Sport

​Do të luajnë së bashku në PSG, këto ishin deklaratat e Neymarit dhe Ramosit për njëri-tjetrin

Published

on

Sergio Ramos është afër nënshkrimit me Paris Saint-Germain ku do të ketë mundësinë të bashkojë forcat me një lojtar që e ka vlerësuar në të kaluarën, Neymarin.

Të dy e admirojnë dhe nuk kanë hezituar të lavdërojnë njëri-tjetrin në raste të ndryshme, pavarësisht nga e kaluara e Neymar në Barcelonë, Ramosi e ka etiketuar brazilianin si një nga më të mirët në botë.

“Neymar është një lojtar i nivelit të lartë, Një nga tre më të mirët në botë”, kishe thënë Ramos.

Superylli i PSG-së është përballur me Ramosin disa herë në fushë dhe pranoi në vitin 2019 që qendërmbrojtësi spanjoll është një nga kundërshtarët më të vështirë që ai është përballur ndonjëherë.

“Sergio Ramos është mbrojtësi më i mirë me të cilin jam përballur”, kishte thënë Neymar.

Në PSG, Ramos do të ribashkojë forcat me ish-shokët e ekipit Keylor Navas dhe Angel di Maria dhe do të luajë nën një nga trajnerët më të mirë në Evropë, Mauricio Pochettino.

Kontrata e Ramosit me Real Madridin zgjati deri më 30 qershor, por të dy palët nuk arritën të gjejnë një marrëveshje për ta vazhduar bashkëpunimin.

Tani, sipas RMC Sport, ish-kapiteni i “Los Blancos” do të nënshkruaj kontratë dy vjeçare me klubin francez.

Sport

Conor McGregor, “ylli” i UFC-së, kërkon të bëhet president!

Published

on

‘Ylli’ i UFC-së, Conor McGregor, synon të kandidojë për president të Irlandës, por përballë tij qëndron një pengesë e madhe: ai nuk ka përmbushur ende kriteret ligjore për t’u futur në listën e kandidatëve.

Kandidatura e tij, e bazuar në një platformë populiste dhe kundër immigracionit, kërkon mbështetjen e drejtpërdrejtë të qytetarëve që të kontaktojnë këshilltarët lokalë për t’i siguruar nominimin.

McGregor publikoi një video jashtë ndërtesave qeveritare në Dublin, ku rikonfirmoi qëndrimet kundër politikave aktuale të vendit dhe premtimin për të adresuar rritjen e fëmijëve pa strehë në Irlandë nëse zgjidhet president.

Në mesazhin e shoqëruar me videon, ai u bëri thirrje mbështetësve të kontaktojnë këshilltarët lokalë për t’ia siguruar nominimin.

Sipas ligjit zgjedhor irlandez, çdo qytetar duhet të jetë të paktën 35 vjeç dhe të nominohet nga të paktën 20 anëtarë të Oireachtas (parlamenti i Irlandës) ose nga të paktën katër autoritete lokale për t’u futur në listën zgjedhore.

Yamal shqetëson Barcelonën, dëmtohet në ndeshjen me Spanjën. McGregor, i cili deklaroi se kishte siguruar nominimin, kërkon ndihmë publike për ta arritur këtë. Ai u shpreh se këshilltarët lokalë janë shtylla kurrizore e komuniteteve dhe duhet të përfaqësohen më mirë.

Continue Reading

Sport

Gjermania shënon fitoren e parë

Published

on

Përfaqësuesja e Gjermanisë në futboll, ka shënuar fitoren e parë në kualifikimet për Kupën e Botës 2026. Gjermanët pas disfatës së pësuar nga Sllovakia, të dielën mposhtën Irlandën e Veriut me rezultat 3:1.

Kjo ndeshje e grupit A, u zhvillua në Koln të Gjermanisë. Gjermania e nisi mirë ndeshjen.

Realizoi gol në minutën e shtatë nëpërmjet Serge Gnabryt. Por Irlanda e Veriut nëpërmjet Isaac Price barazoi shifrat. Me rezultatin 1:1 përfundoi pjesa e parë.

Por gjermanët nuk lejuan befasi. Shënuan dy gola në pjesën e dytë për fitoren 3:1. Fillimisht Nadiem Amiri shënoi për 2:1 në minutën e 69-të, kurse tre minuta më vonë gjermanët shënuan edhe golin për 3:1. Golin e tretë për Gjermaninë e shënoi Florian Wirtz.

Sllovakia është në vendin e parë me gjashtë pikë, kurse nga tri pikë kanë Irlanda e Veriut dhe Gjermania.  Luksemburgu mbetet pa pikë.

Continue Reading

Lajmet

Sonte Kosova përballet me Suedinë

Published

on

Kombëtarja e Kosovës në futboll rikthehet sonte në aksion, ku dardanët do të përballen me Suedinë në ‘Fadil Vokrri’, në kuadër të kualifikimeve për Kupën e Botës 2026.

Pavarësisht disfatës nga Zvicra, atmosfera në taborin e kombëtares sonë mbetet e mirë dhe premtuese për një paraqitje dinjitoze ndaj Suedisë.

Kosova, edhe në këtë duel, nuk do të mund të llogarisë në shërbimet e Edon Zhegrovës, Milot Rashicës dhe Amir Rrahmanit, ky i fundit u lëndua në ballafaqimin me Zvicrën.

Përzgjedhësi i Kosovës, Franco Foda, në konferencën e fundit për shtyp para sfidës me Suedinë, është shprehur i bindur se skuadra do të luajë më mirë se ndaj Zvicrës.

Tekniku gjerman është i vetëdijshëm se kombëtarja skandinave është favorite, por ka theksuar se e rëndësishme është që Kosova të paraqitet ndryshe nga ajo ndeshje.

“Ne kemi analizuar të gjitha gabimet në ndeshjen me Zvicrën. Jemi të vetëdijshëm që Zvicra është një kombëtare e fortë. Nuk kemi mundur ta zbatojmë lojën tonë në atë ndeshje, por në pjesën e dytë kemi luajtur më mirë. Jam i bindur që kundër Suedisë do të luajmë shumë më mirë. Jemi në shtëpi dhe do të përpiqemi t’i kënaqim shikuesit, sikurse në ndeshjet e kaluara që i kemi fituar. Ne e kemi analizuar edhe ndeshjen e Suedisë, është një skuadër shumë e mirë, me lojtarë cilësorë. Është e qartë që Suedia është favorite, por për mua është e rëndësishme që ne të bëjmë një tjetër ndeshje”, ka thënë Foda.

Ndeshja mes Kosovës dhe Suedisë fillon në orën 20:45./S.K/EO/FFK/

Continue Reading

Sport

Real Madridi po përgatit largimin e njërit prej yjeve të tij më të mëdhenj

Published

on

Një nga yjet e tyre më të mëdhenj mund të largohet nga Real Madridi në ditët në vijim, në vendet ku ende nuk është mbyllur afati kalimtar.

Qendërmbrojtësi i Real Madridit, David Alaba ka a tërhequr interes në Turqi në ditët e fundit të tregut të transferimeve. Më 12 shtator, ai mund të jetë pranë një largimi surprizë nga Real Madridi.

Besiktasi, një nga klubet më të mëdha, po e ndjek me vëmendje situatën e mbrojtësit austriak e ka nisur hapat për ta afruar në radhët e veta.

Alaba, figurë kyçe në mbrojtjen e Realit në vitet e fundit, ka ruajtur formë të lartë pavarësisht konkurrencës dhe prurjeve të reja në skuadër.

Përvoja, lidershipi e shkathtësia në pozita mbrojtëse e bëjnë atë një objektiv tërheqës për Besiktasin, që kërkon të forcojë repartin mbrojtës për të qenë konkurrues në arenën vendase dhe ndërkombëtare. Propozimi i klubit turk përfshin një kontratë të rëndësishme financiarisht dhe një projekt sportiv ambicioz, me garanci për më shumë minuta loje dhe rol lideri në skuadër.

Kjo e bën ofertën joshëse për Alabën, që mund të konsiderojë një sfidë të re në ligë dinamike dhe me tifozë të zjarrtë si ajo turke.

Real Madridi është i vetëdijshëm për interesimin, por nuk ka vendosur ende për një largim të mundshëm.

Klubi nuk ka urgjencë për të ndarë rrugët me një nga lojtarët më me përvojë, por është i gatshëm të negociojë nëse oferta është në interes të palëve. Ditët në vijim priten të jenë vendimtare për të mësuar nëse David Alaba do të transferohet në Superligën turke apo do të vazhdojë të mbetet pjesë e Real Madridit edhe për sezonin aktual.

Continue Reading

Të kërkuara