Kronikë e zezë

​Dënohen 11 të akuzuarit nga Gjykata Themelore e Prishtinës

Published

4 years ago

on

Gjykata Themelore në Prishtinë, ka shpallur aktgjykimin kundër të akuzuarve I.J, A.I, F.I, B.U, N.J, XH.J, M.J, N.B, B.M, J.M dhe S.I për veprën penale në bashkëkryerje dhe në vazhdimësi “Kontrabandimi i mallrave”, ndërsa të akuzuarit N.J dhe F.I kanë kryer edhe veprën penale “Mbajtja në pronësi, kontroll ose posedim të paautorizuar të armëve”.

Siç njofton Gjykata, “I akuzuari F.I është shpallur fajtor dhe është dënuar me dënim unik me gjobë në shumën prej tremijë e katërqind (3, 400.00) €uro të cilën shumë i akuzuari është i obliguar që ta paguaj nga dita e plotfuqishmërisë së këtij aktgjykimi., koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari I.J është shpallur fajtor dhe është dënuar me dënim me burg në kohëzgjatje 13 (trembëdhjetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 06.04.2020 në kohëzgjatje prej 10 muaj e 7 ditëve i llogaritet në dënimin e shqiptuar me burgim.

I akuzuari J.M është shpallur fajtor dhe është dënuar me dënim me burg në kohëzgjatje 11 (njëmbëdhjetë) muaj, koha e kaluar nën masën e arrestit shtëpiak prej datës 31.05.2019 e deri me datë 17.04.2020 në kohëzgjatje prej 10 muaj e 18 ditë i llogaritet në dënimin e shqiptuar me burgim.

I akuzuari N.B është shpallur fajtor dhe është dënuar me dënim me burg në kohëzgjatje 10 (dhjetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 23.03.2020 në kohëzgjatje prej 9 muaj 24 ditë i llogaritet në dënimin e shqiptuar me burgim.

I akuzuari N.J është shpallur fajtor dhe është dënuar me dënim me burg në kohëzgjatje 11 (njëmbëdhjetë) muaj dhe me dënim me gjobë në shumën prej 400 (katërqind ) euro, koha e kaluar nën masën e paraburgimit prej datës 31.05.2019 e deri më datë 17.04.2020, në kohëzgjatje prej 10 muaj e 18 ditë i llogaritet në dënimin e shqiptuar me burg.

I akuzuari S.I është shpallur fajtor dhe është dënuar me dënim me burg në kohëzgjatje 8 (tetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me dt:08.01.2020 në kohëzgjatje prej 7 muaj e 9 ditë i llogaritet në dënimin e shqiptuar me burgim.

I akuzuari XH.J është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej tremijë (3,000.00) €uro, të cilin të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari A.I është shpallur fajtor dhe është dënuar me dënim me burg në kohëzgjatje 8 (tetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 08.01.2020 në kohëzgjatje prej 7 muaj e 9 ditë i llogaritet në dënimin e shqiptuar me burgim.

I akuzuari B.U është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej tremijë(3,000.00)€uro, të cilin të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari B.M është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej dymijë e pesëqind (2,500.00) €uro, të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi.

I akuzuari M.J është shpallur fajtor dhe është dënuar me dënim me gjobë në shumë prej tremijë e katërqind (3, 400.00) €uro të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 09.10.2019 në kohëzgjatje prej 132 ditë i llogaritet në dënimin e shqiptuar me gjobë.

Të gjithë këta janë akuzuar nga Prokuroria, pasi që nga viti 2017 e deri në muajin maj të vitit 2019, në vazhdimësi dhe në bashkëkryerje edhe me të pandehurit D.I dhe B.R të cilët gjenden në arrati, me qëllim të përfitimit material të kundërligjshëm kanë kontrabanduar kafshë nga Republika e Serbisë për në Republikën e Kosovës duke iu shmangur kontrollit doganor dhe tarifave doganore”, thuhet në njoftim.

Related Topics:
Continue Reading

Lajmet

Ekstradohet nga Gjermania në Kosovë i kërkuari me letër rreshtim ndërkombëtar

Published

8 hours ago

on

April 20, 2026

By

Policia e Kosovës, përmes Drejtorisë për Bashkëpunim Ndërkombëtar Policor, në bashkëpunim me njësitet relevante dhe institucionet e drejtësisë, ka realizuar sot ekstradimin e një shtetasi kosovar nga Gjermania në Republikën e Kosovës.

Sipas njoftimit zyrtar, i dyshuari ishte arrestuar nga autoritetet gjermane pasi ndaj tij ishte lëshuar letër-rreshtim ndërkombëtar përmes INTERPOL-it, me kërkesë të institucioneve të drejtësisë në Kosovë. Ai kërkohej për veprën penale “grabitje” dhe dyshohet se ishte shmangur nga organet e drejtësisë. Ekstradimi është realizuar në përputhje me ligjet në fuqi dhe falë bashkëpunimit të ngushtë ndërmjet institucioneve të Republikës së Kosovës dhe atyre të Republikës Federale të Gjermanisë.

Autoritetet kanë vlerësuar se ky rast dëshmon nivelin e bashkëpunimit ndërkombëtar në luftimin e krimit dhe forcimin e sundimit të ligjit, ndërsa Policia e Kosovës ka bërë të ditur se do të vazhdojë bashkëpunimin me institucionet vendore dhe ndërkombëtare për parandalimin, hetimin dhe zbulimin e veprave penale.

 

Continue Reading

Kronikë e zezë

Armëmbajtje pa leje: Tri raste të evidentuara në 24 orët e fundit

Published

13 hours ago

on

April 20, 2026

By

Sipas raportit të fundit të Policisë së Kosovës, gjatë 24 orëve të fundit janë evidentuar tri raste të armëmbajtjes pa leje, ku janë përfshirë tre të dyshuar meshkuj kosovarë.

Në Pejë, nga një i dyshuar mashkull kosovar është konfiskuar një pistoletë me gjashtë fishekë. I dyshuari është intervistuar dhe, me vendim të prokurorit, është liruar në procedurë të rregullt.

Ndërkaq, në Junik, , në dy raste të ndara janë arrestuar dy të dyshuar meshkuj kosovarë. Nga njëri është konfiskuar një armë pistoletë me 34 fishekë, ndërsa nga tjetri një pistoletë me 12 fishekë.

Me vendim të prokurorit, të dyshuarit janë liruar në procedurë të rregullt, ndërsa rastet vazhdojnë të trajtohen nga organet kompetente.

Continue Reading

Kronikë e zezë

Dy raste të substancave narkotike në Prizren, arrestohen tre persona

Published

13 hours ago

on

April 20, 2026

By

Sipas raportit të fundit të Policisë së Kosovës, gjatë së dielës në qytetin e Prizrenit janë evidentuar tri raste që lidhen me posedim të substancave narkotike, ku janë arrestuar tre të dyshuar meshkuj kosovarë.

Gjatë kontrollit në banesën e njërit prej të dyshuarve, policia ka gjetur dhe konfiskuar si prova materiale një sasi të substancës së dyshuar narkotike të llojit marihuanë në peshë prej 56.44 gramësh, një “grinder” si dhe një pako me rizlla. I dyshuari është arrestuar dhe, pas intervistimit, me vendim të prokurorit është dërguar në mbajtje për 48 orë.

Në dy raste të tjera, gjatë kontrollit në dy lokacione të ndara, në shtëpitë e dy të dyshuarve të tjerë  janë gjetur dhe konfiskuar një qese me substancë të dyshuar narkotike të llojit kokainë në peshë prej 0.91 gramësh, fara kanabisi në peshë 0.28 gramësh, disa doza marihuanë në peshë prej 8.48 gramësh, një foli alumini dhe një peshore elektronike. Të dyshuarit janë arrestuar dhe, pas intervistimit, me vendim të prokurorit janë dërguar në mbajtje për 48 orë.

Policia e Kosovës ka bërë të ditur se hetimet lidhur me këto raste janë në vazhdim.

Continue Reading

Kronikë e zezë

Dhunë në familje në disa qytete të Kosovës gjatë 24 orëve të fundit

Published

14 hours ago

on

April 20, 2026

By

Policia e Kosovës ka njoftuar për disa raste të dhunës në familje të regjistruara gjatë 24 orëve të fundit në disa qytete të vendit.

Në Prishtinë, të dielën, është raportuar se një i dyshuar mashkull kosovar ka ushtruar dhunë fizike ndaj një viktime femër kosovare. Pas intervistimit, viktima është kthyer në banesën e saj, ndërsa i dyshuari është arrestuar dhe, me vendim të prokurorit, është dërguar në mbajtje për 48 orë.

Po ashtu, në Rahovec, pas një mosmarrëveshjeje familjare, dy të dyshuar meshkuj kosovarë janë përfshirë në një përleshje fizike. Si pasojë, njëri prej tyre ka pësuar lëndime trupore dhe ka pranuar trajtim mjekësor. Pas intervistimit të palëve, me vendim të prokurorit, njëri nga të dyshuarit është arrestuar dhe dërguar në mbajtje.

Një rast tjetër është raportuar në Leposaviq, ku një viktimë femër kosovare ka pësuar lëndime si pasojë e dhunës fizike të ushtruar nga një i dyshuar mashkull kosovar. Njësitet policore kanë dalë në vendin e ngjarjes dhe kanë arrestuar të dyshuarin, i cili me vendim të prokurorit është dërguar në mbajtje për 48 orë.

Ndërkaq, të shtunën pasdite në Gjakovë, është arrestuar një i dyshuar mashkull kosovar, i cili dyshohet se ka ushtruar dhunë ndaj një viktime femër kosovare. Me vendim të prokurorit, ai është dërguar në mbajtje.

Gjithashtu, në Malishevë, më 14 prill, është arrestuar një i dyshuar mashkull kosovar nën dyshimin se ka ushtruar dhunë ndaj një viktime mashkull kosovar. Palët janë intervistuar dhe, me vendim të prokurorit, rasti është proceduar në procedurë të rregullt.

Autoritetet vazhdojnë të bëjnë thirrje për raportimin e rasteve të dhunës në familje dhe theksojnë se trajtimi i tyre mbetet prioritet institucional.

 

Continue Reading

Të kërkuara