Lajmet

​AAK kërkon që rishikimi i buxhetit të bëhet me urgjencë

Sipas Tahirit, me qeverinë Kurti ekonomia e Kosovës ka rënien më të ulët në historinë e vendit.

Published

2 years ago

on

Aleanca për Ardhmërinë e Kosovës kërkon që me urgjencë të bëhet rishikimi i buxhetit të Kosovës.

Kështu ka bërë të ditur shefi i grupit parlamentar të AAK-së, Besnik Tahiri, në emër të partisë inicuese të interpelancës për ministrin e Financave, Hekuran Murati.

Sipas Tahirit, me qeverinë Kurti ekonomia e Kosovës ka rënien më të ulët në historinë e vendit dhe se trendet e vitit 2023 tregojnë për gjendje edhe më të keqe.

“Duke iniciuar iniciativën tonë për fillimin e menjëhershëm të procedurës për rishikimin e buxhetit 2023 për shkak të dy shqetësimeve që i ka vendi në rrafshin qeverisës atë të dështimit të plotë të investimeve kapitale dhe njëkohësisht të ngritjes së koeficientit nga 105 në 129 euro. Ekonomia e Kosovës siç po shihet dhe dihet ka rënien më të ulët në historinë e vetë, ajo në vitin 2021 ka pasur ngritje vetëm 3% përderisa trendet e vitit 2023 janë edhe më të këqija këto janë vlerësime nga FMN dhe Banka Botërore dhe me dinamikën që e kemi këtë vit mund të pritet që vendi dhe ekonomia të bie në një kolapsin dhe dështim të plotë“, ka thënë ai.

Tahiri ka thënë se menaxhimi i fondeve publike për dy vjet e gjysmë nga qeveria Kurti është i dobët, jo profesional, partiak e politik.

“Menaxhimi i fondeve publike në këto dy vite e gjysmë të qeverisë Kurti ishte i dobët jo profesional partiak e politik e mbi të gjithë i dëmshëm për vendin. Në vitin 2021 nga Fondi i investimeve kapitale të përcaktuara me buxhet në shumë prej 622 milionë euro janë realizuar vetëm 419 milionë euro pra nën shpenzimi ka 203 milionë euro për vitin 2021, ndërsa për vitin 2022 shuma ka qenë 704 milionë euro e janë realizuar vetëm 419 milionë euro, pra nënshpenzimi për vitin 2022 ka qenë 285 milionë euro. Për dy vite qeverisjes Kosova dhe kjo qeveri nuk ka arritur t’i shpenzoj gjysmë miliardë euro, pra 500 milionë euro nuk janë shpenzuar. Për më keq nëse e shohim inflacionin konsiderohet se këto dështime kanë ndodhur dhe fondet publike janë dëmtuar dhe zhvlerësimi i tyre është në 200 milionë euro”, ka thënë ai.

Deputeti i AAK-së ka theksuar se me ligjin për paga i cili është dështim total ka krijuar pakënaqësi tek të gjitha kategoritë.

Ai kërkoi që me urgjencë të bëhet rishikimi i buxhetit.

“Qeveria Kurti në këtë mandat për dy vite e gjysmë nuk ka arritur as t’i plotësoj vendet e reja të punës që i ka 700 mijë e 225 vende vakante të parapara me ligjin e buxhetit të buxhetuar i ka në administratë shtetërore çka po pret a po e pret me kaluar ligji për zyrtarët publik dhe me i punësua politikisht cila është arsyeja që qeveria nuk i përmbush këto vende vakante. Për AAK katrahura që është krijuar nga ligji i pagave i cili është dështim total i cili nuk ka prek as në esencë edhe tek ato kategori që kanë pas rritje janë të pakënaqur tregon kulturën, menaxhimin, qasjen që ka kjo qeveri. Ne kërkojmë që rishikimi i buxhetit duhet të ndodh me urgjencë për eliminimin e disproporcioneve dhe mangësive që në theks të veçantë e kanë tek koeficienti. Në fondin e pagave duhet të ketë një rritje prej 23% që nënkupton nga 745 milionë e 916 milionë euro, pra 170 milionë euro gjithsej”, ka theksuar ai.

Related Topics:
Continue Reading

Lajmet

​Deputetët mblidhen sërish sot për seancën konstituive

Published

26 minutes ago

on

June 4, 2025

By

Deputetët e Kuvendit të Kosovës do të mblidhen sërish sot në përpjekjen e radhës për konstituimin e legjislaturës së nëntë. Ky është tentimi i njëzet e gjashtë me radhë që prej 15 prillit kur ka nisur seanca konstituive.

Vendi është zhytur në një ngërç politik pasi që Kuvendi nuk po bëhet, rrjedhimisht as qeveri të re nuk mund të ketë.

Tashmë për disa seanca me radhë deputetët po refuzojnë të formojnë një komision për mbikëqyrjen e votimit të fshehtë për kryetarin e Kuvendit. Votimi i fshehtë është propozuar nga kryesuesi I seancës, deputeti i Lëvizjes Vetëvendosje, Avni Dehari, por është refuzuar nga partitë e tjera parlamentare.

Ideja për votim të fshehtë ka ardhur pasi kandidatja e partisë së parë të dalë nga zgjedhjet e 9 shkurtit, Lëvizjes Vetëvendosje – në koalicion me Guxo dhe Alternativa, Albulena Haxhiu nuk po arrin t’i marrë 61 votat e nevojshme për kryeparlamentare.

Çështja e votimit të fshehtë tashmë është edhe në Gjykatën Kushtetuese pasi është dërguar nga Aleanca për Ardhmërinë e Kosovës, e mbështetur edhe nga partitë e tjera që deri më tash ishin në opozitë.

Lëvizja Vetëvendosje po insiston në kandidaturën e Haxhiut, ndërkaq, partitë e tjera kanë deklaruar se nuk e mbështesin atë për kryetare të Kuvendit.

Thirrje për zhbllokim të ngërçit politik janë bërë brenda dhe jashtë Kosovës.

Presidentja e vendit, Vjosa Osmani ka mbajtur një takim më 15 maj me përfaqësues të partive politike, por as aty nuk ka pasur pajtim rreth konstituimit të Kuvendit.

Vazhdimi i seancës konstituive sot, më 4 qershor, pritet të bëhet nga ora 11:00.

Kuvendi do të mund të konstituohet vetëm pasi të zgjedhet kryetari dhe pesë nënkryetarët.

Më pas, i hapet rruga formimit të qeverisë së re.

Sipas rezultateve të zgjedhjeve parlamentare të 9 shkurtit, asnjë parti nuk e ka fituar shumicën për të qeverisur e vetme./KP

Continue Reading

Lajmet

Ambasada e Kosovës në Austri ka një njoftim për bashkatdhetarët

Published

35 minutes ago

on

June 4, 2025

By

Ambasada e Republikës së Kosovës në Austri ka njoftuar bashkatdhetarët se nga tani e tutje të gjitha shërbimet konsullore do të ofrohen vetëm me termin të caktuar paraprakisht përmes platformës elektronike zyrtare E-Kosova.

Në njoftimin e ambasadës theksohet se shërbime si lëshimi i pasaportave, letërnjoftimeve, certifikatave dhe dokumenteve të tjera do të realizohen vetëm për qytetarët që kanë rezervuar paraprakisht një takim online.

Caktimi i terminit bëhet përmes këtij linku:

Udhëzimet për caktimin e terminit janë si më poshtë:

Hyni në platformën eKosova

Zgjidhni opsionin Shërbimet Konsullore

Klikoni: Terminet për misionet diplomatike dhe konsullore të Republikës së Kosovës

Zgjidhni: Ambasada – Austria, Vjenë

Zgjidhni shërbimin e nevojshëm dhe përfundoni aplikimin

Qytetarët që kanë caktuar termin, duhet të paraqiten në adresën e Ambasadës së Republikës së Kosovës në Austri.

 

 

 

Continue Reading

Aktualitet

Sot mblidhen sërish deputetët, në tentativën e 26-të për konstituimin e Kuvendit

Published

2 hours ago

on

June 4, 2025

By

Sot do të mblidhen sërish deputetët, në tentativën e 26-të për konstituim të Kuvendit të Kosovës.

Tash e katër muaj në vend janë mbajtur zgjedhjet parlamentare, ndërsa vendi vazhdon të jetë në ngërç politik.

Lëvizja Vetëvendosje nuk heq dorë nga kandidatja për kryetare të Kuvendit, Albulena Haxhiu, e cila nuk ka përkrahjen e Partisë Demokratike të Kosovës, Lidhjes Demokratike të Kosovës dhe Aleancës për Ardhmërinë e Kosovës.

Kryesuesi i Kuvendit, që është njëherësh edhe deputeti më i vjetër, Avni Dehari ka vënë në procedurë votimin për Komision zgjedhor që do të mundësonte votim të fshehtë në Kuvend për kryetarin, por edhe ky proces është bllokuar në mungesë të kuorumit.

Çështjen e votimit të fshehtë, AAK e ka dërguar në Kushtetuese.

 

Continue Reading

Aktualitet

KEK thirrje bizneseve që kanë dalë në treg të hapur

Published

19 hours ago

on

June 3, 2025

By

Korporata Energjetike e Kosovës ka lëshuar një njoftim duke thënë se inkurajojnë të gjithë konsumatorët që ende nuk kanë siguruar furnizues të energjisë elektrike të lidhin kontrata komerciale me KEK.

“Korporata Energjetike e Kosovës (KEK sh.a.) inkurajon të gjithë konsumatorët që ende nuk kanë siguruar furnizues të energjisë elektrike, që të lidhin kontrata komerciale të drejtpërdrejta me KEK, për të siguruar furnizim të qëndrueshëm.”

KEK thotë se deri tani ka lidhur 15 marrëveshje komerciale.

“Sipas vendimit të Zyrës së Rregullatorit për Energji (ZRRE), KEK është e licencuar për furnizim në treg të hapur dhe deri më tani ka lidhur me sukses 15 marrëveshje komerciale, duke përfshirë edhe ndërmarrje publike strategjike.”

KEK ka listuar disa arsye se pse duhet të zgjidhet KEK’u si furnizues.

“Pse të zgjidhni furnizimin komercial direkt nga KEK?

·         Furnizimi nga Furnizuesi i Mundësisë së Fundit është një zgjidhje e përkohshme, me periudhë 60-ditore dhe çmime më të larta nga tregu.

·         Sipas udhëzimeve të ZRRE-së, konsumatorët që nuk zgjedhin furnizues kalojnë automatikisht te FMF për 60 ditë, ku çmimet janë më të larta se në tregun e lirë. Pas afatit, kontratat me furnizues të rregullt është e detyrueshme.

·         Marrëveshjet komerciale me KEK ofrojnë çmime konkurruese, furnizim të qëndrueshëm dhe transparencë.

·         KEK siguron furnizim referuar në çmimet e tregut të publikuara në bursën zyrtare të energjisë ALPEX.”

“Veproni tani! Lidhja e kontratës komerciale është hapi më i sigurt për të shmangur pasigurinë dhe kostot e larta të furnizimit përmes FMF-së.”

Continue Reading

Të kërkuara