

Lajmet
Gashi: Sanksionet janë jashtëzakonisht të rrezikshme për Kosovën
Ai kërkoi sjellje të vetëdijshme politike karshi situatës së krijuar në komunat veriore.
Published
2 years agoon
By
Betim GashiSanksionet e Shteteve të Bashkuara karshi Kosovës pas situatës së tensionuar në veri të vendit, Lidhja Demokratike e Kosovës i vlerëson si jashtëzakonisht të rrezikshme për Kosovën. Dhe sipas kësaj partie, Kosova në asnjë rrethanë nuk duhet të vijë në një moment të përballet me sanksione nga ShBA. Kështu deklaroi pas mbledhjes së Kryesisë së Kuvendi, shefi i Grupit Parlamentar të Lidhjes Demokratike të Kosovës, Arben Gashi, i cili tha se situata në veri të vendit është delikate.
Ai kërkoi sjellje të vetëdijshme politike karshi situatës së krijuar në komunat veriore, Gashi theksoi se kryeministri i Kosovës, Albin Kurti po sillet në mënyrë tekanjoze dhe të paarsyeshme.
“Situata nëpër të cilën po kalon vendi është jashtëzakonisht delikate, prandaj ne nuk mund të sillemi sikur nuk po ndodh asgjë. Ajo çka po shohim këto ditë në pjesën veriore të vendit është jashtëzakonisht e ndjeshme dhe kërkon sjellje të vetëdijshme politike dhe po ashtu veprime, të cilat janë në interes të vendit. Kryeministri i Kosovës për momentin duket se ka një sjellje tekanjoze dhe të paarsyeshme sidomos me deklaratat të cilat i bënë në drejtim të zyrtarëve më të lartë të vendeve partnerëve, të cilat janë të panevojshme, të paarsyeshme, të palogjikshme dhe absurde. Pra, një kryeministër i tillë nuk i duhet Kosovës, një sjellje e tillë e Kosovës me partnerët ndërkombëtar nuk i duhet hiç se hiç, ne sot më shumë se kurrë na duhet uniteteti i brendshëm dhe bashkëpunimi i palëkundër ndërkombëtar”, tha ai.
Lidhur me sanksionet e ShBA-ve karshi Kosovës, Gashi konsideron se këto sanksione janë diçka e rrezikshme për Kosovën.
Sipas tij, raportet e punës në mes kryeministrit Kurti dhe ShBA-ve janë të lënduara. Ai theksoi se institucionet e vendit duhet të shohin interesin shtetërore dhe të punojnë në ruajtjen e raporteve me SHBA-të.
“Sanksionet janë diçka jashtëzakonisht e rrezikshme për Kosovën mendoj se Kosova në asnjë rrethanë nuk duhet të vijë në një moment kur përballet ndërkombëtare sidomos me sanksione nga ShBA…Si duket nga ajo që ju dhe ne kemi informacione është informacion i pjesshëm raportet e punës me kryeministrin si duket raportet me kryeministrin e Kosovës janë të lënduara në raport me ShBA-të dhe partnerëve ndërkombëtar, prandaj edhe ka ardhur deri tek kjo situatë, sepse raportet e tyre të punës si duket nuk kanë besim reciprok dhe mirëbesim.. edhe deklarata e parë dhe e dytë e sekretarit Blinken po ashtu janë shqetësuese, por mendoj se Kosova duhet të shohë interesin shtetëror, institucionet e Kosovës duhet të shohin interesin shtetëror dhe të ruajnë raportet me ShBA-të, pra është interes shtetërore ruajtja e raporteve me SHBA dhe në këtë rast institucionet e kanë këtë përgjegjësi”, tha ai.
Sipas deputetit të LDK-së, opozita nuk po hesht karshi gjendjen së krijuar në veri të Kosovës dhe se në vazhdimësi kanë përkrahur institucionet e Kosovës. Ai tha se nëse opozita do të dilte me sugjerime konkrete kjo do të ishte e dëmshme për vendin.
