Kronikë e zezë

​Dënohen 11 të akuzuarit nga Gjykata Themelore e Prishtinës

Published

3 years ago

on

Gjykata Themelore në Prishtinë, ka shpallur aktgjykimin kundër të akuzuarve I.J, A.I, F.I, B.U, N.J, XH.J, M.J, N.B, B.M, J.M dhe S.I për veprën penale në bashkëkryerje dhe në vazhdimësi “Kontrabandimi i mallrave”, ndërsa të akuzuarit N.J dhe F.I kanë kryer edhe veprën penale “Mbajtja në pronësi, kontroll ose posedim të paautorizuar të armëve”.

Siç njofton Gjykata, “I akuzuari F.I është shpallur fajtor dhe është dënuar me dënim unik me gjobë në shumën prej tremijë e katërqind (3, 400.00) €uro të cilën shumë i akuzuari është i obliguar që ta paguaj nga dita e plotfuqishmërisë së këtij aktgjykimi., koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari I.J është shpallur fajtor dhe është dënuar me dënim me burg në kohëzgjatje 13 (trembëdhjetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 06.04.2020 në kohëzgjatje prej 10 muaj e 7 ditëve i llogaritet në dënimin e shqiptuar me burgim.

I akuzuari J.M është shpallur fajtor dhe është dënuar me dënim me burg në kohëzgjatje 11 (njëmbëdhjetë) muaj, koha e kaluar nën masën e arrestit shtëpiak prej datës 31.05.2019 e deri me datë 17.04.2020 në kohëzgjatje prej 10 muaj e 18 ditë i llogaritet në dënimin e shqiptuar me burgim.

I akuzuari N.B është shpallur fajtor dhe është dënuar me dënim me burg në kohëzgjatje 10 (dhjetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 23.03.2020 në kohëzgjatje prej 9 muaj 24 ditë i llogaritet në dënimin e shqiptuar me burgim.

I akuzuari N.J është shpallur fajtor dhe është dënuar me dënim me burg në kohëzgjatje 11 (njëmbëdhjetë) muaj dhe me dënim me gjobë në shumën prej 400 (katërqind ) euro, koha e kaluar nën masën e paraburgimit prej datës 31.05.2019 e deri më datë 17.04.2020, në kohëzgjatje prej 10 muaj e 18 ditë i llogaritet në dënimin e shqiptuar me burg.

I akuzuari S.I është shpallur fajtor dhe është dënuar me dënim me burg në kohëzgjatje 8 (tetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me dt:08.01.2020 në kohëzgjatje prej 7 muaj e 9 ditë i llogaritet në dënimin e shqiptuar me burgim.

I akuzuari XH.J është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej tremijë (3,000.00) €uro, të cilin të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari A.I është shpallur fajtor dhe është dënuar me dënim me burg në kohëzgjatje 8 (tetë) muaj, koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 08.01.2020 në kohëzgjatje prej 7 muaj e 9 ditë i llogaritet në dënimin e shqiptuar me burgim.

I akuzuari B.U është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej tremijë(3,000.00)€uro, të cilin të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 18.07.2019 në kohëzgjatje prej 49 ditë i llogaritet në dënimin e shqiptuar me gjobë.

I akuzuari B.M është shpallur fajtor dhe është dënuar me dënim me burg në kohëzgjatje 6 (gjashtë) muaj, konform nenit 47 të KPRK-së, e me pëlqimin e të dënuarit dënimi me burgim i zëvendësohet në dënim me gjobë në shumën prej dymijë e pesëqind (2,500.00) €uro, të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi.

I akuzuari M.J është shpallur fajtor dhe është dënuar me dënim me gjobë në shumë prej tremijë e katërqind (3, 400.00) €uro të cilën shumë i akuzuari është i obliguar që ta paguaj në afat prej 15 ditësh nga dita e plotfuqishmërisë së këtij aktgjykimi. Koha e kaluar nën masën e paraburgimit dhe arrestit shtëpiak prej datës 31.05.2019 e deri me datë 09.10.2019 në kohëzgjatje prej 132 ditë i llogaritet në dënimin e shqiptuar me gjobë.

Të gjithë këta janë akuzuar nga Prokuroria, pasi që nga viti 2017 e deri në muajin maj të vitit 2019, në vazhdimësi dhe në bashkëkryerje edhe me të pandehurit D.I dhe B.R të cilët gjenden në arrati, me qëllim të përfitimit material të kundërligjshëm kanë kontrabanduar kafshë nga Republika e Serbisë për në Republikën e Kosovës duke iu shmangur kontrollit doganor dhe tarifave doganore”, thuhet në njoftim.

Related Topics:
Continue Reading

Kronikë e zezë

Theret me thikë një person në Kaçanik, arrestohet i dyshuari

Published

17 hours ago

on

March 10, 2026

By

Në raportin njëditor, Polica e Kosovës ka njoftuar se një person ka mbetur i lënduar rëndë si pasojë e një sulmi me thikë që ka ndodhur mbrëmë në rrugën “Ura e Konakut” në Kaçanik.

Sipas raportit të Policisë, viktima është dërguar me urgjencë në emergjencë për trajtim mjekësor, pasi kishte pësuar plagë që dyshohet se i janë shkaktuar me thikë nga i dyshuari.

Lidhur me rastin, Policia ka reaguar menjëherë duke arrestuar të dyshuarin.

Pas intervistimit, me vendim të prokurorit, ai është dërguar në mbajtje për procedime të mëtejshme ligjore.

Continue Reading

Kronikë e zezë

Të shtëna me armë në Skenderaj, i dyshuari në kërkim

Published

17 hours ago

on

March 10, 2026

By

Një rast i rëndë i vrasjes në tentativë ka ndodhur gjatë mbrëmjes së djeshme në Skenderaj.

Sipas Policisë së Kosovës, pas një mosmarrëveshjeje, i dyshuari ka shtënë me armë zjarri në drejtim të një personi dhe është larguar në drejtim të panjohur.

Viktima është dërguar menjëherë për tretman mjekësor, ndërsa policia ka nisur kërkimet për kapjen e të dyshuarit.

Me vendim të prokurorit, njësitë policore kanë bastisur shtëpinë e të dyshuarit, ku kanë gjetur dhe sekuestruar një armë gjuetie dhe 15 fishekë.

I dyshuari ndodhet ende në kërkim policor, ndërsa rasti po vazhdon të hetohet.

Continue Reading

Kronikë e zezë

Gjashtë raste të dhunës në familje brenda një dite

Published

17 hours ago

on

March 10, 2026

By

Brenda 24 orëve të fundit, në Policinë e Kosovës janë regjistruar gjashtë raste të dhunës në familje. Këto raste, sipas raportit të Policisë, kanë ndodhur në Prishtinë, Fushë Kosovë, Lipjan, Skenderaj dhe Gjakovë.

Në rastin e parë, i cili ka ndodhur në Fushë Kosovë, është arrestuar një burrë nën dyshimin se ka ushtruar dhunë fizike ndaj një gruaje. I dyshuari, pas intervistimit me vendim të prokurorit, është liruar në procedurë të rregullt.

Edhe një tjetër arrestim për të njëjtën vepër penale ka ndodhur në Fushë Kosovë. Një burrë është arrestuar nën dyshimin se, duke qenë nën ndikim të alkoolit, ka sulmuar fizikisht një grua. Sipas policisë, viktima ka pranuar tretman mjekësor, ndërsa i dyshuari është dërguar në mbajtje.

Ndërkaq, në Prishtinë, një grua ka raportuar në polici se pas një mosmarrëveshjeje është sulmuar fizikisht nga një burrë. I dyshuari është shoqëruar në stacionin policor dhe pas intervistimit rasti vazhdon në procedurë të rregullt.

Në Lipjan, pas një mosmarrëveshjeje mes dy burrave, njëri prej tyre ka ushtruar dhunë fizike ndaj tjetrit. Sipas raportit të Policisë, si viktima ashtu edhe i dyshuari kanë pranuar tretman mjekësor, ndërsa rasti mbetet nën hetime.

Rasti i radhës është regjistruar në Gjakovë, ku një grua ka raportuar në polici se është keqtrajtuar psiqikisht nga një burrë. Policia njofton se i dyshuari është arrestuar, por pas intervistimit me vendim të prokurorit është liruar në procedurë të rregullt.

Rasti i fundit ka ndodhur në Skenderaj, ku është arrestuar një burrë nën dyshimin se pas një mosmarrëveshjeje ka sulmuar fizikisht një burrë tjetër. Në vendin e ngjarjes, i dyshuari po ashtu ka kanosur dhe ka tentuar t’i sulmojë zyrtarët policorë. Me vendim të prokurorit, pas intervistimit, i dyshuari është dërguar në mbajtje.

Continue Reading

Kronikë e zezë

Arrestohet një person në Prishtinë, dyshohet për sulm seksual ndaj një të miture

Published

18 hours ago

on

March 10, 2026

By

Një person është arrestuar pasditen e së mërkurës në Prishtinë, nën dyshimin për kryerjen e veprës penale-sulm seksual.

Sipas raportit 24-orësh të Policisë së Kosovës, rasti ka ndodhur rreth orës 16:50. I dyshuari burrë, akuzohet se ka kryer veprën ndaj viktimës së mitur.

Lidhur me rastin, policia ka bërë të ditur se pas intervistimit, me vendim të prokurorit kompetent, i dyshuari është dërguar në mbajtje për procedime të mëtejshme ligjore.

Continue Reading

Të kërkuara