

Sport
Bushi: Synojmë tri pikë ndaj Andorrës
Bushi shprehet se përfaqësuesja e 21-vjeçarëve është e motivuar për të bërë një ndeshje të mirë.
Published
4 years agoon
By
Betim GashiTrajneri i Kombëtares U-21, Alban Bushi ka dalë sot në konferencë për mediat, ku ka folur për sfidat e radhës në eliminatoret e Europianit 2023. Kuqezinjtë do të luajnë të enjten ndaj Andorrës në “Elbasan Arena”, teksa 4 ditë më pas do të sfidojnë Slloveninë po në Elbasan.
Duke iu përgjigjur pyetjeve të gazetarëve, Bushi shprehet se përfaqësuesja e 21-vjeçarëve është e motivuar për të bërë një ndeshje të mirë dhe për të lënë pas humbjen e fundit në Çeki. Tekniku thekson se në grupin e lojtarëve të thirrur ka elementë cilësorë të cilët mund të bëjnë diferencën dhe se objektivi i vetëm ndaj Andorrës është marrja e tre pikëve.
Gjithashtu, Bushi është i kënaqur me punën e bërë me ekipet kombëtare të moshave, që vitet e fundit kanë prodhuar shumë lojtarë të cilët tashmë japin kontributin e tyre në Kombëtaren A.
Sfida me Andorrën – Me Andorrën brenda një viti e gjysmë kemi luajtur 3 ndeshje, dy i kemi fituar dhe një kemi marrë barazim atje. Është një ekip që ne e kemi vlerësuar maksimalisht, si nga ana e stafit, po ashtu edhe lojtarët. E shohim si të kemi Gjermaninë përballë, mezi e presim si ndeshje për të thënë që nuk jemi ne ata që kemi humbur në Çeki, por ishte një humbje momentale dhe ekipi duhet të reagojë dhe kjo ndeshje ka një domethënie të madhe. Ashtu si Andorra, edhe ne jemi një ekip modest, por ne kemi shpirtin e garës dhe luftën për të fituar një ndeshje e kemi shumë të madhe. Nëse na mungon kjo atëherë kemi probleme. Mendoj se këtë radhë nuk do të na mungojë.
Mungesa e Çepeles? – Prandaj është ekip Kombëtar, pasi ka alternativa. Ata janë lojtarë cilësorë, si Çepele ashtu edhe Ismajlgeci, mendoj se e kemi kontingjentin për t’i zëvendësuar, që janë të një niveli shumë të mirë, kështu që nuk kemi probleme.
Puna me moshat – Ekipet e moshave kanë si objektiv për të furnizuar ekipin e parë, por ne kemi edhe objektivat tona personale dhe objektive. Çdo ndeshje duhet të fitohet, kemi bërë shumë mirë në këtë aspekt, pasi edhe vitin e kaluar kemi dalë në vendin e tretë dhe kemi marrë 14 pikë, si asnjëherë më parë, por kemi furnizuar edhe ekipin e parë, ku ka mbi 20-25 lojtarë të ekipit Shpresa, këto 4-5 vitet e fundit, një punë e bërë mjaft mirë nga Federata Shqiptare dhe nga Drejtoria Teknike, një punë disa vjeçare dhe është bërë shumë mirë. Objektivi që ne të zëmë një vend të mirë këtë edicion, sepse kemi bërë mirë edicionin e kaluar qëndron, pavarësisht humbjes në Çeki. Kemi bërë dy ndeshje, ku një e kemi fituar dhe një e kemi humbur dhe kjo është ndeshja e tretë. Jemi brenda objektivave, pavarësisht se kemi shumë mungesa, për shkak të pandemisë dhe sepse ka lojtarë në ekipin e parë. Por kjo nuk ka rëndësi sepse edhe ata që i zëvendësojnë janë lojtarë shumë të mirë dhe do bëjnë më të mirën, për t’i fituar këto ndeshje që janë shumë të rëndësishme për ne.
Sllovenia? – Do të jetë një kundërshtar i vështirë, por vëmendja dhe objektivi janë tre pikët me Andorrën.
Elementët nga kampionati shqiptar? – Ne mundohemi që t’i japim afrojmë lojtarët që janë në kampionatin shqiptar, për moshën e caktuar që kanë dhe që mund të luajnë me në. Por ka lojtarë inteligjentë dhe jo inteligjentë. Çdo lojtar duhet të kuptojë që kur thirret nga ekipi Kombëtar, nuk është e rëndësishme që të luajë patjetër, por thjesht ty të ka ardhur ftesa, që do të thotë të përfaqësosh 20 më të mirët e Shqipërisë. Duhet ta shohë nga ana pozitive dhe duhet të jetë stimul për ata. Ka edhe nga ata që e kuptojnë këtë, por edhe nga ata që nuk e kuptojnë. Jam munduar që t’i stimuloj dhe që ta vlerësojnë Kombëtaren më shumë, pasi shoh që edhe në Kombëtaren A shkojnë lojtarë edhe të moshave të vogla. Që do të thotë se kanë cilësi, si Broja, Kumbulla, Muçi.
Refuzimi i ftesës nga Kombëtarja? – Ego nga çdo lojtar mund të ketë, por kjo duhet kthyer në anën pozitive, ne si trajner duhet t’i menaxhojmë mirë situatat sepse janë delikate dhe mund të prishim edhe grupin. Jam munduar që edhe tek ekipi Shpresa, nuk është se kam pasur shumë probleme. Kam pasur gjëra të vogla por e merr një lojtar dhe e motivon dhe ka nga ata që e kanë kuptuar dhe nuk kanë pasur probleme. Unë do të doja që të kisha kështu lloj problemesh kur një lojtar e ndjen veten shumë të fortë dhe kërkon që të luajë, por këtë duhet të ma tregojë me lojë dhe jo vetëm me fjalë dhe kjo është diçka e mirë. Ne si ballkanas e kemi këtë, por është menaxheri ai që menaxhon të gjithë grupin që mos të kemi situata të tilla.
