Lajmet

​Hapet konkurs për 25 psikologë në shkollat e Prishtinës

Musmurati tha se kjo kërkesë e prindërve ka qenë e kahmotshme për çështjen e psikologëve.

Published

on

Drejtoresha e Arsimit në Prishtinë, Besianë Musmurati, sot në shkollën “Iliria” tregoi se është hapur konkurs për 25 psikologë për shkollat e Prishtinës.

Në ditën ndërkombëtare të shëndetit mendor Musmurati dha lajmin e mirë për punësimin e 25 psikologëve të rinj nëpër shkolla. Duke parë që ka mungesë të madhe nëpër shkolla dhe prania e psikologëve nëpër shkolla është tepër me rëndësi, ajo tha se do të rritet stafi i psikologëve.

“Drejtoria e Arsimit në komunën e Prishtinës ka shpallur konkurs për punësimin e 25 psikologëve nëpër shkollat e Prishtinës… Që nga marrja e mandatit si drejtoreshë e arsimit në komunës e Prishtinës, temën e sigurisë në shkolla e kam trajtuar me seriozitetin më të madh, për shkak se siguria në shkolla, qoftë siguria fizike, qoftë siguria emocionale e nxënësve është temë tejet me rëndësi. Deri më sot Prishtina ka pasur të punësuar 112 psikologë të shkollave. Shumica e psikologëve kanë qenë të punësuar gjatë vitit 2007 dhe pas çdo 1-2 viteve ka pasur shtim të psikologëve, Prishtina ka vetëm 12 psikologë përderisa ka mbi 40 mijë nxënës.. Sipas udhëzimit administrativ normat që duhet të jetë normale për një shkollë është një psikolog për një mijë nxënës… Në shkollën “Iliria” ku janë rreth 1 mijë e 300 nxënës, nuk ka pasur psikologë fare. Vetëm gjimnazi “Sami Frashër” ka pasur psikologë, shkollat e tjera si “Xhevdet Doda”, “Hoxhë Kadri Prishtina”, “Ahmet Gashi” nuk kanë pasur fare”, tha ajo.

Musmurati tha se kjo kërkesë e prindërve ka qenë e kahmotshme për çështjen e psikologëve dhe ditën e sotme ajo cilëson si hapin e duhur për të plotësuar këtë kërkesë.

“Kërkesë ka pasur gjithmonë raporti i fundit i këshillit të nxënësve për Kosovën rekomandim kyç e ka pasur angazhimin e më shumë psikologëve në sistemin shkollor. Nuk ka pasur takim të prindërve që nuk e kanë përmend çështjen e psikologëve, protestat e nxënësve në rrugë kanë treguar që nxënësit kanë pasur një kërkesë të vetme që institucionet ta kthejnë vëmendjen tek parandalimi dhe të merremi më pak me trajtimin e dhunës… Sot po e bëjmë hapin e duhur në këtë drejtim dhe për të plotësuar një kërkesë të kamotshme të prindërve, nxënësve dhe gjithë shkollave të Prishtinës. Punësimi i këtyre 25 psikologëve të rijnë është hapi i parë dhe i duhur drejt jetësimit të planit për siguri në shkolla”, theksoi ajo.

Ndërkaq shefja e Departamentit të Psikologjisë së Universitetit të Prishtinës, Kaltrina Kelmendi tha se shëndeti mendor është shumë i rëndësishëm. Po ashtu ajo u shpreh se rekrutimi i psikologëve në shkolla do t’i shërbejë mirëqenies së përgjithshme.

“Çështja e shëndetit mendor sidomos kohëve të fundit sidomos me pandeminë që e kemi përjetuar, problemet me dhunën në shkollë dhe çështjet e tjera që ndërlidhen me funksionimin e përditshëm të individëve në kushtet dhe rrethanat që jemi ne sot është më se e domosdoshme. Ideja e rekrutimit e psikologëve në shkollë besojmë që do ti shërbejë mirëqenies së përgjithshme jo vetëm të fëmijëve po gjithashtu të stafit të shkollës dhe do ta bëjë shkollën një ambient të favorshëm dhe një ambient të pëlqyeshëm për të qëndruar në shkollë dhe për të mundur të zhvillojnë të gjitha potencialet që i kanë. Së bashku me psikologët shkollorë dhe së bashku me shoqatën e psikologëve shkollorë do të tentojmë që çështja e shëndetit mendor ashtu sikurse që është edhe motoja e këtij viti të jetë prioritet i të gjithëve”. tha ajo.

Kurse në emër të këshillit të nxënësve foli Ditjon Fetahu i cili tha se mungesa e psikologëve është burim i problemeve të mëdha që shkaktohen te nxënësit dhe sipas tij shëndeti mendor duhet të jetë prioritet.

“Që nga fillimi i vitit nxënësit kanë brohoritur në rrugë me moton se “Ku janë psikologët?. Që nga muaji prill na kanë ofruar statistika fatkeqësisht shumë problematike të cilat tregojnë se 52% e nxënësve nuk kanë qasje në psikologët shkollorë, në kuadër të kësaj përcillet me probleme të mëdha qoftë me ngacmime seksuale, ofendime qoftë brenda stafit shkollor ose vetë nxënësve ndërmjet vete. Të gjitha këto burim e kanë mungesën e psikologëve në shkolla, trajtimi i problemeve të mirëqenies sociale ekonomike dhe të shëndetit mendor nëpër shkolla do të duhej të ishte prioritet, ne jemi të gëzuar shumë që kjo është duke u arritur”, tha ai.

Shëndetit mendor në vendin tonë ende nuk i kushtohet rëndësia të cilën e meriton, e kjo është veçanërisht e vërtetë kur bëhet fjalë për nxënësit të cilat janë e ardhmja jonë, është thënë në këtë takim.

Lajmet

​Në tetor Shqipëria nis zyrtarisht pagesat në euro përmes zonës SEPA

Published

on

By

Me datë 7 tetor 2025, Shqipëria hedh një hap historik duke nisur zyrtarisht pagesat në euro përmes zonës SEPA (Single Euro Payments Area). Ky zhvillim i rëndësishëm, i njoftuar nga Guvernatori i Bankës së Shqipërisë, Gent Sejko, gjatë Konferencës së Ambasadorëve, sinjalizon një integrim më të thellë të vendit në sistemin financiar evropian dhe një përparim të konsiderueshëm drejt anëtarësimit të plotë në Bashkimin Evropian.

Guvernatori Sejko theksoi se ky moment shënon një fazë të re për Shqipërinë, duke e konsideruar vendin “të integruar në BE në aspektin e pagesave në fushën financiare”.

Ai sqaroi se Banka e Shqipërisë, në bashkëpunim të ngushtë me institucionet e tjera përgjegjëse, ka përmbushur të gjitha kërkesat ligjore dhe rregullatore të nevojshme për përfshirjen e plotë në këtë sistem të unifikuar pagesash. Komisioni Evropian i Pagesave ka miratuar tashmë të gjitha bankat shqiptare, të cilat do të operojnë brenda standardeve SEPA duke filluar nga data e caktuar.

SEPA: Një hap drejt një Evrope financiare të bashkuar

SEPA, që aktualisht përfshin 41 vende, duke përfshirë shtetet anëtare të BE-së, disa vende nordike dhe Mbretërinë e Bashkuar, lejon transferta bankare në euro me shpejtësi më të madhe, standarde të unifikuara dhe kosto dukshëm më të ulëta krahasuar me sistemet ndërkombëtare tradicionale. Shqipëria, së bashku me Malin e Zi, u pranuan formalisht si anëtaret më të reja të zonës SEPA në nëntor 2024, një arritje strategjike që konsiderohet gjerësisht si një sukses në fushën financiare dhe transparencës.

Përfitime konkrete për ekonominë dhe qytetarët

Guvernatori Sejko nënvizoi se miratimi i ligjit për shërbimet e pagesave, së bashku me aktet nënligjore dhe reformat në luftën kundër pastrimit të parave, kanë krijuar një bazë të fortë ligjore që ka favorizuar pranimin në SEPA. Ai theksoi se përfitimet e drejtpërdrejta për ekonominë dhe biznesin shqiptar do të jenë të shumta:

Pagesa në euro drejt dhe nga vendet e BE-së do të jenë më të shpejta.

Qytetarët dhe bizneset do të përfitojnë nga tarifat bankare më të ulëta për pagesat ndërkombëtare.

Sistemi bankar do të bëhet më transparent dhe efikas, transmeton RTSH.

Investitorët e huaj do të kenë më shumë besim në sistemin financiar shqiptar.

“Ky hap ul ndjeshëm kostot për ekonominë dhe rrit imazhin e Shqipërisë në tregjet e huaja, duke e bërë vendin më tërheqës për investime të huaja,” përfundoi Guvernatori Sejko, duke theksuar rëndësinë strategjike të këtij momenti për të ardhmen e zhvillimit ekonomik të vendit./D.B/KP

Continue Reading

Bota

Rusia thotë se nuk kishte planifikuar të sulmonte asnjë objektiv në Poloni

Published

on

By

Ministria ruse e Mbrojtjes tha se nuk kishte planifikuar të sulmonte asnjë objektiv në Poloni, pasi Varshava tha se 19 dronë rusë hynë në hapësirën e saj ajrore gjatë sulmeve të natës në Ukrainën perëndimore.

Në një përditësim të përditshëm mbi sulmet kundër Ukrainës, ajo tha se “Asnjë objekt në territorin polak nuk ishte planifikuar të ishte në shënjestër”, raporton BBC.

Megjithatë, ne jemi të gatshëm të zhvillojmë konsultime me ministrinë polake të Mbrojtjes mbi këtë temë”, tha Ministria e Mbrojtjes e Rusisë.

Gjatë natës, një “numër i madh” dronësh rusë u rrëzuan mbi hapësirën ajrore polake, tha kryeministri i Polonisë. Duke folur përpara një takimi urgjent, Donald Tusk tha se ishte hera e parë që dronë rusë u rrëzuan mbi këtë vend.

Polonia mbylli përkohësisht hapësirën e saj ajrore dhe filloi një operacion ushtarak, të cilit iu bashkuan avionë të NATO-s dhe holandezëve. Qytetarëve në tre rajone polake përgjatë kufirit ukrainas iu tha të qëndronin në shtëpi.

Dronët që hynë në Poloni ishin pjesë e sulmit të fundit të madh ajror ndaj Ukrainës, ku Rusia lëshoi 415 dronë gjatë natës.

Presidenti i Ukrainës Zelensky tha se “të paktën tetë dronë sulmues” ishin të drejtuar drejt Polonisë, duke e quajtur përshkallëzimin një “precedent jashtëzakonisht të rrezikshëm për Evropën”./D.B/KP

Continue Reading

Lajmet

​Dogana gjen në një veturë botoks dhe fillerë në kontrabandë

Published

on

By

Njësitet për Anti-Kontrabandë të Doganës së Kosovës, sot bazuar në informatat paraprake dhe autorizimet ligjore të parashikuara në Kodin Doganor dhe të Akcizave, kanë ndaluar një automjet në territorin e Prishtinës, ku kanë hasur “botoks” dhe “fillerë” të kontrabanduara.

Sipas Doganës, gjatë kontrollit të automjetit, është konstatuar se brenda tij transportoheshin produkte të padoganuara të llojit “botoks” dhe “fillerë” (produkte për përdorim estetik).

Pas veprimeve të mëtejshme operative dhe në koordinim me prokurorin kompetent, është kryer kontroll edhe në një lokacion tjetër në Prishtinë, ku është gjetur dhe ndaluar një sasi shtesë e këtyre produkteve”, thuhet në njoftim.

Sipas doganës, vlera e përgjithshme e mallrave të ndaluara llogaritet të jetë rreth 5,000 €.

Duke marrë parasysh se këto produkte kanë kontakt të drejtpërdrejtë me trupin e njeriut, mungesa e kontrollit adekuat dhe transporti i parregullt i bën ato veçanërisht të rrezikshme për shëndetin e popullatës“, thuhet në njoftim.

Po ashtu në njoftim thuhet se rasti, sipas procedurave ligjore, është duke u trajtuar si kundërvajtje doganore./D.B/KP

Continue Reading

Bota

Gjermania akuzon Rusinë se drejtoi qëllimisht dronët në Poloni

Published

on

By

Gjermania akuzoi sot Rusinë për drejtimin e qëllimshëm të dronëve të armatosur drejt Polonisë si pjesë e provokimeve dhe strategjisë së saj të luftës hibride.

Ministri i Mbrojtjes Boris Pistorius gjatë një debati parlamentar në Bundestag tha se dronët u drejtuan qëllimisht përgjatë kësaj trajektoreje.

Nuk ka absolutisht asnjë arsye për të besuar se këto ishin gabime navigimi, korrigjime të kursit ose diçka të ngjashme,” tha ai.

Ministri i quajti inkursionet e dyshuara ruse me dronë si provokime, pjesë e strategjisë së luftës hibride të Rusisë për të testuar aftësitë mbrojtëse evropiane dhe për të destabilizuar rajonin.

Për të arritur në Ukrainë, këta dronë nuk kishin nevojë të ndiqnin këtë rrugë. Sipas raporteve nga Polonia, ato me sa duket ishin të pajisura edhe me municione. Pra, diçka mund të kishte ndodhur në çdo kohë”, tha Pistorius.

Ai gjithashtu konfirmoi mbështetjen e Berlinit për vendimin e Polonisë për të thirrur Nenin 4 të traktatit të NATO-s pas ndërhyrjeve ruse me dronë.

Ne po bashkëpunojmë me polakët dhe po zhvillojmë konsultime“, tha ministri, transmeton Anadolu.

Ushtria polake njoftoi se rrëzoi dronët rusë që shkelën hapësirën e saj ajrore gjatë një sulmi ndaj Ukrainës./D.B/KP

Continue Reading

Të kërkuara