Lajmet

​Gashi-Kurtit: Arritët ta largoni Kosovën nga marrëveshja finale

Opozita kritikon Kurtin.

Published

on

Partitë opozitare në Kuvend e kanë kritikuar kryeministrin Albin Kurti për mungesë të informimit rreth procesit të dialogut dhe planit të njohur si franko-gjerman. Sipas tyre, Kurti është larg atyre që ka deklaruar në të kaluarën.

Shefi i deputetëve të Partisë Demokratike të Kosovës (PDK), Abelard Tahiri ka thënë se Kosova sot ka më pak sovranitet në veri të vendit çka sipas tij kjo situatë është e disfavorshme për nënshkrimin e një marrëveshjeje me Serbinë. Ai ka kërkuar nga kryeministri Kurti të tregojë se cila do të jetë perspektiva e Kosovës pas nënshkrimit të marrëveshjes bazuar në planin franko-gjerman.

“Sa i përket planit franko-gjerman, nuk ka dyshim që ky është produkt i një realiteti të krijuar pra në këtë dialog në këto bisedime, pra për dy vjet radhazi sot e kemi një dokument që para dy viteve apo para një viti nuk e kemi pasur, pra kryeministri na e tha një kronologji të ngjarjeve se si është prezantuar ky plan dhe pastaj cilat kanë qenë intervenimet e tij mirëpo prap po kërkoj edhe njëherë që të na e thotë kryeministri a pasur ndonjë çështje që është propozuar nga kryeministri a ka pasur ndonjë çështje që është propozuar më herët gjatë atyre raundeve të bisedimeve e cila është përfshirë pikërisht pra në këtë plan. Mua më intereson të di më shumë ky plani franko-gjerman a është produkt i këtyre bisedimeve dy vjeçare”, ka thënë Tahiri.

Ndërsa shefi i deputetëve të Lidhjes Demokratike të Kosovës, Arben Gashi ka thënë se Kurti e ka larguar Kosovën nga marrëveshja finale me Serbinë për shkak të veprimeve të tij.

“Në kërkim të tradhtisë nga paraardhësit e tij u shndërrua në një ndjekës të rrugës së tyre, pra ju kryeministër pa koordinim me miqtë tanë e për spektakël populist marrëveshjen e targave e paraqitet si gjithçka, por në fund arritët ta largoni Kosovën nga marrëveshja finale dhe sot po diskutoni për diçka tjetër, pra në emër të sovranitetit, ju dëmtuat sovranitetin në veri, aq sa nuk ishit në gjendje që edhe kriminelin e arrestuar ta sillni deri në Prishtinë. Lënduat raportet me miqtë ndërkombëtarë dhe krijuar situatë tepër të favorshëm për Serbinë duke i bërë kështu favor të madh Serbisë dhe Rusisë”, ka thënë Gashi.

Në emër të Aleancës për Ardhmërinë e Kosovës, Besnik Tahiri ka thënë se gjatë këtyre dy viteve ka pasur keqmenaxhim dhe jo transparencë nga kryeministri Kurti.

“Fatkeqësia më e madhe është fakti që ju përgjatë këtyre viteve edhe më herët e keni ndërruar kursin aq shpesh dhe keni shfaqur jo qëndrueshmëri në këtë proces në emër të Kosovës. Në rasti nëm ë të mirë i keni humbur shumë kohë Kosovës dhe partnerëve të saj në krye me ShBA-në. Në rasti tjetër e keni profilizuar lidershipin e shtetit që ju e përfaqësoni me 51% me pozicionimin e Kosovës si palë jo kredibile në dialog, e jo kredibiliteti është fatura më e shtrenjtë në rrafshin ndërkombëtar, veçanërisht në temën që po flasim”, ka thënë Tahiri.

Lajmet

​Lionel Messi jashtë fushe për një kohë të pacaktuar

Published

on

Kapiteni i Inter Miamit, Lionel Messi, do të mungojë për një kohë të pacaktuar për shkak të asaj që ekipi i MLS-së e përshkroi si një “dëmtim të vogël muskulor në këmbën e djathtë” të tij.

Legjenda 38-vjeçare argjentinase pësoi një dëmtim në pjesën e sipërme të këmbës së djathtë në fillim të fitores së Miamit me penallti në shtëpi ndaj Necaxës së Meksikës të shtunën në një ndeshje të Kupës së Ligës.

Messi doli jashtë loje në minutën e 11-të, por doli nga fusha dhe shkoi në dhomat e zhveshjes.

Messi “iu nënshtrua testeve mjekësore për të vlerësuar shkallën e shqetësimit muskulor që përjetoi”, gjë që e detyroi atë të largohej nga ndeshja, tha Inter Miami në deklaratën e saj.

Kjo do të thotë se nuk ka një orar për një rikthim të talentit të Miamit, i cili ndan kryesimin e sezonit në MLS me 18 gola dhe gjithashtu ka nëntë asistime në 18 ndeshje.

Jordi Alba, i cili shënoi një gol barazimi për Miamin në kohën shtesë të pjesës së dytë për të krijuar gjuajtjet e penalltive që vendasit fituan 5-4, tha se largimi i parakohshëm i Messit ishte “një trishtim i madh për të gjithë ekipin”.

Inter Miami ka rezultatin 12-4 me gjashtë barazime për 42 pikë, i pesti në Konferencën Lindore dhe tetë pikë larg Philadelphia-s, kampione në ligë, por me tre ndeshje më pak të zhvilluara.

Çdo mungesë e zgjatur do të ishte gjithashtu një goditje e madhe për Miamin në Kupën e Ligës, të cilën Interi e fitoi në vitin 2023 menjëherë pasi Messi mbërriti në Floridën Jugore.

Miami, i cili do të presë UNAM Pumas të mërkurën, renditet i dyti në tabelën e MLS-së për t’u kualifikuar në fazën eliminatore të Kupës së Ligës me pesë pikë dhe do të siguronte një vend në çerekfinale me një fitore.

 

Continue Reading

Bota

Zelensky: Po punojmë për një takim të ri me Rusinë në Stamboll

Published

on

Kievi po punon për një takim të ri negociues me palën ruse në Stamboll bëri të ditur presidenti ukrainas, Volodymyr Zelensky përmes një postimi në Telegram.

“Ne diskutuam procesin e negociatave me Sekretarin e Këshillit të Sigurisë dhe Mbrojtjes Kombëtare të Ukrainës, Rustem Umerov, dhe Shefin e Zyrës, Andriy Yermak, në veçanti zbatimin e marrëveshjeve të arritura në takimet me palën ruse në Stamboll dhe përgatitjen e një takimi të ri”, shkroi Zelensky.

Ai theksoi se ndër çështjet kryesore është vazhdimi i shkëmbimit të të burgosurve të luftës.

Continue Reading

Bota

​Balena mbytet pasi godet varkën në New Jersey

Published

on

Një grua u rrëzua nga varka e saj në New Jersey Shore kur një balenë e shqetësuar goditi anijen duke e bërë atë të fluturonte në valët e shkumëzuara. Incidenti ndodhi në Barnegat Bay kur varka e vogël me motor hasi në balenën e llojit Minke që u pa duke u përplasur në ujëra të cekëta.

Kur anija u afrua, balena u bë edhe më e tërbuar dhe përfundoi nën trupin e saj  duke e përmbysur përfundimisht anijen gjatë përplasjes dhe duke hedhur një grua në ujë.

Fatmirësisht ajo u tërhoq shpejt në siguri dhe nuk u lëndua, dhe incidenti u kap në kamera nga Kim Mancini, e cila tha se balena dukej se ishte në telashe para se të mbërrinin anijet.

Balena përfundimisht ngordhi. Ajo dukej se po luftonte për të arritur në ujëra më të cekëta, tha Mancini.

Continue Reading

Aktualitet

​Zjarr në një lokal në magjistralen Kaçanik – Ferizaj, shkaktohen mijëra euro dëme

Published

on

Mbrëmë rreth orës 18:53 ka shpërthyer një zjarr në një lokal, përgjatë magjistrales Kaçanik–Ferizaj, ku fatmirësisht nuk ka të lënduar, derisa dëmet materiale konsiderohen deri në njëzet mijë euro.

Kanun Veseli, zëdhënës i policisë rajonale për Ferizaj, ka konfirmuar, se njësia e zjarrfikësve, patrullat dhe njësia e hetimeve nga stacioni policor Kaçanik, kanë dalë menjëherë në vendin e ngjarjes për të ndërmarrë veprimet e nevojshme.

“Sipas të dhënave fillestare, dyshohet se zjarri ka filluar nga djegia e disa gomave të vendosura jashtë lokalit, e më pas zjarri është përhapur duke përfshirë një lokal të gomisterisë, një pjesë të një lokali tjetër, me dëme të vogla, si dhe një pjesë të një shtëpie përreth. Vlera e dëmit dyshohet të jetë rreth njëzet mijë euro”, ka thënë Veseli.

Po ashtu, është njoftuar edhe njësia e KEDS-it, për të ndërprerë furnizimin me energji elektrike, me qëllim të parandalimit të rrezikut të mëtejshëm.

Hetimet lidhur me rastin janë në proces, ka bërë të ditur zëdhënësi i policisë rajonale.

Continue Reading

Të kërkuara