Mendoj që humbjet nuk sjellin gjëra negative, kështu mendoj unë dhe këtë i kam transmetuar edhe lojtarëve. Çdo humbje ka gjërat pozitive që ne kemi mësuar shumë nga humbja me Çekinë, kemi parë defektet se pse kemi humbur. Disa lojtarë nuk kanë dhënë maksimumin pas golit të dytë, ky është futbolli. Ne nuk duhet të ulim kokën por duhet të vazhdojmë përpara për ta kthyer ndeshjen. Siç kemi bërë edhe me Andorrën në ndeshjen e kaluar në Elbasan. Mendoj se si humbjet edhe fitoret duhet t’i harrojmë dhe këtë i them edhe çunave, pasi edhe nëse fitojmë kjo harrohet pas 24 orëve. Ky është futbolli, duhet të kesh vazhdimësi. Gjithashtu, edhe humbjet. Mendoj se nesër do të bëjmë shumë mirë.
Lajmet
Ronaldo mohon ndikimin në transferimin e Joao Felix te Al-Nassr
Published
5 hours agoon
August 8, 2025By
UBT News
Sulmuesi portugez, Cristiano Ronaldo ka hedhur poshtë pretendimet se ka ndihmuar Al-Nassr të “vjedhë” Joao Felix nga Benfica.
Ronaldo i cili tashmë po nis sezonin e tretë në Ligën Profesionale Saudite, theksoi se vendimi për të ardhur në Riad ishte tërësisht i Felix-it.
Felix u transferua këtë verë nga Chelsea, pasi kaloi gjysmën e dytë të sezonit të kaluar në huazim te AC Milan. Megjithëse kishte oferta nga disa klube, përfshirë mundësinë e një rikthimi te Benfica, Felix zgjodhi të vazhdojë karrierën në Lindjen e Mesme.
“Vjedhja është formë e keqe; askush nuk i ka vjedhur kurrë asgjë Benficas,” tha Ronaldo. “Joao është shumë i talentuar dhe do të na ndihmojë shumë në ligën saudite, e cila është shumë konkurruese. Mendoj se ishte një mundësi më e mirë për të sesa të luante në Portugali, duke parë numrin e yjeve që ka këtu. Ta telefonoj për ta bindur? Unë nuk e bëj këtë, nuk është puna ime.”, tha Ronaldo.
Ronaldo dhe Felix luajtën së bashku edhe në miqësoren e fundit para sezonit, ku Al-Nassr fitoi 4-0 ndaj Rio Ave dhe “CR7” shënoi një tregolësh. Skuadra e tyre po përgatitet për fillimin e edicionit të ri 2025-26 në kampionatin saudit.
Lajmet
Arsenali i futet garës për objektivin e madh të Interit
Published
6 hours agoon
August 8, 2025By
UBT News
Ademola Lookman mbetet në qendër të merkatos së verës ku sipas “The Sun”, Arsenali ka ringjallur interesin për sulmuesin e Atalantës, duke u futur në garë me Interin, me të cilin bisedimet kanë ngecur.
“Topçinjtë” po kërkojnë përforcime në sulm me tipare të ndryshme nga Viktor Gyökeres, objektivi kryesor i Artetës për rolin e qendërsulmuesit.
Përveç Lookmanit, londinezët po ndjekin edhe Eberechi Eze të Crystal Palace dhe Rodrygo të Real Madridit, megjithëse afrimi i brazilianit shihet si i ndërlikuar për arsye financiare. Lookman ka impresionuar me 20 gola sezonin e kaluar, duke rritur vlerësimin në treg.
Në Bergamo, drejtuesit e Atalantës po shqyrtojnë masa disiplinore ndaj lojtarit, ndërsa drejtori ekzekutiv Luca Percassi ndodhet në Londër për çështje pune, përfshirë kërkimin e një zëvendësuesi për Retegui. Interi ndërkohë shpreson ende të sigurojë shërbimet e nigerianit, të cilin e sheh si përforcimin e vetëm që mund të bëjë diferencën menjëherë.
Lajmet
“Fadil Vokrri” ndez dritat për Ballkanin sonte
Published
1 day agoon
August 7, 2025By
UBT News
Ballkani dhe Shamrock Rovers do të përballen sonte në mbrëmje në ndeshjen e parë të raundit të tretë kualifikues të Ligës së Konferencës në stadiumin “Fadil Vokrri”.
Të dyja ekipet bënë një punë relativisht të lehtë ndaj kundërshtarëve të tyre përkatës në raundin e mëparshëm për t’u ofruar dy ndeshje nga një vend në Fazën e Ligës.
Pas dy paraqitjeve në fazën e grupeve në Ligën e Konferencës midis viteve 2022 dhe 2024, Ballkani është përpjekur për një tjetër përvojë në fazën kryesore të një kompeticioni evropian që atëherë.
Megjithatë, ata u eliminuan në fazën e raundit të tretë kualifikues në sezonin 2024-25, duke humbur në penallti ndaj ekipit Larne të Irlandës Veriore, dhe tani përballen me kundërshtarë përtej kufirit irlandez në të njëjtin raund.
Skuadra kosovare fitoi me rezultatin e përgjithshëm 5-3 kundër skuadrës malteze Floriana në raundin e mëparshëm, një fitore 4-2 në ndeshjen e parë që i siguroi atyre epitetin e favoritit për ndeshjen e kthimit.
Shamrock Rovers ka ndjekur një rrugë të ngjashme, duke fituar katër trofe të Ligës së Irlandës radhazi përpara se të përfundonin në vendin e dytë në vitin 2024. Megjithatë, ata janë në rrugën e duhur për të rifituar kurorën e tyre, pasi kanë hapur një epërsi prej 10 pikësh në krye të renditjes pas 26 ndeshjesh.
Në të gjitha garat, skuadra e Stephen Bradley ka triumfuar në pesë nga gjashtë ndeshjet e fundit, duke mbajtur portën të paprekur në pesë ndeshje radhazi.
Ndeshja nis nga ora 20:30 në stadiumin “Fadil Vokrri” në Prishtinë.

CSB dhe Drita zbresin në fushë sonte në sfidën e parë të raundit të tretë kualifikues të Ligës së Evropës.
Të dyja ekipet kërkojnë të lënë pas zhgënjimin e eliminimit nga Champions League. FCSB u ndal nga Shkëndija e Tetovës, ndërsa kampionët e Kosovës u mposhtën nga Copenhageni.
Kjo përballje paraqet një mundësi të re për të rikthyer entuziazmin dhe për të vazhduar rrugëtimin evropian.
Rumunët, me përvojë më të madhe dhe emra të spikatur në përbërje, konsiderohen favoritë në letër.
Megjithatë, Drita ka treguar se nuk i druhet emrave të mëdhenj dhe se di të luajë me guxim edhe ndaj rivalëve më të fortë. Objektivi i skuadrës gjilanase është të nxjerrë një rezultat pozitiv nga Bukureshti për të mbajtur gjallë shpresat para ndeshjes së kthimit në shtëpi.
Të dyja ekipet vuajnë nga mungesat. FCSB nuk do të ketë në dispozicion mbrojtësin Ngezana dhe mesfushorin Tanase, të pezulluar, ndërsa Radunovic është jashtë për shkak të lëndimit. Në dyshim janë edhe Olaru dhe sulmuesi i njohur Alibec.
Në anën tjetër, edhe Drita ka mungesa të rëndësishme si sulmuesi Liridon Balaj mungon për shkak të kartonit të kuq ndaj Copenhagenit, ndërsa Juan Mesa është jashtë fushave për një kohë të gjatë për shkak të një dëmtimi serioz në ligamentet e gjurit.
Ndeshja zhvillohet në “Arena Kombëtare” të Bukureshtit, me fillim nga ora 20:30.

Vendimi i gjykatës: Popoviq dëbohet nga Kosova

Qeveria në detyrë merr këto vendime në mbledhjen e radhës

Kurti takoi ambasadorët e QUINT-it dhe shefin e Zyrës së BE-së në Kosovë

Partitë politike komentojnë vendimin e Gjykatës Kushtetuese për konstituimin e Kuvendit

Tsutomu Yamaguchi – i mbijetuar dy herë nga bombat atomike

Ministri Sveçla priti në takim të ngarkuarin me punë në Ambasadën e Japonisë në Kosov

Gjykata Kushtetuese: Kuvendi duhet ta zgjedhë kreun e ri me votimi të hapur

Jeni nën ndikimin e barnave? Ja pse nuk duhet të vozisni

E re në WhatsApp: Dërgoni mesazhe edhe te ata që nuk e kanë aplikacionin
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit