

Lajmet
Gazetarja ukrainase: Situata në Ukrainë e rrezikshme, rusët do të dënohen në gjykatat ndërkombëtare
Gazetarja ukrainase thotë se situata është e rrezikshme dhe se pak po raportohet nga mediat ndërkombëtare.
Published
2 years agoon
By
Betim Gashi“Ata do të kenë dënim në gjykatat penale ndërkombëtare pas shumë vitesh”, thotë gazetarja ukrainase për rusët të cilët kanë pushtuar vendlindjen e saj. Olena Solodovnikova tregon se ka numër të madh të grave e vajzave të cilat po dhunohen seksualisht, për çka uron që një ditë të vendoset drejtësia. Në intervistën për KosovaPress ajo flet për njëvjetorin e pushtimit të Ukrainës dhe luftën e tmerrshme që vazhdon. Tashmë ajo po qëndron në Kosovë bashkë me vajzën e saj dhe tregon për mikpritjen që i është ofruar gjatë kësaj kohe. Po ashtu, ajo pret gjatë këtij viti Ukraina të njeh pavarësinë e Kosovës.
Edhe pas 12 muajsh prej kur nisi agresioni rus në vendlindjen e saj, gazetarja ukrainase thotë se situata është e rrezikshme dhe se pak po raportohet nga mediat ndërkombëtare.
“Situata në Ukrainë vazhdon të jetë shumë e rrezikshme për të gjithë ne. Sepse është e paparashikueshme se kur fashistët rus do fillojnë të bombardojnë qytetin tonë, çdo qytet është në rrezik të vazhdueshëm, dhe për shembull një nga kolegët e mi shkoi në qytetin Kherson në jug të Ukrainës, i cili ishte i pushtuar, dhe tani është plotësisht i lirë, por ata vazhdojnë të bombardojnë qytetin çdo herë, dhe tani sulmet ajrore vazhdojnë atje çdo ditë. Por për fat të keq, në mediat ndërkombëtare tani Ukraina, që lufta ukrainas-ruse, është si diçka si “Oh, në rregull, ne e dimë për këtë, ajo po vazhdon dhe ne nuk e vërejmë këtë luftë edhe pse po vazhdon”, dhe kjo është diçka shumë e keqe, sepse tani, çdo ditë ne humbasim ushtarët tanë, njerëzit tanë, popullin ukrainas gjatë kësaj lufte, dhe njerëzit po mësohen me këtë. Këtë nuk mund ta imagjinoja kurrë se bota e vjetër mund të përdoret për luftë në vendin tim”, tregon ajo.
Derisa flet për gjenocidin që po bëhet në Ukrainë, ajo thotë se është e rëndësishme që e vërteta të jehojë kudo në botë. Ajo shpreson se për krimet e kryera në vendlindjen e saj, pas disa vjetësh do të merren edhe gjykatat penale ndërkombëtare.
“Ata vazhdojnë ta rinovojnë këtë qytet dhe nuk flasin për viktimat e këtij qyteti dhe kjo është e paparashikueshme, sa njerëz, sa gra do të abuzohen seksualisht atje dhe në Ukrainë tani, sepse shumë njerëz, dhe shumë gra, që ju vjen shumë turp për këtë, dhe nuk flasin zyrtarisht për këtë. Por dikush do flasë për këtë, dhe mendoj se do të kalojnë shumë vite më vonë, ashtu si në Kosovë dhe do të zbulojmë të vërtetën për numrin vërtet të madh të grave dhe njerëzve që luftuan dhe që u abuzuan seksualisht gjatë luftës ruso-ukrainase. Sepse rusët, siç e dini, abuzimi seksual është një nga armët e tyre. Ata donin t’i frikësonin gratë tona në këtë mënyrë. Ata janë si kafshët, rusët janë si kafshët, shumë prej tyre kanë dashur ta bëjnë këtë, dhe mendojnë “nuk kemi dënim për këtë, sepse nuk do dënohemi”. Por ata do të kenë dënim në gjykatat penale ndërkombëtare pas shumë vitesh”, shtoi ajo.
Gazetarja ukrainase u strehua në Kosovë fillimisht vet, meqë rrëfen se kishte frikë për shkak të propagandës ruse. Ajo tashmë po qëndron këtu bashkë me vajzën e saj, e cila vijon mësimin në gjuhën shqipe.
“Po, jemi këtu bashkë (me vajzën). Paraprakisht kam ardhur vetë sepse kam pasur dyshime për këtë vend dhe për situatën në kufi, do të thotë situatën nga kufiri i Serbisë, dhe kam bërë intervistë para një muaji me Albin Kurtin dhe kemi biseduar për atë situatë, dhe kjo është shumë, shumë keq sepse të gjitha rrënjët e situatës në Kosovë tani, në kufi, dhe të gjitha trazirat, ato janë plotësisht të lidhura me rusët, jo vetëm me serbët, por me rusët, njëjtë si në Ukrainë. Pra, e gjithë propaganda, e bazuar në të njëjtat pika si në Ukrainë, dhe në Serbi. Kështu që unë kisha pak frikë nga situata, por tani, kur erdha në fillim dhe isha e sigurt se ky është një vend i sigurt, erdha me vajzën time dhe tani ajo është në një shkollë në Kosovë, mëson anglisht dhe shqip, ajo ka bërë shumë miq këtu, dhe ajo është plotësisht e kënaqur me gjithë këtë”, shprehet ajo.
Kosova për Olenën ishte një vend krejtësisht i ri, por ajo tashmë ka shumë çfarë të tregojë për jetën që po e bën tash e më pak se një vit. Si pasojë e propagandës dhe dezinformimit, gazetarja ukrainase thekson se kishte pasur krejt bindje tjera për Kosovën, porse është befasuar me tolerancën dhe socializimin e kosovarëve.
“Kjo është shumë qesharake sepse më parë, kur nuk kam qenë kurrë këtu, mendoja se është një vend plotësisht mysliman, një vend ku gratë janë me mbulesë dhe ato janë shumë të mbyllura, të shtrënguara dhe të lidhura, por kjo nuk është aspak e vërtetë. Sepse njerëzit janë shumë të hapur, dhe sa herë që kam ardhur këtu, p.sh., dje, kam ardhur me vajzën time në një kafene, ku kemi ngrënë një darkë të mirë këtu, dhe pronari më thotë: ‘Në rregull, mos paguani këtu, ju jeni nga Ukraina, mos paguani sepse ju jeni miqtë tanë’. Kështu, dhe për shembull, kjo është e paparashikueshme, kjo është çiltërsi dhe miqësi, dhe janë shumë të hapur me ne, sepse kur shkojmë me vajzën time gjashtëvjeçare në një vend, njerëzit, kosovarët, ata i afrohen vajzës time dhe përpiqen ta përqafojnë, asaj i pëlqen kjo. Por për mua, kjo ishte diçka shumë e çuditshme. Ëoë, kjo është diçka e dyshimtë. Pse këta njerëz janë kaq të hapur dhe miqësorë me fëmijën tim. Por pastaj e kuptova se është mentaliteti”, potencon Solodovnikova.
Pas agresionit rus, ajo humbi edhe bashkëshortin e saj, i cili ishte gazetar i njohur ukrainas. Ai nuk arriti të marrë tretmanin e duhur në spitalin ku jetonte për shkak të luftës. Siç tregon Olena, ai vdiq në dhjetor të vitit të kaluar.
“Familja ime, të afërmit e mi, disa nga të afërmit e mi kanë ardhur në Evropë, në Gjermani, sepse ata janë nga jugu i Ukrainës, nga Kharkiv. Dhe ai ishte një vend shumë i rrezikshëm në kufirin me Federatën Ruse. Unë isha e martuar, por fatkeqësisht në dhjetor, burri vdiq, ai ishte një gazetar i famshëm ukrainas, ai merrej me sektorin e të drejtave të njeriut, organizatën nacionaliste ukrainase, ai vdiq kur ishte vetëm 41 vjeç, për shkak të problemeve me stomakun. Sepse tani në Ukrainë, është shumë e vështirë të marrësh trajtim të mirë në spitale, dhe nuk dukej se ishte një problem i madh. Ai nuk ishte ushtar, por ishte në vijën e fronit si media në Ukrainë, dhe ai vdiq për shkak të luftës”, tregon ajo.
Olena Solodovnikova shpreson që shpejt vendi i saj do të njohë pavarësinë e Kosovës.
“Shpresoj që Ukraina ta njohë Kosovën dhe disa nga deputetët tanë të bëjnë shumë më shumë gjëra për ta bërë këtë. Dhe unë mendoj se këto janë vetëm problemet burokratike midis vendeve tona tani, sepse fillimisht ukrainasit mbështesin popullin e Kosovës dhe janë plotësisht me ju. Dhe kur dëgjova për problemet me vizat për Kosovën, kjo është diçka qesharake. Dhe shpresoj që këtë vit ta njohim plotësisht vendin tuaj, zyrtarisht”, pëfundon gazetarja ukrainase.
Olena Solodovnikova është në mesin e shumë gazetarëve të cilët janë strehuar në Kosovë, në kuadër të programit “Journalists in Residence – Kosovo”, të inicuar nga European Centre for Press and Media Freedom ECPMF, e që mbështetet financiarisht nga Qeveria e Kosovës.
Një vit më parë sot, Rusia filloi një agresion të plotë të fqinjit të saj Ukrainë, duke shkaktuar luftën më të madhe në Evropë që nga Lufta e Dytë Botërore.
Që atëherë, dhjetëra mijëra njerëz kanë vdekur, qytete të tëra janë shkatërruar dhe miliona janë larguar nga vendi.
You may like
Lajmet
Presidenti i Letonisë: BE-ja duhet t’ia heq masat Kosovës
Published
10 hours agoon
March 20, 2025By
UBTNews
Presidenti letonez, Edgars Rinkevics tha se Bashkimi Evropian duhet t’i heq sa më shpejtë masat ndaj Kosovës. Megjithatë, ai u shpreh më skeptik se Kosovës do t’i jepet statusi i vendit kandidat për anëtarësim në BE në fund të këtij viti.
Edgars Rinkevics foli në një konferencë për media bashkë me presidenten e Kosovës, Vjosa Osmani, pas një takimi gjatë vizitës së tij zyrtare në Prishtinë.
Osmani tha se është koha e fundit që të hiqen masat e padrejta të Bashkimit Evropian ndaj Kosovës.
“Është koha që të largohen masat e padrejta që Bashkimi Evropian i ka akoma në fuqi ndaj Kosovës, po ashtu sa më shpejtë që të gjendet metoda dhe mënyra për statusin e vendit kandidat për Republikën tonë”, deklaroi Osmani.
Një gjë të tillë e kërkoi edhe presidenti letonez, Edgars Rinkevics, i cili tha se Bashkimi Evropian duhet t’i heq sa më shpejtë masat ndaj Kosovës.
Megjithatë, ai u shpreh më skeptik se Kosovës do t’i jepet statusi i vendit kandidat për anëtarësim në Bashkimin Evropian në fund të vitit 2025.
“Qëndrimi i vendit tim është Bashkimi Evropian duhet t’i heq masat kufizuese. Qëndrimi i Letonisë është shumë i qartë. Mendojmë se duhet të largohen masat ndëshkuese dhe për këtë avokojmë në Bashkimin Evropian dhe të do të vazhdojmë të bëjmë këtë. Bindja ime është sesa më shpejt që do të ndodh kjo aq më mirë do të jetë. Nëse i heqim masat kufizuese atëherë do të shohim sesi do të shkojmë edhe me masa të tjera por nuk mund t’iu premtoj se statusi i vendit kandidat mund të jepet deri në fund të vitit”, theksoi ai.
Draft-statuti i Asociacionit të komunave me shumicë serbe i propozuar nga Bashkimi Evropian nuk do të kalonte assesi testin e Gjykatës Kushtetuese, tha të enjten presidentja e Kosovës, Vjosa Osmani.
