Lajmet

​Dorëheqja e gjyqtarëve dhe prokurorëve në veri cenon administrimin e drejtësisë

Njohësit e drejtësisë në Kosovë vlerësojnë se zëvendësimi i tyre është pothuajse i pamundur.

Published

on

Dorëheqjet e gjyqtarëve dhe prokurorëve në Gjykatën dhe Prokurorinë Themelore në veri të Kosovës cënojnë shumë administrimin e drejtësisë në këtë pjesë të vendit. Ndërsa zëvendësimi i tyre është pothuajse i pamundur, kështu po vlerësojnë njohësit e drejtësisë në Kosovës.

Hulumtuesi i Institutit të Kosovës për Drejtësi, Gëzim Shala tha se largimi i zyrtarëve të sistemit të drejtësisë në veri të Kosovës është i papranueshëm dhe në kundërshtimet me atë që është arritur deri tani në dialog.

Sipas tij, kjo qasje jo vetëm që prek efikasitetin e lëndëve që janë në shqyrtim, por mund të ndikojë edhe në ndërmarrjen e veprimeve të caktuara procedurale.

“Për lëndët të cilat janë në zhvillim e sipër ka pasoja shumë të mëdha secilin rast kur ndryshohet një anëtar i trupit gjykues, lënda duhet të fillojë nga pika zero, tjetër është se ka shumë lëndë të cilat kanë afate ligjore, kjo i bie që do të humb edhe e drejta për të ndërmarrë veprime të caktuara procedurale. Në anën e përgjithshme në administrimin e përgjithshëm të drejtësisë kjo Gjykatë dhe Prokurori ka pas vazhdimisht probleme se në të kaluarën nuk ka funksionuar siç duhet dhe është dashur vite që pothuajse të filloj rikuperimi i dëmeve që janë shkaktuar në të kaluarën dhe tërheqja e stafit të gjyqtarëve dhe prokurorëve e cënon jashtëzakonisht shumë administrimin e drejtësisë në këtë pjesë qoftë edhe për një periudhë relativisht të shkurtë kohore. Kjo qasje që definitivisht përpos që prek efikasitetin në trajtimin e këtyre rasteve, në rastin e caktuara kur afati i parashkrimit është më i shkurtë defintivisht që rrezikohet edhe afati i parashkrimit, për këtë arsye pasojat janë jashtëzakonisht të mëdha dhe duhet të gjendet një zgjidhje në kuptim të faktit që kjo të mos ndodhë”, theksoi ai.

Sipas hulumtuesit të IKD-së, Gëzim Shala bazuar në marrëveshjen e Brukselit për drejtësi zëvendësimi i këtyre gjyqtarëve dhe prokurorëve është pothuajse i pamundur. Ai kërkon zgjidhje sa më shpejt të kësaj problematike pasi pasojat janë të mëdha.

“Edhe zëvendësimi i tyre do të jetë pothuajse i pamundur. Në bazë të marrëveshjes së Brukselit për drejtësi kërkohet që këto pozita me prokurorë me gjyqtarë serbë dhe në këtë situatë kur të njëjtën kanë dhënë dorëheqje masive kuptohet se edhe procedurat eventuale të rekrutimit nuk do të kishin sukses. Për këtë arsye definitivisht kërkohet një zgjidhje e kësaj problematike për shkak se pasojat janë konsideruar shumë të mëdha”, deklaroi Shala.

Shala e ka konsideruar si pozitiv mosshqyrtimin e këtyre dorëheqjeve nga KGjK dhe KPK, ndërsa ka kërkuar nga Bashkimi Evropian të ketë qëndrim të qartë lidhur me situatën e krijuar.

Edhe hulumtuesi në GLPS, Liridon Salihi thekson se dorëheqja e ditëve të fundit të gjyqtarëve dhe prokurorëve në veri do të ndikojë negativisht edhe në mbarëvajtjen e punës në Gjykatën Themelore në Mitrovicë dhe Prokurorinë Themelore të Mitrovicës. Sipas tij, për shkak të situatës së krijuar atje do të rritet numri i lëndëve që janë në pritje.

“Tashmë gjykatat përballen me një numër të madh të lëndëve të cilat i trashëgojnë vit pasi viti, por tash edhe me dorëheqjen e gjyqtarëve nga komuniteti serb duke e ditur që një pjesë të madhe të lëndëve i kanë gjyqtarët serb dhe prokurorët serb në Gjykatën Themelore në Mitrovicë, kjo i bie që këta gjyqtarë dhe këta prokurorë kanë bërë që me dorëheqjen e tyre edhe të rritet numri i këtyre lëndëve që presin verdikt nga ana e gjykatës. Më e keqja është se edhe vetë qytetarët nuk mund t’i marrin shërbimet nga ana e gjyqtarëve”, theksoi ai.

Salihi po ashtu tha se me dorëheqjen e gjyqtarëve dhe prokurorëve në pjesën veriore të Kosovës është vënë në pikëpyetje edhe pavarësia e sistemit të drejtësisë atje.

“Në anën tjetër, një ndikim tjetër negativ me rastin e tërheqjes së gjyqtarëve dhe prokurorëve është edhe çështja që këtu kemi cënim direkt të pavarësisë së gjyqësorit duke e ditur që gjyqësori është institucion i pavarur dhe vetë gjyqtarët dhe prokurorët duhet të jenë të pavarur në marrjen e vendimeve të tyre. Pra, kësisoj kemi konsideruar dhe sugjerojmë që gjyqtarët dhe prokurorët duhet që detyrat e tyre t’i kryejnë me pavarësi të plotë dhe mos të kenë ndikime qoftë nga vendimet që i merr Prishtina apo Beogradi”, tha Salihi.

Lidhur me këtë situatë të krijuar tashmë edhe Këshilli Gjyqësor i Kosovës dhe ai Prokurorial kanë zhvilluar takime, në të cilat nuk i shqyrtuan dorëheqjet e gjyqtarëve, prokurorëve dhe të punonjësve mbështetës me arsyetimin se nevojitet një analizë dhe vlerësim i gjendjes së krijuar nga organet kompetente.

Këto dorëheqje kanë ndodhur edhe në sektorët në këtë pjesë të vendit. Ndërsa, gjatë ditës së djeshme edhe dhjetë deputetë të Listës Serbe i kanë dorëzuar mandatet e tyre.

Këto veprime kanë ardhur pas vendimit për suspendim të drejtorit të Policisë në Veri të Mitrovicës, Nenad Gjuriq, pasi ky i fundit refuzoi të zbatonte vendimin e Qeverisë së Kosovës për regjistrim të targave.

Vendi

Dështon mbledhja e Kryesisë së Kuvendit për mungesë kuorumi, shtyhet shqyrtimi i Projektligjit për Gjykatën Speciale

Published

on

Mbledhja e Kryesisë së Kuvendit të Kosovës ka dështuar të mbahet të martën për shkak të mungesës së kuorumit.

Këtë e bëri të ditur nënkryetari i Kuvendit, Ardian Gola, i cili para gazetarëve foli edhe për Projektligjin për Gjykatën Speciale. Ai tha se vazhdimi i seancës së ndërprerë, ku ishte paraparë shqyrtimi i këtij projektligji, kërkon koordinim dhe dakordim mes partive politike.

“Është çështje komplet jashtë rendit të ditës së Kryesisë. Arsyeja që është ndërprerë seanca ka të bëjë me mungesë të kuorumit dhe realisht kryetarja Haxhiu ka autorizuar që, në koordinim me shefat e grupeve parlamentare, të caktohet një datë kur do të vazhdojë ajo seancë. Mbetet çështje e dakordimit politik, të menaxhuar dhe drejtuar nga kryetarja e Kuvendit”, theksoi Gola.

Ai u pyet edhe për dënimin e ish-presidentit Hashim Thaçi nga Dhomat e Specializuara në Hagë.

Gola shprehu keqardhje për procesin gjyqësor që po zhvillohet në këtë institucion, ndërsa bëri të ditur se vendimi i fundit do të trajtohet edhe në kuadër të grupit punues për strategjinë lidhur me ish-krerët e UÇK-së, të udhëhequr nga zëvendëskryeministri Glauk Konjufca.

“Shprehim keqardhjen tonë për gjithë procesin që po zhvillohet në Dhomat e Specializuara. Ne e kemi themeluar një grup punues, në krye të të cilit është zëvendëskryeministri Glauk Konjufca, dhe shpresojmë që edhe ky vendim të jetë si pjesë shtesë e këtij grupi punues”, tha ai./A.K/

Continue Reading

lajme

Gjykata e Lartë në Beograd cakton paraburgimin dhe lëshon urdhërarrest për Milan Radoiçiqin

Published

on

By

Gjykata e Lartë në Beograd ka marrë vendim për caktimin e masës së paraburgimit dhe lëshimin e urdhërarrestit ndaj ish-nënkryetarit të Listës Serbe, Milan Radoiçiq, pasi ky i fundit nuk është paraqitur në stacionin policor, konfirmim ky i dhënë për median serbe Insajder nga vetë Gjykata e Lartë në Beograd.

Sipas Gjykatës, vendimi për paraburgim dhe fletarrest është marrë për shkak se Radoiçiq i cili ndodhet nën hetime për pjesëmarrje në sulmin e armatosur në fshatin Banjskë nuk është lajmëruar në stacionin policor më 15 nëntor. Paraqitja periodike në polici ishte një nga masat e sigurisë të caktuara nga gjykata si garanci se ai do të ishte i disponueshëm gjatë kohëzgjatjes së hetimeve. Sipas po të njëjtave burime gjyqësore, paraburgimi u caktua për shkak të rrethanave që tregojnë se i pandehuri po fshihet ose është arratisur. Informacionin fillimor se për Radoiçiq është lëshuar urdhërarrest e kishte publikuar portali BIRN.

Milan Radoiçiq po hetohet në Serbi në kuadër të lëndës “Banjska”, e cila u iniciua pas konfliktit të armatosur në fshatin Banjskë të Kosovës më 24 shtator 2023, ku mbetën të vrarë katër persona, rreshteri i Policisë së Kosovës,  Afrim Bunjaku i cili ishte në detyrë dhe tre anëtarë të grupit të armatosur.

Radoiçiq kishte pranuar përmes avokatit të tij, Goran Petronijević, se kishte qenë përgjegjës logjistike për organizimin e grupit terrorist.

Ndonëse Prokuroria e Lartë në Beograd kishte kërkuar paraburgim pas nisjes së procedurës penale për vepra të tilla si armëmbajtje pa leje dhe vepra kundër sigurisë përgjithëshme, gjykata e kishte lënë të mbrohet në liri, me kusht që të dorëzonte pasaportën, të mos udhëtonte në Kosovë dhe të paraqitej në polici çdo dy javë. Që atëherë, prokuroria nuk kishte dhënë asnjë informacion për ndonjë përparim tjetër në këtë hetim.

Paralelisht me këto zhvillime në Serbi, në Kosovë është duke u zhvilluar një proces gjyqësor kundër 45 personave, ku rasti në Banjskë është cilësuar si terrorizëm dhe sulm ndaj rendit kushtetues, proces në të cilin dy persona tashmë janë dënuar me burgim të përjetshëm dhe një tjetër me 30 vjet burgim.

Në kohën kur ndodhi sulmi terrorist në Banjskë, Milan Radoiçiq ushtronte funksionin e nënkryetarit të Listës Serbe, subjekti kryesor i serbëve të Kosovës me lidhje të ngushta me Partinë Përparimtare Serbe (SNS) në pushtet, ndërsa më parë ishte shfaqur shpesh në tubime politike dhe në shoqërinë e zyrtarëve më të lartë shtetërorë të Serbisë. /E.A/

 

Continue Reading

Vendi

Marko Hatlak kërkon falje për interpretimin e këngës “Oj Kosovo, Kosovo” në Bruksel

Published

on

Muzikanti dhe fizarmonicisti slloven, Marko Hatlak, ka kërkuar falje për përzgjedhjen dhe interpretimin e këngës “Oj Kosovo, Kosovo” gjatë ceremonisë hapëse të Forumit të Zgjerimit të Bashkimit Evropian 2026 në Bruksel.

Kënga, e cila përmban pretendime nacionaliste serbe ndaj Kosovës, kishte nxitur reagime të shumta pas interpretimit të saj në këtë aktivitet.

Hatlak, i cili ishte përgjegjës për përgatitjen e programit muzikor në emër të Komisionit Evropian, ka thënë se përzgjedhja ishte e paqëllimshme dhe se nuk ishte në dijeni të kontekstit historik e politik të këngës.

Në një reagim publik, ai ka shpjeguar se ishte ngarkuar të përzgjidhte dhjetë këngë, nga një për secilin vend pjesëmarrës në forum, dhe t’ia dorëzonte ato organizatorëve për miratim.

Sipas tij, gjatë kërkimit në Google për një këngë tradicionale nga Kosova, kishte hasur në “Oj Kosovo, Kosovo”, e cila ishte përshkruar si këngë patriotike.

“Unë e përzgjodha atë nga këndvështrimi i një muzikanti, pra duke u bazuar në harmoninë, ritmin dhe tingullin e saj”, ka shpjeguar Hatlak.

Ai ka thënë se kishte vetëm një javë kohë për përgatitjen dhe interpretimin e programit dhe se, për shkak të afatit të shkurtër, nuk kishte arritur të hulumtonte prejardhjen dhe domethënien e këngës. Sipas tij, as organizatorët nuk e kishin vënë në pah natyrën problematike të përzgjedhjes gjatë shqyrtimit të programit.

“U kërkoj sinqerisht falje të gjithë atyre që janë prekur nga kjo ngjarje”, ka deklaruar muzikanti.

Hatlak ka bërë të ditur se kërkimfaljen ua ka dërguar drejtpërdrejt edhe ambasadorit të Kosovës në Slloveni, Valdet Sadiku, ambasadorit të Kosovës në Belgjikë, Agron Bajrami, kryenegociatorit për Integrimin Evropian, Jeton Zulfaj, si dhe komisioneres evropiane për Zgjerim, Marta Kos.

Ai ka theksuar se nuk kishte pasur qëllim të ofendonte askënd dhe se nuk do ta kishte interpretuar këngën po ta kishte ditur kontekstin e saj.

“Po ta kisha ditur kontekstin dhe domethënien e saj, sigurisht që nuk do ta kisha interpretuar. Gjatë gjithë karrierës sime, jam përpjekur që përmes muzikës t’u sjell njerëzve vetëm gëzim dhe paqe të brendshme. Nuk ka qenë kurrë qëllimi im të fyej askënd”, ka shkruar ai.

Në fund, Hatlak ka shprehur keqardhje për situatën e krijuar, duke shpresuar që kërkimfalja e tij të pranohet./A.K/

Continue Reading

Lajmet

Studimi i profesorëve të UBT-së publikohet në revistën ndërkombëtare “Pharmacoepidemiology”

Published

on

By

Punimi shkencor i profesorëve të Shkencave Mjekësore në UBT, Prof. Dr. Fitim Alidema dhe Prof. Dr. Zejdush Tahiri, në bashkëautorësi me Mr. Ph. Flakron Alidema, është publikuar në revistën prestigjioze ndërkombëtare Pharmacoepidemiology.

Ky studim vëzhgues retrospektiv ka analizuar të dhënat e 4.668 pacientëve të trajtuar me aspirinë 100 mg në kujdesin parësor shëndetësor. Gjetjet kryesore të hulumtimit tregojnë se përdorimi potencialisht i papërshtatshëm i aspirinës është dukshëm më i lartë në parandalimin parësor kardiovaskular (52,3%) krahasuar me atë dytësor (1,8%).

Kontributi i veçantë i këtij punimi të profesorëve të UBT-së qëndron në vlerësimin e përbashkët të indikacionit mjekësor, profilit të rrezikut për gjakderdhje dhe barnave shoqëruese, në raport me ndërprerjen e dokumentuar të terapisë. Sipas analizës, historia e gjakderdhjes gastrointestinale rezultoi të jetë faktori kryesor i lidhur me ndërprerjen e trajtimit me aspirinë, duke nxjerrë në pah nevojën për rivlerësim individual të raportit përfitim–rrezik te secili pacient.

Revista Pharmacoepidemiology, e botuar nga MDPI, renditet në kuartilin Q2 sipas SCImago 2025 në kategorinë e farmakologjisë dhe toksikologjisë, indeksohet në platformat e njohura Scopus dhe Web of Science (ESCI), dhe ka faktor ndikimi 1,6 sipas Clarivate.

Continue Reading

Të kërkuara