

Lajmet
Çeku shpalos prioritetet e MKRS-së
Published
4 years agoon
By
Betim GashiMinistri i Kulturës, Rinisë dhe Sportit, Hajrulla Çeku ka deklaruar të martën se po bëjnë gjithçka që ta bindin Europa Nostran se Manastiri i Deçanit është një nga monumentet më të sigurta në Evropë dhe si i tillë duhet të largohet nga lista e monumenteve që janë në rrezik.
Çeku në një konferencë për media me rastin e shpalosjes së prioriteteve të dikasterit që e udhëheq, tha se kanë marrë konfirmim për vizitë nga përfaqësues të Europa Nostra-s, porse shtoi se kjo e fundit, gjatë procesit, nuk e ka vizituar Kosovën dhe manastirin, por as nuk është konsultuar me palët e interesit.
Lidhur me këtë, ai shtoi se është me rëndësi që përfaqësues të Europa Nostras të vijnë sa më parë në Kosovë, për të kompensuar dëmin që i kanë shkaktuar vendit.
“Manastiri i Deçanit është një nga monumentet më të sigurta në Evropë dhe për fat të keq ka hyrë në listën e monumenteve më të rrezikuara në Evropë. Ky është një paradoks, por ne po bëjmë gjithçka për ta bindur ‘Europa Nostra-n’ që ta rishikojë atë listë”, tha ai.
Duke folur për programin dhe prioritetet e ministrisë, ministri Çeku tha se MKRS deri tash ka funksionuar si ministri e skemave sociale për artistë, sportistë e të rinj. Ai tha se vizioni i tyre është që të zhbllokojnë potencialin zhvillimor të rinisë, kulturës dhe sportit. Teksa shtoi se shumë punë i presin edhe tek trashëgimia kulturore, ku u zotua se do të ndërhyjnë në rreth 200 monumente në rrezik.
Ministri Çeku theksoi se pasi që Kuvendi të zgjedhë anëtarët e bordit të Këshillit të Kosovës për Trashëgimi Kulturore, do të procedojnë dosjet për shpallje të aseteve në mbrojtje të përhershme ligjore.
“Vizioni ynë është të zhbllokojmë potencialin zhvillimor të rinisë, kulturës e sportit. Ta trajtojmë kulturën si kontribues në mirëqenien shoqërore dhe ekonomike; trashëgiminë kulturore si promovues të vlerave; sportin si zhvillues i imazhit shtetëror dhe mirëqenies sonë; dhe rininë e Kosovës si pjesëtar aktiv në jetën ekonomike dhe sociale të vendit… Shumë punë na presin edhe te trashëgimia kulturore, por puna e parë do të jenë ndërhyrjet emergjente në rreth 200 monumente në rrezik”, tha ai.
Çeku tha se do të angazhohen për reformim administrativ, autonomi financiare dhe qëndrueshmëri të institucioneve kombëtare të kulturës, duke siguruar llogaritë bankare, kodet buxhetore dhe zyrtarët financiarë. Ai u zotua se do të përmirësojnë praktikat për mbrojtjen e së drejtës së autorit përmes zbatimit të tarifës së ritransmetimit dhe bashkëpunimit me Organizatën Botërore të Pronësisë Intelektuale dhe se do të definojnë statusin e krijuesit.
Ndër nismat me interes të veçantë në kuadër të edukimit artistik, sipas Çekut do të jetë zbatimi i programit shkollor për pjesëmarrje të rritur dhe të rregullt të nxënësve në ngjarjet kulturore.
Kurse sa i përket sportit, ai tha se synojnë hartimin e strategjisë kombëtare të sportit, zhvillimin e politikave të diplomacisë sportive, rishikimin e ligjeve dhe akteve ekzistuese dhe funksionalizimin e mekanizmave për monitorimin sistematik të të dhënave në fushën e sportit.
“Jemi të përkushtuar të mbrojmë integritetin e sportit, do të luftojmë manipulimet në sistemin sportiv. Do të angazohemi për hartimin dhe miratimin e kodit të qeverisjes së mirë sportive, krijimin e mekanizmave për monitorimin e qeverisjes së organizatave sportive dhe themelimin e Agjencisë Anti-Doping”, tha Çeku.
Ministri i Kulturës, Rinisë dhe Sportit tha po ashtu se synojnë rritjen e përfshirjes së të rinjve në tregun e punës. Sipas tij, këtë do ta arrijnë përmes edukimit jo-formal, politikave aktive, ofrimit të shërbimeve të punësimit, dhe lehtësimit të qasjes në financim për ndërmarrësi.
Krejt në fund, ai u zotua se qeveria do të përfshijë trashëgiminë kulturore, kulturën dhe sportin në politikat e reja qendrore dhe lokale për turizëm.
Në këtë drejtim, ai tha se do të hartojnë dokumentin strategjik për turizëm kulturor dhe sportiv dhe master planet multi-sektorale për zonat me interes të veçantë, ndërsa theksoi se do të funksionalizohen edhe monumentet e trashëgimisë për t’i shërbyer industrisë së turizmit.
Bota
Trump shkarkon guvernatoren e Rezervës Federale, Cook : S’kam ndërmend të dorëhiqem
Published
49 minutes agoon
August 26, 2025By
UBT News
Presidenti Donald Trump deklaroi se ka shkarkuar guvernatoren e Rezervës Federale (Fed), Lisa Cook, një veprim historik, pasi është hera e parë në 111 vite që një president shkarkon një anëtar të bordit të bankës qendrore amerikane.
Lëvizja shënon një përshkallëzim të ndjeshëm të tensioneve midis Trump dhe Fed-it, të cilin ai e ka kritikuar shpesh për mosuljen e mjaftueshme të normave të interesit.
Cook është përballur kohët e fundit me akuza për mashtrim hipotekor, të ngritura fillimisht nga drejtori i agjencisë federale të strehimit, Bill Pulte. Departamenti i Drejtësisë ka njoftuar se do të hetojë pretendimet, por ajo nuk është akuzuar për asnjë shkelje deri më tani.
Në një deklaratë të publikuar nga avokatët e saj, Cook reagoi:“Presidenti Trump ka pretenduar se më shkarkon ‘me shkak’, ndërkohë që nuk ekziston asnjë shkak ligjor për këtë, dhe ai nuk ka autoritetin për të më shkarkuar. Nuk do të jap dorëheqjen. Do të vazhdoj të ushtroj detyrat e mia për të ndihmuar ekonominë amerikane, siç kam bërë që prej vitit 2022.”
Rezerva Federale nuk ka komentuar mbi zhvillimet. Ende nuk është e qartë nëse presidenti ka autoritetin ligjor për ta shkarkuar Cook. Ligji lejon shkarkimin vetëm “me shkak”, por nuk përkufizon qartë se çfarë përbën një “shkak”.
Në letrën e tij drejtuar Cook, Trump shkruan: “Kam vendosur që ka arsye të mjaftueshme për t’ju larguar nga pozicioni.”
Ai shton se veprimet e saj tregojnë pakujdesi të rëndë financiare dhe e vënë në dyshim integritetin e saj.
Sipas një hetimi të CNN, Cook kishte marrë dy kredi për prona të ndryshme, të dyja të deklaruara si banesa kryesore, por nuk dihet nëse kjo ishte bërë me qëllim apo jo.
Cook, e emëruar në vitin 2022 nga Presidenti Joe Biden, është gruaja e parë me ngjyrë që ka shërbyer ndonjëherë si guvernatore në bordin e Fed-it.
Sipas avokatit të saj, Abbe David Lowell, do të ndërmerren të gjitha veprimet e nevojshme për të ndaluar këtë veprim të paligjshëm të presidentit..
Aktualitet
Vdes ish-luftëtari i UÇK-së, Jahir Krasniqi
Published
54 minutes agoon
August 26, 2025By
UBT News
Ka vdekur Jahir Krasniqi, ish-luftëtar i Ushtrisë Çlirimtare të Kosovës. Lajmi është bërë i ditur përmes një njoftimi nga kryetari i OVL-UÇK-së në Prizren, Isa Berisha.
“Me dhimbje të madhe njoftojmë se nga mesi ynë u nda për të shkuar në amshim njëri nga luftëtarët e lirisë, Jahir Krasniqi”, thuhet në njoftimin në Facebook.
Ceremonia e varrimit do të mbahet sot, më 26 gusht 2025, pas namazit të iqindisë, në varrezat e qytetit të Prizrenit.
“Në emër të Organizatës së Veteranëve të Luftës, kryetari Isa Berisha ka shprehur ngushëllimet më të sinqerta për familjen, miqtë dhe bashkëluftëtarët e Jahir Krasniqit”, thuhet në njoftim.
Aktualitet
Australi: Shkuan të ekzekutonin urdhërarrestin, vriten 2 policë, plagoset një tjetër
Published
60 minutes agoon
August 26, 2025By
UBT News
Dy oficerë janë qëlluar për vdekje, ndërsa një tjetër ka mbetur i plagosur në një qytet të Australisë. Policët do ekzekutonin urdhërarrestin kundrejt një personi për krime seksuale në Porepunkah, në verilindje të Viktorias, në momentin që janë zënë në pritë.
Autori i të shtënave me armë është arratisur, ndërsa autoritetet përkatëse janë vënë në ndjekje të tij, shkruan rtsh.al.
Policia u ka kërkuar qytetarëve që të shmangin zonën, ndërsa shkolla fillore që ndodhet në afërsi të vendngjarjes dhe ndërtesat e këshillit janë mbyllur përkohësisht.
Kryeministri i Australisë, Anthony Albanese, ka reaguar mbi ngjarjen e rëndë, duke qëndruar në krah të oficerëve.
“Mendimet tona janë me policinë për punën që bëjnë, çdo ditë. Burrat dhe gratë që veshin uniformën tonë, veshin uniformën e policisë, marrin rreziqe çdo ditë. Komisioneri i policisë së Viktorias do të japë një përditësim këtë pasdite ndërsa më shumë fakte që mund të publikohen bëhen të qarta”, tha ai.
Shoqata Federale e Policisë Australiane ka lëshuar një deklaratë ku shpreh ndjenjat e saj më të thella për oficerët, familjet dhe kolegët e Policisë së Viktorias të prekur nga incidenti i sotëm.
Aktualitet
27 vjet nga vrasja e 11 anëtarëve të familjes Asllani, në mesin e tyre 8 fëmijë
Published
1 hour agoon
August 26, 2025By
UBT News
Janë bërë 27 vjet nga vrasja e 11 anëtarëve të familjes Asllani. Më 26 gusht të vitit 1998, forcat serbe kanë vrarë 11 anëtarë të familjes Asllani në Rancë të Shtimes, prej të cilëve 8 ishin fëmijë të moshave të ndryshme dhe tri gra.
Në këtë ngjarje të dhimbshme kanë humbur jetën: Jalldyze Asllani (1934), Halide Asllani (1963), Ajshe Asllani (1971), Burim Asllani (1985), Lumnije Asllani (1986), Ejup Asllani (1988), Luljeta Asllani (1991), Shpend Asllani (1993), Xhafer Asllani, (1995), Antigona Asllani (1997) dhe Albiona Asllani (1998).
Atë ditë të kobshme në këtë fshat nga forcat serbe u ekzekutua edhe plaku 96-vjeçar, Zeqir Asllani.

Galaxy Watch8 sjell dizajn të ri dhe sensorë më të avancuar

Trump shkarkon guvernatoren e Rezervës Federale, Cook : S’kam ndërmend të dorëhiqem

Vdes ish-luftëtari i UÇK-së, Jahir Krasniqi

Australi: Shkuan të ekzekutonin urdhërarrestin, vriten 2 policë, plagoset një tjetër

27 vjet nga vrasja e 11 anëtarëve të familjes Asllani, në mesin e tyre 8 fëmijë

Në Prishtinë organizohet një mbrëmje kulturore me rastin e 115-vjetorit të lindjes së Shën Nënë Terezës

Zjarret në Shqipëri, mobilizim nga toka dhe ajri për shuarjen e tyre

Një person është gjetur pa shenja jete në Gllamnik

Kurti: Kosova zgjodhi të mos jetë vëzhguese, sanksionoi Rusinë për luftën në Ukrainë
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA