Lajmet

Zyrtari ukrainas për sulmet në Mariupol: Mbi 50 sulme ajrore në vendin ku ndodhen të plagosurit rëndë

Kështu tha Mykhailo Vershynin, shefi i Policisë të Mariupolit.

Published

on

Një zyrtar ukrainas në Mariupol ka thënë për CNN se njësia e fundit e forcave ukrainase në Mariupol – respektivisht në kompleksin e çelikut Azovstal – është goditur nga sulmet ajrore më të rënda ruse deri më tani.

“Mbrëmë, fabrika u godit nga sulmet më të rënda deri më tani. Së pari, pati një sulm ajror masiv duke përdorur shtatë avionë Tu-22M3. Pastaj pati më shumë se 50 sulme ajrore”.

“Bombardimi u shkaktua në vendin ku ndodhen të plagosurit rëndë – në spital”, tha Mykhailo Vershynin, shefi i Policisë të Mariupolit, i cili ishte në Azovstal në mes sulmeve ajrore.

“Ekziston dyshimi se pas publikimit të fotove nga spitali, vendi është identifikuar nga armiku. Dhe aty nuk është bërë vetëm një bombardim, por një bombardim masiv. Ka rrënoja, ka njerëz nën rrënoja. Janë të vdekur dhe të plagosur, domethënë të plagosurit janë plagosur edhe një herë”, tha ai për CNN.

“Kjo është një shkelje e të gjitha normave dhe rregullave të luftës. Kjo është një shkelje e Konventës së Gjenevës”.

CNN nuk mund të konfirmojë në mënyrë të pavarur shtrirjen e sulmeve ajrore ruse dhe as viktimat që ato shkaktuan.

Kujtojmë se një javë më parë, presidenti rus Vladimir Putin tha se nuk kishte nevojë për të sulmuar zonën industriale rreth fabrikës së çelikut Azovstal. Putini i tha Shoigut se zona industriale duhet të mbyllet dhe atyre që mbeten në fabrikë duhet t’u ofrohet edhe një herë të dorëzohen në këmbim të jetës së tyre dhe të kenë një “trajtimi dinjitoz”.

Mbrojtësit e Azovstal kanë refuzuar të heqin dorë nga armët e tyre. Mendohet se ka disa qindra ushtarë ende atje, dhe qindra civilë./UBTNews/

Lajmet

Rama bën nderime pranë shtatores së heroit të Kombit Zahir Pajaziti

Published

on

By

Në kuadër të shënimeve të 27-vjetorit të Epopesë së UÇK-së, kryetari i Prishtinës, Përparim Rama, ka bërë nderime pranë shtatores së heroit të Kombit Zahir Pajaziti.

Rama ka thënë se fal të rënëve për liri ne sot mund të planifikojmë të ardhmen.

“Bëmë nderime për nder të ditëve të fillimit të UÇK-së, të familjes së komandantit legjendar Adem Jashari dhe të gjithë dëshmoreve të rënë për lirinë, pavarësinë, paqen që ne sot e kemi edhe arsyen që sot mundemi ta planifikojmë për vetën për të ardhmen tonë”, tha Rama.

Continue Reading

Bota

Trump: Trudeau nuk bashkëpunon për tarifat

Published

on

Presidenti amerikan Donald Trump ka kritikuar kryeministrin kanadez Justin Trudeau për dështimin në arritjen e një kompromisi për tarifat tregtare mes SHBA-së dhe Kanadasë. Në një postim në rrjetin e tij Truth Social, Trump shprehu zhgënjimin për mungesën e përparimit nga pala kanadeze, duke e lidhur këtë me qëndrimin e Trudeau-së në pushtet.

Lufta tregtare mes dy vendeve nisi kur administrata Trump vendosi tarifa mbi mallrat kanadeze, gjë që solli masa hakmarrëse nga Kanadaja. Trump theksoi gjithashtu mungesën e angazhimit të Kanadasë në luftën kundër trafikut të drogës. Ndërkohë, zyra e Trudeau-së deklaroi se kontaktet mes dy qeverive do të vazhdojnë.

Trump e akuzoi Trudeau për përdorimin e çështjes së tarifave si një taktikë politike për të mbetur në pushtet. Ai gjithashtu shprehu habi për faktin që Trudeau nuk mund të jepte një datë të saktë për zgjedhjet në Kanada, duke e parë këtë si një përpjekje për të manipuluar situatën.

Justin Trudeau, i cili kishte njoftuar dorëheqjen e tij në janar, do të largohet nga posti i kryeministrit brenda pak ditësh, pas zgjedhjes së një udhëheqësi të ri nga Partia Liberale. Zgjedhjet e reja federale në Kanada pritet të mbahen jo më vonë se tetori, megjithëse analistët nuk përjashtojnë mundësinë e mbajtjes së tyre më herët./UBTNews/

Continue Reading

Bota

Trump planifikon të eliminojë Departamentin e Arsimit

Published

on

Presidenti amerikan Donald Trump pritet të firmosë një urdhër ekzekutiv për eliminimin e Departamentit të Arsimit, në përputhje me premtimet e tij për reduktimin e madhësisë së qeverisë federale dhe shkurtimin e shpenzimeve. Dokumenti, i siguruar nga The Wall Street Journal, urdhëron Sekretaren e Arsimit, Linda McMahon, të marrë të gjitha hapat e nevojshëm për mbylljen e departamentit brenda kufijve ligjorë.

Në të njëjtën kohë, Departamenti i Çështjeve të Veteranëve (VA) ka njoftuar për pushimin nga puna të mbi 80,000 punonjësve, rreth 15% e fuqisë punëtore, për të kthyer nivelin e punësimit në gjendjen e vitit 2019. Sekretari Doug Collins ka deklaruar se kjo masë do të rrisë efikasitetin pa prekur shërbimet dhe përfitimet e veteranëve.

Shpërbërja e Departamentit të Arsimit kërkon një shumicë prej 60 votash në Senat, ndërkohë që ekspertët theksojnë se programet kryesore të tij, si financimi për studentët me aftësi të kufizuara dhe kreditë studentore, janë të mbrojtura me ligj dhe kanë mbështetje të gjerë politike. Plani konservator Heritage 2025 parasheh zhvendosjen e kompetencave të departamentit në nivel shtetëror, duke transferuar çështjet e të drejtave civile në Departamentin e Drejtësisë dhe administrimin e kredive studentore në Departamentin e Thesarit.

Ndërkohë, Elon Musk, i emëruar nga Trump në krye të Komisionit për Efikasitetin e Qeverisë, po udhëheq një ofensivë për të ulur shpenzimet publike. Këto reforma po kritikohen ashpër nga demokratët dhe sindikatat, të cilët i konsiderojnë këto masa brutale dhe të rrezikshme, veçanërisht për veteranët dhe studentët me nevoja ekonomike.

Reformat e Trump kanë nxitur reagime të forta, me sindikatat federale që paralajmërojnë pasoja të rënda për shërbimet publike dhe mbështetjen për veteranët. Demokratët i kanë cilësuar këto masa si një tradhti ndaj ish-ushtarëve dhe një shkatërrim të sistemit të arsimit dhe kujdesit për veteranët në SHBA./UBTNews/

 

Continue Reading

Lajmet

Hegseth: SHBA gati për çdo lloj lufte me Kinën

Published

on

Sekretari amerikan i Mbrojtjes, Pete Hegseth, deklaroi se Shtetet e Bashkuara janë të përgatitura për çdo lloj lufte, ndërsa tensionet me Kinën vijojnë të përshkallëzohen. Pas vendosjes së tarifave kufizuese nga SHBA, Kina u hakmor me rritje të reja tarifore për produktet amerikane dhe kufizime mbi kompanitë amerikane.

Në një intervistë për Fox News, Hegseth theksoi rëndësinë e fuqisë ushtarake për të parandaluar konfliktet. Ai paralajmëroi se SHBA përballet me fuqi të tjera që po rrisin shpenzimet ushtarake dhe modernizojnë teknologjitë për të sfiduar dominimin amerikan. Duke vënë theksin tek rreziqet globale, ai deklaroi se “ata që dëshirojnë paqen duhet të përgatiten për luftë”.

Në përgjigje të tarifave amerikane, Kina njoftoi rritje nga 10% deri në 15% për produkte bujqësore dhe ushqimore amerikane. Gjithashtu, 25 kompani amerikane u vendosën nën kufizime të reja eksporti dhe investimesh, me arsyetimin e sigurisë kombëtare. Kjo përshkallëzim i tensioneve tregtare dhe politike mes dy fuqive të mëdha shton pasiguritë në arenën ndërkombëtare./UBTNews/

Continue Reading

Të kërkuara