Osmani pas takimit me presidentin e Letonisë, Edgars Rinkevics, tha se këtë qëndrim ia ka adresuar edhe emisarit të BE-së për dialogun Kosovë-Serbi, Peter Sorensen gjatë vizitës së tij në Kosovë.
E para e vendit, u shpreh optimiste se lidershipi i ri i BE-së do të jetë më i balancuar në procesin e dialogut, pasi tha se dialogu deri tani s’është trajtuar në përputhje me parimin e barazisë nga ish-ndërmjetësit e kaluar.
“Personalisht besoj se nuk është në përputhje me Kushtetutën e Kosovës, po ashtu nuk është në përputhje as me normat dhe standardet e Bashkimi Evropiane e vlerat e Këshillit të Evropës. Po ashtu nuk është në përputhje me vendimin e Gjykatës Kushtetuese të vitit 2015 dhe një draft-statut i tillë që bie ndesh në këto të tria s’ka sesi të hyjë në fuqi dhe nuk besoj se do të kalonte çfarëdo testi në Gjykatën Kushtetuese. Gjatë këtyre viteve të fundit Kosova absolutisht s’është trajtuar në përputhje me parimin e barazisë. Ka qenë proces i njëanshëm i cili ka dëmtuar edhe vet kredibilitetin e vet procesit. Tani me lidershipin e ri të BE-së shpresojmë që ky balanc të rikthehet në tavolinë”, tha ajo.
Në lidhje me dialogun Kosovë-Serbi foli edhe presidenti i Letonisë, Edgars Rinkevics, i cili tha se duhet të vendosen parakushte të mira për vazhdimin e dialogut në mënyrë që të jepen rezultate të prekshme.
“Dialogu është një gjë e ndërlikuar dhe ndjeshme. Ka pasur shpresa të larta dhe disa momente për të cilat pendohemi. Tani për tani duhet të vazhdojmë dialogun, kemi përfaqësuesin e ri të lartë dhe diskutuam vizitën e emisarit për dialog. Nëse krijohen parakushte të mira për vazhdimin e dialogut në bazë të barazisë dhe parimeve kyçe që të gjitha vendet që duan të bëhen pjesë e BE-së i ndajnë me njëra tjetrën. Atëherë ky dialog do të jepte rezultate të prekshme”, theksoi ai.
Krahas këtyre, presidentja Osmani kërkoi nga Bashkimi Evropian që të ketë një përgjigje ndaj veprimeve destabilizeuse të Serbisë në rajon.
“Është me rëndësi që BE-ja të ketë një përgjigje të qartë ndaj veprimeve të tilla që synojnë rajonin të kthejnë drejt së kaluarës dhe konflikteve. Kosova ka bërë çmos që të kontribuoj në stabilitetin rajonal, përkundër faktit se dy viteve të fundit kemi pasur sulme të agresionit nga Serbia në veri të vendit tonë me synimin e qartë që të aneksohet territori ynë sipas modelit rus të aneksimit”, tha Osmani.
Përkitazi me këtë, Osmani dhe homologu i saj nga Letonia theksuan nevojën edhe për bashkëpunimin në fushën e mbrojtjes
Lajmet
Bastisjet në Ministrinë e Bujqësisë, prokuroria jep detajet
Published
10 hours agoon
March 20, 2025By
UBTnews
Prokuroria Speciale e Kosovës ka konfirmuar bastisjet e sotme në Ministrisë së Bujqësisë, Pylltarisë dhe Zhvillimit Rural, lidhur me renovimin e objektit që e shfrytëzonte AAK-ja, tani nën menaxhimin e ministrisë.
Në deklaratë thuhet se kjo është bërë me qëllim të verifikimit të pretendimeve apo dyshimeve të ngritura në opinionin publik për veprimet e disa zyrtarëve publikë të Ministrisë së Bujqësisë lidhur me renovimin e objektit që e shfrytëzonte AAK-ja, tani nën menaxhimin e ministrisë.
Prokuroria Speciale ka autorizuar Policinë e Kosovës, respektivisht Drejtorinë e Hetimit të Krimeve Ekonomike dhe Korrupsionit (DHKEK) në Prishtinë, që të kryejë veprime hetimore në mbledhjen dhe sigurimin e provave për sqarimin e rrethanave të çështjes.
Zyrtarët publikë të Ministrisë së Bujqësisë dyshohen se me veprimet e tyre kanë kryer veprat penale keqpërdorim i pozitës zyrtare, keqpërdorimi dhe mashtrimi në prokurim publik dhe falsifikimi i dokumenteve, thuhet në komunikatë.
Kujtojmë, një veturë me disa zyrtarë policorë, të cilët mbanin disa dokumente, janë parë sot duke dalë nga objekti i Ministrisë së Bujqësisë, ndërkohë që prokuroria nuk ka treguar se kush janë të dyshuarit.
Lajmet
Spiropali në Konferencën e Kryetarëve në KiE: Kosova të pranohet në Këshillin e Evropës
Published
10 hours agoon
March 20, 2025By
UBTnews
Kryetarja e Kuvendit, Elisa Spiropali mori pjesë sot në Konferencën e Kryetarëve të Parlamenteve të vendeve anëtare të Këshillit të Evropës, e cila zhvillohet në datat 20-21 mars në Strasburg.
Paralajmërimi i Bashës për ata që do guxojnë të prekin zgjedhjet: SPAK do t’i godasë pa mëshirë.
Gjatë fjalimit të saj Spiropali theksoi rëndësinë e forcimit të demokracisë në Shqipëri dhe përparimin e vendit drejt integrimit në Bashkimin Evropian.
Ajo theksoi se Shqipëria ka bërë përparime të mëdha në procesin e integrimit me Bashkimin Europian. Sipas kryeparlamentares, Shqipëria është lider në nxitjen e bashkëpunimit rajonal dhe integrimin europian të vendeve të rajonit.
Gjatë fjalimit të saj, Spiropali u ndal edhe te Kosova, ku nënvizoi se Këshilli i Evropës nuk është i plotë me mungesën e shtetit më të ri të Evropës. Kryetarja e Kuvendit kërkoi që Kosova të pranohet në Këshillin e Evropës.
Lajmet
Osmani: Drafti i Asociacionit nuk është në përputhje me Kushtetutën
Published
11 hours agoon
March 20, 2025By
UBTnews
Presidentja e Kosovës, Vjosa Osmani, ka thënë se draft-statuti i Asociacionit të komunave me shumicë serbe, i hartuar nga Bashkimi Evropian nuk është në përputhje me Kushtetutën e Kosovës.
Ajo tha se i njëjti ka probleme të shumta të cilat ia kanë adresuar edhe emisarit të ri të BE-së për dialogun, Peter Sorensen, në takimin e mbajtur në fillim të kësaj jave.
Osmani theksoi se presin nga lidershipi i ri i BE-së të marrë parasysh kërkesat e Kosovës.
Këto komente, Osmani i bëri në konferencë për media pas takimit me presidentin e Letonisë, Edgars Rinkevics.

Profesorët e UBT-së në programin ERASMUS+ në Romanian American University

Zelensky në Oslo: Të gjitha plantacionet bërthamore i takojnë popullit të Ukrainës

Presidenti i Letonisë: BE-ja duhet t’ia heq masat Kosovës

Bastisjet në Ministrinë e Bujqësisë, prokuroria jep detajet

Spiropali në Konferencën e Kryetarëve në KiE: Kosova të pranohet në Këshillin e Evropës

Kryeministri kroat: Mungesë stabiliteti në Ballkan, BE duhet t’i kushtojë vëmendje

Gjermania rihap ambasadën e saj në Siri pas mbylljes 13-vjeçare

Osmani: Drafti i Asociacionit nuk është në përputhje me Kushtetutën

Prokuroria kërkon paraburgim për tetë persona të arrestuar në aksionin e regjionit të Mitrovicës
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë