Lajmet

​Edhe një fshat tjetër në Lipjan bëhet me qendrën me bazë në komunitet

Hapja e kësaj qendra është mundësuar nga UNICEF.

Published

on

Në shkollën fillore të mesme të ulët “Ibrahim Banushi”, në fshatin Shalë të Lipjanit sot është përuruar qendra me bazë në komunitet, e cila fëmijëve të kësaj ane do u mundësojë qasje në edukim të hershëm. Ky projekt është financuar nga UNICEF.

Kryetari i komunës së Lipjanit, Imri Ahmeti ka thënë se këto projekte janë tejet të rëndësishme për komunën e Lipjanit.Ndërsa, shtoi se në pranverë do nisin ndërtimin e çerdhes në këtë fshat.

“I uroj banorët e Shalës, drejtorin e shkollës për këtë mundësi që na e dha UNICEF përmes kësaj organizate që të fillohet me këtë fazë të edukimit të hershëm në Shalë. Është paralelja e tretë që e hapim me këtë organizatë dhe unë jam i bindur që është projekti më i rëndësishëm dhe qëlluar në nivel komune… me pranverë do e nisim edhe themelin e çerdhes në Shalë dhe do kemi hapësirë për gjeneratat e fëmijëve të këtij regjioni”, theksoi ai.

Mimoza Shahini nga Qendra për Shërbime Humane dhe Zhvillim, tha se hapja e kësaj qendra është mundësuar nga UNICEF.

“Qendra më bazë në komunitet që po hapet në Shalë është financuar nga UNICEF, në kuadër të objektives madhore që ka UNICEF për të rritur kapacitetet institucionale për edukimin e hershëm për moshën nga 0-6 vjeç. Organizata është një nga partnerët e UNICEF në realizimin e kësaj objektive, ne po përpiqemi që në këto mjedise që po i krijojmë që janë shumë afër qytetarëve po ofrojmë edhe për prindërit që nuk punojnë duke u munduar të përmirësojmë edhe angazhimin e vetë prindërve”, tha ajo.

Drejtoresha e Arsimit në komunën e Lipjanit, Elmaze Behluli theksoi se shkollat në këtë komunë kanë nevojë për qendra me bazë në komunitet me qëllim që fëmijët të jenë të barabartë me të tjerët.

“Këta janë ardhmëria jonë dhe ne duhet çmos të bëjmë që e ardhmja e tyre të jetë sikurse në gjithë Evropën. Unë iu përgëzoj dhe falënderoj Mimoza për këtë iniciativë dhe projekt ne si komunë kemi pas nevojë shkollat tona kanë pasur nevojë për një qendër të tillë”, u shpreh ajo.

Drejtori i shkollës “Ibrahim Banushi”, Izet Shala u shpreh se tashmë po kompletohet.

“Dalë nga dalë edhe shkollës tonë po i kompletohen të gjitha klasat për të gjitha grupmoshat edukimi i hershëm ka pasur nevojë në Shalë dhe ka qenë shumë i nevojshëm që të investohet në këtë drejtim”, tha ai.

Lajmet

​Spanja kërkon fundin e ndërrimit të orës dhe propozon të ndalet nga 2026

Published

on

Spanja do t’i kërkojë Bashkimit Evropian që të ndalojë ndryshimin e orës dy herë në vit, duke nisur nga viti 2026. Kryeministri Pedro Sanchez tha se kjo praktikë është e vjetruar dhe shkakton shqetësime te qytetarët.

“Këtë javë ndryshojmë sërish orën, por sinqerisht nuk shoh më asnjë qëllim”, u shpreh ai në një video në rrjetet sociale.

Sipas tij, shumica e spanjollëve dhe europianëve janë kundër kësaj praktike. Ai theksoi se shkenca ka treguar se ndërrimi i orës nuk kursen energji. Përkundrazi, ai dëmton ritmet biologjike të trupit dy herë në vit.

Me këtë nismë, Spanja kërkon të rihapë një vendim të bllokuar të Parlamentit Evropian nga viti 2018. Atëherë u propozua heqja përfundimtare e orës së verës në të gjithë BE-në.

“Spanja do t’i bëjë thirrje Këshillit Evropian të veprojë dhe të ndalojë këtë ndryshim që nga viti 2026”, tha Sanchez.

Propozimi u paraqit në takimin e ministrave të Transportit, Telekomunikacionit dhe Energjisë në Luksemburg.

Kryeministri e cilësoi këtë si një hap drejt një politike të dobishme dhe demokratike. Por ai nuk sqaroi ende se cilën zonë kohore do të mbajë Spanja nëse ndryshimi i orës hiqet përfundimisht./S.K/KP/

Continue Reading

Lajmet

Parashikimi i motit

Published

on

Sot mbi vendin tonë do të mbajë mot i vranët dhe me intervale kohore të shkurta me diell.

Temperaturat minimale do të lëvizin nga 5 e deri në 9 gradë Celsius, derisa ato maksimalet nga 17 e 20 gradë Celsius, njofton Instituti Hidrometeorologjik i Kosovës.

Do të fryjë erë nga juglindja me shpejtësi prej 1 e deri në 5 metër për sekond./S.K/EO/

Continue Reading

Lajmet

Radoniqi për rezultatet e zgjedhjeve: Duhet t’i presim edhe ankesat nga PZAP

Published

on

By

Komisioni Qendror i Zgjedhjeve ka vendosur rinumërimin e fletëvotimeve të 16 kutive të votimit, ku pesë nga to janë për kryetarë të Komunave, ndërsa 11 të tjera për Kuvende Komunale.

Drejtori i sekretariatit të KQZ-së ka paraqitur sot para anëtarëve të Komisionit propozimin për rinumërimin e 16 vendvotimeve ku përfshihet një kuti e votimit në Deçan, një në Gllogoc, dy në Gjilan, një në Lipjan, dy në Prishtinë dy në Prizren, një në Shtime dhe një Suharekë.

Ndërsa, Drejtori i Sekretariatit të Komisionit Qendror të Zgjedhjeve, Besnik Buzhala ka treguar pse nuk janë shpallur rezultatet e zgjedhjeve lokale brenda afateve që ishte, pra sot. E kjo erdhi pas pyetjes së anëtarit të PDK-së në KQZ, Ilir Gashi, për këtë çështje.

Procesi i numërimit në QNR më së voni përfundon ditën e nesërme. Por për detaje  numërimit sipas rekomandimit varet sa fletëvotime janë e si ka me shku numërimi. Ndërsa sipas planit operacional që ka miratuar KQZ, shpallja përfundimtare e rezultateve është dashtë të ndodhte shumë me datë 22, meqenëse sot nuk kemi mujt me implementu një aktivitet. Mendoj që ky proces përfundon sa i përket numërimit të gjithë fletëvotimeve”, tha ai.

Këtu u plotësua edhe me ndërhyrjen e kryetarit të KQZ-së, Kreshnik Radoniqi, i cili tha e duhet të priten dhe vendimet e PZAP-së për ankesat.

“Pa paragjykuar ndonjë vendim të PZAP, sa e kemi pa PZAP është e vërshuar nga ankesat kështu që duhet me prit edhe ankesat nga PZAP para se me u shpall rezultati.

Në mbledhjen e KQZ-së anëtari i Lëvizjes Vetëvendosjes në KQZ, Sami Kurteshi ka bërë një thirrje për Prokurorinë që t’i hetojnë vendvotimet me asistencë.

“Ftoj Prokurorinë që t’i hetojë rastet me asistencë rrënjësisht, sepse nuk është e mundur që në një qytet të ketë 10% të votimeve me asistencë”, tha ai.

Në këtë mbledhje, KQZ vendosi edhe për dizajnin dhe përmbajtjen e fletëvotimeve për raundin e dytë të zgjedhjeve për Kryetarë të Komunave. Ky miratim u bë për të mundësuar zhvillimin e votimit jashtë Kosovës./EO

Continue Reading

Lajmet

UBT dhe Universiteti i Minho-s nënshkruajnë marrëveshje bashkëpunimi akademik në Braga

Published

on

By

Në kuadër të vizitës zyrtare në qytetin historik të Braga-s, Rektori i UBT-së, Prof. Dr. Edmond Hajrizi, dhe Rektori i Universitetit të Minho-s, Prof. Dr. Rui Vieira de Castro, nënshkruan një marrëveshje bashkëpunimi me qëllim forcimit të bashkëpunimit midis dy institucioneve.

Kjo marrëveshje ka si objektiv të promovojë shkëmbimin e studentëve të ciklit të parë dhe të dytë, duke ofruar mundësi për përvoja akademike dhe kulturore nga të dyja anët. Gjithashtu, marrëveshja parasheh mbikëqyrjen e përbashkët të tezave të masterit, nxitjen e hulumtimeve dhe inovacionit në fushat përkatëse.
Një aspekt i rëndësishëm i kësaj marrëveshjeje është lehtësimi dhe zhvillimi i përbashkët i planeve dhe kurrikulës së programeve me interes të përbashkët në përputhje me politikat zhvillimore dhe kërkesat e tregut.
Me këtë marrëveshje, dy rektorët u zotuan se do të angazhohen për të krijuar një partneritet të qëndrueshëm dhe të frytshëm, i cili do të sjellë përfitime të ndërsjella për të dyja institucionet./UBTNews

Continue Reading

Të kërkuara