Sport

​Giresse flet për ndeshjet e qershorit, tregon pse mungojnë Hadërgjonaj, Muja, Berisha e Zeneli

Giresse tha se pret që nesër skuadra të kompletohet.

Published

3 years ago

on

Trajneri i Kombëtares së Kosovës, Alain Giresse ka mbajtur sot konferencën e parë për media para ndeshjeve të muajit qershor kundër Rumanisë dhe Bjellorusisë.

Giresse tregoi se si po planifikon që ekipi të jetë në gjendje të mirë psikologjike, pasiqë “Dardanët” rikthehen nga dy barazimet në ndeshjet e fundit ndaj Andorrës dhe Izraelit.

Duke marrë parasysh se ka ende lojtarë që nuk i janë bashkuar kombëtares në grumbullim, Giresse tha se pret që nesër skuadra të kompletohet, dhe se më pas do të fillojnë me përgatitje për dy ndeshjet në vijim, pasi që nuk ka kohë për tu ankuar për atë se çfarë ka ndodhur më parë.

“Lloji i kompeticionit në të cilin ndodhemi nuk na mundëson shumë që të ndalemi prapa dhe të shikojmë se çka ka ndodhur në këtë kompeticion. Momentin që do të grumbullohen të gjithë lojtarët e që do të jetë dita e nesërme ne do të fillojmë të diskutojmë dhe të do të fillojmë të përgatitemi sa më mirë për këto dy lojët të cilat i kemi. Dhe nga ana tjetër besoj që lojtarët janë të vetëdijshëm për rëndësinë e lojëve kështu që s’kemi kohë të humbim dhe të ankohemi se çfarë ka ndodhur më parë”, tha Giresse.

Po ashtu, Giresse tregoi se çfarë pret nga skuadra për ndeshjet ndaj Rumanisë dhe Bjellorusisë, ndërsa shfrytëzoi rastin që barazimin ndaj Izraelit mos ta cilësojë si rezultat negativ.

“Ne do të tentojmë sa më pak të mendojmë tek ajo që ka ndodhur më herët, dhe të koncentrohemi dhe të përgatitemi maksimalisht për lojët të cilat i kemi në vijim. Pastaj, i referoheni dy ndeshjeve të kaluara si do të thotë lojë barazim ose si rezultate negative edhe ndoshta mirëpo nuk konsideroj që rezultati me Izraelin ishte negativ nëse ishte me Andorrën, prandaj duhet të fokusohemi dhe të shkojmë përpara”, tha Giresse.

Giresse më tej zbuloi se pse mungojnë në grumbullim lojtarët si Hadërgjonaj, Berisha e Zeneli.

“Sa i përket Hadërgjonajt ka të bëjë me arsye personale të cilat nuk i kanë mundësuar që të vijnë në këtë grumbullim…Sa i përket Berishës, ka të bëjë me zgjidhje sportive, më takon mua që ta marrë vendimin dhe mu duk e drejtë që me listën e lojtarëve që e kemi të mos ftohet…Sa i përket Zenelit, në të njëjtën kohë përfitojë të them se është e njëjta situatë po ashtu edhe me Zymer Bytyqin. Ka të bëjë me minutazhin e paktë të cilët ata e kanë pasur në ekipet respektive, prandaj më duket, qoftë në aspektin moral qoftë në aspektin fizik, ndoshta nuk janë të gatshëm të mblidhen në këtë grumbullim. Me Zenelin e kam diskutuar këtë punë që ndoshta edhe thirret, pastaj nuk e di se a arrijmë t’i sigurojmë një vend ose nuk e di sa do të ketë minutazhë te Kosova, nëse do ta thirrnim, kështu që ka të bëjë po ashtu me zgjidhje sportive”, deklaroi ai.

Tekniku francez foli edhe për mesfushorin e Royal Antwerp, Arbnor Mujën, i cili u shpall kampion i Belgjikës, dhe që nuk është pjesë e listës së lojtarëve të ftuar nga Kosova. Giresse tregoi se Muja kishte kërkuar garanci për vendin e titullarit, prandaj ishte zgjidhje më e mirë mos ta ftonte, se sa të vinte e më pas të mos luajë.

“Sa i përket këtyre dy lojëve të cilat i kemi tash, Arbnor Muja me të cilin kam pasur një kontakt ka kërkuar garanci sa i përket vendit të titullarit, dhe unë i kam shpjeguar Arbnor Mujës që vendin e titullarit nuk e ka të sigurt askush, prandaj nëse ai mendon kështu më mirë është që mos të vijë se sa të vijë dhe pastaj të mos të luajë”, tha Giresse.

Situata e Mujës ka bërë që të ketë spekulime se Shqipëria po e kërkon atë, por që këto zëra i mohoi menaxheri i Kombëtares së Kosovës, Bajram Shala.

“Situata e Arbnor Mujës është shumë e thjeshtë. Po ka pas shumë shkrime në media se Shqiperia është në ndjekje të tij, për ne ato janë vetëm spekulime mediale. Arbnor Muja ka qenë për kohë shumë të gjatë jo vetëm tash për ekipin A, por ka qenë për një kohë shumë të gjatë pjesë e ekipeve të grupmoshave të Kosovës, dhe ai mbetet futbollist i Kombëtares së Kosovës, dhe përderisa ne nuk jemi kontaktu as edhe një herë në formë zyrtare qoftë nga Muja qoftë nga Federata e Shqipërisë, për ne kjo është temë e mbyllur dhe ai mbetet pjesë e ekipit kombëtar të Kosovës”, tha Shala.

Ndeshjen e radhës Kosova e luan kundër Rumanisë, më 16 qershor në stadiumin “Fadil Vokrri”, derisa tri ditë më vonë udhëton në Budapest, ku do të përballet me Bjellorusinë.

“Dardanët” kanë dy pikë në renditjen e Grupit I, pasi në ndeshjet e muajit mars barazuan me Izraelin dhe Andorrën.

Related Topics:
Continue Reading

Sport

BBC: James një përzgjedhje surprizë për ndeshjen All-Star të NBA-së

Published

13 hours ago

on

February 2, 2026

By

LeBron James është përzgjedhur për një ndeshje rekord të 22-të radhazi All-Star të NBA-së duke u emëruar midis rezervave nga Konferenca Perëndimore.

Ylli 41-vjeçar i Los Angeles Lakers nuk u zgjodh si titullar në janar, por ishte midis shtatë rezervave të zgjedhura nga secila prej Konferencave Lindore dhe Perëndimore nga trajnerët e NBA-së.

James, i cili humbi 14 ndeshjet e para të skuadrës së tij të fushatës 2025-26 për shkak të lëndimit, ka luajtur 31 herë këtë sezon dhe mesatarisht shënon 21.9 pikë për ndeshje.

“Nuk ishte një qëllim i imi që të hyja në sezon, të humbisja 14 ndeshjet e para dhe të thoja: “Në rregull, mund të jem një All-Star”, u tha James gazetarëve pasi luajti në humbjen 112-100 të Lakers kundër New York Knicks.

“Doja vetëm të kthehesha të luaja lojën në një nivel të lartë për të cilin e dija se isha i aftë, pasi të kisha hequr qafe ndryshkun e mungesës së ndeshjeve parasezonale, kampit stërvitor dhe stërvitjeve verore, të cilat nuk i kam bërë kurrë në të gjithë karrierën time”.

“Kështu që nuk mendova për All-Star Game, për të qenë i sinqertë”.

James u zgjodh për ndeshjen All-Star të NBA-së në vitin 2025, por nuk luajti sepse pësoi një dëmtim.

Kevin Durant, i cili luan për Houston Rockets, Devin Booker i Phoenix Suns dhe Anthony Edwards nga Minnesota Timberwolves u zgjodhën gjithashtu si rezerva të Konferencës Perëndimore.

