Kronikë e zezë

Aksion antidrogë në rajonin e Dukagjinit, shtatë të arrestuar

Aksioni po vazhdon.

Published

3 years ago

September 28, 2022

Betim Gashi

Qysh në orët e hershme të mëngjesit njësitet policore të Kosovës me urdhër të Prokurorisë Themelore në Pejë kanë nisur një aksion anti-drogë në zonën e Dukagjinit. Deri më tani janë prangosur shtatë persona, derisa aktualisht aksioni po vazhdon.

Kështu ka bërë të ditur përmes telefonit zëdhënësi i Prokurorisë Themelore në Pejë, Shkodran Nikqi i cili deklaroi se deri tani janë bastisur 10 lokacione nën dyshimin për narkotikë, me ç’rast janë sekuestruar edhe sasi të ndryshme të llojeve të drogave.

Niqki po ashtu u shpreh se aktualisht në një plantacion rreth 180 bimë të llojit kanabis janë duke u asgjësuar me urdhër të Prokurorit të Shtetit.

“Në orët e hershme të mëngjesit me urdhër të Prokurorisë Themelore të Pejës përkatësisht nga departamenti i krimeve të rënda, prokuror i shtetit është Ersan Qavolli që është bartës i këtij hetimi. Janë bastisur dhjetë lokacione nën dyshimin për narkotikë, me ç’rast janë sekuestruar sasi të ndryshme të llojeve të narkotikëve përfshirë kanabis dhe kokainë dhe prova të tjera materiale të cilat do të shërbjenë për ndriçimin e kësaj çështje penale. Aktualisht në një plantacion janë diku 180 bimë kanabis të cilat janë duke u asgjësuar nga njësitë relevante policore me urdhër të Prokurorit të Shtetit”, tha Nikqi.

Zëdhënësi i Prokurorisë Themelore të Pejës, Shkodran Niqki tha se deri tani në pranga kanë përfunduar shtatë persona, dhe se aksioni po vazhdon.

“Deri në këto momente janë të arrestuar shtatë persona….Aksioni është duke vazhduar aktualisht jemi në një plantacion ku është bërë prerja e rreth 100 bimëve në një plantacion që dyshohet se janë të llojit kanabis dhe të njëjtat janë duke u asgjësuar nga njësit relevante policore”, theksoi ai.

Lajmet

Supremja lë në fuqi burgimin e përjetshëm për Dardan Krivaqën

Published

6 hours ago

February 27, 2026

UBTNews

Gjykata Supreme ka vërtetuar dënimin me burgim të përjetshëm ndaj Dardan Krivaqës për vrasjen e Marigona Osmanit, duke lënë në fuqi vendimet e shkallës së parë dhe të dytë.

Sipas Supremes, gjykatat më të ulëta kanë analizuar në detaje të gjitha provat, përfshirë dëshmitë, raportet e ekspertizës, provat materiale dhe video-incizimet nga banesa ku qëndronin i akuzuari dhe viktima. Nga këto prova është konstatuar se viktima kishte pësuar lëndime të rënda si pasojë e dhunës së ushtruar nga i akuzuari.

Raporti i autopsisë dhe ekspertët mjeko-ligjorë kanë vërtetuar se vdekja erdhi si pasojë e lëndimeve të shumëfishta trupore të shkaktuara me mjet të fortë, duke mbështetur kualifikimin e veprës si vrasje e kryer në mënyrë mizore.

Gjykata Supreme rrëzoi edhe pretendimet e mbrojtjes për parregullsi procedurale, ekspertizë psikiatrike dhe ndikim të substancave narkotike, duke theksuar se i akuzuari ka qenë i aftë të kuptojë veprimet e tij në momentin e kryerjes së krimit.

Kronikë e zezë

Gjendet pa shenja jete një burrë në Dragash

Published

10 hours ago

February 27, 2026

UBTNews

Një burrë është gjetur pa shenja jete në fshatin Krstaci i Epërm në Dragash, bëhet e ditur në raportin 24-orësh të Policisë se Kosovës.

Sipas njoftimit, viktima është gjetur i shtrirë në rrugë, pranë shtëpisë së tij. Në vendin e ngjarjes kanë dalë njësitë emergjente, të cilat kanë konstatuar vdekjen.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti është iniciuar si “Hetim i vdekjes”.

Kronikë e zezë

Arrestohet i mituri në Vushtrri për ngacmim seksual ndaj një të miture

Published

10 hours ago

February 27, 2026

UBTNews

Një rast i ngacmimit seksual është raportuar në Vushtrri, sipas raportit 24-orësh të Policisë.

Sipas njoftimit, një e mitur ka raportuar se është ngacmuar seksualisht në ashensorin e një objekti banesor nga një i mitur mashkull kosovar.

Palët janë intervistuar nga policia, ndërsa me vendim të prokurorit i dyshuari është arrestuar dhe dërguar në mbajtje.

Rasti është iniciuar si “Ngacmim seksual”.

Një rast i ngacmimit seksual është raportuar në Vushtrri, sipas raportit 24-orësh të Policisë.

Sipas njoftimit, një e mitur ka raportuar se është ngacmuar seksualisht në ashensorin e një objekti banesor nga një i mitur mashkull kosovar.

Palët janë intervistuar nga policia, ndërsa me vendim të prokurorit i dyshuari është arrestuar dhe dërguar në mbajtje.

Rasti është iniciuar si “Ngacmim seksual”.

Kronikë e zezë

Katër raste të dhunës në familje brenda dy ditësh, disa persona në mbajtje

Published

10 hours ago

February 27, 2026

UBTNews

Disa raste të ndara të dhunës në familje janë raportuar në Prishtinë, Malishevë dhe Deçan, sipas raportit 24-orësh të Policisë se Kosovës.

Në një rast në Prishtinë, një grua dyshohet se është sulmuar nga vëllai i saj pas një mosmarrëveshjeje familjare. Viktima ka pranuar tretman mjekësor, ndërsa i dyshuari nuk është hasur nga policia dhe gjendet në arrati.

Po ashtu në një rast tjetër në Prishtinë, pas një konflikti familjar janë përfshirë në rrahje një motër dhe vëlla. Të dy kanë pranuar tretman mjekësor, ndërsa pas intervistimit, me urdhër të prokurorit, janë liruar në procedurë të rregullt hetimore.

Në fshatin Llashkadrenoc të Malishevës, është arrestuar një grua e dyshuar për dhunë në familje dhe, me vendim të prokurorit, është dërguar në mbajtje.

Ndërkaq, në Deçan, një burrë ka raportuar se ndihet i shqetësuar dhe i kanosur nga djali i tij i mitur, pas një seance në prokurori. I dyshuari është arrestuar dhe me vendim të prokurorit është dërguar në mbajtje për 24 orë.