

Lajmet
10 përfitimet nga bashkëpunimet në vendin e punës
Bashkëpunimi ndodh atëherë kur ekipi punon së bashku dhe i kombinojnë aftësitë dhe përvojën.
Published
3 years agoon
By
UBT.NewsBashkëpunimi i suksesshëm e rritë kualitetin e ekipit, e nxit produktivitetin si dhe moralin e punonjësve.
Çka është bashkëpunimi? Ai ndodh atëherë kur ekipi punon së bashku dhe i kombinojnë aftësitë dhe përvojën. Ata e bëjnë këtë për të zgjidhur probleme, të gjejnë ide të reja ose edhe të krijojnë diçka inovative, por përfitimet nga bashkëpunimi në punë janë në numër më të madh.
Rritë produktivitetin
Kur anëtarët e ekipit bashkëpunojmë me të tjerët në një projekt, ata arrijnë t’i ndajnë detyrat dhe të operojnë në mënyrë më efikase si grup. Puna në grupe zakonisht i bën individët të jenë më të zellshëm për t’i përfunduar detyrat, për shkak të presionit të bashkësisë. Ata kanë zakonisht më shumë motiv sesa kur punojnë individualisht.
Pikëvështrime të ndryshme
Shumë ekipe kanë anëtarë të moshave, prejardhjeve dhe stileve të ndryshme të punës. Duke kombinuar përpjekjet, individët mund të mësojnë më shumë për njëri-tjetrin dhe të dëgjojnë nga këndvështrime të ndryshme. Dikush mund të sugjerojë një qasje unike për një detyrë ose të jetë në gjendje t’i kuptojë të tjerët shumë mirë.
Marrëdhënie të përmirësuara
Bashkëpunimi mund të jetë një mjet efektiv që ekipet të njihen më mirë me njëri-tjetrin. Të mësosh më shumë për të tjerët në vendin e punës mund të zbulojë aftësi dhe njohuri të rëndësishme, të cilat mund të jenë të dobishme për një projekt aktual ose të ardhshëm. Kjo gjithashtu mund të krijojë marrëdhënie më të forta midis kolegëve dhe të përmirësojë besimin e tyre në aftësitë e njëri-tjetrit.
Zgjidhje inovative
Kur ekipet punojnë së bashku, ata shpesh janë më inovativë. Individët mund të punojnë mbi idetë e njëri-tjetrit, duke çuar në zgjidhje më kreative dhe ide origjinale. Ideja e një personi mund të frymëzojë një mendim ose koment shtesë nga dikush tjetër. Një qasje bashkëpunuese u mundëson ekipeve të kombinojnë ekspertizën e tyre kolektive, për të ndërtuar diçka të madhe në fund.
Zgjidhja më efektive e problemeve
Nëse hasni një sfidë në punë, pyesni të tjerët për këshilla sepse kjo mund t’ju ndihmojë ta gjeni një zgjidhje më efikase. Një anëtar tjetër i ekipit tuaj mund të ketë përvojë të drejtpërdrejtë me çështjen ose detyrën në fjalë. Bashkëpunoni me dikë që e dini se ka cilësi ose aftësi që mund të përfitojnë nga një projekt ose situatë. Kjo mund t’ju ndihmojë të maksimizoni efektivitetin e zgjidhjeve tuaja dhe t’ju tregojë se si t’u qaseni sfidave të ngjashme në të ardhmen.
Më shumë qejf
Të punosh me një ekip është shpesh më argëtuese dhe gjallëruese sesa të punosh vetëm. Kur bashkëpunojnë me të tjerët, anëtarët e ekipit mund të ndajnë ide, t’i demonstrojnë teknika të reja njëri-tjetrit dhe të marrin këshilla nga njëri-tjetri. Puna ekipore shpesh mund të nxisë një ndjenjë komuniteti, duke i bërë të gjithë të ndihen sikur po e bëjnë një detyrë shumë të rëndësishme.
Rritja e njohurive
Kur bashkëpunojnë në një projekt, punonjësit shpesh mund të mësojnë nga njëri-tjetri. Puna me dikë nga një ekip tjetër ose në një pozitë tjetër mund t’ju japë qasje në njohuritë dhe përvojën e tyre. Duke rritur marrëdhëniet me kolegët tuaj, mund të mësoni rreth njohurive që kanë kolegët për atë industri ku punoni. Disa fusha të ekspertizës mund të mos lidhen drejtpërdrejt me punën, por mund të jenë ende një burim i vlefshëm nëse diçka për të cilën ata kanë njohuri shfaqet në një projekt.
Më shumë reagime të menjëhershme
