Lajmet

​Deri në vitin 2040 nga sëmundja e Parkinsonit mund të preken mbi 12 milionë njerëz

11 prilli u caktua si “Dita Botërore e Parkinsonit” për të rritur ndërgjegjësimin për sëmundjen e Parkinsonit

Published

on

Parkinsoni, që njihet si “sëmundja e pleqërisë” mes njerëzve dhe është një nga sëmundjet degjenerative më të zakonshme të trurit, mund të prekë më shumë se 12 milionë njerëz deri në vitin 2040.

11 prilli u caktua si “Dita Botërore e Parkinsonit” për të rritur ndërgjegjësimin për sëmundjen e Parkinsonit dhe për të tërhequr vëmendjen në luftën kundër kësaj sëmundjeje.

Sipas të dhënave të Fondacionit të Parkinsonit, numri i njerëzve që luftojnë me Parkinsonin në mbarë botën tashmë ka kaluar 10 milionë.

Të dhënat tregojnë se incidenca e sëmundjes tek meshkujt është 1.5 herë më e lartë se tek femrat. Përveç kësaj, shumica e personave që preken nga kjo sëmundje janë njerëz të moshës mbi 60 vjeç.

Sipas Organizatës Botërore të Shëndetësisë (OBSH), rreziku i paaftësisë dhe vdekjes nga sëmundja e Parkinsonit rritet më shpejt se sëmundjet e tjera neurologjike, transmeton Anadoly Agency.

Bëhet e ditur se vdekjet nga sëmundja u rritën me 100 për qind në vitin 2019 krahasuar me vitin 2000 dhe arritën në 329 mijë.

Sipas faqes së internetit “Our World in Data”, e cila publikon të dhëna shkencore për problemet globale si uria, ndryshimet klimatike dhe sëmundjet, thuhet se kontinenti evropian është ndër vendet ku janë regjistruar më së shumti vdekje nga Parkinsoni në vitin 2019.

Greqia u regjistrua si “vendi evropian me numrin më të madh të vdekjeve nga sëmundja e Parkinsonit”.

Sipas të dhënave të vitit 2019, 25.2 për 100 mijë njerëz në Greqi, 15.6 në Islandë, 15.4 në Finlandë, 15.1 në Gjermani, 13.9 në Itali, 12.8 në Shqipëri, 12.7 në Mbretërinë e Bashkuar, 12.4 në Holandë, 12.3 në Austri dhe 12 në Belgjikë humbën jetën për shkak të kësaj sëmundjeje.

Kjo normë ishte 11 në Japoni, 10.5 në SHBA dhe 8.1 në Australi.

Në Rusi, vdekjet nga sëmundja e Parkinsonit janë të ulëta në krahasim me vendet e tjera, me 6.4 për 100,000 njerëz. Turqia është ndër vendet ku vdekjet nga sëmundja e moshës janë më të ulëta me një normë prej 4.1.

Ekspertët ia atribuojnë rritjen e numrit të rasteve dhe vdekjeve si pasojë e sëmundjes, zgjatjes së jetëgjatësisë mesatare si dhe rritjes demografike.

Lajmet

Dështimi i 53-të, deputetët mblidhen sonte prapë në orën 22:00

Published

on

By

As në përpjekjen e 53-të, deputetët nuk e konstituan Kuvendin e Kosovës, të dalë nga zgjedhjet e 9 shkurtit.

Kryesuesi Avni Dehari ua ndërpreu fjalën deputeit të PDK-së Abelard Tahirit, deputetes së LDK-së Jehona Lushaku Sadriu dhe deputetes së AAK-së Time Kadrijaj.

Kryesuesi i seancës konstituive, Avni Dehari, tha se seanca do të mbahet sonte në orën 22:00.

Gjykata Kushtetuese e Kosovës ka vendosur masë të përkohshme, që do të jetë në fuqi nga 27 korriku deri më 8 gusht, periudhë në të cilën deputetëve u ndalohet të ndërmarrin çdo vendim apo veprim për konstituimin e Kuvendit, të dalë nga zgjedhjet e shkurtit.Palët vazhdojnë të mos gjejnë një kompromis.

Continue Reading

Lajmet

​Zemaj: Nuk pres të ketë diçka as pas dy javësh

Published

on

By

Deputeti i Lidhjes Demokratike të Kosovës (LDK), Armend Zemaj tha se nuk pret dalje nga bllokada institucionale as pas dy javësh.

Para fillimit të përpjekjes së 53-të për konstituim të kuvendit, Zemaj tha para mediave se “kryeneçësia e Vetëvendosjes po i kushton Kosovës”.

Kryeneçësia e Vetëvendosjes, ose më mirë të them kryeneçësia e tyre për të qenë në një pushtet absolut është ka i kushton Kosovës dhe sot jemi në muajin e pestë të mos konstituimit të kuvendit dhe të krijimit të qeverisë së re të Kosovës. tash kemi hyrë edhe në atë që quhet përgjigje legale nga Gjykata Kushtetuese, sot është dita e fundit deri në atë që do ta marrim si masë të përkohshme dhe të presim datën 8”, u shpreh ai.

Gjykata Kushtetuese ka vendosur masa të përkohshme nga data 27 korrik deri më 8 gusht, ku deputetëve u ndalohet të ndërmarrin çdo veprim e vendim që lidhet me konstituim të kuvendit.

Zemaj tha se nuk pret ndryshim as pas dy javëve.

Duhet shfrytëzuar çdo moment, çdo minutë që të kemi institucione të reja. Por me këtë logjikë dhe me këtë bllokadë që është evidente nga VV-ja, nuk pres që mund të ketë diçka edhe pas dy jave,” ka thënë Zemaj.

Continue Reading

Lajmet

Limaj: S’po shoh ndonjë mundësi për ndryshim sot

Published

on

By

Kryetari i Nismës Socialdemokrate, Fatmir Limaj, është pyetur sot nëse pret të kandidohet për kryetar të Kuvendit të Kosovës, në kuadër të zhvillimeve rreth seancës konstituive.

Në një deklaratë të shkurtër dhënë para fillimit të seancës, Limaj u përgjigj shkurtimisht: “S’po shoh ndonjë mundësi për ndonjë ndryshim sot.

Kjo deklaratë vjen në një moment të tensionuar, kur partitë opozitare dhe Lëvizja Vetëvendosje ende nuk kanë arritur një konsensus për konstituimin e Kuvendit. Mospajtimet e vazhdueshme kanë penguar zgjedhjen e kryetarit të Kuvendit, ndërsa afati kushtetues për këtë proces përfundon sonte në mesnatë.

Continue Reading

Lajmet

Murati: Nuk është problem që të sigurohen votat për të tejkaluar këtë ngërç

Published

on

By

Deputeti i Lëvizjes Vetëvendosje (LVV), Hekuran Murati tha se nuk është problem që të sigurohen votat për tejkalim të ngërçit politik.

Ai para fillimit të seancës konstituive, e cila është përpjekja e fundit para vendosjes së masës së Gjykatës Kushtetuese, tha se pret që të ketë vullnet nga partitë opozitare për konstituim të kuvendit.

Po shpresoj që meqë është seanca e fundit apo vazhdimi i fundit që do të mbahet para pezullimit nga Gjykata Kushtetuese, shpresoj dhe uroj që të gjendet vullneti nga partitë opozitare, por edhe tek deputetët individualisht që më në fund të kemi konstituimin e kuvendit. Na duhet që patjetër që të formohen institucionet. Ne tashmë siç e keni parë jemi te numri 57 në vazhdimësi, me votat e NISMA-s bëhemi 60, jemi shumë afër 61. Me votat e Veton Berishës dhe Duda Baljes bëhemi 62, me votën e Lutfi Hazirit që ka thënë do të bëhesha vota 61 bëhemi 63, e madje edhe me votën e Bekë Berishës bëhen 64. Nuk është problem që të jenë dhe të sigurohen votat për të tejkaluar këtë ngërç, vetëm duhet vullnet politik qoftë i subjekteve opozitare, qoftë edhe i deputetëve individualisht”, deklaroi Murati.

Continue Reading

Të kërkuara