Kronikë e zezë

​Arrestohet një 36-vjeçar në Sojevë të Ferizajt

Ai është dërguar në vuajtje të dënimit.

Published

on

Një 36 vjeçar është arrestuar në fshatin Sojevë të Ferizajt. Ai ishte i kërkuar për veprën penale “Vjedhje” me dënim burimi prej një muaji.

Drejtoria e Policisë së Kosovës për Rajonin e Ferizajt ka njoftuar se ai tashmë është dërguar në vuajtje të dënimit.

“Stacioni policor në Ferizaj nga Drejtoria Rajonale e Policisë në Ferizaj, në bazë të një informacioni inteligjent , ka arritur që mbrëmë në ora 21:30 në fshatin Sojevë të Ferizajt të ndalojë dhe të arrestojë një person me inicialet B.A (M/K) i moshës 36 vjeçar. Ai ishte i kërkuar në bazë të urdhëresës së Gjykatës Themelore në Ferizaj , për veprën penale ‘Vjedhje’ me dënim burgimi prej një (1) muaji. Pas kompletimit të dokumentacionit, i njëjti është dërguar në vuajtje të dënimit. Drejtoria Rajonale e Policisë në Ferizaj , do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës”, thuhet në komunikatën për medie nga policia. 

Aktualitet

Dy të vdekur në një aksident në Zajm të Klinës

Published

on

Dy persona kanë vdekur dhe dy të tjerë të lënduar si pasojë e një aksidenti që ka ndodhur sot në rrugën Pejë-Prishtinë, konkretisht në Zajm të Klinës.

Lajmin e ka konfirmuar zëdhënësi i policisë për rajonin e Pejës, Fadil Gashi.

Dy të lënduarit po trajtohen në spitalin rajonal të Pejës”, konfirmoi Gashi.

Aksidenti ka ndodhur rreth orës 5 të mëngjesit, ndërsa kanë qenë të përfshirë një kamion transportues, një kombi dhe një veturë./S.K/KP/PK

 

Continue Reading

Aktualitet

​Policia sekuestron armë në një vilë në Brezovicë, i dyshuari në arrati

Published

on

Njësia e hetimeve e Stacionit Policor në Shtërpcë, në bashkëpunim me njësinë e hetimeve të Stacionit Policor “Qendra” në Prishtinë, ka zhvilluar një aksion hetimor në fshatin Brezovicë lidhur me dyshime për mbajtje të paautorizuar të armëve.

“Gjatë kontrollit të realizuar në një vilë në zonën turistike të Brezovicës, janë gjetur dhe sekuestruar një pushkë automatike, dy pushkë ajrore, pesë karikatorë për pushkë automatike, njëzet e një fishekë të kalibrave të ndryshëm”, thuhet në njoftimin e Policisë.

Sipas raportit policor, rasti është iniciuar si “Mbajtje në pronësi, kontroll ose posedim i paautorizuar i armëve”, ndërsa është njoftuar edhe Prokurori i Shtetit, i cili ka urdhëruar procedim të mëtejmë ligjor.

Po ashtu, policia ka bërë të ditur se i dyshuari nuk është kapur në vendngjarje gjatë kontrollit dhe aktualisht është në kërkim nga autoritetet./S.K/KP/

Continue Reading

Aktualitet

Tre të lënduar në një aksident trafiku në Prishtinë

Published

on

Tre persona kanë mbetur të lënduar në një aksident që ndodhi mëngjesin e sotëm rreth orës 08:30 në rrugën “Jusuf Gërvalla” në Prishtinë.

Sipas Policisë, në aksidentin  në afërsi të rrethit me flamur, u përfshinë tri vetura dhe të lënduarit morën trajtim mjekësor.

Rasti po hetohet nga Njësia e Trafikut të Kryeqytetit.

“Sot rreth orës 08:30 kemi pranuar informatën për një aksident trafiku me lëndime në rrugën “Jusuf Gërvalla” në Prishtinë. Në aksident janë përfshirë tri vetura. Si pasojë lëndime kanë pësuar tre persona, të cilët kanë pranuar tretman mjekësor. Me rastin po merret Njësia e Trafikut të Kryeqytetit”, thuhet në përgjigjen e policisë./S.K/EO/PK/

Continue Reading

Aktualitet

​Policia arreston tre persona që ishin në kërkim nën dyshimin për vrasje në tentativë

Published

on

Policia e Kosovës ka arrestuar tre persona të cilët ishin në kërkim si të dyshuar për vrasje në tentativë. Rasti kishte ndodhur më 13 shtator lagjen “Arbëria” në Prishtinë.

Personat e arrestuar janë J.B, H.A, A.K, të gjithë shtetas të Kosovës.

Njësiti i hetimeve të përgjithshme, përveç arrestimeve, ka sekuestruar edhe dy armë zjarri.

“Personat e dyshuar kanë qenë në kërkim nga ana e policisë, për një rast vrasje ne tentativë, shkaktim i rrezikut te përgjithshëm, që ka ndodhur me datën 13.09.2025, në lagjen Arbëria në Prishtinë”, tha Policia në raportin 24-orësh.

Të dyshuarit, me vendim të prokurorit janë dërguar në qendrën e mbajtjes.

“Ndaj tyre janë iniciuar procedurat për veprat: Shkaktim i rrezikut të përgjithshëm dhe armëmbajtje pa leje, ndërkohë që për veprën Vrasje në tentativë policia është në kërkim të dy personave të dyshuar të cilët tashmë janë identifikuar”, bëri të ditur Policia e Kosovës të premten, më 19 shtator./S.K/KP/PK/

Continue Reading

Të kërkuara