Kur bashkëpunojnë me të tjerët, individët mund të marrin “feedback” të drejtpërdrejtë mbi idetë e tyre. Një anëtar i ekipit mund t’i inkurajojë ata të zhvillojnë një ide më tej, të shpjegojnë se si funksionon një koncept ose të sugjerojë një strategji të mundshme për t’iu qasur një projekti të ri. Reagimet e menjëhershme mund t’i ndihmojnë ekipet të kursejnë kohë dhe përpjekje të vlefshme, duke i lejuar anëtarët të investojnë energjinë e tyre në ide dhe veprime më efektive
Kultura e përmirësuar e punonjësve
Duke i zhvilluar marrëdhëniet e tyre, ekipet bashkëpunuese shpesh krijojnë mjedise më mbështetëse dhe inkurajuese në vendin e punës. Individët mund të ndihen më të sigurt duke u kërkuar të tjerëve këshilla ose ndihmë, më të gatshëm për të marrë pjesë në takime ose aktivitete në grup dhe më të vetëdijshëm për rolet e të tjerëve brenda zyrës ose vendit të punës.
Ndjenja e zhvilluar e komunitetit
Bashkëpunimi mund t’i ndihmojë individët të ndihen sikur i përkasin një ekipi. Sa më shumë të zhvillojnë marrëdhëniet e tyre dhe të rriten, aq më shumë mund të ndihen të mbështetur nga kolegët dhe vendi i punës. Në fund të fundit, kjo mund t’i ndihmojë ata të formojnë një ndjenjë komuniteti dhe mund të rrisë besnikërinë që ata ndjejnë ndaj njëri-tjetrit dhe ndaj kompanisë. Individët që ndihen sikur janë pjesë e një ekipi të vlefshëm mund të ndihen gjithashtu më të sigurt në vlerën dhe aftësitë e tyre./Akademi Pune/
Lajmet
Osmani pranoi letrat kredenciale nga ambasadori i ri i Hungarisë në Kosovë
Published
1 day agoon
May 30, 2025By
UBTnews
Presidentja Vjosa Osmani ka pranuar sot letrat kredenciale nga ambasadori i ri i Hungarisë në Prishtinë Laszlo Istvan Dux.
Gjatë ceremonisë, presidentja Osmani i uroi mirëseardhje ambasadorit Dux, duke theksuar faktin se Hungaria ka qenë ndër vendet e para që e ka njohur pavarësinë e Kosovës.
Osmani vlerësoi marrëdhëniet ndërmjet dy shteteve dhe shprehu përkushtimin për zgjerimin e mëtejshëm të bashkëpunimit në fusha me interes të përbashkët, veçanërisht në arsim dhe ekonomi, raporton KosovaPress.
Lajmet
Punëtorët e “Pastrimit” në ditën e nëntë të grevës
Published
1 day agoon
May 30, 2025By
UBTnews
Punëtorët e ndërmarrjes “Pastrimi” kanë hyrë në ditën e nëntë të grevës para Komunës së Prishtinës, duke kërkuar pagesën e borxhit prej 2.7 milionë euro që komuna i detyrohet ndërmarrjes.
Pavarësisht ndryshimeve klimatike, ata qëndrojnë në tenda ditë e natë dhe paralajmërojnë se nuk do të tërhiqen pa u realizuar kërkesat.
Nënkryetari i Sindikatës, Shpend Qosa, në një intervistë për Ekonomia Online tha se janë në pritje të një takimi vendimtar me zyrtarët komunalë, ndërsa theksoi se kërkesat kryesore janë sigurimi i naftës, pagave dhe stabilizimi i kompanisë.
“Sot kemi hyrë në ditë e nëntë të grevës, ne e kemi pasur një takim me zyrtarët komunal jemi në shqyrtim të kërkesave tona edhe sot jemi në pritje të një takimi. Deri sa të gjejmë një zgjidhje për kërkesat tona. Diçka konkrete nuk kemi që do të arrijmë një zgjedhje ne vazhdojmë punën dhe dalim në punë. Ato kërkesa tona që i kemi në takim kemi folur, edhe komuna ka dhënë disa zgjidhje të saj të cilat i kemi shqyrtuar. Sot i presim në takim për të arrijmë një marrëveshje, realisht kërkesat tona janë me pasur naftë paga dhe me stabilizuar gjendja e kompanisë. Punëtorët pagat i kanë marr”, ka thënë Qosa.
Punëtori Blerim Hajdini, i cili punon prej 16 vitesh në këtë ndërmarrje, tha se greva nuk do të ndalet pa u plotësuar kërkesat.
Ai shprehu shqetësimin për pagat e ulëta dhe borxhet personale, duke theksuar se paga mujore prej 425 euro është e pamjaftueshme për të përballuar jetesën.
“Jemi në grevë deri të na plotësohet kërkesat tona dhe kushtet tona nuk e kemi ndërmend ta ndalim grevën. Unë punoj që 16 vite këtu të gjithë kanë kredi të majme, unë i kam 15 euro kredi nuk mund t’ia dal assesi për arsye se paga është shumë vogël, e kemi 425 euro në kontratë. Kërkesa jonë është të na kthej borxhin 100 për qind dhe ta ndërpresin privatin menjëherë”, shtoi ai.
Lajmet
Ministria e Shëndetësisë paralajmëron 100 inspektorë të rinj për luftën kundër duhanit
Published
1 day agoon
May 30, 2025By
UBTnews
Ministria e Shëndetësisë po planifikon t’i punësojë edhe 100 inspektorë me qëllim të rritjes së kontrollit të përdorimit të duhanit në Kosovë, kështu tha ministri në detyrë i Shëndetësisë, Arben Vitia gjatë një konference për media në prag të Ditës Botërore Kundër Duhanit.
Ministri i Shëndetësisë, Arben Vitia tha se është lajm i mirë që në Kosovë ka rënie të përdorimit të duhanit për shkak të politikave të ndërmarra, por shtoi se ende duhet punë.
Vitia theksoi se miratimi dhe zbatimi i udhëzimit administrativ për vërejtjet e kombinuara shëndetësore në pakot e duhanit ka dhënë rezultatet e tij.
“Në Kosovë sipas STEPS përdorimi i duhanit është në rënie krahasuar me vitin 2011 apo hulumtimin paraprak, që natyrisht kjo është një lajm i mirë, ky është trend inkurajues që dëshmon efektivitetin e politikave të deritanishme, por një trend i pamjaftueshëm për qëllimet që ia kemi bërë vetes,” tha ai.
Ministri në detyrë i Shëndetësisë, Arben Vitia tha se me Ministrinë e Financave po shohin mundësinë t’i shtojnë kapacitetet inspektuese edhe për 100 inspektorë me qëllim të rritjes më të madhe të kontrollit të duhanit.
“Rritja e akcizës në 65 euro për kilogram sipas vendimit të qeverisë së Kosovës është tjetër sinjal që politikat fiskale po japin efekt… Kemi fuqizuar edhe kapacitetin inspektues përmes rekrutimit të rreth 30 inspektorëve të rinj që kanë ndihmuar në zbatim të ligjit, por natyrisht kjo akoma nuk është e mjaftueshme dhe vazhdon të mbetet sfidë serioze, prandaj kohëve të fundit në bashkëpunim me ministrinë e Financave po përgatisim një plan për angazhimin e rreth 100 vetave shtesë që ky ligj të zbatohet në përpikëri në të gjitha vendet ku nuk duhet të pihet duhani,” theksoi Vitia.
Lajmet
PDK-ja dorëzoi zyrtarisht në ZRRE kundërshtimin për daljen e bizneseve në tregun e lirë
Published
1 day agoon
May 30, 2025By
UBTnews
Partia Demokratike e Kosovës (PDK) ka dorëzuar sot në mënyrë zyrtare kundërshtimin e saj ndaj vendimit të Zyrës së Rregullatorit për Energji (ZRRE) për daljen e bizneseve në tregun e lirë, duke e cilësuar këtë vendim si të paligjshëm dhe të papërballueshëm për qytetarët.
Në një konferencë për media, deputeti i PDK-së, Abelard Tahiri, bëri të ditur se partia ka ndërmarrë hapa ligjorë për ta sfiduar këtë vendim brenda afateve të përcaktuara.
“Ngritja e çmimit e ka bërë të pamundur përballimin e kësaj kostoje të lartë nga rritja e çmimeve që do të pasojë nga vendimet e paligjshme të ZRRE-së. Ne sot, duke ndjekur hapat ligjorë, e kemi dorëzuar kundërshtimin tonë administratës në ZRRE. Jemi të bindur që qëndrimet e tyre do të jenë të njëjta. Ne do të presim 15 ditë për ta anuluar këtë. Nëse brenda 15 ditëve ata nuk e anulojnë, ne do ta procedojmë në departament,” tha Tahiri.

Lajm i mirë për pronarët e automjeteve elektrike

“Ëndrra pa kufi, Opera pa mure” – publikohen datat e Ramë Lahaj International Opera Festival

Këto zakone po ju pengojnë të jeni më inteligjent, ja cilat duhen shmangur

UBT International Smart Schools diplomon nxënësit e brezit të ri teknologjik – Ceremonia mbahet këtë të shtunë në Parkun Shkencor

Vitamina D mund të ngadalësojë plakjen

Von der Leyen: Evropa duhet të forcojë mbrojtjen, të pranojë Ukrainën në BE

Profesorët e UBT-së prezantuan projektin COWEB në takimin “Cluster” të organizuar nga Erasmus Plus Kosova

Studentët e programit Inxhinieri e Ndërtimit dhe Infrastrukturë në UBT realizojnë vizitë studimore në kuadër të moduleve “Mekanika e Dherave” dhe “Siguria në Punë”

Studentët e vitit të tretë në Menaxhment, Biznes dhe Ekonomi në UBT përfundojnë me sukses trajnimin praktik “Micro Business Game”
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur