

Shëndeti
Cili duhet të jetë raporti i yndyrës e kockave në varësi të moshës?
Trupi i njeriut përmban 50 deri në 75 për qind ujë, dhe sa është në trup varet nga mosha, gjinia, nivelet e hormoneve dhe hidratimi.
Published
3 years agoon
By
Betim GashiNjë peshore klasike tregon vetëm masën trupore, ndërsa peshoret më të sofistikuara, të instaluara shpesh në disa qendra fitnesi më të mira, lexojnë përqindjen e yndyrës, kockave, ujit dhe muskujve në trup.
Kur e keni këtë informacion, mund të merrni një pamje të plotë të aftësisë suaj fizike dhe të vendosni se për çfarë duhet të punoni dhe me çfarë jeni të kënaqur.
Sipas prodhuesve të peshores inteligjente të markës Withings, pjesa mesatare e masës kockore në peshën totale të trupit te gratë është 2.5 dhe 4 për qind. Përqindja e masës kockore ndryshon me moshën pasi kockat janë më të forta në të njëzetat dhe të tridhjetat e tyre, sipas Institutit Kombëtar të Shëndetit të SHBA.
Trupi i njeriut përmban 50 deri në 75 për qind ujë, dhe sa është në trup varet nga mosha, gjinia, nivelet e hormoneve dhe hidratimi. Shumica e grave kanë 45 deri në 60 për qind ujë në trupin e tyre, dhe burrat 50 deri në 65 për qind.
Sipas Withings, një përqindje e shëndetshme e yndyrës në trup është:
Moshat 20 deri në 39-vjeç: 8 deri në 20 për qind për burrat, 22 deri në 33 për qind për gratë
Moshat 40 deri në 59-vjeç: 11 deri në 22 për qind për burrat, 24 deri në 34 për qind për gratë
Moshat 60 deri në 79-vjeç: 13 deri në 25 për qind për burrat, 25 deri në 36 për qind për gratë
Burrat dhe gratë me një përqindje më të lartë të yndyrës trupore kanë një rrezik më të lartë për sëmundje kardiovaskulare, hipertension, diabet, sulm në zemër dhe goditje në tru dhe disa lloje kanceri.
Përqindja e yndyrës trupore mund të jetë tepër e ulët, kështu që gratë me një përqindje yndyre trupore më pak se 15 për qind mund të zhvillojnë një gjendje të quajtur amenorrhea, e cila rezulton në mungesë të ciklit menstrual.
Sipas Withings, diapazoni i shëndetshëm për masën e muskujve janë:
Moshat 20 deri në 39-vjeç: 75 deri në 89 për qind për burrat, 63 deri në 75,5 për qind për gratë
Moshat 40 deri në 59-vjeç: 73 deri në 86 për qind për burrat, 62 deri në 73,5 për qind për gratë
Moshat: 60 deri në 79-vjeç: 70 deri në 84 për qind për burrat, 60 deri në 72.5 për qind për gratë
Një nivel më i lartë i masës muskulore mund të parandalojë gjithashtu zhvillimin e diabetit, sipas hulumtimit të botuar në Journal of Clinical Endocrinology and Metabolism.
“Yndyra e trupit shkakton hipertension dhe diabet për shkak të rezistencës ndaj insulinës. Me kalimin e moshës, ne humbim masën muskulore dhe bëhemi më të prirë ndaj rënies. Humbja e masës muskulore shkakton humbje të ekuilibrit dhe forcës, andaj ushtrimet e rregullta janë çelësi i shëndetit të mirë në vitet e mëvonshme”.
Shëndeti
Rastet kur diabetikët duhet të shkojnë në urgjencë
Published
3 hours agoon
June 23, 2025By
UBT News
Një nga sëmundjet më të përhapura të globit është pa dyshim diabeti, e sidomos diabeti i tipit 2.
Diabeti është cilësuar nga Organizata Botërore e Shëndetësisë si sëmundja e shekullit. Për personat me probleme të mbipeshës, histori të sëmundjes së diabetit në familje apo ata që vuajne nga paradiabeti kujdesi duhet të jetë shumë i madh.
Ka raste, kur sëmundja përkeqësohet dhe shkakton pasoja të rënda që nënvizojnë nevojën urgjente për të shkuar tek mjeku, ja rastet kur diabetikuj duhet të shkojë menjëherë në urgjencë.
Hiperglicemia
Ndodh kur nivelet e sheqerit janë të larta, nëse ky problem nuk trajtohet, gjaku bëhet acidic dëmton qelizat. Njeriu rrezikon të bjerë në koma ose të humbasë jetën.
Simptomat e hiperglicemisë janë:
Etje e madhe
Urinim i shpeshtë
Të përziera ose të vjella
Mjegullim i shikimit
Frymëmarrje e shpejtë
Humbje e ndjenjave
Lëndimet në këmbë
Diabeti dëmton nervat e shkakton mpirjet e këmbëve, kësioj një diabetik nuk është i vetëdijshëm për lëndimet që pëson, gjë që do i detyrojë mjekët ta amputojnë atë. Sigurohuni të kontrolloni shëndetin e këmbëve çdo ditë.
Ataku në zemër
Diabeti i katërfishon gjasat e atakut në zemër.
Dështim të veshkave
Diabeti është i lidhur me sëmundjet e veshkave, përveç analizave të urinës, një diabetik duhet të tregojë kujdes ndaj këtyre simptomave.
Tension i lartë i gjakut;
Urinim i shpeshtë;
Enjtje të kyçeve dhe këmbëve;
Nevojë e pakët për insulinë.
Shëndeti
Shkenca: Gratë e moshuara që duken të reja kanë një karakteristikë të përbashkët!
Published
4 hours agoon
June 23, 2025By
UBT News
Një tipar i përbashkët që i bën të duken më të reja. Gratë kanë më shumë gjasa të jetojnë deri në një moshë të pjekur sesa gratë e së njëjtës moshë që duken më të vjetra e kanë më shumë rrudha.
Kështu pohojnë shkencëtarët nga Baltimora të Universitetit Johns Hopkins, pas kryerjes së hulumtimeve në të cilat ata kërkuan arsyet për plakje më të ngadaltë dhe më të shpejtë.
Duke analizuar pamjen e rrudhave, lëkurën e fytyrës dhe gjendjen shëndetësore të të anketuarave me një moshë mesatare 63 vjeç, zbuluan se gratë që janë më pak të prira ndaj sëmundjeve kardiovaskulare duken dy vjet më të reja se moshataret e tyre që janë të ndjeshme ndaj sëmundjeve të lartpërmendura.
“Ne konkluduam se femrat e reja në përgjithësi nuk kanë probleme me tensionin e lartë, gjë që i bën ato më rezistuese ndaj sëmundjeve kardiovaskulare dhe mundësisë për të pasur atak në zemër,” theksoi Dr. Dejvid Grin, anëtar i ekipit kërkimor, transmeton Telegrafi.
Për herë të parë është gjetur një lidhje mes presionit të ulët të gjakut e pamjes rinore, e cila varet në një masë të madhe nga një mënyrë jetese e shëndetshme.
Një mënyrë e shëndetshme jetese, duhet të bëhet një domosdoshmëri për çdo person të rritur, veçanërisht për shkak të tensionit të lartë të gjakut, i njohur si ‘vrasësi i heshtur’, pasi nuk jep simptoma të dukshme që do të mundësonin reagimin në kohë.
Shëndeti
Dylli i veshit mund ta parashikojë sëmundjen e Parkinsonit
Published
2 days agoon
June 21, 2025By
UBT News
Studiuesit nga “American Chemical Society” po pretendojnë se kanë zhvilluar një sistem të ri që ndihmon në zbulimin e hershëm të sëmundjes neurologjike, Parkinson.
Ky zbulim lidhet me erën e veçantë të sebumit, përbërës kryesor i dyllit të veshit, është substancë yndyrore që trupi e prodhon për të mbrojtur dhe lubrifikuar lëkurën. Studiuesit kanë deklaruar se te personat me Parkinson, sebumi mund të marrë një erë karakteristike dhe paksa të rëndë, pasi sëmundja ndikon në mënyrën se si trupi prodhon komponimet organike që lëshohen përmes sebumit, ka raportuar The Independent.
Çdo vit, rreth 90,000 persona diagnostikohen me Parkinson në Shtetet e Bashkuara, dhe numri i vdekjeve të shkaktuara nga kjo sëmundje është rritur dukshëm në dekadat e fundit. Lidhja në mes të erës së sebumit dhe sëmundjes së Parkinsonit është vërejtur edhe në studime tjera, tani ekspertët kanë arritur të identifikojnë disa komponime specifike që mund të shërbejnë si shenja biologjike të Parkinsonit.
Morën mostra nga kanalet e 209 personave, ku më shumë se gjysma ishin të diagnostikuar me Parkinson, mostrat u analizuan me teknika të avancuara të:
-Kromatografisë së gazit (analizë që tregon se cilët përbërës janë të pranishëm në një mostër dhe ndihmon të kuptohet saktësisht se çfarë substancash përmban dylli i veshit), si dhe
-Spektrometrisë së masës (analizë që ndihmon të identifikohen me saktësi se cilat janë përbërësit kimikë që gjenden në mostër dhe në çfarë sasie janë).
Studiuesit kanë zbuluar se te personat me Parkinson, katër komponime organike ishin të ndryshme krahasuar me ata që nuk kishin sëmundjen. Këtu përfshihen komponimet e quajtura Ethylbenzene, 4-ethyltoluene, Pentanal, 2-pentadecyl-1 dhe 3-dioxolane.
Këto komponime shërbejnë si shenja për diagnostikimin e Parkinsonit, krijuan sistem që përdoret si metodë praktike për zbulimin e hershëm të Parkinsonit, studiuesit ndërtuan sistem të inteligjencës artificiale që simulon nuhatjen njerëzore, model robotik që mund të “ndiej” aromën duke përdorur të dhënat nga dylli i veshit. Sistemi ishte në gjendje të dallonte me 94 për qind saktësi mostrat e njerëzve me Parkinson nga ata pa sëmundjen.
Aktualisht, rreth 1.1 milionë amerikanë jetojnë me Parkinson.
Ekspertët kanë bërë të ditur se zbulimi i hershëm është shumë i rëndësishëm, sepse shumica e trajtimeve ekzistuese vetëm e ngadalësojnë përparimin e sëmundjes, por nuk e shërojnë. Sipas tyre, metodat aktuale të diagnostikimit janë të kushtueshme dhe ndonjëherë të paqarta.
Studiuesit kanë deklaruar se ky sistem me inteligjencë artificiale mund të përdoret si mjet i shpejtë dhe i parë për të zbuluar sëmundjen në fazat e hershme.
“Kjo metodë është në fazë fillestare, është testuar vetëm në një qendër kërkimore në Kinë. Hapi i radhës është të zhvillojmë studime në faza të ndryshme të sëmundjes, në qendra dhe grupe të ndryshme etnike, për të vlerësuar nëse kjo metodë ka vlerë praktike më të gjerë”, ka shpjeguar autori Hao Dong.
Shëndeti
Aktiviteti fizik i rregullt ndihmon trurin të harrojë kujtimet traumatike
Published
2 days agoon
June 21, 2025By
UBT News
Një studim i ri i realizuar nga Universiteti i Kyushus në Japoni dhe Universiteti i Torontos ka zbuluar se aktiviteti fizik i vazhdueshëm mund të ndihmojë në zbehjen e kujtimeve traumatike apo të lidhura me varësinë.
Studiuesit testuan këtë teori te minjtë, të cilëve u ishin dhënë tronditje elektrike, duke shkaktuar tek ta sjellje të ngjashme me çrregullimin e stresit post-traumatik, si frikë, ankth dhe shmangie të mjediseve që lidhen me traumën.
Kur minjtë u lanë të ushtronin, filluan të prodhonin më shumë neurone në pjesën e trurit të quajtur hipokampus, zonë kyçe për kujtesën dhe simptomat e traumës u pakësuan ndjeshëm.
Edhe ndërhyrja gjenetike për të përshpejtuar prodhimin e neuroneve dha rezultate pozitive, ndonëse jo aq efektive sa aktiviteti fizik.
E njëjta metodë u aplikua edhe për sjellje të lidhura me varësinë. Minjtë që më parë shfaqnin preferencë për një dhomë të lidhur me përdorimin e kokainës, pas rritjes së neurogjenezës, nuk tregonin më të njëjtën tërheqje ndaj saj.
Sipas studiuesve, rezultatet hapin rrugën për trajtime të reja ndaj PTSD-së dhe varësive, duke u fokusuar në riformësimin e lidhjeve në tru.
Por deri atëherë, aktiviteti fizik mbetet një mënyrë e fuqishme dhe lehtësisht e arritshme për të ndihmuar trurin të çlirohet nga e shkuara.

Putin dënon sulmin ndaj Iranit, por nuk ofron mbështetje për aleatin kryesor

Futbollisti kosovar merr rrugën e gyrbetit: Po iku në Gjermani, jo nga qefi por sistemi mi mbylli dyert

Udhëtimi i Katy-t në hapësirë është një ndër arsyet e krizës në lidhjen me Orlando-n?

Izraeli sulmon burgun famëkeq në Teheran

Shefi i IAEA thotë se priten “dëme shumë të mëdha” në centralin Fordo të Iranit

Kriza politike, Murati fajëson partitë tjera: Po ju konvenon kjo situatë

Pesë vende ku nuk duhet ta lini kurrë celularin

Nuk kishte ndodhur kurrë më parë: kartoni i kuq i Asencios futet në histori

“Squid Game” rikthehet në Netflix me sezon final
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore