Sport

​Giresse flet për ndeshjet e qershorit, tregon pse mungojnë Hadërgjonaj, Muja, Berisha e Zeneli

Giresse tha se pret që nesër skuadra të kompletohet.

Published

3 years ago

on

Trajneri i Kombëtares së Kosovës, Alain Giresse ka mbajtur sot konferencën e parë për media para ndeshjeve të muajit qershor kundër Rumanisë dhe Bjellorusisë.

Giresse tregoi se si po planifikon që ekipi të jetë në gjendje të mirë psikologjike, pasiqë “Dardanët” rikthehen nga dy barazimet në ndeshjet e fundit ndaj Andorrës dhe Izraelit.

Duke marrë parasysh se ka ende lojtarë që nuk i janë bashkuar kombëtares në grumbullim, Giresse tha se pret që nesër skuadra të kompletohet, dhe se më pas do të fillojnë me përgatitje për dy ndeshjet në vijim, pasi që nuk ka kohë për tu ankuar për atë se çfarë ka ndodhur më parë.

“Lloji i kompeticionit në të cilin ndodhemi nuk na mundëson shumë që të ndalemi prapa dhe të shikojmë se çka ka ndodhur në këtë kompeticion. Momentin që do të grumbullohen të gjithë lojtarët e që do të jetë dita e nesërme ne do të fillojmë të diskutojmë dhe të do të fillojmë të përgatitemi sa më mirë për këto dy lojët të cilat i kemi. Dhe nga ana tjetër besoj që lojtarët janë të vetëdijshëm për rëndësinë e lojëve kështu që s’kemi kohë të humbim dhe të ankohemi se çfarë ka ndodhur më parë”, tha Giresse.

Po ashtu, Giresse tregoi se çfarë pret nga skuadra për ndeshjet ndaj Rumanisë dhe Bjellorusisë, ndërsa shfrytëzoi rastin që barazimin ndaj Izraelit mos ta cilësojë si rezultat negativ.

“Ne do të tentojmë sa më pak të mendojmë tek ajo që ka ndodhur më herët, dhe të koncentrohemi dhe të përgatitemi maksimalisht për lojët të cilat i kemi në vijim. Pastaj, i referoheni dy ndeshjeve të kaluara si do të thotë lojë barazim ose si rezultate negative edhe ndoshta mirëpo nuk konsideroj që rezultati me Izraelin ishte negativ nëse ishte me Andorrën, prandaj duhet të fokusohemi dhe të shkojmë përpara”, tha Giresse.

Giresse më tej zbuloi se pse mungojnë në grumbullim lojtarët si Hadërgjonaj, Berisha e Zeneli.

“Sa i përket Hadërgjonajt ka të bëjë me arsye personale të cilat nuk i kanë mundësuar që të vijnë në këtë grumbullim…Sa i përket Berishës, ka të bëjë me zgjidhje sportive, më takon mua që ta marrë vendimin dhe mu duk e drejtë që me listën e lojtarëve që e kemi të mos ftohet…Sa i përket Zenelit, në të njëjtën kohë përfitojë të them se është e njëjta situatë po ashtu edhe me Zymer Bytyqin. Ka të bëjë me minutazhin e paktë të cilët ata e kanë pasur në ekipet respektive, prandaj më duket, qoftë në aspektin moral qoftë në aspektin fizik, ndoshta nuk janë të gatshëm të mblidhen në këtë grumbullim. Me Zenelin e kam diskutuar këtë punë që ndoshta edhe thirret, pastaj nuk e di se a arrijmë t’i sigurojmë një vend ose nuk e di sa do të ketë minutazhë te Kosova, nëse do ta thirrnim, kështu që ka të bëjë po ashtu me zgjidhje sportive”, deklaroi ai.

Tekniku francez foli edhe për mesfushorin e Royal Antwerp, Arbnor Mujën, i cili u shpall kampion i Belgjikës, dhe që nuk është pjesë e listës së lojtarëve të ftuar nga Kosova. Giresse tregoi se Muja kishte kërkuar garanci për vendin e titullarit, prandaj ishte zgjidhje më e mirë mos ta ftonte, se sa të vinte e më pas të mos luajë.

“Sa i përket këtyre dy lojëve të cilat i kemi tash, Arbnor Muja me të cilin kam pasur një kontakt ka kërkuar garanci sa i përket vendit të titullarit, dhe unë i kam shpjeguar Arbnor Mujës që vendin e titullarit nuk e ka të sigurt askush, prandaj nëse ai mendon kështu më mirë është që mos të vijë se sa të vijë dhe pastaj të mos të luajë”, tha Giresse.

Situata e Mujës ka bërë që të ketë spekulime se Shqipëria po e kërkon atë, por që këto zëra i mohoi menaxheri i Kombëtares së Kosovës, Bajram Shala.

“Situata e Arbnor Mujës është shumë e thjeshtë. Po ka pas shumë shkrime në media se Shqiperia është në ndjekje të tij, për ne ato janë vetëm spekulime mediale. Arbnor Muja ka qenë për kohë shumë të gjatë jo vetëm tash për ekipin A, por ka qenë për një kohë shumë të gjatë pjesë e ekipeve të grupmoshave të Kosovës, dhe ai mbetet futbollist i Kombëtares së Kosovës, dhe përderisa ne nuk jemi kontaktu as edhe një herë në formë zyrtare qoftë nga Muja qoftë nga Federata e Shqipërisë, për ne kjo është temë e mbyllur dhe ai mbetet pjesë e ekipit kombëtar të Kosovës”, tha Shala.

Ndeshjen e radhës Kosova e luan kundër Rumanisë, më 16 qershor në stadiumin “Fadil Vokrri”, derisa tri ditë më vonë udhëton në Budapest, ku do të përballet me Bjellorusinë.

“Dardanët” kanë dy pikë në renditjen e Grupit I, pasi në ndeshjet e muajit mars barazuan me Izraelin dhe Andorrën.

Related Topics:
Continue Reading

Sport

Arba Hasanaj renditet e pesta në Lojërat Olimpike për të Rinj “Dakar 2026”

Published

3 hours ago

on

November 3, 2026

By

Xhudistja kosovare, Arba Hasanaj, e ka përfunduar në vendin e pestë garën në Lojërat Olimpike për të Rinj “Dakar 2026”, në kategorinë deri në 78 kilogramë.

Hasanaj regjistroi tri fitore gjatë garës, duke qenë shumë pranë fitimit të një medaljeje olimpike.

15-vjeçarja zhvilloi një paraqitje të mirë në këtë ngjarje të rëndësishme sportive, por në fund mbeti pa medalje, duke u renditur në pozitën e pestë.

Federata e Xhudos e Kosovës e ka përgëzuar Hasanajn për paraqitjen dhe suksesin e arritur në këtë garë olimpike.

D.L

Continue Reading

Sport

Zhegrova mbetet jashtë listës së UEFA-s, Juventusi nuk mund ta zëvendësojë Locatellin me kosovarin

Published

3 hours ago

on

November 3, 2026

By

Edon Zhegrova nuk do të mund të përfshihet në listën e Juventusit për garat e UEFA-s në vend të Manuel Locatellit, për shkak të rregulloreve të organizatorit të garave evropiane.

Këtë e ka konfirmuar drejtori ekzekutiv i klubit torinez, Giovanni Carnevali, gjatë mbledhjes së aksionarëve, duke sqaruar se Locatelli, si futbollist i formuar në Itali, mund të zëvendësohet vetëm nga një lojtar që plotëson të njëjtin kriter.

“Locatelli është lojtar i formuar në Itali dhe mund të zëvendësohet vetëm nga një lojtar i formuar në Itali. Pra, Ekhator dhe jo Zhegrova”, ka deklaruar Carnevali.

Mesfushori italian pritet të mungojë deri në muajin mars për shkak të lëndimit. Për këtë arsye, Juventusi ka vendosur të shfrytëzojë mundësinë që ofron UEFA për ndryshimin e listës në rast të lëndimeve serioze.

Zhegrova nuk ishte përfshirë në listën fillestare të Juventusit për garat evropiane në fillim të sezonit. Jashtë saj kishte mbetur edhe Jeff Ekhator, sulmuesi i transferuar nga Genoa gjatë verës, i cili në atë kohë ishte i lënduar.

Megjithatë, Ekhator është rikthyer në dispozicion dhe ishte pjesë e skuadrës në fitoren 2:0 ndaj Napolit, të dielën në “Allianz Stadium”.

Kështu, Juventusi ka vendosur që në listën e UEFA-s ta përfshijë sulmuesin e lindur në vitin 2006, duke lënë sërish jashtë Edon Zhegrovën.

Pavarësisht mungesës së gjatë të Locatellit, futbollisti kosovar nuk do të ketë mundësi të paraqitet me Juventusin në vazhdimin e garave evropiane.

D.L

Continue Reading

Sport

Emily Ibanez shkëlqen në Botërorin e të rriturve, zë vendin e pestë dhe vendos shtatë rekorde botërore për të reja

Published

5 hours ago

on

November 3, 2026

By

Peshëngritësja 15-vjeçare që përfaqëson Kosovën, Emily Ibanez, ka regjistruar një rezultat të jashtëzakonshëm në Kampionatin Botëror të Peshëngritjes për të rritur, që po mbahet në Kinë.

Ibanez u rendit në vendin e pestë në dygarësh, në kategorinë deri në 69 kilogramë, duke ngritur gjithsej 240 kilogramë. Ajo ishte garuesja më e re në këtë kampionat.

Para saj përfunduan vetëm dy peshëngritëse nga Koreja e Veriut, një nga Kolumbia dhe një nga Bjellorusia.

Peshëngritësja kosovare garoi në Grupin B, që është grupi i dytë më i fortë, dhe jo në mesin e garueseve më të mira të Grupit A.

Në disiplinën e shkëputjes, Ibanez u rendit e teta me rezultatin më të mirë prej 106 kilogramësh, ndërsa në shtytje përfundoi e gjashta, me 134 kilogramë.

Përveç rezultatit të përgjithshëm, 15-vjeçarja vendosi edhe shtatë rekorde botërore për të reja brenda një dite. Ajo arriti rekorde në shkëputje, shtytje dhe në total, në kategorinë deri në 69 kilogramë. Këto rekorde përfshijnë peshëngritëset e moshës 13 deri në 17 vjeç.

Medaljen e artë në këtë kategori e fitoi Song Kuk-hyang nga Koreja e Veriut, me gjithsej 275 kilogramë në dygarësh. Ajo vendosi tri rekorde botërore: 122 kilogramë në shkëputje, 153 në shtytje dhe 275 në total.

Emily Ibanez ka lindur në Spanjë dhe për shumë vite ka jetuar në Kanada. Ajo vjen nga një familje e peshëngritësve, ndërsa babai i saj është nga Kuba. Prej këtij viti, Emily dhe vëllai i saj, Brayan Ibanez, përfaqësojnë Kosovën.

Së fundmi, ajo kishte fituar tri medalje të arta në Kampionatin Evropian për juniorë dhe U23.

Ndërkohë, Brayan Ibanez ishte paraparë të garonte të hënën në Botëror, por u tërhoq për shkak të një sëmundjeje.

Të mërkurën, në garë për Kosovën do të paraqitet edhe Kianoush Rostami, i cili përfaqëson vendin tonë që nga viti i kaluar.

Kampionati Botëror në Ningbo të Kinës ka nisur më 27 tetor, ndërsa deri më tani në renditjen e medaljeve dominon Koreja e Jugut, me gjashtë të arta, tri të argjendta dhe tri të bronzta.

D.L

Continue Reading

Sport

Kosova mëson kundërshtarët për UEFA Women’s Nations League 2027

Published

6 hours ago

on

November 3, 2026

By

Përfaqësuesja e Kosovës në futbollin e femrave ka mësuar kundërshtarët për edicionin e ardhshëm të UEFA Women’s Nations League 2027.

Shorti është tërhequr të martën në Nyon të Zvicrës, ku Kosova është vendosur në Grupin 4 të Ligës B, së bashku me Slloveninë, Turqinë dhe Hungarinë.

“Dardanet” do të synojnë të paraqiten sa më mirë në këtë edicion, pasi siguruan avancimin në Ligën B duke e përfunduar në vendin e parë Grupin C2 në kampanjën e kaluar.

Ndërkohë, Kosova nuk arriti të kualifikohej në plejofin e Botërorit të vitit 2027, që do të mbahet në Brazil, pasi u eliminua nga Austria në raundin e parë.

Edhe Përfaqësuesja e Shqipërisë ka mësuar kundërshtarët e saj. Ajo do të garojë në Grupin 1 të Ligës B, ku do të përballet me Belgjikën, Rumaninë dhe Serbinë.

D.L

Continue Reading

Të kërkuara