

Kulturë
21 marsi – Dita Botërore e Poezisë
Dita Botërore e Poezisë është rasti për të nderuar poetët, për të promovuar leximin, shkrimin dhe mësimin e poezisë.
Published
3 years agoon
By
Betim GashiE mbajtur çdo vit më 21 mars, Dita Botërore e Poezisë feston një nga format më të çmuara të njerëzimit të shprehjes dhe identitetit kulturor dhe gjuhësor.
E praktikuar gjatë historisë – në çdo kulturë dhe në çdo kontinent – poezia flet për njerëzimin tonë të përbashkët dhe vlerat tona të përbashkëta, duke e shndërruar poezinë më të thjeshtë në një katalizator të fuqishëm për dialogun dhe paqen.
UNESCO miratoi për herë të parë 21 marsin si Ditën Botërore të Poezisë gjatë Konferencës së saj të Përgjithshme të 30-të në Paris në vitin 1999, me synimin për të mbështetur diversitetin gjuhësor përmes shprehjes poetike dhe për të rritur mundësinë që gjuhët e rrezikuara të dëgjohen.
Dita Botërore e Poezisë është rasti për të nderuar poetët, për të promovuar leximin, shkrimin dhe mësimin e poezisë, për të nxitur konvergjencën midis poezisë dhe arteve të tjera si teatri, vallëzimi, muzika dhe piktura. Ndërsa poezia vazhdon të bashkojë njerëzit nëpër kontinente, të gjithë janë të ftuar të bashkohen.
“E renditur me fjalë, e ngjyrosur me imazhe, e goditur me metër të duhur, fuqia e poezisë nuk ka asnjë ndeshje. Si një formë intime e të shprehurit që u hap dyert të tjerëve, poezia pasuron dialogun që katalizon gjithë përparimin njerëzor dhe është më i nevojshëm se ndonjëherë në kohë të turbullta”, ka thënë Audrey Azoulay, drejtoreshë e Përgjithshme e UNESCO-s, me rastin e Ditës Botërore të Poezisë 2022.
Para caktimit të 21 marsit, si dita botërore e poezisë, ishte 15 tetori që kremtohej në të gjithë botën me aktivitete të larmishme letrare, pasi përkonte me datëlindjen e poetit epik romak, Virgjil. Në disa vende kjo traditë e të festuarit në muajin tetor vazhdon të ruhet ende.
Me rastin e shënimit të kësaj dite, Lidhja e Shkrimtarëve të Kosovës mban sot takimin e saj tradicional letrar.
Magazinë
Amanda Seyfried huazon stilin e Julia Roberts në Festivalin e Filmit në Venecia
Published
24 minutes agoon
September 2, 2025By
UBT News
Amanda Seyfried tërhoqi vëmendjen në Festivalin e Filmit në Venecia me një pamje të ngjashme me atë të Julia Roberts.
Aktorja 39-vjeçare mbërriti në foto-konferencën e “The Testament of Ann Lee” e veshur me një xhaketë të madhe, xhinse blu dhe këmishë krem-kafe, duke e kompletuar dukjen me taka të zeza.
Ideja për këtë pamje lindi pasi Amanda pa veshjen e Julia-s në Instagram dhe i kërkoi stilistes së saj, Elizabeth Stewart, ta riprodhonte atë, shkruan DailyMail.
Stilistja konfirmoi më pas se Julia kishte qenë e lumtur që Amanda e huazoi pamjen e saj Versace për eventin.
Gjatë premierës, Amanda shkëlqeu edhe me një fustan saten pa rripa, blu të errët me detaje të kuqe, megjithëse pësoi një rrëzim të vogël teksa pozonte për fotografi. Ajo ruajti humorin dhe elegancën, duke u argëtuar me fotografët dhe kolegët e saj.
Më herët këtë vit, Amanda rrëfeu se kishte bërë gjashtë audicione për rolin e Elphabës në “Wicked”, duke treguar përkushtimin dhe pasionin e saj për projekte të rëndësishme.
Magazinë
I fejuari i Dua Lipës – “James Bondi i ri”?
Published
49 minutes agoon
September 2, 2025By
UBT News
Në ndryshimin e madh të koeficienteve të basteve, aktori britanik Callum Turner, i cili është i fejuari i shqiptares së famshme, Dua Lipa, është shfaqur si kandidati surprizë për të marrë rolin e ardhshëm të agjentit “James Bond”, duke sfiduar favoritët e deritanishëm.
Turner, i njohur për rolin e tij në “Fantastic Beasts”, tani qëndron menjëherë pas aktorit Aaron Taylor-Johnson, 34 vjeç, i cili prej kohësh shihet si pretendent kryesor.
Sipas kompanive të basteve, shanset për Callum, 35 vjeç, u rritën ndjeshëm pas një vale bastesh gjatë fundjavës. Ndërkohë, Henry Cavill, 41 vjeç, dhe Theo James, 40 vjeç, mbeten në garë, por nuk kanë fituar të njëjtën mbështetje së fundmi, ka raportuar FemaleFirst.
“Callum Turner ka qenë i popullarizuar në bastet për ‘James Bond’ gjatë fundjavës, duke na detyruar të ulim ndjeshëm kuotat që ai ta zëvendësojë Daniel Craigin. Meqenëse Turner po mbështetet shumë, dhe me Dua Lipën si favorite për të kënduar kolonën zanore të filmit të ardhshëm të ‘Bond’, ky çift i fuqishëm mund të jetë e ardhmja e kësaj franshize”, tha zëdhënësi i kompanisë, “Coral”, John Hill.
Turner është i fejuar me Lipën, që prej verës. Këngëtarja shqiptare prej kohësh shihet si kandidate për të interpretuar këngën të një “Bond”, duke ndjekur gjurmët e artisteve si Billie Eilish dhe Adele. Favorit mbetet Aaron Taylor-Johnson, pasuar nga Callum Turner, Henry Cavill e Theo James vijnë më pas. Në listë mbeten edhe emra të tjerë si Harris Dickinson, 28 vjeç, Tom Holland, 29 vjeç, dhe Jacob Elordi, 27 vjeç.
Romanca brenda botës së “James Bondit” nuk është e re. Vetë ylli Sean Connery, i cili vdiq në vitin 2020, kishte lidhje me aktoren Lana Wood gjatë xhirimeve të “Diamonds Are Forever” në vitin 1971, dhe thuhej se kishte qenë i lidhur edhe me Jill St John.
Spekulimet për Aaron Taylor-Johnson si “Bond” u ndezën sërish këtë qershor, gjatë premierës së filmit “28 Years Later” në Londër, kur ai u pyet nga Deadline për projektet e ardhshme.
“Nuk mund të flas për këtë”, u shpreh ai para se të largohej nga ekipi i tij.
Në maj, ka shtuar edhe më shumë dyshime pasi nënshkroi një marrëveshje me Omega, partneri historik i “Bond” për orët luksoze. Më parë ishte raportuar se producentja e “Bond”, Barbara Broccoli, e kishte preferuar për rolin, përpara se Amazon të merrte kontrollin e franshizës.
“Nuk është me të vërtetë puna ime të them asgjë”, ka thënë Aaron për Esquire.
Lifestyle
10 shprehi ditore që stërvisin trurin tuaj
Published
2 hours agoon
September 2, 2025By
UBT News
Ju gabimisht mund të mendoni se inteligjenca është diçka statike, e përcaktuar që nga lindja. Por, realiteti qëndron ndryshe. Mënyra si i’u qasemi situatave dhe ajo çfarë bëjmë të ushqejmë trurin, mund të rrit dukshëm kapacitetin tonë mental, shkruan “Time”.
Më poshtë e keni një listë prej 10 shprehive ditore, që nëse i përdorni, do të ndikojnë në rritjen e kapacitetit tuaj mental.
Shfrytëzoni mençurish kohën tuaj online
Mbani shënime për çfarëdo që mësoni.
Bëni një listë të gjërave që i keni realizuar.
Shpesh bëjmë listën e gjërave që duhet të bëjmë të nesërmen apo gjatë ditës. Mirëpo, është pozitive nëse përpilojmë një listë me gjërat që tashmë i kemi arritur, apo kemi mësuar gjatë ditës.
Luani lojëra elektronike stimuluese.
Lojëra të tilla si shahu mund të ndikojnë pozitivisht në inteligjencën tuaj.
Shoqërohuni me shokë të mençur
Ndonëse shoqërimi me njerëz më të mençur se ju mund të afektoj vetëvlerësimin, ajo ju bënë mirë në avancim. Mos harroni se inteligjenca është mesatarja e pesë shokëve/shoqeve më të afërm që ju ndani kohë me ta.
Shpjego për të tjerët
“Nëse nuk mund të sqaroni thjeshtë, ju nuk e kuptoni atë”, është një thënie e Albert Ajnshtajnit. Kur ju ua shpjegoni të tjerëve një mësim, ju e përforconi atë edhe më shumë për vete.
Bëni gjëra të reja
Bërja e gjërave të reja, si mësimi i ndonjë shkathtësie motorike, ndikon në forcimin e trurit tuaj.
Mësoni gjuhë të huaja
Nuk është e thënë që të jeni zotërues i mirë i secilës gjuhë. Me rëndësi që të dini disa fjalë bazike të gjuhëve që juve ju tërheqin.
Gjej kohë për qetësi
Nganjëherë ajo që është më e rëndësishmja të bëjmë, është t’i japim vetës kohë dhe hapësirë për të procesuar dhe organizuar gjërat që i kemi mësuar. Andaj, uluni në qetësi çdo ditë për ca kohë. Shpenzo disa kohë për të menduar, jo vetëm mësuar.
Magazinë
Lewis Capaldi: Gratë në muzikë përballen me një standard më të lartë se burrat
Published
2 hours agoon
September 2, 2025By
UBT News
Lewis Capaldi foli për diferencat mes artisteve femra dhe meshkujve në industrinë e muzikës. Në një intervistë për podcastin Creativo, 28-vjeçari theksoi se gratë përballen me një “shkop më të lartë matës” dhe analizë më të ashpër në krahasim me kolegët burra.
Duke diskutuar mbi rikthimin e muzikës pop, këngëtari veçoi emra si Chappell Roan, Sabrina Carpenter dhe Olivia Rodrigo, duke thënë se “janë gratë ato që po e udhëheqin këtë valë të re dhe po krijojnë muzikën më interesante të momentit”.
Capaldi shtoi se performancat e artisteve femra janë më të menduara dhe më të kompletuara, ndërsa shumë burra, përfshirë edhe atë, mjaftohen me të dalin në skenë me xhinse e një bluzë të thjeshtë.
“Një artiste femër nuk do të lejohej të këndonte në skenë me një T-shirt dhe pa bërë kujdes në detaje,” tha ai, duke e cilësuar këtë si të padrejtë.
Ai përmendi se ka përjashtime si Harry Styles, Benson Boone apo Conan Gray, që sjellin më shumë teatralitet në performancat e tyre, por theksoi se përgjithësisht gratë përballen me pritshmëri më të mëdha.
Pas një pauze dyvjeçare për shkak të ankthit e sindromës Tourette, Capaldi u rikthye duke surprizuar publikun në Glastonbury 2025.
“Është kaq mirë të jem sërish këtu,” tha ai me emocion, duke shtuar se donte të fliste pak për të mos shpërthyer në lot.

Apeli i Speciales kundër masës së paraburgimit për Isni Kilajn

Netanyahu: Trump më nxiti duke thënë harroni marrëveshjet e pjesshme, hyni me forcë të plotë

Ndalohet një i dënuar me dy vjet e gjysmë burg për fajde

Belgjika do të njohë shtetin palestinez në Asamblenë e Përgjithshme të OKB-së

Ekspertizë e avancuar dhe praktikë reale: Masteri në E Drejta Penale (LLM) në UBT

Ederson zyrtarisht portier te Fenerbahçe

Amanda Seyfried huazon stilin e Julia Roberts në Festivalin e Filmit në Venecia

I fejuari i Dua Lipës – “James Bondi i ri”?

Mbretëria e Bashkuar regjistron verën më të nxehtë të historisë
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Aktualitet1 week ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis