Lajmet

​Fejzullahu: Ka pasur tregtarë të energjisë që kanë operuar pa licencë gjatë krizës energjetike

U kërkua nga kryesuesi i ZRrE-së që edhe njëherë të raportojë para komisionit me të dhëna konkrete.

Published

on

Kryesuesi i bordit të Zyrës së Rregulltarit të Energjisë (ZRrE), Ymer Fejzullahu, ka thënë se në periudhën e krizës energjetike në Kosovë, ka pasur tregtarë të energjisë elektrike që kanë operuar pa licencë, porse sipas tij, nuk dihet numri i saktë të tyre.

Para komisionit hetimor për krizën energjetike të premten, Fejzullahu tha se prej vitit 2020 kur Kosova ka dalë në bllok rregullues me Shqipërinë, gjithë tregtarët që kanë qenë më herët është dashur të rilicencohen nga ZRrE-ja. Mirëpo, sipas tij, disa prej tyre nuk kanë aplikuar për t’u licencuar, andaj kanë kërkuar nga institucionet tjera të ndërpritet tregtimi me këto kompani.

“Pas vitit 2020 ku ne kemi operuar si bllok rregullues me Shqipërinë, gjithë tregtarët që kanë operuar në bllokun rregullues kanë pasur obligim të nënshkruajnë në rregullat e tregut të përcaktuara nga ZRrE-ja. Sipas informatave që kam pasur disa tregtarë që kanë operuar për një periudhë të caktuar edhe pasi ne kemi qenë në bllok rregullues me Shqipërinë. Pas marrjes së informatës, ZRrE-ja ka kërkuar nga gjithë të licencuarit që ata që s’kanë nënshkruar rregullat e reja, nuk janë të licencuara nga ZRrE-ja… Nuk e di sa është numri, por sipas draft-raportit fillestar e thash edhe më herët se ka pasur. Në momentin që kemi marrë informatën iu kemi dërguar KOSTT, KESCO se në rast se ndonjë prej furnizuesve që nuk është i licencuar dhe është duke operuar, ata të vijnë dhe të licencohen menjëherë. Sa është numri nuk e di, kush janë ata nuk e di saktë, por mund të jenë të dhënat që iu kemi dërguar. Kemi informata se ka pas disa tregtarë që kanë operuar gjatë kësaj periudhe për shkak të tranzicionit”, tha ai.

Lidhur me këtë, anëtari i komisionit nga radhët e PDK-së, Ferat Shala, pyeti nëse këto kompani kanë blerë energji apo kanë shitur.

“Këto kompani sa kanë qarkulluar, kilovat energji. A kanë shit, a kanë blerë dhe cili është hapi juaj juridik si ZRrE që nëse është krijuar dëm dhe është shkelur ligji, që këto kompani jo me i licencuar, por ndonjë hap tjetër”, pyeti ai.

Duke u përgjigjur, Fejzullahu tha se ZRrE-ja nuk mundet të monitorojë tregun në kohë reale.

“Thash se në momentin që jemi ardhur kemi kërkuar që të ndalojnë, sa është numri nuk e di. Mund të jetë një-dy-tre, por sa e di unë është një. ZRrE-ja ka kërkuar menjëherë që gjithë tregtuesit në Kosovë të ndërprejnë tregtimin me këtë tregtar. Komfor legjislacionit në fuqi ne jemi duke i marrë hapat dhe do t’i trajtojmë sipas legjislacionit në fuqi”, theksoi ai.

I habitur me këtë përgjigje u shpreh kryetari i komisionit, Driton Selmanaj.

“Një vit pas mos me ditë se kush është kjo kompani, sa ka operuar në Kosovë dhe a vazhdon edhe sot operojë”, deklaroi ai.

Në debat u përfshi edhe anëtari i komisionit, deputeti i PDK-së, Abelard Tahiri, i cili paraqiti disa shifra që sipas tij janë bërë në periudhën e krizës energjetike.

Derisa pyeti konkretisht, shefin e ZRrE-së se ka qenë totali i megavatëve që është importuar në Kosovë gjatë muajit mars 2022.

“Për muajin mars sa ka qenë totali i megavatëve që është importu në Kosovë”, pyeti ai.

Zejnullahu tha se gjatë atij muaji Kosova ka importuar 13 milionë euro energji, ndërsa ka eksportuar 8.7 milionë.

Madje ai kërkoi që mos të manipulohet me shifra, pasi tha se sektori i energjisë elektrike është kësisoj, sa mund të eksportohet dhe importohet në kohë reale.

“Ne mund të jemi edhe neto-eskportues, të prodhojmë 19 megavatë, por të njëjtën kohë të konsumojmë vetëm 18 megvatë orë. Por ne kemi pasur nevojë edhe për dy megavatë shtesë për shkak të orëve të caktuara që kanë qenë të domosdoshme në mënyrë që të barazohet oferta dhe kërkesa. Prandaj do të ishte mirë që ne konsumatorëve me t’iu dërgojmë informata të sakta. Mirëpo mos të tentohet të manipulohet, degradohet asnjë institucion me informata. Nëse i doni ju këto të dhëna të konfirmuara mund të bëni kërkesë në ZRrE”, tha ai.

Krahas këtyre, deputetët që janë anëtarë të komisionit kërkuan nga kryesuesi i ZRrE-së që edhe njëherë të raportojë para komisionit me të dhëna konkrete.

Lajmet

​Chicago Fire rikthehet në playoff pas fitores ndaj Inter Miamit

Published

on

Chicago Fire siguroi kualifikimin në fazën eliminatore të Major League Soccer pas një fitoreje të bujshme 5-3 ndaj Inter Miami, në një ndeshje të mbushur me gola dhe emocione.

Skuadra e drejtuar nga Gregg Berhalter, ish-trajneri i Shteteve të Bashkuara, u tregua më e freskët dhe më e organizuar se Miami, që po zhvillonte ndeshjen e gjashtë brenda 17 ditësh.

Megjithëse Luis Suarez shënoi dy herë në pjesën e dytë për të rikthyer shpresat e skuadrës së Lionel Messit, Interi nuk mundi të përballonte ritmin e lartë të kundërshtarëve.

Chicago e nisi vrullshëm takimi kur D’Avilla zhbllokoi rezultatin në minutën e 11-të, ndërsa Jonathan Dean e dyfishoi pas gjysmë ore lojë. Pavarësisht golit të Aviles për Miamin në minutën e 39-të, Rominingue Kouame riktheu epërsinë prej dy golash pak para pushimit.

Pas intervalit, Suarez mori përgjegjësitë dhe me dy gola të shënuar në minutat 57 dhe 74 barazoi 3-3. Por energjia e Chicagos në fazën sulmuese solli diferencën në fund.

Justin Pledger Reynolds i dha avantazhin 4-3 në minutën e 80-të, ndërsa vetëm tre minuta më vonë Brian Gutierrez vulosi fitoren me një goditje të fuqishme nga distanca.

Ky sukses i kthen “Zjarrfikësit” në playoff për herë të parë që nga viti 2017, duke shënuar një hap të madh në rikthimin e klubit nën drejtimin e Berhalter.

“Kualifikimi ishte objektivi ynë i parë, por synimi mbetet të ndërtojmë një skuadër që mund të fitojë trofe”, deklaroi trajneri pas ndeshjes.

Chicago Fire tani mund ta shohë me optimizëm vazhdimin e sezonit, ndërsa Inter Miami duhet të përmirësojë mbrojtjen nëse dëshiron të shkojë larg me Messin e Suarezin në fushë./S.K/KP/

Continue Reading

Lajmet

Osmani: Protestat studentore të vitit 1997, ishin lajmëtari i lirisë

Published

on

By

Presidentja e Kosovës, Vjosa Osmani thekson se protestat studentore të vitit 1997, ishin lajmëtari i lirisë.

Osmani ka shkruar në Facebook se në vitin 1997, studentët e Kosovës u ngritën jo vetëm për të drejtat e tyre, por për dinjitetin e një populli të tërë.

Ata kishin fuqinë e zërit, guximin e zemrës dhe besimin se e ardhmja nuk mund të ndërtohej mbi frikë, padrejtësi dhe terror. Në rrugët e Prishtinës, në auditoriumet e mbyllura, në sheshet e mbushura me thirrje e pankarta, u shkrua një kapitull i artë i rezistencës sonë”, thuhet në njoftim.

Sipas njoftimit, protestat studentore të vitit 1997, ishin lajmëtari i lirisë, nga të cilat secili hap shndërrohej në akt heroizmi dhe secila thirrje për drejtësi bëhej kushtrim për liri e pavarësi.

Sot, kur kujtojmë atë ditë të lavdishme, përulemi me respekt para atij brezi që guxoi të sfidojë padrejtësinë me forcën e paqes. Studentët e 97-tës na mësuan se liria nuk dhurohet, por fitohet, dhe e ardhmja nuk pritet, por ndërtohet”, ka shkruar Osmani.

28 vjet më pare ishte Lëvizja Studentore e atëhershme që organizoi protestat, të cilat u organizuan për të kundërshtuar pushtimin e Kosovës nga Serbia dhe kthimin e studentëve në objektet universitare, nga ku studentët ishin dëbuar nga regjimi i kasapit Slobodan Millosheviq në fillim të viteve të 90-ta./D.B/KP

Continue Reading

Lajmet

​Ambasada Amerikane në Kosovë kufizon përditësimet në Facebook

Published

on

By

Ambasada Amerikane në Prishtinë ka kufizuar përditësimet në Facebook, për shkak të krizës buxhetore në Shtetet e Bashkuara të Amerikës, transmeton KkosovaPress. 

Për herë të parë pas shtatë vitesh, qeveria amerikane është mbyllur pasi liderët e Partisë Demokratike dhe asaj Republikane nuk arritën të bien dakord për një financim të përkohshëm. Si rrjedhojë, mijëra punonjës që paguhen nga buxheti shtetëror do të jenë në pushim pa pagesë, derisa të arrihet një marrëveshje mes partive.

Në njoftimin e Ambasadës amerikane thuhet se llogaria në Facebook nuk do të përditësohet rregullisht derisa të rifillojnë operacionet e plota. Kjo, për shkak të mungesës së fondeve të alokuara, thuhet në njoftimin në Facebook.

“Kjo llogari në Facebook nuk do të përditësohet rregullisht derisa të rifillojnë operacionet e plota, me përjashtim të informacionit urgjent të sigurisë. Në këtë kohë, shërbimet e planifikuara të pasaportave dhe vizave në Shtetet e Bashkuara dhe në Ambasadat dhe Konsullatat e SHBA-së jashtë vendit do të vazhdojnë gjatë mungesës së fondeve të alokuara, sipas situatës. Ne nuk do ta përditësojmë këtë llogari derisa të rifillojnë operacionet e plota, me përjashtim të informacionit urgjent të sigurisë”, thuhet po aty.

Për informacion mbi shërbimet dhe statusin e funksionimit, vizitoni travel.state.gov.

Kjo është mbyllja e parë e qeverisë pas shtatë vitesh, që nga mandati i parë i presidentit aktual.

Në atë kohë, qeveria qëndroi e mbyllur për 35 ditë, nga fundi i vitit 2018 deri në fillim të vitit 2019./D.B/KP

Continue Reading

Lajmet

Derbi Barcelona-PSG ​në Ligën e Kampionëve ndez sonte mbrëmjen evropiane

Published

on

Liga e Kampionëve vazhdon sonte me një program të pasur ndeshjesh, ku spikat supersfida mes Barcelonës dhe Paris Saint-Germain.

Përballja e gjiganëtve evropian pritet të jetë një nga më të ndezurat e fazës së ligës, pasi dy skuadrat kërkojnë një fitore që mund të peshojë shumë për vazhdimin e rrugëtimit.

PSG udhëton drejt Katalonisë me disa mungesa të rëndësishme, por gjithsesi me yje të mëdhenj në dispozicion të Luis Enrique.

Në krahun tjetër, Barcelona është në formë të mirë dhe synon të shfrytëzojë mbështetjen e publikut për të marrë një fitore prestigjioze. Ky duel pritet të vendoset nga detajet, duke pasur parasysh balancën e forcave mes dy ekipeve.

Përveç derbit të madh në Spanjë, mbrëmja sjell edhe disa duele të tjera të forta:

Arsenal – Olympiacos

Bayer Leverkusen – PSV

Dortmund – Athletic Bilbao

Monaco – Manchester City

Napoli – Sporting CP

Villarreal – Juventus.

Ndërsa, programi hapet në orën 18:45 me dy ndeshje interesante:

Qarabag – FC Copenhagen

Royale Union SG – Newcastle

/S.K/KP/

Continue Reading

Të kërkuara