Sport

​Dy disiplina të reja në Federatën Aeronautike të Kosovës

Published

4 years ago

on

Federata Aeronautike e Kosovës (FAK) në bashkëpunim me klubin Aeronautik “Shqiponjat e Kastriotit”, zhvilluan për herë të parë javën Aeronautike të Kosovës, ku gjetën përkrahje edhe nga komuna e Obiliqit.

Ngjarja u zhvillua në qytetin e Obiliqit, ku cilësohet si mundësi shumë e mirë për rininë tonë që të ndjek ëndrrat e tyre, dhe u inkuadruan edhe dy disiplina të reja në FAK.

Kryetari i klubit aeronautik “Shqiponjat e Kastriotit”, Fanol Shala, ka hulumtuar se si zhvillohen këto gara në vendet e tjera, që në të ardhmen edhe pilotët kosovar të dronëve të jenë pjesë e garave kombëtare dhe ndërkombëtare.

Disiplina e parë që u inkuadrua ishte ajo me dronë garues, ndërsa disiplina tjetër ishte ajo me paramotorë.

Dronët garues porositen veçanërisht për gara, ku shpejtësia e tyre arrin në 175 km/h, dhe jep mundësinë që të pilotët të manovrojnë në mënyra të ndryshme, duke i argëtuar edhe shikuesit. Kjo disiplinë nxori tre vendet e para:1.Haris Mustafa2.Ersan Ismajli 3.Aulon Qerreti

Disiplina tjetër ishte ajo me paramotorë, e cila u zhvillua në stadiumin “Agron Ram” në qytetin e Obiliqit. Paramotorët janë pajisje motorike që mundësojnë fluturimin edhe në vendet e rrafshëta, pa pasur nevojë që të ketë kodrinë afër. Në këtë disiplinë u zhvillua vetëm një raund, dhe këta janë tri vendet e para:1.Hizdri Gubetini2.Fanol Shala3.Haris Mustafa

Në serinë e dytë të kampionatit kombëtar për paramotor, gara e radhës do të zhvillohet në Gjirokastër, ku edhe do të plotësohet rezultati i fituesve.

Po ashtu, gjatë vikendit në kodrën e Goleshit u zhvillua seria e dytë dhe edicioni i 10 i kampionatit kombëtar shqiptar, dhe këto ishin tre vendet e para.1.Migjen Shala2.Fanol Shala3.Silian Zani

Në fund të garave, u mbajt ceremonia e ndarjes së çmimeve, ku në të njëjtën kohë kjo ngjarje u bë nga më të rëndësishmet në Kosovë.

Related Topics:
Continue Reading

Sport

Ancelotti flet për El Clasicon e finales së Superkupës së Spanjës

Published

10 hours ago

on

January 10, 2025

By

Carlo Ancelotti ka folur për shtypin pas fitores së Real Madridit ndaj Mallorca në gjysmëfinalen e Superkupës së Spanjës, e cila ia siguroi një vend në finalen e madhe.

Real Madridi do të përballet me Barcelonën në finalen e Superkupës së Spanjës dhe trajneri i Los Blancos nuk duket i sigurt për El Clasicon.

“Në kohët e fundit, El Clasico ka qenë gjithmonë e paparashikueshme. Ka pasur ndeshje që ne i kemi fituar lehtësisht dhe të tjera ku na kanë mundur 0-4”, ka thënë fillimisht Ancelotti.

“Është e vështirë të mendosh se si do të jetë finalja, por do të jetë argëtuese sepse do të ketë shumë talentë në fushë”.

“Unë nuk e di se si do të shkojë. Ne do të përpiqemi të bëjmë më mirë se Barcelona”, përfundoi trajneri italian.

Ndryshe, ndeshja El Clasico e finales së Superkupës së Spanjës është paraparë të zhvillohet këtë të diel, 12 janar, nga ora 20:00.

Continue Reading

Sport

Zbulohen detaje të reja rreth ofertës së Juventusit për Ronald Araujo

Published

12 hours ago

on

January 10, 2025

By

Juventusi ka bërë një ofertë për mbrojtësin e Barcelonës, Ronald Araujo, që pritet të jetë një huazim për një periudhë gjashtëmujor me opsion blerjeje për një total prej 30 milionë eurosh. Ky transferim është bërë i nevojshëm për “Bianconerët” pas lëndimeve të rëndësishme të mbrojtësve të tyre, Gleison Bremer dhe Juan Cabal, që do të jenë jashtë për gjashtë muaj pas operacioneve të ligamentit.

Sipas raportimeve të Catalunya Radio, oferta përfshin një pagesë huazimi prej 5 milionë eurosh për gjashtë muaj, dhe një opsion për blerjen e Araujo në fund të sezonit për 20 milionë euro, plus 5 milionë euro të tjera në formë shtesash. Gjithashtu, Juventusi do të mbulojë gjysmën e pagës neto prej 8 milionë eurosh të Araujo-s gjatë periudhës së huazimit.

Ndërkohë, Arsenal është gjithashtu i interesuar për Araujo, por një rinovim i mundshëm i kontratës me Barcelonën nuk është përjashtuar ende./UBTNews/

Continue Reading

Sport

NBA: Cleveland nuk njeh rivalë, sfida e Lakers anulohet nga zjarret në Los Anxhelos

Published

12 hours ago

on

January 10, 2025

By

Cleveland Cavaliers vazhdojnë marshimin e tyre të pandalshëm këtë sezon, duke mposhtur Toronto Raptors me rezultatin 132-126 dhe duke arritur fitoren e 33-të. Darius Garland shkëlqeu me 40 pikë dhe ishte lojtari më i mirë në fushë për Cavaliers.

Në një tjetër ndeshje, Golden State Warriors rikthyen fitoret duke mundur Detroit Pistons 107-104, falë një lojë kolektive të fuqishme. Ndërkohë, zjarret që kanë pushtuar Los Anxhelos dhe kanë shpallur gjendje të jashtëzakonshme, bënë që ndeshja mes Los Angeles Lakers dhe Charlotte Hornets të anulohej.

Në ndeshjet e tjera, Miami Heat mundën Utah Jazz 97-92, me Tyler Herro që realizoi 23 pikë, dhe Dallas Mavericks fitoi 117-111 ndaj Portland Trail Blazers, ku Jaden Hardy shënoi 25 pikë për ekipin e Teksasit.

Rezultatet:

Cleveland – Toronto: 132-126

Detroit – Golden State: 104-107

Orlando – Minnesota: 89-104

Memphis – Houston: 115-119

Dallas – Portland: 117-111

Phoenix – Atlanta: 123-115

Utah Jazz – Miami: 92-97

Lakers – Charlotte: e shtyrë

Continue Reading

Sport

Armando Broja i mallkuar, dëmtohet rëndë në FA Cup, del me barelë nga fusha

Published

13 hours ago

on

January 10, 2025

By

Armando Broja pësoi një dëmtim të rëndë në minutën e 68-të të takimit të FA Cup mes Evertonit dhe Peterborough (2-0). Sulmuesi i Kombëtares Shqiptare u fut në fushë për të zëvendësuar Beton, por gjatë një dyluftimi ai ra në tokë pas një goditjeje të keqe të këmbës. Stafi mjekësor u fut menjëherë në fushë dhe e stabilizoi këmbën e tij me protezë.

Broja doli me barelë nga fusha mes lotësh dhe me shumë shqetësime, pasi ky ishte një tjetër dëmtim i rëndë për të, teksa pritej që ai të kthehej në versionin më të mirë të tij. Megjithatë, shkalla e dëmtimit do të përcaktohet pas ekzaminimeve mjekësore më të detajuara./UBTNews/

Continue Reading

Të kërkuara