“Opozita nuk po heshtë në vazhdimësi ka përkrahur institucionet e Kosovës, policinë dhe gjitha institucionet tjera dhe nuk është detyrë e opozitës dhe nuk mundet opozita në mënyrë proaktive me ndërhyrë në punën e institucioneve, sepse presupozohet se ka një strukturë të specializuar, e cila merret me vlerësim të rrezikshmërisë dhe nevojës për veprim dhe mos veprim. Prandaj, sikur ne të bëheshim proaktiv dhe të dilnim me sugjerime konkrete do të ishte e dëmshme për interesin e vendit prandaj ne kemi dhënë përkrahjen e plotë dhe të parezerv institucioneve të Kosovës…çdo masë proaktive që do të merrej nga opozita derisa situata është në zhvillim mendoj se do te ishte kundër-produktive dhe ne nuk jemi të interesuar që të marrim masa dhe veprime që janë kundër produkteve me interesin shtetërore. Ne nuk heshtim ne nuk duhet në asnjë formë të marrim përsipër detyra, të cilat janë ekskluzive kompetencë e institucioneve shtetërore kushtetuese”, theksoi ai.
Deputeti i LDK-së kërkoi nga institucionet e Kosovës të sillen me dinjitet dhe përgjegjësi karshi situatës së tensionuar në veri të vendit. Gashi theksoi se i dënojnë të gjitha veprimet e dhunshme huligane nga protestuesit serbë.
“Ne po kërkojmë në vazhdimësi nga institucionet e Kosovës që të sjellen me dinjitet dhe përgjegjësi dhe po ashtu po japim përkrahje të parezervë për gjithë policinë, KFOR-in…..Si parti politike i dënojmë në mënyrën më të rëndë të mundshme veprimet e dhunshme huligane të disa prej huliganëve të ashtuquajtur protestues në veriun e Kosovës dhe përkrahim në mënyrë të parezervë të gjithë aktorët dhe faktorë që merren me sigurimin e demokracisë, rendit dhe ligjit dhe po ashtu me gazetarët që raportojnë nga terreni”, u shpreh ai.
Tash e tri ditë në komunat veriore po vazhdojnë protestat e serbëve, të cilët po kundërshtojnë kryetarët e zgjedhur shqiptarë në zgjedhjet e mbajtura më 23 prill.
Të hënën, protestuesit me maska e edhe ata pa maska kanë ushtruar dhunë ndaj pjesëtarëve të KFOR-it, Policisë së Kosovës dhe gazetarëve. Ata kanë hedhur gjësende të ndryshme në drejtim të paqeruajtësve, derisa kanë dëmtuar vetura të mediave, duke e djegur tërësisht veturën e një televizioni.
Si pasojë e protestave të dhunshme janë plagosur 30 ushtarë të KFOR-it. Shtetet e Bashkuara kanë kritikuar Kosovën për përshkallëzimin e tensioneve me Serbinë, derisa kanë anuluar edhe pjesëmarrjen e vendit në një stërvitje ushtarake të NATO-s “Defender 23”, pasi qeveria ka refuzuar t’i tërheqë kryetarët e komunave dhe forcat e saj policore nga veriu i vendit.
Lajmet
Arsenali i futet garës për objektivin e madh të Interit
Published
42 minutes agoon
August 8, 2025By
UBT News
Ademola Lookman mbetet në qendër të merkatos së verës ku sipas “The Sun”, Arsenali ka ringjallur interesin për sulmuesin e Atalantës, duke u futur në garë me Interin, me të cilin bisedimet kanë ngecur.
“Topçinjtë” po kërkojnë përforcime në sulm me tipare të ndryshme nga Viktor Gyökeres, objektivi kryesor i Artetës për rolin e qendërsulmuesit.
Përveç Lookmanit, londinezët po ndjekin edhe Eberechi Eze të Crystal Palace dhe Rodrygo të Real Madridit, megjithëse afrimi i brazilianit shihet si i ndërlikuar për arsye financiare. Lookman ka impresionuar me 20 gola sezonin e kaluar, duke rritur vlerësimin në treg.
Në Bergamo, drejtuesit e Atalantës po shqyrtojnë masa disiplinore ndaj lojtarit, ndërsa drejtori ekzekutiv Luca Percassi ndodhet në Londër për çështje pune, përfshirë kërkimin e një zëvendësuesi për Retegui. Interi ndërkohë shpreson ende të sigurojë shërbimet e nigerianit, të cilin e sheh si përforcimin e vetëm që mund të bëjë diferencën menjëherë.

