

Sport
Challandes: Kemi tri ndeshje të vështira para nesh
Published
4 years agoon
By
Betim GashiNë prag të ndeshjes kundër Gjeorgjisë, e cila është e vlefshme për kualifikimet për në Kampionatin Botëror “Katar 2022”, ndeshje kjo që do të zhvillohet më 2 shtator, trajneri i Kombëtares së Kosovës, Bernard Challandes ka folur në një konferencë për media ku ka analizuar situatën në të cilën ndodhet skuadra kosovare duke vënë theksin mbi atë se nga tani e tutje do të punohet në ndërtimin e një mentaliteti të ri duke filluar nga dita e sotme.
Ai ka deklaruar se Kosova ka nevoje për një frymë të re dhe se do të jetë ai që do të fillojë me një qasje më të ashpër dhe më kërkuese për të nisur një cikël të ri të rezultateve.
“Gjatë ditëve në vijim do të kemi tri ndeshje goxha të vështira dhe interesante. Nuk mund të them që për ne është fillimi i një kampanje të re sepse në kuadër të kësaj kampanje kualifikuese tashmë veç i kemi zhvilluar dy ndeshje, ndaj Suedisë dhe Spanjës, por ajo që mund të them është që për ne do të jetë një fillim i ri sepse vijmë pas dy periudhave të ndryshme, një periudhe kur kemi pasur një sukses relativ dhe pastaj një periudhe kur kemi qenë të pa suksesshëm, prandaj ky fillim do të jetë një fillim i ri për ne në kuadër të kualifikimeve…Për mua është sërish koha për të filluar të rindërtojmë një ekip të fortë, një skuadër të nivelit më të lartë të mundshëm”, tha Challandes.
Challandes ka thënë se do të marrin mësim nga ndeshjet e Euro 2020 dhe edhe pse nuk është koha e duhur, në kombëtare do të fillojë një epokë e re.
“Nuk kemi qenë në Euro mirëpo duhet të marrim disa mësime nga Euro, të gjithë e dimë arsyen pse nuk kemi qenë në Euro, por tani ka ardhur koha që të provojmë sërish për ta ri-ngritur ekipin për ta riformuar një skuadër të fortë, një skuadër që do të ketë vlera siç ka qenë më herët…Është koha për ta ndërtua një mentalitet të fortë dhe të duhur për ekipin e Kosovës sërish. Fatkeqësisht për ne nuk është koha perfektë për të nisur një proces të tillë sepse jemi në një situatë jo stabile me disa prej futbollistëve që janë në lëvizje nga klubi në klub, pastaj disa të tjera që kanë probleme me lëndime apo edhe probleme të tjera prandaj nuk është koha më e mirë e mundshme por është koha kur ne duhet të japim një reagim dhe të provojmë të ndërtojmë një skuadër me mentalitet fitues siç ka qenë më herët”, tha tekniku zviceran.
Sa i përket kritikave që merr në lidhje me punën e tij në Kombëtaren e Kosovës, Challandes ka deklaruar se ato i shërbejnë vetëm për t’u përmirësuar dhe se është i gatshëm të jetojë dhe të punojë nën prsion.
“Unë jam trajner i ekipit kombëtar për më shumë se dy-tre vite prandaj është e qartë se duhet të pranoj kritika dhe duhet të jem i mësuar të jetoj me kritika sepse është pjesë e punës së trajnerit. Secili trajner ka shumë presion dhe për mua kjo është diçka pozitive, mbase mua me duhet presioni dhe me presion bëhem më i mirë dhe mund të jap edhe më shumë nga vetja kështu që jam absolutisht i gatshëm të jetojë me presion dhe të punoj me presion.?”, theksoi ai.
Mbi të ardhmen e tij, tekniku zviceran pranoi se ishte në listën e trajnerëve për të marr drejtimin e Kombëtares së Zvurës pas Euro 2020, por që është i lumtur që është në drejtimin e Kosovës.
“Kam qenë në listë me trajner si Arsene Wenger, Jouqim Low, Roberto Donadoni, Lucien Favre, trajner goxha të dëshmuar, prandaj por, unë kam qenë në atë listë por ka qenë listë e gjerë dhe për mua ka qenë ndër që të jem në listë me emra të tillë…Unë kam qenë në listë, ata kanë vendosur për Murat Jakimin. Unë vazhdoj të jem trajner i Kosovës, kam kontratë me Federatën e Futbollit të Kosovës, jam këtu më shumë se tri vite dhe jam shumë i lumtur që jam pjesë e Kosovës”, u shpreh Challandes.
Challandes e komentoi edhe vendimin e Leart Paqaradës për të mos luajtur për kombëtaren duke thënë se nuk është në rolin e tij që t’iu bëjë lutje lojtarëve për të ardhur dhe për të luajtur për Kosovën.
“Është vendim i tij, ai e ka marr këtë vendim, ne e kemi respektuar dhe nuk është roli im që t’u bëjë lutje asnjë futbollisti dhe t’iu them të lutem eja për të luajtur me ekipin kombëtar…Nëse ai konsideron që është momenti për të diskutuar ndërmjet nesh dhe paraqitët për të diskutuar me mua atëherë absolutisht unë nuk kam asnjë problem dhe mund të diskutoj më atë dhe mund të shohim se çfarë mund të na drejtoj një diskutim i tillë”, tha Challandes.
Krejt në fund, Challandes bëri të ditur se arsyeja pse përsëri nuk është ftuar Bernard Berisha është për shkak se ai po kërkon që t’i garantohet një pozitë në formacionin startues dhe se ai nuk mund t’ia ofrojë këtë.
“Ajo që mund të them për Bernard Berishën është që ai kërkon garancion për pozicionin e tij në ekip dhe kjo e dëshmon që mbase nëse flasim për këtë mentalitet që po provojmë ta instalojmë te ekipi, aktualisht nuk mund t’i garantojmë, jo vetëm atij por askujt pozicion të qartë në ekip dhe secili duhet të jetë këtu, të jetë i gatshëm në çfarë do roli për ekipin dhe kjo është arsyeja pse ai nuk është me ne aktualisht”, tha në fund Challandes.
Pas ndeshjes me Gjeorgjinë, Kosova do të ballafaqohet edhe me Greqinë dhe Spanjën më 5 dhe 8 shtator në stadiumin “Fadil Vokrri”.
Sport
Senne Lammens portieri më i ri i Manchester United
Published
38 minutes agoon
September 1, 2025By
UBT News
Manchester United ka arritur marrëveshje për të nënshkruar me portierin e Royal Antwerp, Senne Lammens.
Një tarifë prej 21 milionë eurosh, plus bonuse, është rënë dakord mes dy klubeve, pa përfshirë klauzolë për përqindje në rishitje.
Lammens është duke udhëtuar drejt Manchesterit, ndërsa ka arritur marrëveshje për kushtet personale të një kontrate pesëvjeçare, teksa të gjitha palët po punojnë për të finalizuar marrëveshjen para afatit të transferimeve.
Manchester United nuk kishte planifikuar të transferonte një portier, përveç nëse Andre Onana do shitej. Ky plan ndryshoi pas humbjes në javën e parë të Ligën Premier ndaj Arsenalit. Onana mungoi në humbjen 1-0 ndaj Arsenalit, me Altay Bayindir që mori vendin e titullarit.
Portieri turk gaboi te goli i vetëm i ndeshjes, duke mos arritur të ndalojë një rivënie këndore që i dha mundësinë Riccardo Calafiorit të shënojë. Edhe Aston Villa po e konsideronte transferimin e Lammens, përkrah Diogo Costas së Portos, në rast të largimit të Emiliano Martinez, i cili ishte gjithashtu në shënjestrën e United.
Lammens iu bashkua Antwerp nga Club Brugge në korrik të vitit 2023 dhe u bë portieri titullar i skuadrës, duke regjistruar 44 paraqitje, ndërsa Antëerp siguroi kualifikimin në Ligën e Konferencës.
Sport
Foda: Nuk jemi favorit, por duam kualifikimin në Kampionatin Botëror
Published
3 hours agoon
September 1, 2025By
UBT News
Trajneri i Kombëtares së Kosovës Franco Foda e ka bërë të qartë se Kosova do ta synojë kualifikimin në Kampionatit Botëror 2026, edhe pse pranon se nuk janë skuadër favorite në një grup ku bëjnë pjesë Zvicra, Suedia dhe Sllovenia.
Ai konfirmoi se Edon Zhegrova do të mungojë në ndeshjet kundër Zvicrës duke zbuluar edhe arsyen e kësaj mungese.
“Sigurisht se Zhegrova është lojtar i rëndësishëm për ekipin e Kosovës, ai është i pazëvendësueshëm, por tani ka tetë muaj që nuk ka luajtur e vetëm në muajt e fundit ishte në bakë për ekipin e Lille prandaj kur e kemi parë që është ftuar nga Lille e kemi ftuar por gjatë javës së kaluar e kemi telefonuar së bashku dhe e kam pyetur për angazhimet e tani e ka ndryshuar ekipin, është transferuar te Juventusi dhe e kemi parë të arsyeshme që të mos angazhohet”, tha Foda.
Për sfidën me Zvicrën, Foda tha se i njeh pikat e forta dhe të dobëta të tyre dhe se presin së paku një barazim të premten.
“Ne e njohim mirë kombëtaren zvicerane dhe ia njohim mirë njohim mirë pikat e forta dhe ato të dobëta e vendimtare do të jetë si do paraqitemi ne ndeshjen e radhës, nëse do të paraqitemi si ekip i bashkuar dhe nëse i zbatojmë prioritetet tona në fushë atëherë presim që të fitojmë ose së paku një barazim.”, theksoi Foda.
Përzgjedhësi i Kosovës u shpreh i bindur se Kosova ka ndërtuar skuadër nga e cila mund ta synojë kualifikimin në këtë Kampionat Botëror.
“Unë jam i bindur që kemi ndërtuar një ekip të mirë e këtë bindje do t’ia transmetoj edhe ekipit tani. Sigurisht se nuk jemi favorit, mund të jemi të rrezikshmë. Sigurisht se nuk jemi favorit gjithçka do të bëjmë që të kualifikohemi. Këto dy ndeshjet e radhës do të tregojnë se çfarë drejtimi to të marrë ky udhëtimi ynë, do të jetë një udhëtim jo i lehtë”, shtoi më tutje Foda.
Me pak fjalë Foda e përshkroi si ‘mesfushor shumë fleksibil’, ardhjen e re te Kosova, mesfushorin Leon Avdullahu.
“E kam një përshtypje të mirë nga ai, ka një personalitet shumë të mirë, jemi shumë të lumtur për atë. Është një lojtar mjaftë fleksibil, sidomos në mesfushë, ai mund të luajë ku do që e vendosim prandaj jemi shumë të lumtur dhe të gëzuar që e kemi në ekip”, tha Foda.
Kosova do të përballet me Zvicrën më 5 shtator në Basel.
Sport
Milot Rashica po largohet nga Besiktashi, nuk është për shije të trajnerit të ri
Published
4 hours agoon
September 1, 2025By
UBT News
Beshiktashi do të vlerësojë ofertat për Milot Rashicën, i cili nuk bën pjesë në planet e skuadrës.
Pas eliminimit nga Lausanne në playoff të UEFA Conference League e mbylljes së aventurës evropiane, klubi merr vendime të rëndësishme.
Pasi vendosi të ndahet me Ole Gunnar Solskjaer dhe të emërojë në vend të tij Sergen Yalçın, Beshiktashi ka marrë vendimin edhe për Milot Rashicën. Yalçın ka kërkuar nga presidenti Serdal Adalı, që të largojë nga skuadra 3 lojtarë, Svensson, Joao Mario dhe Milot Rashica.
Sezonin e kaluar reprezentuesi i Kosovës zhvilloi 41 ndeshje, duke shënuar 5 gola dhe dhënë 8 asistime.
Vlera e tij aktuale është 6.5 milionë euro. Sulmuesi anësor kosovar ka luajtur deri tani në 4 ndeshje këtë sezon dhe ka shënuar 1 gol.
Sport
Kur rikthehet Barcelona të luajë në “Camp Nou”?
Published
7 hours agoon
September 1, 2025By
UBT News
Klubi pret të marrë miratimin përfundimtar në orët në vijim për të zhvilluar ndeshjen e La Ligas kundër Valencias më 14 shtator në stadiumin e rinovuar.
Hapi i fundit që mbetet është lëshimi i Certifikatës për Punimet e Përfunduara, e cila do t’i mundësojë klubit të nisë shitjen e biletave.
Barcelona është e bindur se do të marrë dritën jeshile më së largu deri të mërkurën. Nëse ndodh ndonjë vonesë e papritur, rikthimi do të shtyhet për një javë, në ndeshjen ndaj Getafes më 21 shtator.
Rikthimi në ‘Camp Nou’ do të ndodhë në mënyrë graduale, me një kapacitet të kufizuar fillimisht. Në fazën e parë do të lejohen 27,000 tifozë në tribunën kryesore dhe në tribunën pas portës jugore.
Faza e dytë do të shtojë tribunën anësore, duke e rritur kapacitetin në 45,000 deri në fund të tetorit.
Më pas, në fazën e tretë do të hapet tribuna veriore, duke e çuar numrin e përgjithshëm të spektatorëve në 60,000 deri në fund të nëntorit.
Faza e dytë e madhe e projektit do të përfshijë ndërtimin e unazës së tretë të tribunave, shtimin e zonave VIP dhe vendosjen e një çatie të re.
Pas përfundimit të plotë të punimeve, ‘Spotify Camp Nou’ do të ketë kapacitet prej 105,000 vendesh, duke e bërë stadiumin më të madh në Evropë. Përveç ndonjë pengese të minutës së fundit, ndeshja e 14 shtatorit ndaj Valencias pritet të shënojë rihapjen historike të ‘Camp Nou’.

“Më falni, më duhet të shërohem”, Jessie J shtyn turneun botëror pas operacionit të dytë për kancerin e gjirit

Senne Lammens portieri më i ri i Manchester United

Masteri që hap dyert e liderëve të menaxhmentit, biznesit dhe ekonomisë – Studio në UBT

Pse shtatori është muaji i përsosur për pushime?

Arrestohen dy persona tё dyshuar për vjedhje në Pejë

Shkollat më inovative në Kosovë, UBT International Smart Schools nisin vitin e ri shkollor 2025/26

Osmani: Ekipi ligjor i Presidencës po bën analizë lidhur me procesin e konstituimit të Kuvendit

Gërvalla në Slloveni, merr pjesë në Forumin Strategjik të Bledit 2025

Çfarë ndodh në trupin tuaj kur konsumoni shumë ushqime të kriposura?
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA