Sport

Zyrtare, Kosovare Asllani kalon te Milani

Asllani kalon te klubi i femrave të Milanit në një kontratë që do të zgjasë deri në vitin 2024.

Published

on

“Ka një sulmuese të re suedeze në qytet: mirë se erdhe Kosovare Asllani!”, kështu e prezanton Milani futbollisten me prejardhje kosovare.

Futbollistja suedeze me prejardhje kosovare, Kosovare Asllani edhe zyrtarisht është lojtarja më e re e gjigantit italian AC Milan.

Asllani kalon te klubi i femrave të Milanit në një kontratë që do të zgjasë deri në vitin 2024, nga Real Madridi, me të cilin sezonin që lamë pas bëri 20 paraqitje në të gjitha garat.

Ndërkaq, përgjatë atyre paraqitjeve, Asllani regjistroi gjithsej pesë gola, dy prej të cilëve erdhën nga pika e bardhë.

Përveç Real Madridit, 32 vjeçarja në të kaluarën ka qenë pjesë edhe e skuadrave si Paris Saint-Germain e Manchester City.

Ndërkaq, me Kombëtaren e Suedisë, Asllani deri tani ka arritur të bëjë 112 paraqitje, duke regjistruar gjithsej 29 gola.

Konfirmimin e Milanit për transferimin e Kosovare Asllanit e gjeni më poshtë.

“AC Milan ka kënaqësinë të njoftojë transferimin e Kosovare Asllanit, duke filluar nga sezoni 2022/2023.

Reprezentuesja suedeze, e cila ka luajtur për Paris Saint-Germain, Manchester City dhe Real Madrid, ka nënshkruar kontratë me klubin deri në vitin 2024”.

Lajmet

Fitore e madhe e Prishtinës së Re ndaj Prishtinës

Published

on

Prishtina e Re ka marrë një fitore të madhe ndaj Prishtinës me rezultat 3-2 në javën e 33-të të Superligës së Kosovës, pasi përmbysi disavantazhin prej dy golash.

Prishtina krijoi epërsi 0-2 me golat e Leotrim Kryeziut dhe Ardian Mujës, por vendasit reaguan fuqishëm. Ibrahim Kargbo shënoi dy herë, ndërsa Nedim Mekic realizoi nga penalltia për t’i siguruar Prishtinës së Re tri pikë të rëndësishme.

Ndeshja mori kthesë pas kartonit të kuq të Arjol Bllacës, që la Prishtinën me një lojtar më pak.

Pas kësaj fitoreje, Prishtina e Re mban gjallë shpresat për mbijetesë me 31 pikë, ndërsa Prishtina mbetet e katërta me 45 pikë.

Continue Reading

Lajmet

Finalja e Ligës së Kampionëve mes Arsenalit dhe PSG-së me orar të ri

Published

on

Arsenali dhe Paris Saint-Germain do të përballen në finalen e Ligës së Kampionëve më 30 maj në Budapest, në “Puskás Arena”. Arsenali eliminoi Atletico Madrid, ndërsa PSG kaloi Bayern Munich për të siguruar finalen.

UEFA ka vendosur që finalja të nisë në orën 18:00, në vend të orës tradicionale 21:00. Sipas organizatorëve, ndryshimi synon ta bëjë ndeshjen më të aksesueshme për tifozët në mbarë botën dhe të përmirësojë përvojën e shikimit.

Presidenti i UEFA-s, Aleksander Ceferin, tha se ky orar i ri e bën finalen më gjithëpërfshirëse dhe u jep tifozëve mundësi të shijojnë më shumë mbrëmjen pas ndeshjes.

Continue Reading

Lajmet

PSG mposht Bayernin dhe siguron finalen kundër Arsenalit

Published

on

Paris Saint-Germain siguroi finalen e Ligës së Kampionëve kundër Arsenalit pasi eliminoi Bayern Munichun në gjysmëfinale.

Ndeshja e kthimit në Allianz Arena nuk ishte aq spektakolare sa ajo e parë në Paris, por prapë ishte një përballje me nivel të lartë. PSG kaloi në epërsi shumë shpejt kur Khvicha Kvaratskhelia bëri një aksion të shkëlqyer dhe asistoi për Ousmane Dembelen, i cili shënoi pas vetëm tre minutash.

Bayern provoi të rikthehej në lojë, por nuk arriti të konkretizojë rastet. Harry Kane shënoi golin e tij të 55-të të sezonit në minutat shtesë, por ishte tepër vonë për skuadrën e Vincent Kompanyt.

Gjermanët kërkuan edhe një penallti në pjesën e parë, por arbitri nuk e dha sepse topi kishte prekur dorën pas një devijimi nga bashkëlojtari i tyre.

Në pjesën e dytë PSG krijoi më shumë raste, ndërsa Manuel Neuer bëri disa pritje të rëndësishme për Bayernin.

Tani PSG do të përballet me Arsenalin në finalen e madhe në Budapest më 30 maj.

Continue Reading

Lajmet

Irani ngre pikëpyetje për pjesëmarrjen në Botërorin 2026

Published

on

Pjesëmarrja e Iranit në Kupën e Botës 2026 mbetet e pasigurt për shkak të tensioneve politike me SHBA-në dhe Izraelin.

Presidenti i Federatës Iraniane të Futbollit, Mehdi Taj, deklaroi se Irani do të marrë pjesë si ekip i kualifikuar dhe se turneu organizohet nga FIFA, jo nga administrata amerikane. Ai theksoi se vendi pritës nuk është politik, por sportiv.

Sipas tij, Irani kërkon garanci se gjatë turneut nuk do të ketë fyerje ndaj simboleve shtetërore, veçanërisht ndaj Gardës Revolucionare Islamike. Ai përmendi edhe një incident në Kanada, ku delegacioni iranian pati probleme me vizat dhe sjelljen e autoriteteve të imigracionit.

Irani është parashikuar të luajë ndeshje në Los Angeles dhe Seattle, ndërsa FIFA ka deklaruar më herët se orari i ndeshjeve mbetet i pandryshuar, pavarësisht kërkesave për zhvendosje të tyre në Meksikë.

Continue Reading

Të kërkuara