Çmimet e naftës mbetën nën 67 dollarë në tregjet ndërkombëtare duke balancuar midis shenjave të kërkesës së fortë në SHBA dhe spekulimeve të investitorëve se lehtësimi i tensioneve në marrëdhëniet ruso-amerikane mund të largonte kërcënimin për furnizimet ruse me naftë.
Në tregun e Londrës, çmimi i një fuçie pas mesditës ishte pothuajse i njëjtë me mbylljen e djeshme të tregtimit dhe arriti në 66.77 dollarë. Nuk pati ndryshime të rëndësishme as në tregun amerikan, ku një fuçi u tregtua me 64.26 dollarë.
Tregjet u tronditën të mërkurën nga lajmi se presidenti i SHBA-së Donald Trump mund të takohej me homologun e tij rus Vladimir Putin që javën e ardhshme, sipas një zyrtari të paidentifikuar të Shtëpisë së Bardhë.
Pavarësisht takimit të njoftuar midis Trump dhe Putin, SHBA-të kanë vazhduar të përgatisin sanksione dytësore, paralajmëroi një zyrtar i Shtëpisë së Bardhë, duke shtuar se ato mund të vendosen edhe ndaj Kinës.
Rusia është eksportuesi më i madh i naftës në botë pas SHBA-së dhe furnizuesi kryesor i Indisë.
Kina importoi 11 për qind më shumë naftë në korrik sesa në të njëjtin muaj të vitit të kaluar, njoftoi administrata doganore në një raport paraprak.
Burimi i furnizimit nuk dihet, pasi të dhënat e plota tregtare nuk do të publikohen deri më 20 gusht.
Aktualitet
Një serb arratiset nga Qendra e paraburgimit në Mitrovicë të Veriut, pezullohen 4 zyrtarë
Published
53 minutes agoon
August 8, 2025By
UBT News
Qendra e Paraburgimit Mitrovicë e Veriut ka njoftuar se dje rreth orës 15:45 një person është arratisur, ndërkohë që Shërbimi Korrektues ka pezulluar nga puna katër zyrtarë, drejtori i Qendrës së Paraburgimit në Mitrovicë, një mbikëqyrës i lartë dhe dy zyrtarë korrektues në lidhje me rastin.
Policia e Kosovës ka marrë menjëherë masa duke ngritur pika statike të kontrollit në tërë veriun e vendit dhe duke kontrolluar fizikisht zonën për rreth qendrës së paraburgimit, thuhet në njoftimin e Policisë së Kosovës.
Policia ende është në kërkim të personit Gjorgje Radomiroviq (34) nga Novi Pazari i Serbisë, i dënuar për vrasje, ndërsa ka angazhuar edhe njësi të specializuara, njësia Policore me qen- K9.
Policia e Kosovës kërkon nga qytetarët që nëse hasin personin në foto të raportojnë në numrin 192 ose në stacionin më të afërt.
I burgosuri ishte i dënuar me 14 vjet e gjysmë burg nga të cilat i kishin mbetur edhe tri vjet e shtatë muaj. Ai në momentin e arratisjes, ishte duke punuar në hapësirat e punëtorisë së institucionit. Gjithashtu, ai ishte në listën e të dënuarve që mund të përfitonin lirimin me kusht.
Shërbimi Korrektues i Kosovës ka nisur hetimet e brendshme për të zbardhur rrethanat e ngjarjes.
Deri në përfundimin e hetimeve, drejtori i institucionit, një mbikëqyrës i lartë dhe dy zyrtarë korrektues mbeten të pezulluar nga detyra.
Bota
Trump: Asnjë takim me Putin nëse ai nuk pranon të ulet me Zelensky
Published
55 minutes agoon
August 8, 2025By
UBT News
Presidenti amerikan Donald Trump do të pranojë një takim me Vladimir Putin vetëm nëse presidenti rus pranon të flasë me Volodymyr Zelensky, raporton gazeta New York Post, duke cituar një zyrtar të Shtëpisë së Bardhë.
“Putin duhet të pranojë të takohet me Zelensky që takimi të zhvillohet”, tha zyrtari i paidentifikuar.
Ai shtoi se vendi nuk është përcaktuar ende por Kremlini konfirmoi se takimi Trump-Putin do të zhvillohet “në ditët në vijim”.
Putin përmendi Emiratet e Bashkuara Arabe si një vend të mundshëm, por ai minimizoi shanset e një takimi me Zelensky, duke thënë se takimi mund të zhvillohet vetëm “kur të krijohen kushte të caktuara”.
“Nuk kam asgjë kundër në parim, është e mundur, por kushtet duhet të krijohen. Fatkeqësisht, ne jemi ende larg kësaj”, tha Putin për mediat në Kremlin.

Matthew McConaughey humbi rolin e Jack në ‘Titanic’, refuzoi kërkesën e thjeshtë të regjisorit

Arsenali i futet garës për objektivin e madh të Interit

Çmimet e naftës mbesin nën 67 dollarë

Një serb arratiset nga Qendra e paraburgimit në Mitrovicë të Veriut, pezullohen 4 zyrtarë

Trump: Asnjë takim me Putin nëse ai nuk pranon të ulet me Zelensky

Policia shqipton mbi 2 mijë e 200 gjoba brenda 24 orëve

Shqiptarët e Amerikës letër Trumpit: Njohja reciproke Kosovë-Serbi, zgjidhja e vetme

Sot përfundon masa e përkohshme për konstituimin e Kuvendit

Parashikimi i motit
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit