Lajmet

​Biden mbërrin në Poloni

Biden do të vizitojë ushtarët amerikanë nga Divizioni i 82-të Ajror.

Published

on

Presidenti i SHBA-së, Joe Biden ka zbarkuar në Rzeszow, Poloninë juglindore, ku do të takohet me OJQ-të që mbështesin refugjatët ukrainas dhe do të vizitojë trupat amerikane të stacionuara në Poloni përpara se të niset për në Varshavë.

Biden do të vizitojë ushtarët amerikanë nga Divizioni i 82-të Ajror, ndërsa homologu i tij polak, Andrzej Duda, do të inspektojë trupat nga Divizioni i 18-të i Mekanizuar i Polonisë.

Ardhja e Biden shënon fillimin e një vizite dyditore në Poloni pas një vizite në Bruksel, ku ai mori pjesë në një samit të jashtëzakonshëm të NATO-s, një takim të Këshillit Evropian dhe një samit të G7 të enjten, ndërsa liderët perëndimorë po përpiqen të harmonizojnë politikat e tyre përballë Agresioni i Rusisë kundër Ukrainës.

Duke shpjeguar arsyetimin pas vizitës së Bidenit në Poloni, këshilltari i sigurisë kombëtare i SHBA-së, Jake Sullivan, përsëriti rolin e Polonisë si një vend në krahun e NATO-s dhe pritjen e saj të forcave të armatosura amerikane.

Sipas Sullivan, Biden mund të diskutojë ndryshimet afatgjata në dislokimet e trupave të NATO-s në krahun lindor të aleancës.

Më vonë të premten, presidenti amerikan do të shkojë në Varshavë. Bisedimet e tij me Duda-n do të vazhdojnë të shtunën.

Gjithashtu të shtunën, Biden do të mbajë një fjalim në Kështjellën Mbretërore në Varshavë.

Piotr Mueller, zëdhënësi i qeverisë polake, tha të premten në mëngjes se Biden do të vizitojë gjithashtu Stadiumin Kombëtar në Varshavë, i cili është kthyer në një pikë ndihme për refugjatët ukrainas, për të parë se si ofrohet ndihma për ata që kanë ikur nga lufta.

Një sërë zyrtarësh amerikanë kanë vizituar Poloninë kohët e fundit, duke përfshirë zëvendëspresidenten e SHBA-së, Kamala Harris, sekretari i mbrojtjes, Lloyd Austin dhe sekretarin e shtetit, Antony Blinken.

Vizita e Biden do të jetë e 14-ta e një presidenti amerikan në Poloni. /KosovaPress – PAP/

Botë

Të paktën 69 persona të vdekur nga tërmeti në Filipine

Published

on

Të paktën 69 persona kanë vdekur dhe janë plagosur shumë të tjerë nga një tërmet i fuqishëm goditi Filipinet qendrore me magnitudë 6.9 ballë.

Qeveria tha se po bëjnë përpjekje për të kërkuar të mbijetuar dhe për të rivendosur furnizimin me energji elektrike dhe ujë.

Të paktën 14 banorë vdiqën dhe spitali u mbingarkua në Bogo, një qytet bregdetar në provincën Cebu me një popullsi prej rreth 90,000 banorësh, i cili ndodhet afërsisht 19 kilometra nga epiqendra e tërmetit të cekët.

Në San Remigio, gjithashtu pranë Bogos, pesë persona u vranë nga shembja e mureve ndërsa po përpiqeshin të iknin nga një ndeshje basketbolli që po ndiqnin kur goditi tërmeti, tha kryebashkiaku i qytetit Alfie Reynes për mediat lokale.

Reynes bëri thirrje për ushqim dhe ujë, pasi sistemi i ujit të San Remigios ishte dëmtuar nga dridhjet, si dhe pajisje për përpjekjet e kërkim-shpëtimit/S.K/EO/Euronews/

Continue Reading

Aktualitet

28 vjet nga protestat studentore në Prishtinë

Published

on

Sot mbushen 28 vjet nga protestat e Lëvizjes Studentore të 1 tetorit 1997, koha kur studentët e Universitetit Paralel asokohe të Prishtinës, protestuan për të drejtat e tyre, dhe për të drejtat e njeriut kosovar në Kosovën e atëhershme.

Ishte Lëvizja Studentore e atëhershme që organizoi protestat, të cilat u organizuan për të kundërshtuar pushtimin e Kosovës nga Serbia dhe kthimin e studentëve në objektet universitare, nga ku studentët ishin dëbuar nga regjimi i kasapit Slobodan Millosheviq në fillim të viteve të 90-ta.

Lëvizja Studentore e 1997 e drejtuar nga Bujar Dugolli, Milot Cakaj, Muhamet Mavraj, Driton Lajçi, Hajrullah Koliqi, Fetah Jagxhiu, Ahmet Gecaj dhe Albin Kurti, e përkrahur dhe nga rektori i Universitetit të Prishtinës, Ejup Statovci, si dhe nga disa profesorë, i pati dhënë fund politikës paqësore të popullit shqiptar ndaj regjimit serb.

Përpos masave të dhunshme që regjimi kishte vendosur vite më parë në universitet, dëboi studentë e profesorë nga universiteti dhe imponoi plan-programin serb për mësim.

Këto protesta konsiderohen si një ndër aktet më të rëndësishme të asaj kohe, mirëpo të shpërndarë protestën paqësore, policia serbe përdori dhunë ndaj studentëve dhe profesorëve. /S.K/KP/KultPlus/

Continue Reading

Lajmet

​Real Madridi shënon fitore të thellë në Ligën e Kampionëve, shkëlqen Mbappe

Published

on

Real Madridi ka triumfuar në fazën e grupeve të Ligës së Kampionëve me rezultat bindës 5-0 në transfertë kundër skuadrës Kairat Almaty. Ndeshja nisi me dominim të plotë të “Los Blancos”, të cilët e zhbllokuan rezultatin në minutën e 25-të me golin e Kylian Mbappé.

Francezi vazhdoi të ishte protagonist edhe në pjesën e dytë, duke shënuar golin e dytë në minutën e 52-të pas një aksioni të bukur të nisur nga Courtois.

Në minutën e 74-të, ai kompletoi dopietën personale, kësaj here me asistim nga Arda Güler, duke e çuar rezultatin në 3-0.

Në minutën e 83-të, Eduardo Camavinga u regjistrua në listën e realizatorëve pas një kombinimi me Rodrygon, ndërsa goli i pestë dhe i fundit erdhi në kohën shtesë (90’+3), kur Brahim Díaz përfitoi nga pasimi i Garcia-s dhe vulosi fitoren madhështore të madrilenëve.

Me këtë rezultat, Real Madridi jo vetëm që mori tre pikë të rëndësishme, duke arritur në gjashtë sosh pas dy ndeshjeve, por gjithashtu dërgoi një mesazh të qartë për rivalët se mbetet ndër favoritët kryesorë për trofeun e këtij edicioni të Ligës së Kampionëve.

Fitore të rëndësishme regjistroi edhe skuadra e Berat Gjimshitit, Atalanta, e cila triumfoi kundër Club Brugge me rezultat 2 me 1.

Liga e Kombeve (UEFA Nations League) nisi në shtator 2018. “Nations League” është organizuar nga UEFA dhe aty marrin pjesë kombëtaret e Europës — secila skuadër e vendeve që janë anëtare të UEFA-s./S.K/KP/

Continue Reading

Aktualitet

​Aksident i rënë në Besi, lëndohet motoçiklisti

Published

on

Një aksident i rëndë trafiku ka ndodhur mbrëmë në fshatin Besi të Prishtinës, ku si pasojë ngasësi i motoçikletës ka pësuar lëndime të rënda trupore.

Në aksident kanë qenë të përfshirë një automjet dhe një motoçiklistë, teksa janë parë qytetarët janë mbledhur për t’ia dhënë ndihmën e parë.

Nga Policia e Kosovës ende nuk ka njoftim zyrtar./S.K/KP/

Continue Reading

Të kërkuara