bujqësisë, Robert Telus tha se komisioni nuk po e zgjat ndalimin e drithit ukrainas dhe kjo është arsyeja pse administrata polake do ta bënte këtë vetë.

Lajmet

Dogana ia konfiskon afro 20 mijë euro shtetasit të Serbisë

Published

on

By

Dogana e Kosovës njofton se zyrtarët doganorë kanë sekuestruar 20 mijë euro të padeklaruara në pikëkalimin kufitar në Jarinjë.

Sipas Doganës, gjatë një kontrolli rutinë të automjeteve që hynin në territorin e Republikës së Kosovës, doganierët kanë zbuluar dhe sekuestruar mjete monetare të padeklaruara në vlerë prej afro 20 mijë euro.

Mjetet monetare janë gjetur në posedim të një shtetasi të Serbisë, i cili po hynte në territorin e Republikës së Kosovës. Paratë e sekuestruara përbëheshin kryesisht nga monedha në dinarë serb, ndërsa pjesa tjetër në valutën euro. Mjetet monetare nuk ishin deklaruar sipas rregullave doganore në momentin e hyrjes. Sipas legjislacionit të Republikës së Kosovës çdo shumë monetare mbi 10,000 euro që hyn ose del nga territori i vendit duhet të deklarohet pranë autoriteteve doganore”, thuhet në njoftim.

Andaj, Dogana thekson se mosdeklarimi i këtyre mjeteve përbën shkelje ligjore dhe i nënshtrohet procedurave administrative dhe ndëshkuese, si dhe hetimeve të mëtejshme./D.B/EO

Continue Reading

Lajmet

​Investim prej 500 mijë euro për nxënësit e tri fshatrave, Shtime ndërton sallë sportive të re

Published

on

By

Në fshatin Godanc të Komunës së Shtimes është vendosur sot gurthemeli i sallës së re sportive pranë shkollës fillore “Hasan Prishtina”. Ky projekt po realizohet nga Ministria e Arsimit dhe Komuna e Shtimes, me një vlerë investimi prej rreth pesëqind mijë eurosh.

Ministrja në detyrë e Arsimit, Arbërie Nagavci, tha se ky investim do të krijojë kushte më të mira për mbi 380 nxënës të tri fshatrave që ndjekin mësimet në këtë shkollë.

Nagavci tha se gjithsej në Komunën e Shtimes janë investuar mbi pesë milionë euro për përmirësimin e infrastrukturës shkollore.

Një investim i Ministrisë së Arsimit me vlerë afër pesqind mijë euro, duke krijuar kështu kushte më të mira jo vetëm për nxënësit e Godancit këtu, por për tri fshatrat që gravitojnë në të njëjtën shkollë janë më shumë se treqind e tetëdhjetë nxënës, të cilët vijojnë mësimin në Shkollën “Hasan Prishtina”. Bashkë me përmirësimin e infrastrukturës së shkollës, e bërë nga Komuna e Shtimes në infrastrukturën e jashtme; investime nga Ministria e Ekonomisë ne këtu në Komunën e Shtimes, si Ministri e Arsimit kemi investuar mbi pesë milionë euro për përmirësimin e infrastrukturës shkollore dhe besoj që do të jemi shumë shpejt me kryetarin edhe në inaugurimin e çerdhes në Godanc. Gjithsesi, salla e edukatës fizike ofron më shumë mundësi për nxënësit, për fëmijët e Godancit duke ndikuar jo vetëm në realizimin e plan-programit mësimor, por edhe në mirëqenien dhe në shëndetin e tyre”, tha Nagavci.

Ndërkaq, kryetari i Komunës së Shtimes, Qemajl Aliu, bëri të ditur se objekti pritet të përfundojë brenda një viti. Sipas tij, kjo është një sallë moderne, rreth gjashtëqind metra katrorë.

Përveç rinovimit të shkollës e sallës sportive, do të rregullohet edhe oborri i shkollës “Hasan Prishtina”.

Brenda dymbëdhjetë muajve do të ndërtohet salla sportive në shërbim të nxënësve dhe arsimtarëve. Një sallë moderne, diku në rreth gjashtëqind metra katrorë, që do të kushtojë afër gjysmë milioni euro. Jemi këtu bashkërisht me nda lajmin tjetër të mirë që përveç investimit që tashmë po përfundon nga Fondi i Eficiencës dhe Ministria e Ekonomisë. Që kjo shkollë po rinovohet totalisht, po i shtohet edhe sallat sportive dhe pranverën e ardhshme. Në fund, do të rregullohet edhe oborri i shkollës. Në Komunën e Shtimes, në total për këto katër vite shifra shkon afër tetë milionë euro investime edhe në infrastrukturë, edhe në pajisje me laboratorë. Kështu që me këtë ritëm jemi rrugës mbarë për përfundim infrastrukturën fizikë, po edhe pajisjen me laboratorët e të gjitha shkollave në Komunën e Shtimes”, u shpreh Aliu.

Ndërsa, ish-drejtori i shkollës, Shaban Halimi, kujtoi vështirësitë me të cilat janë përballur nxënësit deri më tani.

Salla e edukatës Fizike është tejet e rëndësishme, pasi shkolla jonë për momentin numëron diku treqind e pesëdhjetë nxënës, kështu që shkolla punon dy ndërrime dhe se lënda e edukatës fizike e kanë mbajt nëpër klasë, ia kanë mbajt jashtë për kur kanë qenë ditë verore, veçse dimrit, kur s’ka pasë kushtet është mbajtur në klasë. Sot është një ditë e veçantë, ditë e shumë e lumtur për ne dhe gjithë nxënësit dhe gjithë komunitetin të tri fshatrave”, tha Halimi.

Aliu ka bërë të ditur se në total, për këto katër vite shifra shkon afër tetë milionë euro investime edhe në infrastrukturë, edhe në pajisje me laboratore në të gjitha shkollat në komunën e Shtimes./D.B/KP

Continue Reading

Lajmet

Tottenhami nuk është në shitje

Published

on

Tottenham Hotspur ka mohuar zërat për një shitje të mundshme të klubit pas dorëheqjes së Daniel Levy-t, i cili u largua javën e kaluar pas pothuajse 25 vitesh në krye të klubit londinez.

Në një deklaratë zyrtare, aksionari kryesor ENIC Sports & Developments Holdings Ltd konfirmoi se ka marrë dhe ka refuzuar dy shprehje paraprake interesi për blerjen e aksioneve.

Njëra ofertë erdhi nga PCP International Finance Limited, kompania e Amanda Staveley, ish-aksionere e Newcastle United, ndërsa tjetra nga një konsorcium i udhëhequr nga Dr. Roger Kennedy dhe Wing-Fai Ng përmes Firehawk Holdings Limited.

Megjithatë, ENIC, që zotëron 86.5% të aksioneve të Tottenham-it dhe është nën kontrollin e biznesmenit britanik Joe Lewis dhe familjes së tij, bëri të qartë se klubi nuk është në shitje dhe nuk ka asnjë qëllim të pranojë oferta të tilla.

“Bordi i klubit dhe ENIC konfirmojnë se Tottenham Hotspur nuk është në shitje”, thuhet në deklaratë.

Dorëheqja e Levy-t ka hapur shumë spekulime mbi një ndryshim të mundshëm pronësie, por drejtuesit e Tottenham-it i kanë hedhur poshtë këto zëra. Në prill, klubi emëroi Vinai Venkatesham si drejtor ekzekutiv, ndërsa Peter Charrington mori postin e kryetarit jo-ekzekutiv, një rol i ri që u krijua pas largimit të Levy-t.

Klubi theksoi se nuk do të ketë ndryshime në pronësi apo strukturën e aksionarëve, duke synuar stabilitet në një periudhë tranzicioni pas një epoke të gjatë nën drejtimin e Daniel Levy-t./S.K/KP/

 

 

Continue Reading

Lajmet

Nissinen: Kosova është në rrugën e duhur drejt organizatave evropiane dhe euroatlantike

Published

on

By

Me përfundimin e mandatit diplomatik trevjeçar në Kosovë, Ambasadori i Finlandës, Matti Nissinen, ka ndarë me The Geopost reflektimet e tij mbi përvojën personale dhe profesionale në vend.

Gjatë kësaj periudhe, ai ka qenë i angazhuar në forcimin e marrëdhënieve bilaterale ndërmjet Kosovës dhe Finlandës, përmes projekteve të shumta në fushat e arsimit, shoqërisë civile, integrimit evropian dhe luftës kundër dezinformimit.

Në intervistën për The Geopost, Nissinen flet për momentet më domethënëse të misionit të tij diplomatik, për bashkëpunimin e ngushtë me institucionet dhe qytetarët e Kosovës, si dhe për shpresat e tij për të ardhmen e vendit. Derisa shprehet i bindur se Kosova është në rrugën e duhur drejt organizatave evropiane dhe euroatlantike.

Ai jep mesazhe të qarta për domosdoshmërinë e investimit në njerëz, edukim dhe bashkëpunim të gjerë shoqëror si rrugë drejt një të ardhmeje më të sigurt dhe evropiane për Kosovën./D.B/EO

Continue Reading

Të kërkuara