Loja All-Star është ripërtërirë këtë sezon dhe do të përfshijë dy ekipe lojtarësh nga Shtetet e Bashkuara dhe një ekip lojtarësh ndërkombëtarë.

Ata do të garojnë në një turne me katër ndeshje 12-minutëshe. Dy ekipet e para do të përballen me njëra-tjetrën në një ndeshje kampionati.

 

Lojtarët titullarë të zgjedhur nga Konferenca Lindore:

Giannis Antetokounmpo – Milwaukee Bucks

Jaylen Brown – Boston Celtics

Jalen Brunson – New York Knicks

Cade Cunningham – Detroit Pistons

Tyrese Maxey – Philadelphia 76ers

Rezervat e përzgjedhura nga Konferenca Lindore:

Scottie Barnes – Toronto Raptors

Jalen Duren – Detroit Pistons

Jalen Johnson – Atlanta Hawks

Donovan Mitchell – Cleveland Cavaliers

Norman Powell – Miami Heat

Pascal Siakam – Indiana Pacers

Karl-Anthony Towns – New York Knicks

Lojtarët titullarë të përzgjedhur nga Konferenca Perëndimore:

Stephen Curry – Golden State Warriors

Luka Doncic – Los Angeles Lakers

Shai Gilgeous-Alexander – Oklahoma City Thunder

Nikola Jokic – Denver Nuggets

Victor Wembanyama – San Antonio Spurs

Rezervat e përzgjedhura nga Konferenca Perëndimore:

Deni Avdija – Portland Trail Blazers

Devin Booker – Phoenix Suns

Kevin Durant – Houston Rockets

Anthony Edwards – Minnesota Timberwolves

Chet Holmgren – Oklahoma City Thunder

LeBron James – LA Lakers

Jamal Murray – Denver Nuggets

Continue Reading

Sport

Zyrtare: Ademola Lookman transferohet te Atletico Madrid

Published

15 hours ago

on

February 2, 2026

By

Atletico Madrid ka mbyllur me sukses transferimin e Ademola Lookman nga Atalanta. Sulmuesi nigerian do të bashkohet me klubin spanjoll për shumën totale prej 40 milionë eurosh. Marrëveshja përfshin 35 milionë euro tarifë fikse dhe 5 milionë euro bonuse, ndërsa Atalanta ka pranuar kushtet pas vendimit të lojtarit për të zgjedhur Atleticon, duke refuzuar ofertën e Fenerbahçes në orët e fundit. Lookman ka rënë dakord për një kontratë afatgjatë me klubin madrilen. Atlético tashmë po planifikon udhëtimin dhe vizitat mjekësore për sulmuesin nigerian, përpara zyrtarizimit final të transferimit.

Burimi: Ekonomia Online

Continue Reading

Sport

Çfarë solli ligat Premier League gjatë vikendit?

Published

15 hours ago

on

February 2, 2026

By

Vikendi gjithmonë sjell emocione të forta futbolli. I tillë ishte edhe ky vikend në Premier League, ligën më të fortë të futbollit në botë:

Brighton 1–1 Everton

Ndeshje e balancuar, me të dyja ekipet që kërkonin rezultat pozitiv. Evertoni vazhdon formën solide në ndeshjet sy mysafir.

Leeds United 0–4 Arsenal

Arsenal dominues, duke marrë një fitore të thellë jashtë fushe. Leeds nuk gjeti dot ritmin përballë një Arsenali shumë efikas.

Wolves 0–2 Bournemouth

Bournemouth me një fitore të rëndësishme që forcon pozitat në tabelë.

Chelsea 3–2 West Ham

Derbi londinez me pesë gola. Chelsea fitoi ngushtë, por mori tre pikët e çmuara.

Liverpool 4–1 Newcastle United

Liverpool bindës me një performancë superiore. Newcastle me vështirësi serioze në mbrojtje.

Aston Villa 0–1 Brentford

Brentford fiton në transfertë me gol në kohën shtesë. Aston Villa nuk arriti të konkretizojë rastet. Një hap fals për ekipin që, me fitore, mund të zinte vendin e dytë në tabelë.

Manchester United 3–2 Fulham

Dramë në Old Trafford! United siguron fitoren me gol në minutat e fundit (90+4’).

Nottingham Forest 1–1 Crystal Palace

Pikë për secilën skuadër në një ndeshje të balancuar.

Tottenham 2–2 Manchester City

Ndeshje spektakolare me 4 gola. Spurs rikthehen dy herë në lojë dhe marrin një pikë të vlefshme.

 

    1. Arsenal           24        16        5          3          46        17        29        53
  2. Manchester City     24        14        5          5          49        23        26        47
  3. Aston Villa              24        14        4          6          35        26        9          46
  4. Manchester United 24      11         8          5          44        36        8          41
  5. Chelsea                    24        11        7          6          42        27        15        40
  6. Liverpool                24         11        6          7          39        33        6          39
  7. Brentford                24        11        3          10        36        32        4          36
  8. Fulham                   24        10        4          10        34        35        -1         34
  9. Everton                  24          9         7          8          26        27        -1         34
  10. Newcastle United 24         9         6          9          33        33        0          33
  11. Sunderland              23       8          9          6          24        26        -2         33
  12. AFC Bournemouth 24      8          9          7          40        43        -3         33
  13. Brighton                    24     7          10        7          34        32        2          31
  14. Tottenham Hotspur 24   7           8          9          35        33        2          29
  15. Crystal Palace           24    7           8          9          25        29        -4         29
  16. Leeds United            24    6          8          10        31        42        -11       26
  17. Nottingham Forest 24    7           5          12        24        35        -11       26
  18. West Ham United   24    5           5          14        29        48        -19       20
  19. Burnley                      23   3          6          14        25        44        -19       15
  20. Wolves                       24   1          5          18        15        45        -30       8

Continue Reading

Sport

Mbrëmje vendimtare në Ligën e Kampionëve, sot mbyllet faza e ligës

Published

6 days ago

on

January 28, 2026

By

Sonte zhvillohet xhiroja e fundit e fazës së ligës në UEFA Champions League për sezonin 2025/26, përkatësisht xhiro e tetë, ku të gjitha ndeshjet luhen njëkohësisht dhe përcaktojnë fatin përfundimtar të skuadrave në këtë fazë të re të garës.

36 ekipe janë pjesë e një renditjeje të vetme, pa grupe tradicionale. Secila skuadër ka zhvilluar nga shtatë ndeshje dhe takimet e sotme janë vendimtare për pozicionimin final në tabelë. Tetë skuadrat e para sigurojnë kualifikim direkt në fazën e 1/8 së finales, ndërsa ekipet e renditura nga pozita e nëntë deri në të 24-tën kalojnë në play-offet e fazës nokaut.

Programi i sotëm përfshin disa përballje të mëdha dhe shumë të pritura, si Ajax–Olympiacos, Arsenal–Kairat, Barcelona–Copenhagen, Benfica–Real Madrid, Manchester City–Galatasaray, PSV Eindhoven–Bayern Munich, Liverpool–Qarabağ, Eintracht Frankfurt–Tottenham, Dortmund-Inter, Manchester City – Galatasaray, Napoli – Chelsea, PSG – Newcastle, Paris Saint-Germain–Newcastle United, krahas ndeshjeve të tjera që ndikojnë drejtpërdrejt në renditjen përfundimtare.

Pas përfundimit të kësaj xhiroje, sot në mbrëmje zyrtarizohet renditja finale e fazës së ligës, ndërsa më 30 janar UEFA do të hedhë shortin për play-offet e fazës nokaut, ku do të përballen skuadrat e renditura nga vendi i nëntë deri në të 24-tin.

Continue Reading

Të kërkuara